Category: کراچی

پاکستان کرکٹ ٹیم کے سابق کرکٹر محمد یوسف نے کاروباری دنیا میں قدم رکھتے ہوئے اپنا برانڈ "ایم وائے برکہ” متعارف کرادیا۔

سماجی رابطوں کی ویب سائٹ ایکس پر جاری ایک ویڈیو پیغام میں محمد یوسف نے کہا کہ وہ آج خوشی کے ساتھ اپنا برانڈ لانچ کر رہے ہیں جو بالخصوص حج و عمرہ کے لیے درکار اشیاء جیسے احرام، تسبیح، ٹوپی اور دیگر لوازمات فراہم کرے گا، جس سے آپ کا حج و عمرہ کا سفر بڑا باآسانی طے ہو گا، اس کے علاوہ عنقریب مزید چیزیں بھی عوام کیلئے پیش کریں گے۔

ایم وائے برکہ کی آفیشل ویب سائٹ پر احرام، تسبیح، ٹوپی اور دیگر لوازمات موجود ہیں جن کی قیمتوں پر خصوصی ڈسکاؤنٹ بھی دیا گیا ہے۔

راولپنڈی کی خوبصورتی کے منصوبے کو بھی خود دیکھ رہی ہوں،مریم نواز

واضح رہے کہ محمد یوسف نے 1990 اور 2000 کی دہائی میں اپنی شاندار بیٹنگ سے دنیا بھر میں مداحوں کے دل جیتے،کرکٹ سے ریٹائرمنٹ کے بعد وہ پاکستان کرکٹ بورڈ میں بطور بیٹنگ کنسلٹنٹ خدمات انجام دیتے رہے، انہوں نے حال ہی میں قومی ٹیم کے بیٹنگ کنسلٹنٹ کے عہدے سے استعفیٰ دیا تھا، جس کی وجہ انہوں نے اپنی ذاتی مصروفیات کو قرار دیا،محمد یوسف کو گزشتہ برس مارچ میں پاکستان کرکٹ بورڈ نے محمد یوسف کو قومی ٹیم کا بیٹنگ کنسلٹنٹ مقرر کیا تھا تاہم انہوں نے دورہ نیوزی لینڈ سے دستبردار ہونے کا اعلان کیا تھا لیکن پھر چند ہی گھنٹوں بعد انہوں نے اپنا فیصلہ واپس لیتے ہوئے دستیابی ظاہر کردی تھی-

جسٹس سردار سرفراز ڈوگر نے چیف جسٹس اسلام آباد ہائیکورٹ کے عہدے کا حلف اٹھا لیا

گورنر سندھ کامران ٹیسوری نے لیاری سانحہ پر کہا ہے کہ اچھی بات ہے سندھ حکومت نے فوری ردعمل دیا، ڈی جی کو ہٹایا، لیکن صرف چہرے بدلنے سے نظام نہیں بدلا جا سکتا، ہمیں عمارت کے گرنے کی وجوہات تلاش کرنا ہوں گی کہ یہ کب بنی اور کیسے منظور ہوئی

کراچی میں لیاری کے علاقے بغدادی میں عمارت گرنے کے افسوسناک واقعے پر گورنر سندھ کامران ٹیسوری نے جائے وقوعہ کا دورہ کیا اور میڈیا سے گفتگو کرتے ہوئے کہا کہ یہ حادثہ ایسا ہے جس کی مذمت کے لیے الفاظ بھی ناکافی ہیں، دنیا چل رہی تھی لیکن ایسی انہونی ہوئی کہ کسی کو سنبھلنے کا موقع تک نہ ملا اچھی بات ہے سندھ حکومت نے فوری ردعمل دیا، ڈی جی کو ہٹایا، لیکن صرف چہرے بدلنے سے نظام نہیں بدلا جا سکتا، ہمیں عمارت کے گرنے کی وجوہات تلاش کرنا ہوں گی کہ یہ کب بنی اور کیسے منظور ہوئی۔ کامران ٹیسوری نے اس عزم کا اظہار کیا کہ ہم اس مسئلے پر سیاست نہیں کریں گے بلکہ متاثرین کو انصاف دلائیں گے۔

