Category: حیدرآباد

میرپورخاص،باغی ٹی وی( نامہ نگار سید شاہزیب شاہ کی رپورٹ )میرپورخاص پولیس کی تابڑ توڑ کارروائیاں ،بھتہ خور،منشیات فروش اور موٹرسائیکل چور گرفتار

تفصیلات کے مطابق ڈی آئی جی میرپورخاص جاوید سونہارو جسکانی اور ایس ایس پی کیپٹن ریٹائرڈ اسد علی چوہدری کی خصوصی ہدایت اور سرپرستی میں میرپورخاص پولیس کی تین مختلف کامیاب کارروائیاں، اقلیتی برادری کے ڈاکٹرز سے بھتہ مانگنے والے ملزمان گرفتار، میرپورخاص میں سرگرم موٹر سائیکلیں چوری کرنے والے گینگ سے چوری شدہ 06 موٹر سائیکل برآمد ، میرپورخاص کا بدنام زمانہ منشیات فروش بھی گرفتار کرلیا گیا ہے

پولیس کی کارروائیوں اقلیتی برادری سے تعلق رکھنے والے مالہی کالونی کے ڈاکٹر رائے چند ، ڈاکٹر گاندھی اور ڈاکٹر تیجارام کو مختلف حربوں سے بلیک میل کرنے اور قتل کی دھمکی دینے والے دو ملزمان کو گرفتار کر لیا ، ملزم عبدالستار شر اور اسکا بھائی ڈاکٹر رائے چند ، ڈاکٹر گاندھی ، ڈاکٹر تیجارام کو سوشل میڈیا کے ذریعے بلیک میل کر کے مختلف اوقات میں بھتہ وصول کرتے رہے البتہ کل ڈاکٹر رائے چند ولد گنگا رام ذات میگواڑ کی شکایت پر ملزمان ستار شر اور عبدالرزاق شر کے خلاف مقدمہ درج کر کے گرفتار کر لیا گیا۔

اس سلسلے میں مقدمہ نمبر 26/2024 زیر 386,387,50611,34 کے اندراج کے بعد دونوں ملزمان کو انچارج سی آئیPPC, R/1025D, Tele Graph Act 6/7ATA Act, دفعہ اے عنایت علی زرداری کی سربراہی میں ، انچارج ڈی آئی بی دانش بھٹی بمعہ ایس ایچ او سٹلائٹ ٹاؤن انسپکٹر غازی خان راجڑ اور ایس ایچ او مہران کامران ہالیپوٹہ نے مشترکہ کاروائی کرتے ہوئے نامزد ملزمان کو گرفتار کرلیا۔ گرفتار ملزمان سے مزید تفتیش جاری ہے ۔

اسی طرح میرپورخاص سی آئی اے پولیس نے ایک اور اہم کارروائی میں موٹر سائیکل چوروں سے 06 موٹر سائیکل برآمد کیں اور موٹر سائیکل چوروں کو گرفتار کرلیا

انچارج سی آئی اے عنایت علی زرداری کی سربراہی میں ہمراہ ٹیم بشمول ایس آئی اقبال جٹ، ایس آئی ھدایت اللہ ناریجو موٹر سائیکل چوروں کے خلاف مشترکہ اور کامیاب کرتے ہوئے غریب آباد تھانے کی حدود ریلوے قبرستان کوارٹرز سے میرپورخاص سٹی سے چوری ہونے والی 06 موٹرسائیکل برآمد کر کے 01 ملزم پرویز ولد تھانو خان لغاری سکنہ تعلقہ کوٹ غلام محمد کو گرفتار کر لیا. دو ملزمان نجف عرف نجو ولد لاہوتی لانگھانی سکنہ جام نواز علی اور جاوید ولد غلام نبی لانگھانی سکنہ جونیجو کوارٹر میرپورخاص فرار ، فرار ملزمان کی گرفتاری کے لئے چھاپے مارے جارہے ہیں۔

میرپورخاص پولیس نے ایک اور اہم کارروائی کرتے ہوئے ایس ایچ او جھڈو کی سربراہی میں بدنامہ زمانہ منشیات فروش نیاز عرف نیازو کھوسہ کو گرفتار کر لیا ، ملزم نیاز عرف نیازو کھوسہ ضلع بدین اور میرپورخاص کے درجنوں کیسز میں ملوث ہے، ملزم منشیات بالخصوص چرس کی بین الصوبائی اسمگلنگ میں ملوث رہا ہے ، ملزم کے قبضے سے 1200 گرام چرس بر آمد کر کے مقدمہ نمبر 2024/60 زیر دفعہ 9 نارکوٹکس ایکٹ کے تحت جھڈو تھانہ میں درج کیا گیا ہے اور ملزم سے مزید تفتیش جاری ہے۔

