Category: گجرات

گجرات (نمائندہ باغی ٹی وی) ڈپٹی کمشنر گجرات کا رمضان بازار جلالپورجٹاں کا اچانک دورہ۔ عملہ غائب، سٹالز خالی، سیکورٹی پولیس کی عدم موجودگی پر ڈاکٹر خرم شہزاد کا اظہارِ برہمی۔ تفصیل کے مطابق گزشتہ روز تقریباََ ساڑھے 5بجے شام ڈپٹی کمشنر گجرات ڈاکٹر خرم شہزاد نے رمضان سستے بازار جلالپورجٹاں کا اچانک دورہ کیا۔ رمضان بازار آمد پر انتظامیہ کی عدم موجودگی، پر تشویش کا اظہار کیا۔مارکیٹ کمیٹی کے سٹالز خالی دیکھنے پر سیکرٹری مارکیٹ کمیٹی سرور وڑائچ کے بارے میں باز پرس کی تو انہیں بتایا گیا کہ گزشتہ کئی یوم سے وہ مسلسل رمضان بازار سے غیر حاضر ہیں۔جس پر ڈاکٹر خرم شہزاد نے اس عمل کو غیر ذمہ دارانہ قرار دیا۔ چینی و کریانہ کے سٹالز بھی خالی ہونے پر بھی انھوں نے ذمہ داران کی کارکردگی کو مایوس کن قرار دیا۔ رمضان بازار کے سپوکس مین ضیغم رشید کو مخاطب کرتے ہوئے ہدایات جاری کیں کہ صبح 9 تا سہ پہر 6بجے رمضان بازار میں تعینات تمام عملے کو اپنی موجودگی یقینی بنانا ہوگی۔ جبکہ رمضان سستے بازار کے ثمرات عوام تک پہنچانے کے لئے تمام سٹاف کو تفویض کردہ ذمہ داریاں پوری کرنی ہونگی۔ جبکہ سیکورٹی پولیس کی عدم موجودگی پر بھی برہمی کا اظہار کیا۔

گجرات (چیف رپورٹر) مئیر گجرات کے حالیہ ضمنی الیکشن میں ن لیگ جیت تو گی لیکن گجرات کا مشہور اور بڑا ن لیگی گھرانہ ٹوٹ پھوٹ کا شکار رہا۔ یہ گھرانہ کوئی اور نہیں چوہدری تجمل حسین مرحوم کا گھرانہ ہے چوہدری تجمل حسین مرحوم کے فرزند سابق ایم این اے چوہدری مبشر حسین کافی عرصہ سے مسلم لیگ ق کے گجرات میں حریف ہیں اور مسلم لیگ ن گجرات کے ٹکٹ ہولڈر بھی ہیں لیکن جو عوام کو بظاہر جو نظر آرہا ہے اس کے مطابق گجرات میں صرف چوہدری مبشر حسین تنہا طور پر مسلم لیگ ن کے ساتھ کھڑے ہیں سابق مئیر گجرات حاجی ناصر محمود کے بقول چوہدری مبشر حسین کے بڑے بھائی کے بیٹے چوہدری بلال نیر جن کو چوہدری مبشر حسین نے ن لیگ کا چیئرمین بنوایا تھا انہوں نے مئیر گجرات کے ضمنی الیکشن میں اپنا ووٹ ق لیگ کے امیدوار میاں پرویز اختر پگانوالا کو دیا اور اپنے چچا چوہدری مبشر حسین کی سیاسی مخالفت کی اور جس پارٹی نے انہیں ٹکٹ دی اسکے ساتھ بھی بے وفائی کر ڈالی۔سابق میئر گجرات حاجی ناصر محمود کی بات میں دم یوں بھی نظر آتا ہے کہ سیاسی ورکرز اور ذرائع کے مطابق چوہدری مبشر حسین کے بھتیجے اور بھائی مئیر گجرات کے ق لیگی امیدوار اور ان کے ساتھیوں کے ساتھ کئی جگہوں پر دیکھے گئے ہیں یہ بات صرف بڑے بھائی یا بھتیجے پر نہیں رکتی۔ چوہدری مبشر حسین کے چھوٹے بھائی چوہدری اظہرحسین کے متعلق گجرات کے عوام اور ن لیگی یہ بات جانتے ہیں کہ وہ ہمیشہ مسلم لیگ ن اور بالخصوص چوہدری مبشر حسین کے دھڑے کے مخالف ہی سرگرم رہے ہیں چوہدری اظہرحسین ق لیگ کا ساتھ دے کر پاکستان مسلم لیگ ن اور چوہدری مبشر حسین کے خلاف جب بھی چلے ہیں انہیں ناکامی کا منہ دیکھنا پڑا ہے اب یہ پتا نہیں کہ وہ اس ناکامی کو اپنی ذاتی ناکامی تصور کرتے ہیں یا پھر ان ساری سرگرمیوں کے تسلسل میں وہ اپنے بھائی چوہدری مبشر حسین کو سیاسی شکست سے دوچار کرنا چاہتے ہیں چوہدری مبشر حسین اگرچہ گجرات میں پارٹی عہدیدران سے ناراض ہوں مگر وہ پارٹی کے ساتھ ہر مشکل وقت میں کھڑے رہے ہیں لیکن چوہدری اظہرحسین جو خود کو الیکشن کے دنوں میں ن لیگی کہتے ہیں مگر ہمیشہ چوہدری مبشر حسین کے حریفوں کے ساتھ نظر آتے ہیں خصوصی طور پر ق لیگ کے ساتھ ۔
اور پھر چاہے چیمبر کا الیکشن ہو یا جمخانہ کا اس میں بھی وہ ہمیشہ چوہدری مبشر حسین کی پارٹی اور دھڑے کے خلاف ہوتے ہیں جس کا نقصان ہمیشہ چوہدری مبشر حسین کی سیاست کو الیکشن میں ہوا ہے کیا چوہدری تجمل حسین مرحوم کی وفات کے بعد صرف چوہدری مبشر حسین اکیلے فرزند ہیں جو ق لیگ سے لڑائی لڑ رہے ہیں؟ باقی خاندان کی ہمدردی ق لیگ کے ساتھ ہے یا پھر بھائیوں کی آپسی رنجش ہے؟ کچھ بھی ہو اس کا نقصان چوہدری مبشر حسین کے ساتھ ساتھ ن لیگ پر بھی اثر انداز ہوتا آرہا ہے

