وفاقی وزیر داخلہ شاہ محمو قریشی نے کہا ہے کہ ن لیگ کےرہنما تذبذب کا شکار ہیں ،گینگ آف فور مسلم لیگ ن کے سارے فیصلے کررہا ہے
باغی ٹی وی کی رپورٹ کے مطابق اسلام آباد میں وزیر خارجہ شاہ محمود قریشی نے پریس کانفرنس سے خطاب کرتے ہوئے کہا کہ شہبازشریف قومی سلامتی کی پارلیمانی کمیٹی کےبھی رکن ہیں جمہوریت میں عہدوں کی تبدیلی معمول کا حصہ ہوتی ہیں پی اےسی پارلیمنٹ کی سب سےاہم کمیٹی ہے،پارلیمانی لیڈرکی اچانک تبدیلی سےپارلیمنٹ کی کارروائی متاثرہوتی ہے،کابینہ میں تبدیلی پرطوفان برپاکیا گیا تھا
رمضان المبارک کے لئےو زیر اعظم عمران خان نے حکم دیا کہ سحری و افطاری کے اوقات میں لوڈ شیدنگ نہ کی جائے جس پر وفاقی وزیر میدان میں آگئے
باغی ٹی وی کی رپورٹ کے مطابق وفاقی وزیرعمر ایوب نے کہا کہ رمضان میں سحری کیلیے رات دوسے صبح 6 بجے تک لوڈشیڈنگ نہیں ہوگی، افطارکیلیےشام6 سےرات11 بجے تک بھی لوڈشیڈنگ نہیں ہوگی .
واضح رہے کہ وزیر اعظم عمران خان کی زیر صدارت رمضان پیکج کے حوالہ سے اجلاس ہوا جس میں صوبائی وزراء اورمتعلقہ سیکرٹری صاحبان نے وزیراعظم کواقدامات سےآگاہ کیا.وزیر اعظم عمران خان نے اجلاس سے خطاب کرتے ہوئے کہا کہ حکومت کوعوام کی مشکلات کامکمل ادراک ہے ،حکومت کی کوشش ہے کہ عوام کوہرممکنہ ریلیف فراہم کیا جا سکے ،منافع خوری اورذخیرہ اندوزی کی شکایت کسی صورت برداشت نہیں کی جائے گی.انہون نے کہا کہ انتظامیہ ایسےعناصر کےخلاف فوری ایکشن کویقینی بنائے ،وزیر اعظم نے مزید کہا کہ سحروافطارکےاوقات میں بجلی اورگیس کی دستیابی کویقینی بنایاجائے.
اسلام آباد ہائیکورٹ نے پاکستانی شہری کو امریکہ کے حوالہ کرنے سے حکومت کو روکتے ہوئے کہا کہ ایک خط کی بنیاد پر کسی کو امریکہ کے حوالہ نہیں کیا جا سکتا
باغی ٹی وی کی رپورٹ کے مطابق اسلام آباد ہائیکورٹ کے جسٹس محسن اختر کیانی نے محفوظ فیصلہ سنایا جس میں امریکی تفتیشی افسرکوپاکستان میں انکوائری مجسٹریٹ کے سامنے پیش ہونے کا حکم دیا گیا ہے. عدالت نے پاکستانی شہری کو امریکہ کے حوالے کرنے سے روک دیا اورکہا کہ ایک ٹی سی ایس میں بھیجے گئے خط پرکسی کو امریکا کے حوالے نہیں کیا جاسکتا، عدالت نے حکم دیا کہ انکوائری مجسٹریٹ 60 روزمیں طلحہ ہارون کا فیصلہ کرے،امریکی تفتیشی افسراور طلحہ ہارون کے وکلا کوسن کر فیصلہ کیا جائے،طلحہ ہارون پرامریکی الزام میں کیا حقیقت ہے،فیصلہ پاکستان میں انکوائری مجسٹریٹ کرے،امریکی تفتیشی افسراپنی رپورٹ اورشواہد پاکستان میں مجسٹریٹ کے سامنے پیش کرے .