میر پور خاص پولیس کی کامیاب کارروائیوں میں شامل افسران انچارج سی آئی اے عنایت علی زرداری، ایس آئی دانش احمد انچارج ڈی آئی بی، ایس آئی ہدایت اللہ ناریجو ، ایس ایچ اوز سٹلائٹ ٹاؤن، مہران اور جھڈو کو بہترین کارروائی کرنے پر تعریفی اسناد دینے کا اعلان کیا گیا۔

ٹھٹھہ ،باغی ٹی وی (نامہ نگار بلاول سموں کی رپورٹ )جرائم پیشہ عناصر کے خلاف کارروائیاں جاری رکھتے ہوئی ٹھٹھہ پولیس کی ایک اور اہم کامیابی،پولیس مقابلے کے دوران ایکٹوکریمنل زخمی حالت میں گرفتار

تھانہ ٹھٹھہ کی حدود اٹک پٹرول پمپ ٹھٹھہ حیدرآباد روڈ اللہ کھائی کے قریب پولیس اور ملزمان میں فائرنگ کا تبادلے میں ایک ملزم کو زخمی حالت میں گرفتار کرلیا گیا، جس کی شناخت فضل شاہ ولد غلام مصطفیٰ شاہ رہائشی اصل لیاری کراچی حالیہ نئی آبادی گھارو سے ہوئی

ابتداعی تفتیش کے مطابق زخمی حالت میں گرفتار ملزم ٹھٹھہ کے مختلف علاقوں میں ڈکیتی، موٹر سائیکل چھیننے جیسے جرائم کی متعدد وارداتوں میں ملوث ہے

گرفتار ملزم کے قبضے سے پسٹل بھی برآمد ہوا ہے،ملزم کا مکمل کریمینل ریکارڈ چیک کیا جارہا ہے اور کیس کی مزید تفتیش جاری ہے
ٹھٹھہ پولیس کی جانب سے جرائم پیشہ افراد اور منشیات فروشوں کے خلاف کریک ڈاؤن جاری رہے گا

ٹھٹھہ ،باغی ٹی وی (نامہ نگار بلاول سموں کی رپورٹ) زمین کے تنازعہ پر 2 گروپوں میں تصادم،بچوں سمیت 8 افراد زخمی

تفصیل کے مطابق ٹھٹھہ کے قریب کے ڈی اے موری پر گاؤں سومار خلیفہ میں زمین کے تنازعہ پر بیلیچا برادری کے دو گروپوں میں تصادم ہواہے ،دونوں برادریوں کے معصوم بچوں سمیت 8 افراد زخمی ہوگئے۔ زخمیوں میں وکیو، علیم، حاجی دیدار، اور دوسرے شامل،

زخمیوں کو سول اسپتال مکلی منتقل کردیا گیا ہے، جس میں تین کی نازک حالت ہونے کی وجہ سے کراچی ریفر کردیا گیا

ٹھٹھہ ،باغی ٹی وی (نامہ نگار بلاول سموں کی رپورٹ) 7سالہ بچہ گلے میں چھالیہ پھنسنے ،مکلی ہسپتال میں بروقت طبی امداد نہ ملنے جاں بحق

تفصیلات کے مطابق گوٹھ دلمراد برفت کے رہائشی مینھن وسایو برفت کامعصوم 7 سالہ بچے کے سانس کی نالی میں چھالیہ سپاری کا دانہ پھنس گیا جس کے باعث اس کو اعلاج کے لئے سول ہسپتال مکلی لایا گیا ،مگر وہاں پر جدید مشینری اور تجربہ کار ڈاکٹر کی عدم دستیابی کے باعث بچے کو کراچی ریفر کیا گیا مگر کراچی جانے کے لئے 1122 ایمبولینس سروس وقت پرنہ ملنے کے باعثزیادہ وقت گذرنے کے سبب بچہ تڑپ تڑپ کرجاں بحق ہوگیا،

