Category: حیدرآباد

میرپور خاص ،باغی ٹی وی (نامہ نگار سید شاہزیب شاہ) اللہ کی راہ میں خرچ کرنے سے دلی خوشی محسوس ہوتی ہے. اب تک ذاتی خرچ پر کئی لوگوں کو حج اور عمرے کرا چکا ہوں،پہلے میں دوسری سیاسی جماعت سے تعلق رکھتا تھا اس کے بعد پیپلز پارٹی جوائن کی کیونکہ پیپلز پارٹی کا روٹی کپڑا اور مکان کا جو نعرہ ہے۔وہ میرے دل کو بھایا ہے۔اور اب پیپلزپارٹی میری روح میں رچ بس چکی ہے۔حاجی محمد علی

سندھ میں سیلاب اور کورونا کی وبا نے جب ڈیرے ڈالے تھے تو میں نے میری ذاتی ملکیت زبیدہ ہائٹس کے دروازے غریب عوام کے لئے کھول دئیے تھے، تمام فلیٹوں میں غریب خاندان رہائش پذیر تھے۔جن کے کھانے پینے کے تمام اخراجات میں اپنی جانب سے کرتا تھا اس دوران میرے پاس کئی لوگ آئے اور مجھے آفر بھی کی کہ اس میں ہمارا حصہ بھی ملا لو مگر میں نے ان سے کہا کہ اللہ نے مجھے اتنا عطا کیا ہے کہ میں نے ایک لمبے عرصے تک بھی کھلاتا رہوں تو مجھ پر کوئی اثر نہیں پڑے گا۔

ان خیالات کا اظہار اتحاد بین المذاہب سندھ کے نائب صدر میرپورخاص پیپلز پارٹی سے تعلق رکھنے والے چیئرمین یونین کونسل 8 حاجی محمد علی نے نجی ٹی وی کے پروگرام "نور سحر” میں اظہار خیال کرتے ہوئے کیا پروگرام کی میزبان نے استفسار کیا کہ آپ اپنی نیکیاں گنا رہے ہیں۔تو حاجی محمد علی نے انہیں برملا جواب دیا کہ میں نیکیاں گنا نہیں رہا ہوں بلکہ میں دوسرے شخص کو دعوت دے رہا ہوں کہ اگر اللہ پاک کی رضا اور خوشنودی حاصل کرنی ہے تو اس طرح کے نیک کام کرو اللہ پاک کی ذات خود راضی ہو جائے گی۔

پروگرام کی میزبان نے چیئرمین حاجی محمد علی سے یہ سوال بھی کیا کہ آپ کھلاڑیوں کی بہت حوصلہ افزائی کرتے ہیں۔اس بارے میں آپ کیا کہیں گے۔چیئرمین حاجی محمد علی نے جواب دیا ہے کہ میں بچپن سے ہی کھیلوں کا بہت زیادہ شوقین ہوں اور کھلاڑیوں سے محبت کرتا ہوں۔نور سحر پروگرام میں تین نعت خواں حضرات بھی بیٹھے ہوئے تھے پروگرام کی میزبان نے کہا کہ آپ ان کی کس طرح حوصلہ افزائی کریں گے۔حاجی محمد علی نے اسی وقت کہا کہ میں ان تینوں کو پانچ پانچ ہزار روپے دینے کا اعلان کرتا ہوں بھلے ان میں کسی کی بھی پوزیشن اول دوئم یا سوئم آئی ہو۔ ایک موقع پر پروگرام کی میزبان نے حاجی محمد علی سے کہا کہ کیا آپ مجھے حج کرا دیں گے۔جواب میں حاجی محمد علی کا کہنا تھا کہ جی ہاں کیوں نہیں اگر آپ کرنا چاہیں اور آپ مستحق ہوں تو میری جانب سے کھلی پیشکش ہے آپ حج کرسکتی ہیں۔