واضح رہے کہ امریکا نےدہشتگردی کےمنصوبے کےالزام میں طلحہ ہارون کی حوالگی کا مطالبہ کیا تھا ،پاکستان میں کوئٹہ کے رہائشی طلحہ ہارون کو2016 میں گرفتار کیا گیا تھا.اکیس سالہ طلحہٰ ہارون پر دولت اسلامیہ (داعش) کے ملزم ہونے کا الزام ہے اور ان کے خلاف 2016 میں نیویارک کے ٹائمز اسکوائر اور زیرِ زمین ٹرانسپورٹ نیٹ ورک پر حملوں کی منصوبہ بندی کا مقدمہ درج ہے۔ انھیں امریکا کے حوالے کرنے کی کارروائی جاری تھی جسے ان کے والد ہارون الرشید نے اسلام آباد ہائی کورٹ میں چیلنج کیا تھا۔ امریکا نے پاکستان سے طلحہ ہارون کو حوالے کرنے کا مطالبہ کیا تھا جس کے لیے امریکی وزیر خارجہ جان کیری نے پاکستان کو خط لکھا تھا .
وزیر اعظم عمران خان نے حکم دیا ہے کہ رمضان المبارک میں سحری و افطاری کے اوقات میں گیس اور بجلی کی لوڈ شیڈںگ نہ کی جائے.
باغی ٹی وی کی رپورٹ کے مطابق وزیر اعظم عمران خان کی زیر صدارت رمضان پیکج کے حوالہ سے اجلاس ہوا جس میں صوبائی وزراء اورمتعلقہ سیکرٹری صاحبان نے وزیراعظم کواقدامات سےآگاہ کیا.وزیر اعظم عمران خان نے اجلاس سے خطاب کرتے ہوئے کہا کہ حکومت کوعوام کی مشکلات کامکمل ادراک ہے ،حکومت کی کوشش ہے کہ عوام کوہرممکنہ ریلیف فراہم کیا جا سکے ،منافع خوری اورذخیرہ اندوزی کی شکایت کسی صورت برداشت نہیں کی جائے گی.انہون نے کہا کہ انتظامیہ ایسےعناصر کےخلاف فوری ایکشن کویقینی بنائے ،وزیر اعظم نے مزید کہا کہ سحروافطارکےاوقات میں بجلی اورگیس کی دستیابی کویقینی بنایاجائے.
وزیرا عظم عمران خان بھی جھوٹی خبروں پر خاموش نہ رہ سکے، ٹویٹر پر پیغام دے دیا
باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر وزیر اعظم عمران خان نے قرآن مجید کی ایک آیت اور اس کا انگلش میں ترجمہ شیئر کیا ساتھ ہی لکھا کہ جو جھوٹی خبریں پھیلاتے ہیں ان کے لئے ، سماجی رابطوں کی ویب سائٹ ”ٹویٹر“ پر جمعہ کو اپنے پیغام میں وزیر اعظم نے قرآن پاک کی سورة بقرہ کی آیت نمبر 42 انگریزی ترجمے کے ساتھ ٹویٹر پر شیئر کرتے ہوئے کہا کہ ”جو جھوٹی خبریں پھیلاتے ہیں ان کے لئے“ قرآن پاک کا واضح حکم ہے جس میں کہا گیا ہے کہ ”حق کو باطل کے ساتھ نہ ملاﺅ اور نہ ہی سچ بات کو جان بوجھ کر چھپاﺅ“ ۔
جو جھوٹی خبریں پھیلاتے ہیں ان کیلئے: pic.twitter.com/lToeVPqsAZ
— Imran Khan (@ImranKhanPTI) May 3, 2019
واضح رہے کہ وزیر اعظم عمران خان نے آزادی صحافت کے عالمی دن پر وزیر اعظم عمران خان نے ٹویٹ کی ہے.
وزیر اعظم کی مشیر برائے اطلاعات فردوس عاشق اعوان نے کہا ہے کہ بیماری بہانہ اصل نشانہ لندن جانا ہے ،جب نیب اپوزیشن لیڈرکوبلاتا ہے تووہ بیمارہوجاتے ہیں،
باغی ٹی وی کی رپورٹ کے مطابق اسلام آباد میں میڈیا سے گفتگو کرتے ہوئے فردوس عاشق اعوان نے کہا کہ ن لیگ نےاپوزیشن لیڈراورپارلیمانی لیڈرتبدیل کردیا ہے ،جب نیب اپوزیشن لیڈرکوبلاتا ہے تووہ بیمارہوجاتے ہیں .لاپتا لیڈرآف اپوزیشن لندن کی سڑکوں پرنظرآتے ہیں .فردوس عاشق اعوان نے کہا کہ نواز شریف علاج معالجے سے زیارہ کاروبار پر لگے رہے، صحت پر توجہ نہیں دی، جیل پر ضمانت کے بعد ایک دن بھی ہسپتال میں داخل ہوئے، بیماری بہانہ اصل نشانہ لندن جانا ہے. میاں برادران کو سوچنا چاہئے کہ عدالتیں حقائق پر چلتی ہیں. جو حقائق سامنے آ رہے ہیں وہ جھوٹ کے ذریعے عوام کو ورغلانے کا سلسلہ دم توڑ چکا ہے،اب بھی وقت ہے اپوزیشن عوامی مفاد میں آگے بڑھے، ادارے اپنا کام کریں، عوام کو ریلیف دینے کے لئے اپوزیشن ساتھ دے.