انہوں نے کہا کہ شہر میں کئی جگہوں پر 80 گز کے پلاٹس پر ناقص تعمیرات کی گئیں، ان سب کا ازسرنو جائزہ لیا جائے گا گورنر سندھ نے اعلان کیا کہ وہ گورنر ہاؤس میں ہیلپ لائن ”1133“ کا انعقاد کر رہے ہیں اور جن عمارتوں کو خطرناک قرار دیا جا چکا ہے، ان کے متاثرہ مکینوں کو 80 گز کے متبادل پلاٹس دیئے جائیں گے زیادہ تر جاں بحق افراد کا تعلق ہندو برادری سے ہے، جس پر انہیں دلی افسوس ہے انہوں نے سندھ بلڈنگ کنٹرول اتھارٹی کے ڈی جی کو ہدایت دی کہ وہ فور ی طور پر شہر کی تمام مخدوش عمارتوں کا سروے کروائیں، ”یہ شہر یتیموں کا نہیں ہے، لیاری سب کا ہے۔“

مخصوص نشستوں کی تقسیم کار کے خلاف ن لیگ کی درخواست پر فیصلہ محفوظ

انہوں نے متاثرہ افراد کے لیے روزگار اور نوکریوں کے مواقع پیدا کرنے کا وعدہ بھی کیا ان کا کہنا تھا کہ میں نے بلڈر سے بات کی ہے، جو بھی لوگ رجسٹریشن کروائیں گے، اُن کے لیے مزید بلڈرز سے بھی بات کی جائے گی۔ گورنر ہاؤس کے دروازے سب کے لیے کھلے ہیں، ایک بلڈنگ گرنے کے بعد دوسری بننے تک کا سکون ہی ہمارے نظام کی ناکامی ہے انہوں نے اس عزم کا اعادہ کیا کہ ”میں ہمیشہ نظام کو درست کرنے کے لیے آواز بلند کرتا رہا ہوں، اور یہ آواز اب مزید بلند ہوگی۔“

مخصوص نشستوں کی تقسیم کار کے خلاف ن لیگ کی درخواست پر فیصلہ محفوظ

وفاقی وزیر داخلہ محسن نقوی نے پیر کے روز سندھ کے سینئر وزیر شرجیل انعام میمن سے ان کی رہائشگاہ پر ملاقات کی۔

شرجیل انعام میمن نے رہائشگاہ آمد پر وفاقی وزیر داخلہ کا گرم جوشی سے استقبال کیا۔ملاقات کے دوران محسن نقوی نے محرم الحرام کے دوران سندھ حکومت اور سندھ پولیس کی جانب سے کیے گئے سیکیورٹی انتظامات کو سراہا اور تعریف کی۔اس موقع پر دونوں رہنماؤں کے درمیان ملک کی مجموعی سیاسی صورتحال، وفاق اور صوبوں کے درمیان تعلقات، اور امن و امان کے قیام کے لیے مشترکہ کوششوں پر تفصیلی تبادلہ خیال کیا گیا۔

دونوں رہنماؤں نے اس بات پر اتفاق کیا کہ قومی یکجہتی، جمہوری استحکام اور عوامی مفاد کی خاطر تمام سیاسی قوتوں کو مل کر آگے بڑھنا ہوگا۔

قطری شہزادی نانگا پربت سر کرنے والی پہلی قطری خاتون بن گئیں

سونے کی قیمت میں بڑی کمی، فی تولہ نرخ 2 ہزار 500 روپے کم ہو گئے

اسلام آباد میں سویڈن کی ویزا سروسز بحال، پاکستانی شہری درخواست دے سکیں گے

وزیراعظم سے ایتسالات گروپ کے سی ای او کی ملاقات، مزید سرمایہ کاری کی پیشکش

کالے شیشے لگانے پر جنید صفدر کی گاڑی کا چالان، قانونی کارروائی پر رضامندی

ملک بھر میں سونے کی قیمتوں میں اتار چڑھاؤ کا سلسلہ جاری ہے اور آج بھی مقامی و عالمی مارکیٹوں میں سونے کی قیمت میں نمایاں کمی دیکھی گئی ہے۔

