Category: اسلام آباد

آئی ایم ایف اور پاکستان کے مابین مذاکرات آج ہوں گے ،اسلام آباد میں ہونے والے مذاکرات میں پاکستانی حکام شریک ہوں گے،

باغی ٹی وی کی رپورٹ کے مطابق آئی ایم ایف کے ساتھ مذاکرات میں پاکستانی وفد کی قیادت مشیر خزانہ عبدالحفیظ شیخ کریں گے جبکہ وزارت خزانہ کے ڈی جی قرضہ جات،ایڈیشنل سیکریٹری بجٹ ونگ ،سرمایہ کاری ونگ کے ایڈیشنل سیکریٹری ، چیرمین ایف بی آر،چیرمین ایس ای سی پی ، پٹرولیم ڈویژن کے سیکریٹری ،سیکریٹری نجکاری ، پاورڈویژن کے سیکریٹری اورجوائنٹ سیکریٹری بھی شامل ہوں گے .اسلام آباد میں ہونے والے مذاکرات میں وزارت خزانہ ک تین ایڈیشنل سیکریٹریزاورایک سینیرجوائنٹ سیکریٹری شریک ہوگا،مذاکرات میں آئی ایم وفد کو نجکاری پروگرام ،گیس اور بجلی کی قیمتوں کے حوالہ سے بریفنگ دی جائے گی ،آئی ایم ایف کے ساتھ مذاکرات میں معاشی ترقی،پالیسی حکمت عملی اورآئی ایم ایف پروگرام کا جائزہ بھی لیا جائےگا.

واضح رہے کہ آئی ایم ویف کا وفد کا پاکستان کے دورے پر آیا ہوا ہے،.پاکستان اور آئی ایم ایف کے درمیان مذاکرات 10 مئی تک جاری رہیں گے۔گزشتہ روز آئی ایم ایف وفد نے وزارت توانائی حکام سے بھی مذاکرات کیے۔ آئی ایم ایف وفد نے بجلی اور گیس کے نرخوں میں بھی اضافہ تجویز کیا ہے جبکہ نقصان میں چلنے والے قومی اداروں کی تنظیم نو اور نجکاری بھی آئی ایم ایف کے مطالبات میں شامل ہے۔پاکستان نے مذاکرات میں آئی ایم ایف کو 6 سو ارب روپے سے زائد کے نئے ٹیکسز لگانے، بجلی اور گیس کے نرخ بڑھانے سمیت دیگر اہم یقین دہانیاں کرائی گئیں ،مذاکرات 10مئی تک جاری رہیں گے

وفاقی کابینہ کے اجلاس میں وفاقی وزیر نے مشیر اطلاعات پر سخت برہمی کا اظہار کیا

باغی ٹی وی کی رپورٹ کے مطابق وزیر اعظم عمران خان کی زیر صدارت اجلاس میں وفاقی وزیر غلام سرور خان نے فردوس عاشق اعوان پر برہمی کا اظہار کرتے ہوئے کہا کہ میرے خلاف بیان کیوں دیا جس پر مشیر اطلاعات نے کہا کہ میرامطلب کچھ اورتھا،بیان غلط نہ سمجھیں، وزیر اعظم نےکابینہ اجلاس میں دونوں وزراء کی بات کوسنا ۔

واضح رہے کہ فردوس عاشق اعوان نے کہا تھا کہ وزارت پیٹرولیم میں ڈاکا مارا گیا تھا اس لئے وزیر تبدیل ہوا

سابق وزیر اعظم نواز شریف کی ضمانت منسوخی پر نظرثانی کی درخواست سماعت کے لئے مقرر کر دی گئی ہے

باغی ٹی وی کی رپورٹ کے مطابق نواز شریف کی نظر ثانی کی درخواست پر سماعت 3 مئی کو سپریم کورٹ میں ہو گی۔ سماعت تین رکنی بینچ کرے گا۔ چیف جسٹس ،جسٹس سجادعلی شاہ اورجسٹس یحییٰ آفریدی بینچ کا حصہ ہیں

قومی اسمبلی اجلاس میں آئس کے نشہ کی روک تھام کے لئے بل قومی اسمبلی میں پیش کر دیا گیا

