Category: کراچی

پاکستان اسٹاک ایکسچینج (پی ایس ایکس) میں کاروباری ہفتے کے دوسرے روز بھی تیزی کا رجحان جاری ہے۔

ذرائع کے مطابق پاکستان اسٹاک ایکسچینج میں 100انڈیکس میں 600 پوائنٹس سے زائد اضافہ ہوا جس کے بعد 100 انڈیکس ایک لاکھ 42 ہزار 430 کی ریکارڈ سطح پر پہنچ گیا ہےاب تک کے کاروبار کے دوران 100 انڈیکس ایک لاکھ 42 ہزار 721 کی بلند ترین سطح پر بھی پہنچا۔

واضح رہے گزشتہ روز بھی پاکستان اسٹاک ایکسچینج (پی ایس ایکس) میں زبردست تیزی دیکھی گئی تھی، جہاں کے ایس ای-100 انڈیکس میں 900 پوائنٹس سے زائد اضافہ ریکارڈ کیا گیا تھاکاروبار کے ابتدائی اوقات میں انڈیکس 864.92 پوائنٹس اضافے کے ساتھ 1 لاکھ 41 ہزار 899.90 کی سطح پر پہنچا تھا، جو 0.61 فیصد کا نمایاں اضافہ تھاگزشتہ روز کاروبار کے اختتام پر 100 انڈیکس ایک لاکھ 42 ہزار 52 پوائنٹس کی بلندی پر بند ہوا تھا۔

ایف آئی اے اینٹی کرپشن سرکل کراچی نے غیر قانونی کرنسی ایکسچینج چلانے میں ملوث ملزم مرسلین کو گرفتار کر لیا ہے۔

ترجمان ایف آئی اے کے مطابق کارروائی گل پلازہ، ایم اے جناح روڈ کراچی پر کی گئی، جہاں سے 37 ہزار امریکی ڈالر برآمد کیے گئے، جن کی مالیت ایک کروڑ روپے سے زائد بنتی ہے۔تحقیقات سے معلوم ہوا کہ ملزم بغیر لائسنس کرنسی کا کاروبار کر رہا تھا۔ ایف آئی اے نے ملزم کے خلاف مقدمہ درج کر کے تحقیقات کا آغاز کر دیا ہے، جبکہ اس کے دیگر ساتھیوں کی گرفتاری کے لیے چھاپے مارے جا رہے ہیں۔

حکام کا کہنا ہے کہ غیر قانونی منی ایکسچینج کے ذریعے نہ صرف قومی معیشت کو نقصان پہنچ رہا ہے بلکہ منی لانڈرنگ اور دیگر غیر قانونی سرگرمیوں کو بھی فروغ مل رہا ہے۔

اسرائیلی دہشتگردی جاری، ایک دن میں 74 فلسطینی شہید

یومِ استحصال کشمیر،دنیا بھر میں آج کشمیری یومِ سیاہ منائیں گے

لاہور میں پی ٹی آئی کارکنوں کے خلاف کریک ڈاؤن، 300 سے زائد گرفتار

یومِ آزادی کو بھارت کے خلاف جشن کے طور پر منایا جائے، بلاول بھٹو

اڈیالہ جیل کے باہر ممکنہ احتجاج پر سپرنٹنڈنٹ نے اضافی نفری مانگ لی

پاکستان پیپلزپارٹی کے چیئرمین بلاول بھٹو زرداری سے وزیراعلیٰ سندھ سید مراد علی شاہ نے بلاول ہاؤس کراچی میں ملاقات کی، جس میں صوبے کے سیاسی و انتظامی معاملات پر تفصیلی تبادلہ خیال کیا گیا۔

ملاقات کے دوران بلاول بھٹو زرداری نے کہا کہ اس سال یومِ آزادی کو بھارت کے خلاف جنگ میں جیت کے جشن کے طور پر منایا جائے، اور سندھ حکومت جشنِ آزادی کے سلسلے میں خصوصی اقدامات کرے۔ان کا کہنا تھا کہ "ہندوستان کے خلاف جنگ اور بیانیے کے میدان میں تاریخی کامیابی، اس یومِ آزادی کی سب سے بڑی خوشی ہوگی۔”

