نجف مرزا کی نیب میں تعیناتی سے پیپلز پارٹی پریشان ہو گئی، نجف مرزا کو سندھ میں تعینات کئے جانے کا امکان ہے

باغی ٹی وی کی رپورٹ کے مطابق نجف مرزا کو وفاقی حکومت نے نیب میں تعینات کر دیا ہے، نجف مرزا اور پیپلز پارٹی کی ماضی میں جنگ رہی، سابق صدر آصف زرداری کی جب جیل میں مبینہ طور پر زبان کاٹی گئی تو سنٹرل جیل کے سپریڈنٹ ڈاکٹر نجف مرزا تھے، 2008 میں جب پیپلز پارٹی کی حکومت آئی تو انہوں نے نجف مرزا کا تبادلہ نہیں کیا لیکن ن لیگ کی حکومت آئی تو انہوں نے نجف مرزا کو ڈائریکٹر ایف آئی اے سندھ لگا دیا لیکن پیپلزپارٹی کی صوبائی حکومت سے ان کے تعلقات اچھے نہ ہونے کی وجہ سے نجف مرزا کو تين سال تک پورٹ قاسم ميں تعينات کرديا گيا۔

نجف مرزا سابق وزیر داخلہ سندھ ذوالفقار مرزا کے قریبی رشتے دار ہیں ،نجف مرزا گزشتہ عرصے میں سندھ میں پولیس کے مختلف عہدوں پر بھی کام کرتے رہے۔ آصف زرداری میں جیل میں تشدد کرکے زخمی کرنے کے مقدمے میں نامزد بھی رہے

ڈاکٹر نجف مرزا کو ايک سال قبل دوبارہ ايف آئی اے ميں ايڈيشنل ڈائريکٹرجنرل ساؤتھ تعينات کیا گیا ، نجف مرزا اپني ايمانداری اور ديانت داری کی وجہ سے اچھے افسر کے طور پرمشہور ہيں۔ جعلی اکاؤنٹس کیس میں آصف زرداری اور فریال تالپور کے خلاف تحقیقات کے لئے بننے والی جے آئی ٹی کے سربراہ بھی نجف مرزا تھے،نجف مرزاکی سربراہی میں بنی جےآئی ٹی نےآصف زرداری،فریال تالپورکوملوث قراردیاتھا

جے آئی ٹی کی تحقیقات کے دوران فریال تالپور نے ایف آئی اے کی تحقیقاتی ٹیم کے سربراہ نجف مرزا کو تبدیل کرنے کا مطالبہ بھی کیا تھا اور کہا تھا تحقیقات کے لیے ٹیم کا نیا سربراہ تعینات کیاجائے ۔ فریال تالپور نے ایف آئی اے کو خط لکھا تھا جس میں موقف اختیار کیا کہ 2005 میں آصف زرداری نے نجف مرزا کے خلاف ایف آئی آر درج کرائی تھی، ان کی موجودگی میں صاف شفاف تحقیقات نہیں ہوسکتیں لہذا شفاف ٹرائل کے لیے شفاف تحقیقات ضروری ہیں۔

ڈاکٹر نجف مرزا کرپشن کے خلا ف پہلے بھی سخت اور بے رحمانہ آپریشن کرچکے ہیں اور اب نیب میں تعیناتی کے بعد کرپشن پر کنٹرول کیلئے غیر جانب دارانہ مگر سخت احتساب جاری رکھیں گے ۔

واضح رہے کہ سابق صدر آصف زرداری بھی جعلی اکاؤنٹس کیس میں گرفتار ہیں، عدالت سے ضمانت کی درخواست مسترد ہونے پر انہیں گرفتار کیا گیا تھا، وہ جسمانی ریمانڈ پر نیب کے حوالے ہیں، زرداری کی ہمشیرہ فریال تالپور کوبھی نیب نے گرفتار کر رکھا ہے.