باغی ٹی وی کی رپورٹ کے مطابق نشہ آور اشیاء پر قابو پانے کے ایکٹ 1997 میں ترمیم کا بل قومی اسمنلی میں نور عالم خان نے پیش کیا جس کو قائمہ کمیٹی کے سپرد کردیا گیا۔ بل میں کہا گیا کہ ایک سو گرام تک ہیروئن یا آئس رکھنے یا فروخت کرنے کوناقابل ضمانت جرم قراردیاجائے،100 گرام تک آئس ہیروئن رکھنے پر دس سال تک قید،15 لاکھ روپے جرمانہ بل میں تجویز کیا گیا ہے، دوسری جانب انتظامی بنیادوں پرصوبہ ہزارہ بنانے کے لیے بل قومی اسمبلی میں پیش کر دیا گیا، بل علی خان جدون نےقومی اسمبلی میں پیش کیا، صوبہ ہزارہ کا بل قائمہ کمیٹی کے سپرد کردیا گیا

وزیر اعظم کی زیر صدارت وفاقی کابینہ کے اجلاس کے بعد بریفنگ دیتے ہوئے مشیر اطلاعات فردوس عاشق اعوان کی بولتی بند ہو گئی

باغی ٹی وی کی رپورٹ کے مطابق پی آئی ڈی میں میڈیا بریفنگ کے دوران فردوس عاشق اعوان کا گلا بیٹھ گیا وہ بول رہی تھیں لیکن ان کی آواز نہیں نکل رہی تھی، فردوس عاشق اعوان کے ہمراہ موجود فیصل واوڈا نے اس دوران موقع سے فائدہ اٹھاتے ہوئے صحافیوں کو مہمند ڈیم کے سنگ بنیاد کی تقریب میں شرکت کی دعوت دے ڈالی، فردوس عاشق اعوان نے گولیاں کھائیں، بعد ازاں پھر بولنا شروع ہو گئیں اور کابینہ کے فیصلوں سے آگاہ کیا۔

وزیر اعظم عمران خان کی زیر صدارت وفاقی کابینہ کے اجلاس کے بعد مشیر اطلاعات فردوس عازق اعوان نے میڈیا برفنگ میں بتایا کہ پٹرولیم کی قمیت چودہ روپے بڑھنی تھی ،وزیر اعظم نے اس کو واپس کیا اور کہا کہ اتنی قیمت نہیں بڑھائیں گے۔اوگرا نےتیل کی قیمت میں 14روپےبڑھانےکی سفارش کی گئی تھی ،وزیر اعظم نےتیل کی قیمتوں کےتعین کیلیےمعاملہ ای سی سی بھیج دیاگیاہے ۔انہوں نے کہا کہ رمضان میں لوڈشیڈنگ نہیں ہو گی، رمضان ہیکج کے لئے کمیٹی بنائی گئی ہے۔ عوام کو رمضان میں ریلیف دیں گے۔ فردوس عاشق اعوان نے مزید کہا کہ سرکاری اداروں میں کرپشن کی آگاہی دینےوالےکوبرآمدرقم کا20فیصدحصہ ملے گا،دیوانی مقدموں کوڈیڑھ سے2سال میں نمٹانےکیلیے قانون سازی کی جائےگی،حکومت جواصلاحات لارہی ہےاس پراجلاس میں تفصیلی بات ہوئی ،فردوس عاشق اعوان نے مزید کہا کہ رمضان میں اوقات کارصبح10سےسہ پہر 4بجے کیےگئےہیں۔

واضح رہے کہ فردوس عاشق اعوان کا تعلق سیالکوٹ سے ہے ،فردوس عاشق اعوان پیپلز پارٹی کے دور میں بھی وزیر اطلاعات رہ چکی ہیں۔

غریب عوام کو خوشخبری مل گئی حکومت نے پٹرول کی قیمت میں 14 اروپے اضافے کی تجویز پر نظر ثانی کا فیصلہ کر لیا

باغی ٹی وی کی رپورٹ کے مطابق وزیر اعظم عمران خان کی زیر صدارت وفاقی کابینہ کے اجلاس کے بعد مشیر اطلاعات فردوس عازق اعوان نے میڈیا برفنگ میں بتایا کہ پٹرولیم کی قمیت چودہ روپے بڑھنی تھی ،وزیر اعظم نے اس کو واپس کیا اور کہا کہ اتنی قیمت نہیں بڑھائیں گے۔اوگرا نےتیل کی قیمت میں 14روپےبڑھانےکی سفارش کی گئی تھی ،وزیر اعظم نےتیل کی قیمتوں کےتعین کیلیےمعاملہ ای سی سی بھیج دیاگیاہے ۔انہوں نے کہا کہ رمضان میں لوڈشیڈنگ نہیں ہو گی، رمضان ہیکج کے لئے کمیٹی بنائی گئی ہے۔ عوام کو رمضان میں ریلیف دیں گے۔ فردوس عاشق اعوان نے مزید کہا کہ سرکاری اداروں میں کرپشن کی آگاہی دینےوالےکوبرآمدرقم کا20فیصدحصہ ملے گا،دیوانی مقدموں کوڈیڑھ سے2سال میں نمٹانےکیلیے قانون سازی کی جائےگی،حکومت جواصلاحات لارہی ہےاس پراجلاس میں تفصیلی بات ہوئی ،فردوس عاشق اعوان نے مزید کہا کہ رمضان میں اوقات کارصبح10سےسہ پہر 4بجے کیےگئےہیں۔