علاوہ ازیں وزیرِ صنعت و تجارت جام اکرام اللہ دھاریجو نے بھی چیئرمین بلاول سے ملاقات کی اور اپنے محکمے کی کارکردگی پر تفصیلی بریفنگ دی۔

اڈیالہ جیل کے باہر ممکنہ احتجاج پر سپرنٹنڈنٹ نے اضافی نفری مانگ لی

گلگت بلتستان کے سیلاب متاثرین کے لیے 4 ارب روپے امداد کا اعلان

سندھ حکومت نے نمبر پلیٹس کی تاریخ 31 اکتوبر تک بڑھادی

سندھ حکومت نے گاڑیوں میں سیکیورٹی فیچر سے مزین نمبر پلیٹس کی تنصیب کی آخری تاریخ میں توسیع کا اعلان کیا ہے۔ نئی ڈیڈ لائن 31 اکتوبر 2025 مقرر کی گئی ہے، جو پہلے 14 اگست تھی۔

پاکستان پیپلزپارٹی کے چیئرمین بلاول بھٹو زرداری سے سندھ اسمبلی میں پارٹی کے چیف وہپ اور وزیر برائے ایکسائز، ٹیکسیشن و نارکوٹکس مکیش کمار چاولہ نے ملاقات کی، جس میں سندھ اسمبلی کے اراکین کی حاضری اور کارکردگی سے آگاہ کیا گیا۔ملاقات میں صوبے کی مجموعی سیکیورٹی صورتحال اور نمبر پلیٹس کی تنصیب سے متعلق پیش رفت پر بھی تفصیلی گفتگو ہوئی۔چیئرمین بلاول بھٹو زرداری نے عوام کی سہولت کو مدنظر رکھتے ہوئے نمبر پلیٹس کی تنصیب کی ڈیڈ لائن میں توسیع کی ہدایت دی، جس پر وزیر مکیش کمار چاولہ نے فوری طور پر نئی تاریخ کا اعلان کیا۔

محکمہ ایکسائز کا کہنا ہے کہ نئی نمبر پلیٹس میں جدید سیکیورٹی فیچرز شامل ہیں، جو گاڑیوں کی شناخت اور جرائم کی روک تھام میں اہم کردار ادا کریں گی۔

کراچی ایئرپورٹ کے نئے رن وے پر کام شیڈول سے پہلے مکمل

روسی تیل کی خریداری،ٹرمپ کی بھارت کو ٹیرف بڑھانے کی دھمکی

یوم شہدائے پولیس، سندھ اسمبلی کا پولیس کو خراج عقیدت

کراچی کے جناح انٹرنیشنل ایئرپورٹ نے ایک اور اہم سنگ میل عبور کر لیا ہے، جہاں نئے رن وے 07 آر پر پیوومنٹ کوالٹی کنکریٹ کا کام شیڈول سے ایک ماہ قبل مکمل کر لیا گیا۔

پاکستان ایئرپورٹ اتھارٹی کے ذرائع کے مطابق یہ پیشرفت جاری اپ گریڈیشن منصوبے میں ایک اہم مرحلہ ہے، جو معمول کے فلائٹ آپریشن کو متاثر کیے بغیر مکمل کی جا رہی ہے۔ذرائع کے مطابق نئے رن وے پر جدید ایئر فیلڈ لائٹنگ سسٹم، امپورٹڈ لائٹس، کیبلز اور گائیڈنس کے نشانات بھی نصب کر دیے گئے ہیں، تاکہ ایوی ایشن معیار کے مطابق جدید سہولیات فراہم کی جا سکیں۔