پروگرام کی میزبان نے حاجی محمد علی کے خیالات کے بارے میں جاننا چاہا کہ آپ اپنے علاقے میں کس طرح کی کارکردگی کا مظاہرہ کر رہے ہیں۔تو حاجی محمد علی نے جواب دیا کہ ہم نے اپنی یونین کونسل میں کنکریٹ ، صحت و صفائی ، سولر لائٹیں ، اور پیور بلاک کا کام گلیوں اور محلوں میں کروا کے منطقی انجام تک پہنچا دیا ہے۔جس کی وجہ سے ہماری یونین کونسل شہر کی دیگر یونین کونسلوں سے صاف ستھری نظر آتی ہے۔

اس کے بعد آخر میں پروگرام کے تمام شرکاء کا چیئرمین حاجی محمد علی کے ساتھ اجتماعی اور انفرادی طور پہ فوٹو سیشن کرایا گیا

ٹھٹھہ ،باغی ٹی وی (نامہ نگار بلاول سموں کی رپورٹ)عوامی پریس کلب ٹھٹھہ کے وفد کی ڈپٹی کمشنر سے ملاقات، مختلف امور پر تبادلہ خیال کیا گیا

ڈپٹی کمشنر منور عباس سومرو نے کہا ہے کہ صحافت پیغمبری پیشہ اور ریاست کا چوتھا ستون ہی نہیں بلکہ معاشرے کا عکس بھی ہے۔ ان خیالات کا اظہار انہوں نے عوامی پریس کلب ٹھٹھہ کے صدر بلاول سموں کی قیادت میں آئے ہوئے وفد سے ملاقات کے دوران گفتگو کرتے ہوئے کیا۔

اس موقع پر ڈسٹرکٹ انفارمیشن افسر محفوظ علی سومرو اور اسسٹنٹ عبدالشکور میمن بھی موجود تھے۔ ڈپٹی کمشنر نے کہا کہ صحافیوں کو اپنی ذمہ داریاں احسن انداز میں نبھانے کی ضرورت ہے، صحافت پر بھاری ذمہ داریاں عائد ہوتی ہیں کہ وہ معاشرتی برائیوں کے خاتمہ اور عام آدمی کے معیار زندگی کو بلند کرنے کے لیے اپنا بھرپور کردار ادا کریں۔

انہوں نے کہا کہ معاشرے کی اصلاح میں صحافیوں کا کردار انتہائی اہم ہے، تنقید برائے تنقید ہی نہیں بلکہ تنقید برائے اصلاح ہونی چاہیے، لہذا صحافی حضرات اچھی تجاویز دیں جو ضلع کی ترقی اور عوام کی سہولت سے متعلق ہوں تو اس پر عمل کیا جائے گا۔

انہوں نے کہا کہ ضلع کے تعمیر اور ترقی کیلئے کوششیں کی جائیں گی تاکہ یہاں کے عوام کو زیادہ سے زیادہ فائدہ حاصل ہو سکے۔

قبل ازیں عوامی پریس کلب ٹھٹھہ کے صدر بلاول سموں و دیگر ممبران نے ڈپٹی کمشنر کو ٹھٹھہ کا چارج سنبھالنے پر مبارکباد دیتے ہوئے گلدستہ اور اجرک کے تحائف بھی پیش کئے۔

اس موقع پر بلاول سموں نے کہا کہ ہم چاہتے ہیں کہ انتظامیہ سے مل کر کام کریں اور ضلعی انتظامیہ کے اچھے اور مثبت کام کی حوصلہ افزائی کریں جبکہ کمزوریوں کی نشاندہی کریں تاکہ مسائل حل ہو سکیں۔

صحافیوں کے وفد کی جانب سے ڈپٹی کمشنر سے دیگر مختلف امور اور مسائل پر بھی گفتگو کی گئی۔ وفد نے ڈپٹی کمشنر کو عوامی پریس کلب کے دورے کی دعوت دی جس پر انہوں نے جلد پریس کلب کا دورہ کرنے کی یقین دہانی کروائی۔