سینٹ اجلاس میں وزراء کی عدم موجودگی کے باعث اپوزیشن نے بھر پور اھتجاج کیا جس کے باعث سینٹ اجلاس کی کاروائی روکنا پڑی

باغی ٹی وی کی رپورٹ کے مطابق سینٹ اجلاس میں وزراء کے نہ آنے پر اپوزیشن نے ایوان میں بھرپور احتجاج کیا، پیپلز پارٹی کے رہنما سینٹر رضا ربانی نے کہا کہ اتنی فوج ظفرموج ہے وزرا کی پھربھی ایوان میں نہیں آتے،پہلے ہی پارلیمان کو غیرموثرکردیا گیا ہے،وزیر نہیں آتے تو پھر کیا ہاؤس کو پیک اپ کردیں؟ جس پر سینٹر شبلی فراز نے کہا کہ کابینہ اجلاس کے باعث وزرا موجود نہیں،وزرا کچھ ہی دیر میں ایوان میں پہنچ جائیں گے ،اپوزیشن کے احتجاج کے بعد ڈپٹی چیرمین سینیٹ نے ایوان کی کارروائی 15 منٹ کیلئے ملتوی کردی ۔

تحریک انصاف کی حکومت کی جانب سے چار ماہ میں کتنا قرضہ لیا گیا اس حوالہ سے سینٹ میں تحریری جواب جمع کروا دیا گیا ہے۔

باغی ٹی وی کی رپورٹ کے مطابق حکومت کےستمبر2018سےجنوری2019کےدوران لیےگئے قرضوں کی تفصیلات سینٹ میں پیش کر دی گئی ہیں۔ تحریک انصاف کے حکومت نے 5ارب 68کروڑ10لاکھ ڈالرزغیرملکی قرضہ لیا ،تحریک انصاف کی حکومت نے چین سے 70 کروڑ،فرانس،جاپان سے بھی قرضہ لیا، حکومت نے ملکی اداروں سے 1185 ارب، غیر ملکی قرضی ایک ارب 68 کروڑ 10 لاکھ لیا۔ حکومت نے کمرشل بینکوں سے 42 کروڑ سے زائد کا قرض لیا۔ مختلف مالیاتی اداروں سے 21 کروڑ 10 لاکھ ڈالر قرضہ لیا گیا،۔ سعودی عر ب سے حکومت نے 3 ارب ڈالر کا قرضہ لیا۔

وزیر پٹرولیم عمر ایوب خان نے کہا ہے کہ گیس بحران موجودہ حکومت کوتحفے میں ملا،گیس کمپنیوں کی حالت بہتربنانےکیلیے گیس قیمت میں اضافہ ناگزیرتھا ۔

باغی ٹی وی کی رپورٹ کے مطابق وزیرپٹرولیم عمر ایوب کی زیر صدارت پٹرولیم ڈویژن میں اجلاس ہوا جس میں عمر ایوب خان نے کہا کہ اوگرادونوں سوئی کمپنیوں کےمتوقع اخراجات پرمبنی گیس کی اوسط قیمت کاتعین کرتی ہے ،2015سےاوگراکی سفارش کےباوجودجان بوجھ کرگیس کی قیمت میں اضافہ نہیں کیا گیا ،2سال تک گیس کی قیمت نہ بڑھنےسےسوئی ناردرن 141.8ارب روپےکی رقم واپس نہیں لےسکی ،اضافہ نہ ہونے سےسوئی سدرن 38.6ارب روپے واپس نہیں لےسکی ہے ۔انہوں نے کہا کہ 30 جون2018 تک مجموعی طورپر180 ارب روپےکی نہ حاصل شدہ رقم جمع ہوچکی تھی،سابقہ حکومت نےخوداپنی غلطی 17مئی 2018کوای سی سی میں تسلیم کیاتھا ،سابقہ حکومت کو گیس کی قیمت بڑھانی چاہیے تھی