Category: اسلام آباد

حنیف عباسی کی رہائی کے خلاف اے این ایف کی اپیل پر سپریم کورٹ نے اعتراض لگا دیا

باغی ٹی وی کی رپورٹ کے مطابق اے این ایف کیس میں مسلم لیگ ن کے رہنما حنیف عباسی کو ہائیکورٹ نے رہا کیا تھا. اے این ایف نے رہائی کے خلاف سپریم کورٹ میں اپیل کی ،سپریم کورٹ نے اپیل پر اعتراض لگایا کہ ہائیکورٹ کے فیصلے کے خلاف دائردرخواست کےکئی اوراق پڑھنے کے قابل نہیں .درخواست کےساتھ منسلک دستاویزات کی صاف ستھری کاپی دی جائے جس پر اے این ایف نے کہا کہ اپیل دفتری اوقات مکمل ہونےسے پہلےسپریم کورٹ میں جمع کرادے گا .

واضح رہے کہ لااہور ہائیکورٹ کی جسٹس عالیہ نیلم کی سربراہی میں 2 رکنی بینچ نے حنیف عباسی کی درخواست پر سماعت کرکے فیصلہ سنایا اور لیگی رہنما حنیف عباسی کی سزا معطل کی تھی. حنیف عباسی و دیگر ملزمان پر جولائی 2012 میں 500 کلو گرام ایفی ڈرین حاصل کرنے کا مقدمہ دائر کیا گیا تھا، اینٹی نارکوٹکس فورس (اے این ایف) نے حنیف عباسی سمیت دیگر ملزمان پر 9 سی ایکٹ کے تحت مقدمہ درج کیا تھا۔

مسلم لیگ ن اور پیپلز پارٹی حکمران جماعت کے خلاف ایک ہو گئیں

مسلم لیگ ن کےپارلیمانی لیڈرخواجہ آصف سے پیپلزپارٹی کے رہنما سید خورشید شاہ نے ااسلام آباد میں ملاقات کی ہے، اس موقع پرمسلم لیگ ن کے رہنما احسن اقبال، مریم اورنگزیب، رانا ثناء اللہ جبکہ پیپلز پارٹی کی شازیہ مری موجود تھیں ،.پیپلز پارٹی کے رہنمائوں نے خواجہ آصف کو پارلیمانی لیڈر بننے پر مبارکباد دی، دونوں جماعتوں کے رہنماوں کے مابین پی اے سی کے چیئرمین کے لئے رانا تنوی کی نامزدگی پر مشاورت بھی ہوئی. دونوں جماعتوں کے رہنماوں نے فیصلہ کہا کہ گورنراسٹیٹ بینک کی تقرری،معاشی بحران،پٹرولیم مصنوعات کی قیمتوں میں اضافے، مہنگائی پرحکومت کو ٹف ٹائم دیا جائے گا اور قومی اسمبلی اجلاس کےد وران احتجاج کیا جائے گا .

وزیراعظم عمران خان نے پنجاب اور خیبر پختونخواہ کے وزرائے اعلیٰ کو آج شام اسلام آباد طلب کر لیا

باغی ٹی وی کی رپورٹ کے مطابق وزیر اعظم عمران خان نے وزیرا علیٰ پنجاب اور خیبر پختونخواہ کو اسلام آباد طلب کیا ہے، وزیرا عظم کی زیر صدارت اسلام آباد میں اعلیٰ سطح کا اجلاس ہو گا، جس میں وزیراعلیٰ پنجاب عثمان بزدار اور وزیراعلیٰ خیبر پختونخوامحمود خان شریک ہوں گے ،پنجاب اور خیبر پختونخواہ دونوں صوبے نئے بلدیاتی نظام کا قانون اسمبلیوں سے پاس کرواچکے ہیں ، وزیراعلیٰ پنجاب عثمان بزدار وزیراعظم کو قانون سازی کے بعد کے اقدامات پر بریف کریں گے ، وزیراعلیٰ خیبرپختونخوا بھی آئندہ لائحہ عمل سے وزیراعظم کو آگاہ کریں گے .ملاقات میں صوبائی کابینہ کی کارکردگی پر بھی تبادلہ خیال کیا جائے گا

الیکشن کمیشن آف پاکستان نے مسلم لیگ ن کے انٹرا پارٹی الیکشن میں بے ضابطگیوں پر فل بینچ تشکیل دے دیا ہے.