میرپورخاص،باغی ٹی وی (نامہ نگار سید شاہزیب شاہ کی رپورٹ ) یونین کونسل 4 کے چیئرمین حاجی فاروق ملک نے سٹیلائٹ ٹاؤن کے عوام کا دیرینہ مسئلہ حل کر دیا۔سٹلائٹ ٹاؤن کی 50 سال کے لئے دوبارہ لیز پر دینے سے متعلق چیئرمین حاجی فاروق ملک کی پیش کی گئی قرارداد میونسپل کارپوریشن کے اجلاس میں بھاری اکثریت سے منظور کی گئی۔منظور کی گئی قرارداد پر تمام کاغذی کارروائی بھی مکمل کر لی گئی۔

تفصیلات کے مطابق گذشتہ روز میونسپل کارپوریشن میرپورخاص کا انتہائی اہم اجلاس جس کی صدارت میئر میونسپل کارپوریشن میرپورخاص عبدالرؤف غوری کر رہے تھے۔مذکورہ اجلاس میں سٹیلائٹ ٹاؤن یونین کونسل 4 کے چیئرمین حاجی فاروق ملک جو کہ میرپورخاص کی "لیز کمیٹی میرپورخاص ” کے چیئرمین بھی ہیں۔ایک قرارداد جس کا تعلق میرپورخاص کے گنجان آبادی کے علاقے سٹیلائٹ ٹاؤن کی لیز سے متعلق تھا۔جبکہ دوسرا مسئلہ بھی میرپورخاص کے علاقے پاک کالونی کی لیز کا تھا۔جسے میرپورخاص لیز کمیٹی کے چیئرمین اور یونین کونسل چار کے چیئرمین حاجی فاروق ملک نے گذشتہ روز ہونے والے میونسپل کارپوریشن کے اجلاس میں آئندہ آنے والے 50 سالوں کے لئے دوبارہ لیز پر دینے کے مسئلے کو قرارداد کے طور پر پیش کیا ۔جسے مذکورہ ایوان نے باہمی اتفاق و اتحاد اور کثرت رائے سے منظور کر لیا۔

جس پر میونسپل کارپوریشن میرپورخاص کی جانب سے تمام کاغذی کارروائی بھی مکمل کر لی گئی اور اب یہ مسئلہ لوکل گورنمنٹ کی طرف روانہ کیا جائے گا۔جس پربقایا کاغذی کارروائی بھی جلد از جلد مکمل کر لی جائے گی۔

واضح رہے کہ سٹیلائٹ ٹاؤن کی عوام کا لیز سے متعلق دیرینہ مطالبہ تھا کہ حکمران پیپلز پارٹی سٹیلائٹ ٹاؤن کی لیز کا مسئلہ حل کرے۔یونین کونسل 4 کے چیئرمین حاجی فاروق ملک نے بھی اپنی الیکشن مہم کے دوران اور اس کے بعد بھی کئی جگہوں پر عوامی رابطوں کے جلسوں اور میٹنگوں میں اس بات کا برملا اظہار کیا تھا کہ انشاءاللہ سٹیلائٹ ٹاؤن کی لیز کا مسئلہ ہم جلد ہی حل کرائیں گے۔

چیئرمین حاجی فاروق ملک کے وعدے کے مطابق سٹیلائٹ ٹاؤن کی عوام کی لیز سے متعلق دیرینہ خواہش پوری کر دی گئی ہے۔سٹیلائٹ ٹاؤن کی عوام کا کہنا ہے کہ ہمارے یونین کونسل چار کے چیئرمین حاجی فاروق ملک انتہائی دیانت داری اور خوش اسلوبی سے اپنے کام کو انجام دے رہے ہیں اور خاص طور پر سٹیلائٹ ٹاؤن کی لیز کا مسئلہ چیئرمین حاجی فاروق ملک کے دور کا مسئلہ نہیں ہے سٹیلائٹ ٹاؤن کی لیز کا مسئلہ برسوں پہلے سے موجود ہے جسے حاجی فاروق ملک نے انتہائی محنت محبت اور خلوص کے ساتھ حل کرایا۔