سابق وزیر اعظم نواز شریف کی مستقل ضمانت کی درخواست پر سپریم کورٹ نے سماعت کرنے کے بعد ضمانت میں توسیع کی درخواست مسترد کر دی، سپریم کورٹ نےنوازشریف کوعلاج کیلئےبیرون ملک بھیجنےسےانکارکردیا
باغی ٹی وی کی رپورٹ کے مطابق چیف جسٹس سپریم کورٹ آصف سعید کھوسہ کی سربراہی میں تین رکنی بینچ درخواست کی سماعت کی ، سماعت کے دوران چیف جسٹس نے کہا کہ نوازشریف کوطبی بنیادوں پر6ہفتےکیلئےضمانت دی گئی تھی میڈیکل رپورٹس میں انجیوگرافی کرانےکی بات کی گئی اس لیےضمانت دی تھی ،نواز شریف کے وکیل نے کہا کہ یہ معاملہ انجیوگرافی کا نہیں ہے، جس پر چیف جسٹس نے کہا کہ صحت سےمتعلق31 طبی ماہرین کی رائےاور5 میڈیکل بورڈزکاحوالہ دیا گیا،ہم نے آپ کو مکمل پیکیج دیا تھا، نواز شریف کے وکیل نے کہا کہ عدالت کے فیصلےن ے درخواست گزارکوملک سے باہرجانے سے روکا،درخواست گزارکورضاکارانہ طورپر6 ہفتوں کےبعد گرفتاری دینےکاعدالت نے کہا،آپ نےہائیکورٹ کوبھی ہمیں6ہفتوں سےقبل سننے پر پابندی عائد کردی .چیف جسٹس نے استفسار کیا کہ کیا نوازشریف نے ضمانت سے رہائی کے بعد اپنا علاج کروایا؟ جس پر نواز شریف کے وکیل خواجہ حارث نے کہا کہ جی انہوں نےہائپرٹیشن اورشوگرکاعلاج کرایا ہے،لیکن ان کامرض قلب مزید پیچیدہ ہوگیا اس مرض کاعلاج پاکستان میں ممکن نہیں،امراض قلب کےعلاج کےلئےانہیں اینستھیزیا دینا ہوگا،چیف جسٹس نے کہا کہ کیا انہوں نےماہرین قلب سےرہائی کے بعد کوئی رائے لی ؟ جس پر نواز شریف کے وکیل نے جواب دیا کہ جی ان کی رہائی کےبعدکی میڈیکل رپورٹس عدالت میں جمع کرادی ہے،خواجہ حارث نے رپورٹ پڑھ کر عدالت کو سنائی،جس پر چیف جسٹس نے کہا کہ ضمانت پرجانے سے تو آپ کےموکل کی حالت مزید خراب ہوگئی،خواجہ حارث نے کہا کہ نوازشریف کےوالد بھی دل کے عارضےکی وجہ سے وفات پاگئے تھے،جس پرچیف جسٹس نے کہا کہ میاں نوازشریف کووہی بیماری لاحق ہوگئی،جس سےانکےوالد کی موت ہوئی تھی، چیف جسٹس نے وکیل سے استفسار کیا کہ وہ طبی مشورے بتائیں جوڈاکٹرز نے رہائی کے بعد دیئے،وکیل نے کہا کہ یہ صرف انجوگرافی کامعاملہ نہیں،درخواست گزارکواوربھی بیماریاں لاحق ہیں، چیف جسٹس نے کہا کہ ہمارےپاس اچھےڈاکٹرزاورمشینیں موجودہیں،ہمیں کیسےمعلوم ہوگاکہ یہاں ان کاعلاج ممکن نہیں ،آپ نےدرخواست ضمانت میں میڈیکل بورڈکی رپورٹ پیش کی تھی،میڈیکل بورڈنےانجیوگرافی کو لازمی قرار دیا تھا ،اسی وجہ سے ہم نے آپ کو ضمانت دی تھی،اب آپ کہتےہیں