صرافہ ایسوسی ایشن کے مطابق پاکستان میں 24 قیراط فی تولہ سونے کی قیمت میں 2 ہزار 500 روپے کمی ہوئی، جس کے بعد نئی قیمت 3 لاکھ 53 ہزار روپے ہو گئی ہے۔اسی طرح فی 10 گرام سونا 2 ہزار 143 روپے سستا ہو کر 3 لاکھ 2 ہزار 640 روپے پر آ گیا ہے۔عالمی بلین مارکیٹ میں بھی کمی کا رجحان رہا، جہاں فی اونس سونا 25 ڈالر کم ہو کر 3 ہزار 310 ڈالر پر ٹریڈ ہو رہا ہے۔

ماہرین کے مطابق ڈالر کی عالمی قدر، شرح سود اور بین الاقوامی سیاسی صورت حال سونے کی قیمتوں پر اثر انداز ہو رہی ہیں، اور آئندہ دنوں میں بھی قیمتوں میں اتار چڑھاؤ کا امکان ظاہر کیا جا رہا ہے۔

وزیراعظم سے ایتسالات گروپ کے سی ای او کی ملاقات، مزید سرمایہ کاری کی پیشکش

کالے شیشے لگانے پر جنید صفدر کی گاڑی کا چالان، قانونی کارروائی پر رضامندی

لیاری سانحے کے بعد خستہ حال عمارتوں کے خلاف کارروائی، ایس بی سی اے متحرک

ٹی 20 سیریز: بابر، رضوان اور شاہین کو آرام دیے جانے کا امکان، حارث رؤف زخمی

کراچی: نوبیاہتا لڑکی مبینہ جنسی تشدد کے بعد کوما میں، شوہر گرفتار

بلدیہ عظمیٰ کراچی نے شہر میں غیر رجسٹرڈ قبرستانوں کی رجسٹریشن کا فیصلہ کرلیا۔

میئر کراچی بیرسٹر مرتضٰی وہاب نے ڈائریکٹر قبرستان کو فوری طور پر رجسٹریشن عمل شروع کرنے کی ہدایت جاری کر دی ہےحکام کے مطابق کراچی میں 200 سے زائد قبرستانوں میں سے صرف 38 بلدیہ عظمیٰ میں رجسٹرڈ ہیں کراچی میں قبر کی قیمت 14,300 روپے مقرر کر رکھی ہے، قبرستان انتظامیہ قبر کے نرخ 14 ہزار 300 روپے سے زیادہ وصول نہ کریں، اضافی فیس لینے والوں کے خلاف سخت کارروائی کی جائے گی اس اقدام کا مقصد قبرستانوں میں شفافیت، نظم و ضبط اور شہریوں کو مالی استحصال سے بچانا ہے۔

کراچی کے علاقے لیاری میں 3 روز قبل عمارت گرنے کے واقعے کے بعد ڈی جی سندھ بلڈنگ کنٹرول اتھارٹی محمد اسحاق کھوڑو کو عہدے سے ہٹا کر شاہ میر خان بھٹو کو نیا ڈی جی ایس بی سی اے تعینات کردیا گیا-

نوٹیفکیشن کے مطابق وزیر اعلیٰ سندھ کے احکامات کے بعد سانحہ لیاری پر ڈی جی سندھ بلڈنگ کنٹرول اتھارٹی محمد اسحاق کھوڑو کو عہدے سے ہٹا دیا گیا جبکہ شاہ میر خان بھٹو کو نیا ڈی جی ایس بی سی اے تعینات کردیا گیا ہے۔