ہم سٹیلائٹ ٹاؤن کی عوام یونین کونسل 4 کے چیئرمین حاجی فاروق ملک کے تہہ دل سے مشکور ہیں کہ انہوں نے عوامی جذبات کا احترام کرتے ہوئے برسوں سے سرد خانے میں پڑے ہوئے سٹیلائٹ ٹاؤن کی لیز سے متعلق اس مسئلے کو حل کرایا۔اس بارے میں جب یونین کونسل چار کے چیئرمین حاجی فاروق ملک سے رابطہ کیا گیا تو انہوں نے کہا کہ کل ہونے والے اجلاس میں میں نے سٹیلائٹ ٹاؤن اور پاک کالونی کے لیز کے مسئلے کو میونسپل کارپوریشن کے ایوان میں قرارداد کے طور پر پیش کیا جسے بھاری اکثریت اور کثرت رائے سے اسی وقت منظور کر لیا گیا۔

چیئرمین حاجی فاروق ملک نے کہا کہ سٹیلائٹ ٹاؤن اور پاک کالونی کی عوام کا یہ مسئلہ ان کا حق تھا جو کہ پاکستان پیپلز پارٹی نے عوام کا حق عوام کو دے دیا چیئرمین حاجی فاروق ملک نے ان تمام ارکان کا شکریہ ادا کرتے ہوئے کہا کہ میں تہہ دل سے مشکور ہوں ان تمام دوست ارکان کا جنہوں نے عوامی جذبات کے اس دیرینہ مسئلے کے حل کے لئے اپنا ووٹ دیا۔

اس موقع پر چیئرمین حاجی فاروق ملک کا کہنا تھا کہ میں میونسپل کارپوریشن کے چیئرمین عبدالرؤف غوری کا بھی تہہ دل سے شکریہ ادا کرتا ہوں کہ سٹیلائٹ ٹاؤن اور پاک کالونی کے لیز کے مسئلے کے لئے ان کی ہر وقت رہنمائی رہی۔انشاءاللہ تعالی ہم اپنی یونین کونسل کو انتہائی خوبصورت بنا کر دم لیں گے۔

واضح رہے کہ چیئرمین حاجی فاروق ملک اس سے پہلے سٹیلائٹ ٹاؤن گراؤنڈ نمبر 2 میں کھیلوں کی سرگرمیاں بحال کرانے کے سلسلے میں انتہائی اہم کردار ادا کر چکے ہیں جس کی وجہ سے سٹیلائٹ ٹاؤن گراؤنڈ نمبر 2 میں شب و روز کھیلوں کی سرگرمیاں جاری ہیں

میرپورخاص،باغی ٹی وی (نامہ نگار سید شاہزیب شاہ کی رپورٹ )میونسپل کارپوریشن کا اجلاس بلدیہ ہال میں میئر عبدالرؤف غوری کی صدارت میں منعقد ہوا .
اجلاس میں خصوصی شرکت ضلع کونسل چئیرمین میر انور علی تالپور ، ایس ایس پی میرپورخاص کیپٹن ریٹائرڈ اسد علی چوہدری ، ڈپٹی میئر سمیرا بلوچ ، چیف میونسپل آفیسر رفیق احمد سیہڑ ، پی پی پی رہنما میر حسن دھونکائی، عبدالسلام میمن ، یوسی چیئرمینوں نے بڑی تعداد میں شرکت کی .

اس موقع پر میئر عبدالرؤف غوری نے میرپورخاص شہر کی بہتری اور عوام کی بنیادی سہولیات کی فراہمی اور شکایات کے ازالے کے متعلق 16 نکاتی ایجنڈا پیش کیا جس میں سب سے پہلےصدر آصف علی زرداری کو دوسری بار اسلامی جمہوریہ پاکستان کے صدر منتخب ہونے پر میونسپل کارپوریشن میرپورخاص کی کونسل خراج تحسین اور مبارکباد پیش کی .