باغی ٹی وی کی رپورٹ کے مطابق الیکشن کمیشن نے مسلم لیگ ن کے پارٹی الیکشن میں بے ضابطگیوں‌ پر فل بینچ بنا دیا ہے. الیکشن کمیشن میں درخواست گزار شجاع الرحمان پیش ہوئے ،مسلم لیگ ن کے وکیل جہانگیر جدون بھی الیکشن کمیشن میں پیش ہوئے .الیکشن کمیشن آف پاکستان کے ممبر پنجاب الطاف ابراہیم قریشی پر مشتمل 2 رکنی کمیشن نے سماعت کی ، مسلم لیگ ن کے وکیل نے استدعا کی کہ کیس کی تاریخ رمضان کے بعد مقرر کی جس پر الیکشن کمیشن کے ممبر پنجاب الطاف ابراہیم قریشی نے کہا کہ کیس کی سماعت سے متعلق تاریخ کا تعین بعد میں کیا جائے گا، الیکشن کمیشن آف پاکستان نے مسلم لیگ ن کے انٹرا پارٹی الیکشن میں بے ضابطگیوں پر فل بینچ تشکیل دے دیا ہے.

پیپلز پارٹی کی رہنما سینٹر شیریں رحمان نے کہا ہے کہ عمران خان کا لہجہ اب بھی کنٹینروالاہے وزیراعظم والا نہیں

باغی ٹی وی کی رپورٹ کے مطابق شیریں رحمان نے گفتگو کرتے ہوئے کہا کہ وزیراعظم معیشت اوراندرونی سیاسی بحران سےتوجہ ہٹانےکی کوشش نہ کریں ،عوام کی مہنگائی سےچیخیں نکال کرسیاسی بیان بازی کررہے ہیں. انہوں نے کہا کہ عمران خان کا بڑھتی بیروزگاری کا اعتراف تشویشناک ہے،عمران خان عوام کورمضان سےقبل پیٹرول کی قیمت بڑھانےکی خبربھی سنا دیتے .انہوں نے کہا کہ حکومت کے پاس ملکی مسائل کے حل کا کوئی پلان نہیں

سپریم کورٹ نےآیندہ ہفتے کا ججزروسٹراورکاز لسٹ جاری کردی

باغی ٹی وی کی رپورٹ کے مطابق سپریم کورٹ آف پاکستان میں آئندہ ہفتے مقدمات کی سماعت کے لئے چھ بینچ تشکیل دئیے گئے ہیں.چاربینچز اسلام آباد رجسٹری ، ایک لاہوراور ایک پشاور رجسٹری میں مقدمات سنے گا، سپریم کورٹ کے اعلامیہ کے مطابق بینچ نمبر1 چیف جسٹس آصف سعید کھوسہ ،جسٹس سردارطارق ،جسٹس سجادعلی شاہ پرمشتمل ہوگا ،اعلامیہ کے مطابق بینچ نمبر2جسٹس عظمت سعید،جسٹس قاضی فائزعیسٰی ،جسٹس فیصل عرب پر مشتمل ہوگا ،اعلامیہ کے مطابق بینچ نمبر3 جسٹس مشیرعالم، جسٹس اعجازالاحسن ،جسٹس یحیٰٰ آفریدی پرمشتمل ہوگا ،اعلامیہ کے مطابق بینچ نمبر4 جسٹس عمرعطاءبندیال ،جسٹس مقبول باقر،جسٹس منیب اخترپرمشتمل ہوگا ،اعلامیہ کے مطابق لاہوررجسٹری میں بینچ جسٹس منظورملک،جسٹس منصورعلی شاہ ،جسٹس قاضی محمد امین پرمشتمل ہوگا ،اعلامیہ کے مطابق پشاوررجسٹری میں بینچ جسٹس گلزاراحمد اور جسٹس مظہرعالم پر مشتمل ہوگا ،آیندہ ہفتےاسکول فیس کیس، طیبہ تشدد کیس سنے جائیں گے

مسلم لیگ ن کی ترجمان مریم اورنگزیب نے کہا ہے رمضان سے پہلے پٹرول کی قیمتوں میں اضافہ ثبوت ہے کہ ملک میں آئی ایم ایف کی حکومت ہے،