گجرات (نمائندہ باغی ٹی وی)الخدمت فاﺅنڈیشن ضلع گجرات کے ذمہ داران کا اجلاس گزشتہ روز ضلعی دفترمیں منعقد ہوا صدارت صدرمیاں شبیراحمدخاور نے کی جماعت اسلامی پنجاب کے ڈاکٹرطارق سلیم نے اجلاس میں خصوصی شرکت کی اجلاس میں گجرات شادیوال روڈ پرالخدمت فاﺅنڈیشن کی جانب سے میگا فلاحی پراجیکٹ کے حوالے سے غوروخوض کیاگیا اورتجاویز لی گئیں میاں شبیراحمدخاور نے صوبائی امیرکوالخدمت فاﺅنڈیشن کی کارکردگی رپورٹ سے بھی آگاہ کیا اجلاس میں ضلعی جنرل سیکرٹری راجہ ساجد شریف،چوہدری عمران انور،یاسرسروش ،چوہدری خورشید احمد شباب فین ودیگربھی شریک ہوئے۔اجلاس میں الخدمت فاﺅنڈیشن کی جانب سے مختلف فلاحی پراجیکٹ کے حوالے سے بھی لائحہ عمل مرتب کیاگیا اوررمضان عید گفٹ پیکیج کوبھی ترتیب دیاگیا۔

گجرات (نمائندہ باغی ٹی وی ) را ئس کلب کا ماہانہ اجلاس گزشتہ روز مقامی ریسٹورنٹ میں منعقد ہوا ،اجلاس کی صدرات صدر سید سہیل شا ہ نے کی ، اجلاس میں ممبران کی کثیر تعداد شر یک تھی ،اس موقع پر رائس کلب کے سیکر ٹر ی امجد مجید بٹ نے اجلا س میں ایجنڈہ اور کلب کی ماہانہ رپورٹ پیش کی ، اجلاس میں سانحہ داتا دربار دھماکہ کی مذ مت کی گئی اور دھماکہ میں شہید ہو نے والے افراد کیلئے فاتحہ خوانی کی گئی ، اجلا س کے دوران چاولو ں کی ایکسپورٹ کے حوالے سے بھی تبادلہ خیال کیا گیا، صدر رائس کلب سید سہیل شاہ نے اجلاس سے خطاب کرتے ہوئے کہا کہ گجرات رائس کلب گجرات کے رائس ملرز کی باہمی کوششوں سے قائم ہونے والا شاندار اور قابل ستائش ادارہ ہے ،جس نے چاولوں کے بزنس سے وابستہ تمام شخصیات کو اپنے ساتھ منسلک کر کے انہیں ایک زبردست پلٹ فارم مہیا کر دیا ہے۔ اجلاس کے اختتام پر ممتاز رائس ملر نواز بٹ (گجرات فلور ملز)کی جانب سے ممبران کے اعزاز میں افطار ڈنر دیا گیا ۔

گجرات (نمائندہ باغی ٹی وی)سنٹرل نائب صدر پی ٹی آئی چوہدری ساجد یوسف چھنی‘ایم این اے سید فیض الحسن شاہ اور میاں مبین حیات نے اسلام آباد مرکزی آفس پی ٹی آئی میں مرکزی جنرل سیکرٹری چوہدری ارشد داد سے ملاقات کی انہیں گجرات کی پارٹی صورتحال سے آگاہ کیا اور گجرات میں تحرےک انصاف کو کامیاب بنانے میں خدمات کے بارے میں بتایا جس پر جنرل سیکرٹری چوہدری ارشد داد نے کہا ہے کہ چوہدری ساجد یوسف چھنی کی پارٹی کےلئے خدمات قابل فخر ہیں انہوں نے ہمیشہ پارٹی کےلئے کام کیا ہے بہت جلد انہیں مرکز یا پنجاب میں اہم ذمہ داریاں سونپی جائے گی جس میں وہ اپنی صلاحیتوں کو برﺅے کار لاتے ہوئے پارٹی کی مزید مضبوطی کےلئے اپنا کردار ادا کرینگے بعدازاں چوہدری ساجد ےوسف چھنی نے کہا ہے کہ پارٹی جو ذمہ داریاں سونپی گئی انشاءاللہ اس پر پورا اترینگے۔