دیگر ایجنڈا میں گلستان مصطفی ہاؤسنگ اسیکم کے معاملات ،سٹیلائٹ ٹاؤن اور پاک کالونی کی ختم شدہ لیز کی بحالی کی منظوری ، میرپورخاص کارپوریشن میرپورخاص کی مارکیٹس ، دکانوں ، ہوٹلوں اور کیبن ، اسٹال کے کرایوں میں اضافہ کرنا ، خستہ و زبوں حال گوشت مارکیٹ کی تعمیر و مرمت ، کھپرو بس اسٹینڈ اور شہر کے مختلف علاقوں میں موجود میونسپل کارپوریشن میرپورخاص کے خالی پلاٹوں پر نئے پروجیکٹ جیسے شاپنگ پلازہ اور رہائشی فلیٹس تعمیر کروانے ، میرپورخاص کی حد میں پیپلز بس سروس کا افتتاح کروانا ،

میونسپل کارپوریشن میرپورخاص کی گورنمنٹ آف سندھ سے منظور شدہ شیڈول آف اسٹیبلشمنٹ کی خالی آسامیوں پر اہل امیدواروں کو مقرر کرنا ، واٹر و صفائی ٹیکس کے کمرشل اور ڈومیسٹک کنکشن کی شرح میں اضافے ، گلستان بلدیہ میں گراؤنڈ فلور پر ایک لائبریری ہال اور فرسٹ فلور پر جدید کمپیوٹر لیب کی تعمیر کروانا ،

میونسپل کارپوریشن میرپورخاص کی حدود میں واقع میونسپل ڈسپنسریوں کی تعمیر ، مرمت و بحالی ،میونسپل کارپوریشن میرپورخاص کی حدود میں عوامی بیت الخلاء کی تعمیر و مرمت کروانا ، میونسپل کارپوریشن میرپورخاص کی حد میں موجود مویشی باڑوں کی شہر سے باہر مختص مویشی کالونی میں منتقلی کرانے ،

میونسپل کارپوریشن میرپورخاص کی حدود میں واقع چوراہوں پر یادگار تعمیر اور قابل ذکر روڈز اور چوراہوں کو نامور شخصیات کے نام سے منسوب کروانا ، میرپورخاص کارپوریشن کے سکریپ کی نیلامی کرنا ، میونسپل کارپوریشن میرپورخاص کے میئر ، ڈپٹی میئر اور میونسپل کمشنر کے گاڑیوں کی خریداری کرنا ، میرپورخاص کارپوریشن میرپورخاص کے عارضی لائسنس لیز پر دی گئی پراپرٹی سے قبضہ جات ہٹانے کے متعلق ایجنڈا پیش کئے گئے جو کہ متفقہء طور پر منظور کرلئے گئے .

علاوہ ازیں میئر عبدالرؤف غوری نے ایجنڈا نمبر 2.3.4اور 5 پر کمیٹیاں بنانے کا بھی اعلان کیا جو متفقہء طور پر منظور کی گئیں . اس موقع پر میئر عبدالرؤف غوری نے کہا کہ میونسپل کارپوریشن میرپورخاص کی ہر ممکن کوشش ہے کہ میرپورخاص شہر کی فلاح و بہبود کے لیے کام کیا جائے . جس سے عوام کے مسائل حل ہونے کے ساتھ ساتھ شہر میں بہتری آ سکے .

اس موقع پر ضلع کونسل چئیرمین میر انور علی تالپور نے کہا کہ میونسپل کارپوریشن میرپورخاص نے میرپورخاص شہر کے بہتری کے لئے جو بھی ایجنڈے پیش کئے ہیں وہ پیپلز پارٹی کے منشور کی عکاسی کرتے ہیں کیونکہ پاکستان پیپلز پارٹی کا بھی میرپورخاص شہر کی بہتری و فلاح ترجیحات میں شامل ہے اور ہم سب مل کر اس ضلع کے عوام کی خدمت اور شہر کی بہتری کے لئے کام کریں گے .

اس موقع پر ایس ایس پی میرپورخاص کیپٹن ریٹائرڈ اسد علی چودھری نے کہا کہ میونسپل کارپوریشن میرپورخاص کی جانب سے پیش کئے گئے ایجنڈاز پر عمل درآمد کرکے میرپورخاص شہر کو رول ماڈل شہر بنایا جا سکتا ہے .

اجلاس میں ڈپٹی میئر سمیرا بلوچ نے بھی خطاب کرتے ہوئے کہا کہ میونسپل کارپوریشن میرپورخاص کمیٹی نے عوامی مسائل کے نشاندہی پر ایجنڈا رکھے ہیں اور یقیناََان کی منظوری سے شہر میں بہتری آئے گی اور ہم سب مل کر میرپورخاص شہر کی بہتری کے لئے کام کریں گے .

