Category: اسلام آباد

پاکستان کے وزیر داخلہ اعجاز شاہ نے کہا ہے کہ لاہور دھماکا خود کش ہے

باغی ٹی وی کی رپورٹ کے مطابق وزیرداخلہ اعجاز شاہ نے میڈیا سے گفتگو کرتے ہوئے کہا کہ دھماکا میں ایلیٹ کی گاڑی کو ٹارگٹ کیا گیا ہے ،جس طرح کڑیاں ملتی جائیں گی تحقیقات میں پیش رفت ہوگی.

واضح رہے کہ داتا دربار کے گیٹ نمبر دو کے قریب ایلیٹ فورس گاڑی پر دھماکے سے پانچ پولیس اہلکاروں سمیت دس افراد شہید ہو گئے. وزیر اعظم نے واقعہ کی رپورٹ طلب کر لی تھی جبکہ وزیر اعلیٰ پنجاب نے اپنی تمام مصروفیات ترک کر دیں اور فوری امن و امان کا اجلاس بلا لیا تھا،

قومی اسمبلی کا اجلاس جاری ہے، وزیر اعظم عمران خان قومی اجلاس میں شریک ہیں،

باغی ٹی وی کی رپورٹ کے مطابق اپوزیشننے وزیر اعظم کے قومی اسمبلی میں نہ آنے پر احتجاج کیا تھا ، آج وزیراعظم عمران خان قومی اسمبلی اجلاس میں شرکت کے لئے پہنچ چکے ہیں، اجلاس جاری ہے جس کا آغاز تلاوت قرآن مجید سے ہوا، اجلاس میں شرکت سے قبل وزیر اعظم نے پارلیمانی پارٹی کے اجلاس میں شرکت کی.

پپلز پارٹی کے چیئرمین بلاول زرداری نے کہا ہے کہ مقدس مہینے کے دوران لوگوں کا خون بہانے والے شیطانیت کے پیروکار ہیں

باغی ٹی وی کی رپورٹ کے مطابق بلاول نے لاہور دھماکے کی شدید مذمت کرتے ہوئے قیمتی جانوں کے ضیاع پر افسوس کا اظہار کیا ہے. بلاول نے مطالبہ کیاہے کہ داتا دربار دھماکے میں ملوث درندوں کوقانون کی گرفت میں لایا جائے اوردھماکے کے زخمیوں کے لیے بہترعلاج معالجے کویقینی بنایا جائے ،بلاول زرداری نے مزید کہا کہ بربریت کےبیوپاریوں کومرکزی دھارےمیں لانے کی نہیں، جڑ سے اکھاڑ پھینکنے کی ضرورت ہے، انہوں نے کہا کہ افسوس ہے، دائیں بازو کی حکومتیں نیشنل ایکشن پلان کو سرد خانے سے باہرنکالنا نہیں چاہتیں،انہوں نے مزید کہا کہ دہشتگردی کے خلاف پولیس کی قربانیاں بھی ناقابل فراموش ہیں .

سینیٹ کے اجلاس میں جمعیت علماء اسلام ف کے سینیٹر نے امریکا کی جیل میں قید ڈاکٹر عافیہ صدیقی کی رہائی سے ہونے والے اقدامات پر حکومت سے وضاحت مانگ لی،کہا بتایا جائے حکومت کیا اقدامات کر رہی ہے