باغی ٹی وی کی رپورٹ کے مطابق مریم اورنگیزیب نے کہا کہ پٹرول مہنگا ، گیس اور بجلی مہنگی، کیونکہ وزیر ہی آئی ایم ایف کا ہے ،وزیر کے بعد اب گورنراسٹیٹ بنک اورایف بی آرکا چیرمین بھی آئی ایم ایف کا ہوگا، انہوں نے کہا کہ اپنی نااہلی اور نالائقی کا بدلہ عوام سے لیا جا رہا ہے ،کہاتھا نہ ہوشیاررہنا،چور،ڈاکواوراین آراوکےنعروں کاشورعوام پرنئےظلم کاپیش خیمہ ہوتا ہے،آئی ایم ایف جانے پرخودکشی کرنےکادعویٰ کرنیوالے نے ملک اورقوم کوآئی ایم ایف میں گروی رکھ دیا، انہوں نے کہا کہ عمران صاحب ٹیکس ریونیو میں 450 ارب کاخسارہ بھی کیا ن لیگ حکومت کی وجہ ہے؟

تحریک انصاف کی حکومت نے جمعیت علماء اسلام ف کے سربراہ مولانا فضل الرحمان سے سیکورٹی واپس لے لی ہے.

باغی ٹی وی کی رپورٹ کے مطابق حکومت نے معروف مذہبی رہنما مولانا فضل الرحمان سے سیکورٹی واپس لے لی ہے جس پر جمعیت علماء اسلام ف نے بھر پور احتجاج کیا ہے، جعمیت علماء اسلام ف کے ترجمان نے کہا کہ حکومت وقت نے مولانا سے سکیورٹی واپس لے لی ہے مولانا فضل الرحمن کو کوئی نقصان پہنچا تو ذمے دار حکومت ہو گی۔

واضح رہے کہ مولانا فضل الرحمان قومی کشمیر کمیٹی کے سابق چیئرمین اوراہم سیاسی ومذہبی رہنما ہیں۔ ان پر تین خودکش حملے اور ان کے گھر پر تین حملے ہو چکے ہیں .

حریت رہنما یاسین ملک کی اہلیہ مشعال ملک نے کہا ہے کہ پاکستانی حکومت، عوام میرے شوہر کی رہائی کے لئے میری مدد کرے اور میری آواز بنے

باغی ٹی وی کی رپورٹ کے مطابق یاسین ملک کی اہلیہ مشعال ملک نے اپنے ایک ویڈیو پیغام میں کہا کہ بھارت میرے شوہر یاسین ملک کو قتل کرنے کا منصوبہ بنا چکا ہے، یاسین ملک کو تہاڑ جیل کے ڈیتھ سیل میں رکھا گیا ہے، انہوں نے بھارتی مظالم کے خلاف چودہ دن تک بھوک ہڑتال کی. مشعال ملک نے مزید کہا کہ اقوام متحدہ ، انسانی حقوق کی تنظیمیں، پاکستانی حکومت اور عوام میری مدد کرے.یاسین ملک کو جیل میں بدترین تشدد کا نشانہ بنایا جا رہا ہے وہ بیمار بھی ہیں.

واضح رہے کہ حریت رہنما یاسین ملک کی ہمشیرہ نے گزشتہ روز پریس کانفرنس کرتے ہوئے کہا کہ یاسین ملک کوجس سیل میں قید کیا گیا ہے وہ ایک پنجرہ ہے ، ان کی طبیعت کافی خراب ہے، اگر وہ اسی پنجرہ میں قید رہے تو زیادہ دن زندہ نہیں رہ سکیں گے. یاسین ملک کی ہمشیرہ نے کہا کہ بھارت سرکار نے یاسین ملک پر بہت ایکٹ لگائے مگر ہمیں ان کی پرواہ نہیں، لیکن آج وہ جس سیل میں قید ہیں وہاں ان کی جان کو خطرہ لاحق ہے. اس موقع پر یاسین ملک کی والدہ بھی موجود تھیں جو زارو قطار روتی ہیں. یاسین ملک کی ہمشیرہ نے عالمی ا نسانی حقوق کے اداروں سے نوٹس لینے کا مطالبہ کیا ہے.