اس موقع پر پی پی پی رہنما میر حسن دھونکائی نے بھی خطاب کیا . اجلا س میں یو سی چیئرمین اور صحافیوں نے بھی شرکت کی .

میرپورخاص،باغی ٹی وی( نامہ نگار سید شاہزیب شاہ کی رپورٹ ) میئر میونسپل کارپوریشن میرپورخاص عبدالرٶف غوری رات دن کارپوریشن کے لئے جس طرح محنت کر رہے ہیں یہ قابلِ تحسین ہے ہم انہیں شہری حقوق کمیٹی سے کئے گئے وعدے پورے کرنے پر سلام پیش کرتے ہیں عبدالجبارخان۔

عید کے فوری بعد پورے کارپوریشن میں 8 سے زائد پیپلز بس سروسز کے ساتھ ساتھ ترقیاتی کام شروع کئیے جائیں گے ہمارا مقصد صرف خدمت ہے میئر عبدالرٶف غوری۔

ان‌خیالات کا اظہار مرکزی انجمن تاجران و شہری حقوق کمیٹی کے مرکزی نگران عبدالجبارخان نے میرپورخاص کارپوریشن کے میئرعبدالرٶف غوری سے ان کے دفتر میں خصوصی ملاقات کے دوران کیا عبدالجبارخان نے کہا کہ ہمیں فخر ہے کہ مرکزی انجمن تاجران کے نائب صدر و میئر میرپورخاص کارپوریشن عبدالرٶف غوری نے شہری حقوق کمیٹی اور عوام سے کیے وعدے دن رات انتھک جدوجہد کرنے کے بعد وفا کئے اور مسلسل کارپوریشن کے لئے اپنی خدمات سرانجام دے رہے ہیں ہم انہیں خراج تحسین و سلام پیش کرتے ہیں اور امید کرتے ہیں کے یہ اسی طرح عوامی مسائل کے لیے اپنے فرائض کو سرانجام دیتے رہیں گے

اس موقع پر میئر عبدالرٶف غوری نے کہا کےعید کے فوری بعد پورے کارپوریشن میں 8 سے زائد پیپلز بس سروسز کے ساتھ ساتھ ترقیاتی کام شروع کیے جائیں گے ہمارا مقصد صرف خدمت ہے بعدازاں عبدالرٶف غوری نے عبدالجبار خان کا شکریہ بھی ادا کیا۔

میرپورخاص،باغی ٹی وی( نامہ نگار سید شاہزیب شاہ کی رپورٹ ) بنا کسی رنگ و نسل اور مذہب کے انسانیت کی خدمت کرنا ہم سب کا فرض ہے اور اسلام بھی یہی درس دیتا ہے ۔

ان خیالات کا اظہار ایس ایس پی میرپورخاص کیپٹن ( ریٹائرڈ ) اسد علی چودہری نے ہندو برادری کے بڑے تہوار یعنی ہولی کے تہوار کے موقع پر میڈیا سے گفتگو کے دوران کیا۔

ایس ایس پی میرپورخاص اپنے آفس میں غیر مسلم پولیس اہلکاروں کو عید گفٹ دے رہے تھے۔

کیپٹن ریٹائرڈ اسد علی چودہری نے مزید کہا کہ اسلام ہمیں یہی درس دیتا ہے۔کہ ہم ایک دوسرے کی مذہبی رسومات کا احترام کریں۔عملی طور پر ایسا کر کے ہم کسی بھی دوسرے مذہب کے افراد کو اپنے مذہب کی طرف راغب کر سکتے ہیں۔اور تحفے تحائف دینے سے محبت میں اضافہ ہی ہوتا ہے۔

کسی سے مسکرا کر بات کرنے لینے سے آپ سے محبت کرنے والوں کی تعداد میں اضافہ ہوگا۔جب ہم نے ساتھ ساتھ رہنا ہے تو ہمیں ایک دوسرے سے محبتیں بھی بانٹنی چاہئیں