ملک میں علاج ممکن نہیں آپ پہلی درخواست سے باہر چلے گئے ،جس پر نواز شریف کے وکیل نے کہا کہ نوازشریف کی کلوگڈ آرٹری50فیصد بڑھ چکی ہے یہ بہت ہی خطرناک ہے ، چیف جسٹس آف پاکستان نے کہا کہ جن ڈاکٹرزکی رائےآپ بتا رہے ہیں انہوں نےحتمی بات نہیں کی،خواجہ حارث نے کہا کہ دنیامیں انجیوگرافی کےمتبادل کارڈیک ایم آرآئی کی جاتی ہے،پاکستان میں کارڈیک ایم آر آئی ممکن نہیں ،کارڈیک ایم آرآئی سےمتعلق ہمیں صرف آغاخان اسپتال نے جواب دیا ،آغاخان نےبھی یہی کہاکہ کارڈیک ایم آرآئی پاکستان میں دستیاب نہیں ،جسٹس یحیی نے کہا کہ ڈاکٹرزکی انفرادی رائےکی بجائے میڈیکل بورڈکی رائے عدالت میں پیش کی جانی چاہیے تھی، چیف جسٹس نے کہا کہ ڈاکٹرلارنس نےیہ نہیں کہاکہ نوازشریف کاعلاج صرف ہم کرسکتےہیں ،ڈاکٹرلارنس نےصرف یہ کہاکہ ہم بھی یہ علاج کرسکتے ہیں،آپ نےبیرون ملک ڈاکٹروں کے انفرادی خطوط عدالت میں پیش کیے، کیاعدالت ان خطوط پرانحصار کر سکتی ہے ،خواجہ حارث نے کہا کہ یہ تمام ڈاکٹرز اپنے شعبوں کے ماہر ہیں، ہم نےچھ ہفتےعلاج کے لیے دیے تھے ٹیسٹ کروانے کے لیے نہیں،چھ ہفتوں میں صرف آپ نے ٹیسٹ ہی کروائے ہیں ،ایک ملزم کو2005 میں سپریم کورٹ نے آپریشن کے لیے ضمانت دی تھی، آپریشن نہ ہونے کی صورت میں ضمانت خارج کر دی تھی ،عدالت نے نواز شریف کی بھی درخواست ضمانت مسترد کر دی. اور انہیں بیرون ملک جانے سے روک دیا
واضح رہے کہ تیس اپریل کو نواز شریف نے چھ ہفتوں کی ضمانت میں توسیع کے لیے سپریم کورٹ میں درخواست دائر کی تھی جس میں استدعا کی گئی تھی کہ نظر ثانی درخواست میں فیصلہ ہونے تک عبوری ضمانت میں توسیع کی جائے۔ چھبیس مارچ کو سپریم کورٹ نے نواز شریف کی طبی بنیادوں پر رہائی کی درخواست کرتے ہوئے انہیں چھ ہفتوں کے لیے منظور کر لیا تھا۔وکیل خواجہ حارث نے نواز شریف کے علاج کیلئے چھ ہفتوں کا وقت مانگتے ہوئے کہا تھا کہ سابق وزیراعظم قابل اعتماد ڈاکٹر سے علاج کرانا چاہتے ہیں۔سپریم کورٹ نے نواز شریف کی ضمانت 50 لاکھ روپے کے مچلکوں کے عوض منظور کی تھی ،عدالتی فیصلے کے مطابق نوازشریف کے بیرون ملک جانے پر پابندی ہوگی، اور انہیں چھ ہفتوں کے بعد خود گرفتاری دینا ہوگی۔واضح رہے کہ نواز شریف کی چھ ہفتوں کی ضمانت کی مدت سات مئی کو ختم ہوگی
سینٹ اجلاس میں انکشاف ہوا کہ بجلی چوری میں واپڈا کے ملازمین ملوث ہیں ،ملک بھر میں بجلی چوری سے قومی خزانے کو 30 کروڑ 27 لاکھ روپے کا نقصان ہوا ہے.