رن وے پر اب سینٹر لائن پینٹنگ اور ٹیکسی وے کے نشانات جیسے کام حتمی مراحل میں داخل ہو چکے ہیں، جو جلد مکمل ہونے کی توقع ہے۔یہ منصوبہ کراچی ایئرپورٹ کی استعداد بڑھانے اور اسے بین الاقوامی معیار کے مطابق جدید بنانے کی جانب ایک اہم قدم قرار دیا جا رہا ہے۔

یوم شہدائے پولیس، سندھ اسمبلی کا پولیس کو خراج عقیدت

پنجاب میں گاڑی کا نمبر اب مالک کے نام پر جاری ہوگا

ایبٹ آباد میں خاتون سے مبینہ اجتماعی زیادتی، 3 ملزمان گرفتار

سندھ اسمبلی میں یوم شہدائے پولیس کے موقع پر پولیس شہداء کو خراج عقیدت پیش کرنے کے لیے قرارداد پیش کی گئی۔

اسمبلی اجلاس کے دوران اظہار خیال کرتے ہوئے سینئر وزیر شرجیل میمن نے کہا کہ سندھ کی پولیس ملک کی بہترین پولیس ہے، جو ہر موقع پر صف اوّل میں موجود رہی ہے۔انہوں نے کہا کہ دہشت گردی کے خلاف جنگ ہو یا مذہبی اجتماعات کی سیکیورٹی، سندھ پولیس نے ہمیشہ جانفشانی سے فرائض انجام دیے۔ اسٹاک ایکسچینج اور سینٹرل پولیس آفس پر حملے پولیس کی قربانیوں سے ناکام بنائے گئے۔ ان کے بقول کسی اور صوبے کی پولیس نے دہشت گردی کے اتنے کیسز حل نہیں کیے۔

صوبائی وزیر قانون ضیا الحسن لنجار نے خطاب کرتے ہوئے کہا کہ پولیس شہداء کی قربانیوں کی بدولت سندھ میں امن قائم ہوا ہے، اور شہداء کی ماؤں کو سلام پیش کیا۔انہوں نے مزید بتایا کہ شہداء کے اہل خانہ کے لیے دو نوکریوں کا کوٹہ رکھا گیا ہے تاکہ ان کے خاندان کی کفالت ہو سکے۔

پنجاب میں گاڑی کا نمبر اب مالک کے نام پر جاری ہوگا

ایبٹ آباد میں خاتون سے مبینہ اجتماعی زیادتی، 3 ملزمان گرفتار

شمس الاسلام قتل کیس، تحقیقات کے لیے مشترکہ کمیٹی قائم

کراچی میں سینئر وکیل شمس الاسلام کے قتل کیس کی تحقیقات کے لیے مشترکہ تحقیقاتی کمیٹی قائم کر دی گئی ہے، جس میں سندھ ہائی کورٹ بار، پولیس اور پراسیکیوشن کے نمائندے شامل ہوں گے۔

کمیٹی میں صدر ہائی کورٹ بار سرفراز میتلو، نائب صدر راجب لاکھو، ڈی آئی جی جنوبی اسد رضا، ایس ایس پی مہظور علی اور ایس پی انویسٹی گیشن شامل ہیں۔یہ کمیٹی کیس کی شفاف تحقیقات، مقدمے کی پیش رفت کا تجزیہ کرے گی اور پراسیکیوشن کو قانونی معاونت فراہم کرے گی۔یاد رہے کہ یکم اگست کو کراچی کے علاقے ڈیفنس فیز 6 میں مسجد کے باہر فائرنگ سے سینئر وکیل خواجہ شمس الاسلام جاں بحق، جبکہ ان کے بیٹے سمیت 2 افراد زخمی ہوئے تھے۔

وزیر داخلہ سندھ ضیا الحسن لنجار نے واقعے کا نوٹس لیتے ہوئے ملزمان کی فوری گرفتاری کی ہدایت جاری کی تھی۔

ٹھٹھہ: جشنِ آزادی کے تناظر میں شہداء کو شاندار خراجِ عقیدت پیش کیا گیا