باغی ٹی وی کی رپورٹ کے مطابق سینیٹ اجلاس میں سینیٹر طلحہ محمود نے کہا کہ سینیٹ کی کمیٹی امریکا میں ڈاکٹرعافیہ صدیقی سے ملاقات کرنے گئی تھی .اس کیس کے حوالے سے کچھ نہیں ہورہا،ڈاکٹرعافیہ صدیقی کا کیس متعلقہ قائمہ کمیٹی کو بھجوائیں،سینیٹر طلحہ محمود نے مزید کہا کہ موجودہ حکومت سمیت ہرحکومت نے عافیہ صدیقی کا کیس امریکا کے ساتھ ہرسطح پر اٹھایا؟ جس پر وزیر پارلیمانی امور اعظم سواتی نے کہا کہ میرے بچےاوربہنوئی امریکا میں ڈاکٹرعافیہ کے کیس پرکام کررہے ہیں، چیرمین سینیٹ نے ڈاکٹرعافیہ صدیقی سے متعلق کیس متعلقہ قائمہ کمیٹی کو بھجوا دیا .وزیر خارجہ شاہ محمود قریشی نے ڈاکٹر عافیہ صدیقی کے حوالے سے سوال کا تحریری جواب دیتے ہوئے کہا کہ ڈاکٹر عافیہ صدیقی سزاکیخلاف اپیل پرآمادہ ہو گئی ہیں ،عافیہ صدیقی اپنے کیس سے متعلق مکمل باخبر ہیں ،امریکی نظام کے مطابق عافیہ خود اپیل کرسکتی ہیں.

سینیٹ کا اجلاس سینیٹ کے چیئرمین محمد صادق سنجرانی کی زیر صدارت جاری ہے، اجلاس میں وزراء کے نہ آنے پر چیئرمین سینیٹ نے برہمی کا اظہار کیا ہے

باغی ٹی وی کی رپورٹ کے مطابق سینیٹ اجلاس میں داتا دربار دھماکے کے شہداء کے لئے دعا کی گئی. وقفہ سوالات مین وفاقی وزراء کی عدم موجودگی کے باعث اپوزیشن نے ایوان کا واک آوٹ کر دیا. چیئرمین سینیٹ نے کہا کہ وزیر اجلاس میں کیوں نہیں آتے ،افسوس کی بات ہے. جس پر وزیر پارلیمانی امور اعظم سواتی نے کہا ہے کہ قومی اسمبلی کا اجلاس ہے، اس وجہ سے وزراء وہاں مصروف ہیں، چیئرمین سینٹ نے کہا کہ قومی اسمبلی اورسینیٹ میں مختلف وزارتوں کی کارروائی کے دن الگ ہوتے ہیں.

توہین مذہب کے مقدمے میں ہائیکورٹ سے سزائے موت اور سپریم کورٹ سے رہا ہونے والی آسیہ مسیح نے پاکستان چھوڑ دیا

باغی ٹی وی کی رپورٹ کے مطابق سپریم کورٹ سے سزا ختم ہونے کے بعد آسیہ مسیح اسلام آباد میں مقیم تھیں، گزشتہ رات وہ پاکستان چھوڑ کر کینیڈا چلی گئی. وزیر اعظم عمران خان نے اپنے ایک انٹرویو میں کہا تھا کہ آسیہ جب چاہے پاکستان چھوڑ سکتی ہے.

واضح رہے کہ سپریم کوٹ نے 31 اکتوبر 2018 کو لاہور ہائیکورٹ کا فیصلہ کالعدم قرار دیتے ہوئے آسیہ مسیح کو توہین مذہب کے الزام سے بری کر دیا تھا ۔ آسیہ مسیح کی رہائی کے خلاف مذہبی جماعتوں نے احتجاج بھی کیا تھا .

وزیر اعظم کی معاون خصوصی برائے اطلاعات فردوس عاشق اعوان نے کہا ہے کہ وزارت تعلیم مدارس کےکام میں رکاوٹ ڈالنے کیلیے نہیں سہولت کاری کریگی .

باغی ٹی وی کی رپورٹ کے مطابق وفاقی کابینہ کے اجلاس کے بعد میڈیا بریفنگ میں فردوس عاشق اعوان نے کہا کہ مدارس کی رجسٹریشن صرف وزارت تعلیم کے ماتحت ہو گی،کابینہ میں ای سی سی کےفیصلوں کی توثیق کی گئی ہے ،برازیل کے ساتھ سمجھوتے کی توثیق کی گئی ،فردوس عاشق اعوان نے مزید کہا کہ مدارس وزارت تعلیم کے ماتحت نہیں بلکہ منسلک کیے گئے ہیں 30 ہزارمدارس کوریگولرائز کرنےسےمتعلق وفاقی وزیرتعلیم نےبریفنگ دی،وزارت تعلیم مدارس کےکام میں رکاوٹ ڈالنےکیلیےنہیں سہولت کاری کریگی،مدارس کے طلباکو ان کا تعلیم کا جائزحق دینا چاہتے ہیں،چاہتے ہیں کہ مدارس کے طلبا کودور حاضر کے تقاضوں سے ہم آہنگ کیا جائے، فردوس عاشق اعوان نے مزید کہا کہ عوام کولوڈشیڈنگ سے بچانے کے لیے ترجیحات طےکی ہیں،سحروافطارمیں بجلی کی بلاتعطل فراہمی یقینی بنانےکی ہدایت کی گئی،