شاہ میر بھٹو سیکریٹری چیف منسٹر انکوائری کمیٹی تعینات تھے جبکہ 20 ویں گریڈ کے اسحٰق کھوڑو کے خلاف محکمہ جاتی کاروائی شروع کردی گئی ہے، سندھ حکو مت نے سابق ڈی جی ایس بی سی اے اسحٰق کھوڑو کے خلاف تحقیقات کا فیصلہ کیاہے، اسحٰق کھوڑو بلڈنگ گرنے کے کسی واقعے میں ملوث پائے گئے تو کاروائی کی جائے گی۔

واضح رہے کہ 3 روز قبل کراچی کے علاقے لیاری میں 6 منزلہ عمارت زمیں بوس ہوگئی تھی جس کے نتیجے میں 27 افراد جاں بحق ہوگئے تھے، عمارت کا ملبہ اٹھانے کا عمل آج مکمل کرلیا گیا ہے،سندھ کے سینئر وزیر شرجیل انعام میمن نے آج صوبائی وزرا کے ساتھ پریس کانفرسن کرتے ہوئے بتایا تھا کہ وزیراعلیٰ ڈی جی ایس بی سی اے کو عہدے سے ہٹادیا ہے، اس موقع پر 27 افراد کے لواحقین کو فی کس 10 لاکھ روپے دینے کا اعلان کیا گیا تھا۔

دوسری جانب، ایس بی سی اے کی ٹیم نے لیاری میں گرنے والی پانچ منزلہ عمارت کا دورہ کیا انسپکٹر ذوالفقار شاہ نے متاثرہ عمارت کا معائنہ کیا تاہم جب صحافیوں نے علاقے میں موجود دیگر مخدوش عمارتوں کی تعداد کے بارے میں سوال کیا تو انسپکٹر نے لاعلمی کا اظہار کرتے ہوئے کہا کہ ’اس بارے میں ڈائریکٹر صاحب ہی بتا سکتے ہیں،فی الحال صرف ایک قریبی عمارت کو گرانے کا حکم ملا ہے۔ جب ان سے پوچھا گیا کہ سال بھر میں کتنی عمارتیں گرائی گئیں، تو انہوں نے کہا کہ انہیں اس بارے میں اندازہ نہیں۔

ادھر، کھارادر میں کوئلہ گودام کے قریب ایک آثار قدیمہ رہائشی عمارت گرنے سے بچ گئی۔ مکینوں کی بروقت کارروائی اور محکمہ آثار قدیمہ و پولیس کی مداخلت سے ممکنہ تباہی کو ٹال دیا گیا۔ اطلاعات کے مطابق بلڈر مافیا ہیوی مشینری کے ذریعے آثار قدیمہ کی ایک سیل شدہ عمارت کو توڑنے کی کوشش کر رہا تھا، جس کے دوران قریب ہی واقع عمارت میں جھٹکے محسوس کیے گئے، علاقہ مکینوں نے فوری طور پر محکمہ آثار قدیمہ اور پولیس کو اطلاع دی، جس پر اسسٹنٹ ڈائریکٹر فیصل علی سروئیر کی سربراہی میں ٹیم موقع پر پہنچی محکمہ آثار قدیمہ کے مطابق پولیس کی مدد سے بلڈر مافیا کے دو کارندوں، خان گل اور لقمان، کو گرفتار کیا گیا ہے۔

محکمے نے سندھ کلچر اینڈ ہیریٹیج پریزرویشن ایکٹ 1994 کے تحت مقدمہ درج کر لیا ہے۔ ایف آئی آر محکمہ آثار قدیمہ کے افسر مشتاق احمد کی مدعیت میں درج کی گئی، جس میں واضح کیا گیا ہے کہ بلڈر مافیا نے سیل شدہ ہیریٹیج عمارت کو غیر قانونی طور پر ڈی سیل کر کے نقصان پہنچایا۔