واضع رہے کہ سندھ سرکار نے ٹھٹھہ ضلع کے تمام ہسپتال بشمول سول ہسپتال مکلی کا کنٹرول مرف نامی غیرتجربہ کار این جی او کے حوالے کیا ہواہے اورعوام کوصحت کی سہولتیں دینے کیلئے مرف این جی او کو اربوں روپے کی بجٹ بھی دیا گیا ہے مگر مرف انتظامیہ کی طرف سے بڑی کرپشن اور جعلی و بوگس بلز کے ذریعے سارے فنڈز ہڑپ کردئے جاتے ہیں

سول اسپتال مکلی سمیت کسی بھی ہیلتھ سینٹر میں کوئی بھی صحت اور اعلاج کی سہولت میسر نہیں ہے، میڈیسن بھی باہر سے لانے کیلئے مریضوں کو پرچی لکھ کر دی جاتی ہے اور نہہی کوئی قابل اور اسپیشلسٹ ڈاکٹرز مقرر کیئے گئے ہیں، جس کے باعث معمولی بیماریوں میں مبتلا مریضوں کو بھی کراچی ریفر کیا جاتا ہے اور کراچی دور ہونے اور فرسٹ ایڈ نہ ملنے کی وجہ سے روزانہ کئی مریض تڑپ تڑپ کر مرجاتے ہیں،

عوامی وسماجی حلقوں نے سندھ حکومت سے مطالبہ کیا ہے کہ اس واقعہ کا فوری نوٹس لیتے ہوئے شفاف انکوائری کی جائے اور مرف این جی او سے ٹھٹھہ ضلع کے ہیلتھ سینٹرز کا کنٹرول واپس لے لیاجائے اور دئے گئےبجٹ کا آڈٹ کیا جائے اور خوربرد کی گئی رقم واپس کروا کر سول اسپتال مکلی سمیت تمام ہیلتھ سینٹرز میں علاج کی بہتر سہولتیں مہیا کی جائیں اور ریفرسسٹم کاخاتمہ کیاجائے.

ٹھٹھہ،باغی ٹی وی (نامہ نگار بلاول سموں)گھارو واٹر پارک میں کراچی کی رہائشی 6 سالہ بچی ڈوب کر جاں بحق،بچی کو پانی سے نکالنے کے بعد واٹر پارک انتظامیہ نے ایمبولینس نہیں منگوائی، ورثاء پرائیویٹ گاڑی میں بچی کو ہسپتال لے گئے ،جہاں ڈاکٹروں نے موت کی تصدیق کردی، واٹر پارک انتظامیہ صحافیوں کے سوال پرہتک آمیز رویہ

گھارو کے قریب سن وے واٹر پارک میں کراچی کی رہائشی معصوم چھ سالہ بچی صنم جوکہ اپنے گھر والوں کے ہمراہ سیرو تفریح کی غرض سے آئی ہوئی تھی ڈوب گئی ،بچی کو پانی کے تالاب سے نکالا گیا، ورثاء نے واٹر پارک انتظامیہ سے کئی دفعہ گذارش کی کہ ایمبولینس منگوا دیں، مگر انتظامیہ نے ایمبولینس نہیں منگوائی

واٹر پارک انتظامیہ نےبچی کے ورثاء سے کہا کہ پرائیویٹ گاڑی میں ہسپتال لے جائیں، بچی کو پرائیویٹ گاڑی میں گھارو رورل ہیلتھ سنٹر پہنچایا گیا ،جہاں ڈاکٹروں نے بچی کی موت کی تصدیق کردی

صحافیوں نے جب واٹر پارک انتظامیہ سے ایمبولینس نہ منگوانے کی وجہ پوچھی تو واٹر پارک انتظامیہ نے صحافیوں سےتضحیک آمیز رویہ پر اتر آئی

گھارو کے شہریوں اور صحافیوں نے بچی کے ورثاء سے اظہار ہمدردی کی اور لاش کراچی منتقل کرنے کے انتظامات بھی کروائے

شہریوں نے ڈی سی ٹھٹھہ اور دیگر حکام بالا سے مطالبہ کیا ہے کہ سن وے واٹر پارک انتظامیہ کے خلاف سخت کارروائی کی جائے اور حفاظتی انتظامات مکمل نہ ہونے تک واٹر پارک کو سیل کیا جائے اور بچی کے قتل کی ایف آئی آر واٹر پارک انتظامیہ اور مالکوں کے خلاف درج کی جائے.