پٹرول کی قیمتون میں اضافے کے خلاف پیپلز پارٹی نے سینیٹ میں تحریک التوا جمع کروا دی

باغی ٹی وی کی رپورٹ کے مطابق پیپلز پارٹی کی پارلیمانی لیڈر شیریں رحمان پٹرولیم مصنوعات کی قیمتوں میں اضافے کو سینیٹ میں اٹھانے کا فیصلہ کرتے ہوئے تحریک التوا جمع کروا دی ہے. جس میں کہا گیا ہے کہ پٹرول قیمتوں میں اضافے سےعوام پرمزید بوجھ بڑھ گیا ہے،رمضان کی آمد ہوتے ہی پٹرول سمیت دیگر اشیا کی قیمتوں میں اضافہ تشویشناک ہے ،شیری رحمان نے یوان کی معمول کی کارروائی معطل کرکےمعاملے پربحث کا مطالبہ کیا.

پیپلز پارٹی کے رہنما خورشید شاہ نے دعویٰ کیا ہے کہ موجودہ چیئرمین ایف بی آر شبر زیدی پر مقدمات ہیں،

باغی ٹی وی کی رپورٹ کے مطابق خورشید شاہ نے کہا ہے کہ اصل این آر او دینے والا اگر نواز شریف کو بھی این آر او دے دے تو کیا کیا جاسکتا ہے. خورشید شاہ نے انکشاف کیا کہ حفیظ شیخ کو آئی ایم ایف کے کہنے پر تعینات کیا گیا ہے،موجودہ چیئرمین ایف بی آر شبر زیدی پر مقدمات ہیں، خورشید شاہ کا مزید کہنا تھا کہ اسد عمر کو عہدے سے ہٹانے میں تحریک انصاف کے لوگوں کے ساتھ باقررضا کا بھی کردار رہا.

حریت رہنما یاسین ملک کی اہلیہ مشعال ملک نے کہا ہے کہ یاسین ملک سے ملنے کے لئے اقوام متحدہ سے درخواست کی ہے، دیگر عالمی اداروں سے بھی رجوع کروں گی

باغی ٹی وی کی رپورٹ کے مطابق مشعال ملک نے یواین کی کنٹری ہیڈ آگنیسیوارتضا سے ملاقات کی، ملاقات کے دوران مشعال ملک نے یاسین ملک کی قید اورشوہرسے ملنے کے لیے تحریری درخواست دے دی ،درخواست میں لکھا گیا کہ یاسین ملک کے ساتھ بھارتی جیل میں بدترین سلوک کیا جا رہا ہے ،مودی سرکارکا منصوبہ ہےکہ یاسین ملک کوماردیا جائے ،درخواست میں مزید لکھا ہے کہ یاسین ملک کو نقصان کی ذمہ داربھارتی حکومت ہوگی، مشعال ملک نے ملاقات میں یواین کنٹری ہیڈ سےیاسین ملک سے ملنےکی درخواست کی ہے،مشعال ملک نے اقوام متحدہ سےویزااورسکیورٹی دینےکی بھی درخواست کی ہے ،مشعال ملک کا کہنا تھا کہ یاسین ملک کی صحت بہت خراب ہو چکی ہے ان کی بہن ان سےملی ہےجوبہت خوفناک صورتحال بتارہی ہے یاسین ملک کی بیٹی کوبھی دھمکیاں دی جا رہی ہیں ،اقوام متحدہ کےعلاوہ دیگرعالمی اداروں کوبھی خطوط لکھوں گی