باغی ٹی وی کی رپورٹ کے مطابق سینٹ اجلاس میں توانائی ڈویژن نےبجلی چوری سےنقصانات اورکارروائیوں کی تفصیلات پیش کیں جس کے مطابق ملک بھرمیں بجلی چوری سےقومی خزانےکو30کروڑ27لاکھ کانقصان ہوا ،بجلی چوری میں ملوث219ملازمین کے خلاف کارروائیاں کی گئی ہیں، بجلی چوری میں پیپکو ملازمین سب سے آگے ہیں، رپورٹ کے مطابق پیپکو کے 72 ملازمین بجلی چوری میں ملوث نکلے ہیں ،پیپکو بجلی چوری کے نقصانات کا تخمینہ لگانے میں ناکام ہے. میپکو کے40اور فیسکو کے 32 ملازمین ،گیپکو کے 18 اور لیسکو کے 27 ملازمین ،حیسکو کے 16 اور سیپکو کے 24 ملازمین بجلی چوری میں ملوث ہیں ،آئیسکو کے 28 ملازمین بجلی چوری میں ملوث پائے گئے ،آئیسکو کو چوری کی مد میں کوئی نقصان نہیں ہوا.قیسکوکے23اورٹیسکوکے11ملازمین بجلی چوری میں ملوث پائے گئے جن کے خلاف کاروائی کی گئی
پاکستان کے وزیر خارجہ شاہ محمود قریشی نے کہا ہے کہ وزارت خارجہ سفارتی سطح پر بھی معیشت کی بہتری کیلیے اقدامات کررہی ہے .
باغی ٹی وی کی رپورٹ کے مطابق اسلام آباد میں سیمینار سے خطاب کرتے ہوئے شاہ محمود قریشی نے کہا کہ گزشتہ کچھ عرصے سے بھارت کشیدگی کو ہوا دے رہاہے ،کرتار پور بارڈر کھولنا پاکستان کی طرف سے مثبت اقدام ہے، انہوں نے کہا کہ تجارت اور سرمایہ کاری کو فروغ دینے کی ضرورت ہے ،غیر ملکی سرمایہ کاری سے معاشی استحکام آئے گا،سعودی عرب ، ایران اور دیگر ملکوں کیساتھ ملکر معیشت کی بہتری کے اقدامات کیے ،پاکستان میں چینی سرمایہ کاری میں بتدریج اضافہ ہورہا ہے. انہوں نے کہا کہ ملائیشیا کےوزیراعظم نے حالیہ دورے میں کئی شعبوں میں دلچسپی کا اظہار کیا نئی حکومت کے پہلے 9 ماہ میں مختلف شعبوں میں واضح بہتری آئی ہے خطے میں ترقی سے روزگار کے مواقعوں میں اضافہ اور ترسیلات بڑھیں گی،
سابق وزیر اعظم نواز شریف کی درخواست ضمانت پر آج سپریم کورٹ میں سماعت ہو گی’
باغی ٹی وی کی رپورٹ کے مطابق نواز شریف کی درخواست ضمانت پر سماعت چیف جسٹس آف پاکستان کی سربراہی میں تین رکنی بینج کرے گا، سپریم کورٹ نے سابق وزیر اعظم کی چھ ہفتوں کے لئے طبی بنیادوں پر ضمانت منظور کی ہوئی ہے جو 7 مئی کو ختم ہو رہی ہے. سابق وزیر اعظم نوازشریف نے عبوری ضمانت کے فیصلے پر نظرثانی کے لئے درخواست دی ہوئی ہے جس میں کہا گیا ہے کہ علاج کے لئے بیرون ملک جانے کی اجازت دی جائے،
واضح رہے کہ سپریم کورٹ نے نواز شریف کی طبی بنیادوں پر 6 ہفتے کے لئے ضمانت منظور کی تھی۔ عدالت نے اپنے مختصر فیصلے میں کہا تھا کی نواز شریف پاکستان نہیں چھوڑ سکے، وہ 6 ہفتے میں اپنی مرضی کا علاج کرا سکیں گے، نواز شریف 6 ہفتے بعد سرنڈر کریں گے، سرنڈر نہ کرنے پر گرفتاری عمل میں لائی جائے گی۔ 8 ستمبر 2017 کو نواز شریف اور ان کے بچوں کیخلاف العزیزیہ، فلیگ شپ، ایون فیلڈ ریفرنسز دائر ہوئے، 19 اکتوبر 2017 کو العزیزیہ اور 20 اکتوبر کو فلیگ شپ ریفرنس میں نواز شریف پر فرد جرم عائد ہوئی۔ ایون فیلڈ ریفرنس میں نواز شریف کو 10، مریم نواز کو 7، محمد صفدر کو ایک سال قید کی سزا ہوئی۔ ستمبر 2018 کو ایون فیلڈ ریفرنس میں تینوں کی سزاؤں کو اسلام آباد ہائیکورٹ نے معطل کر دیا تھا۔ 24 دسمبر 2018 کو العزیزیہ ریفرنس میں نواز شریف کو 7 سال قید کی سزا ہوئی، عدالت نے فلیگ شپ ریفرنس میں نواز شریف کو بری کیا تھا۔