محکمہ موسمیات کی طرف سے کراچی سمیت سندھ کے 8 اضلاع میں شدید بارش کی پیشگوئی کی گئی ہے،

باغی ٹی وی کی رپورٹ کے مطابق کراچی میں متوقع 50 سے 70 ملی میٹرکی شدید بارش سےاربن فلڈنگ کا خدشہ ہے، محکمہ موسمیات کی جانب سے کراچی اورسندھ کی انتظامیہ کو الرٹ رہنےکی ہدایت کی گئی ہے،

آئندہ24گھنٹوں میں کراچی،ٹھٹھہ،شہیدبینظیرآبادمیں اکثرمقامات پربارش کاامکان ہے، اسی طرح لاڑکانہ، سکھر، حیدرآباد میں بھی اکثرمقامات پرآندھی اورگرج چمک کیساتھ بارش کاامکان ظاہر کیا گیا ہے، واضح رہے کہ گزشتہ دنوں‌ ہونے والی بارشوں‌ کے سبب کراچی میں لوگوں‌ کو سخت مشکلات کا سامنا کرنا پڑا تھا اور ابھی تک کئی علاقے ایسے ہیں جہاں پانی کھڑا ہے اور نکالا نہیں‌ جا سکا ہے، کراچی میں نالوں کی صفائی بھی ہونے والی ہے جس سے نالوں کے قرب و جوار میں لوگوں کے گھروں‌ میں‌ پانی کھڑا ہو رہا ہے،

میئر کراچی وسیم اختر نے کہا ہے کہ کراچی شہر کے نالے کچرے سے بھرے ہوئے ہیں،

باغی ٹی وی کی رپورٹ کے مطابق انہوں نے کہاکہ نالوں کےاطراف گھروں میں گٹرکاپانی جارہاہے، نالوں میں کچرا پھینکنے کا سلسلہ بند ہونا چاہئے ، کیا ہم نالے ہی صاف کرتے رہیں گے؟ شہری نالوں میں کچرا نہ پھینکیں ، نالوں کی صفائی کرائی، نالے پھر کچرے سے بھر گئے ہیں ،

وسیم اختر نے کہاکہ شہرمیں کچرے اورسیوریج کاسسٹم درست کرنےکی ضرورت ہے، نالوں پرتجاوزات ہیں ، گھر تک بنادئیے گئے ہیں، واضح‌ رہے کہ حالیہ موسم برسات میں بارشوں کے سبب کراچی میں شہریوں‌ کو سخت مشکلات کا سامنا کرنا پڑا ہے اور کئی علاقوں میں پانی کھڑا ہے جو ابھی تک نہیں نکالا جاسکا ہے،

کراچی یونین آف جرنلسٹس (کے یو جے) نے سندھ ٹی وی کے دفتر پر چھاپے اور میڈیا ہاؤس سے ایک اینکر پرسن کی گرفتاری کی شدید الفاظ میں مذمت کی ہے،

تفصیلات کے مطابق کے مطابق ایف آئی اے کے اہلکاروں نے سندھ ٹی وی کے دفتر پر چھاپہ مارا ہے اور ایک اینکر پرسن ارشاد جاگیرانی کو سائبر کرائم کے الزام میں گرفتار کر لیا گیا ہے، کے یو جے کے صدر اشرف خان، جنرل سیکریٹری احمد خان ملک اور ارکان مجلس عاملہ نے ایک مشترکہ بیان میں کہا ہے کہ میڈیا ہائوسز پر اس طرح کے چھاپوں اور میڈیا ورکرز کی گرفتاریوں کا مقصد دراصل صحافیوں کو ہراساں کرنا اور آزادی اظہار رائے کو دبانا ہے، انہوں نے کہا کہ میڈیا انڈسٹری پہلے ہی بے پناہ مسائل کا شکار ہے ان حالات میں قانون نافذ کرنے والے ادارے کی جانب سے میڈیا ہائوسز پر چھاپے آزادی اظہار کا گلا گھونٹنے کے مترادف ہیں۔

انہوں نے کہا ہےکہ اگر کسی فرد پر کوئی الزام ہے تو اداروں کو چاہئیے کہ اسے انفرادی طور پر ڈیل کریں، کسی کے انفرادی معاملات کے لیے میڈیا ہاءوسسز پر چھاپوں اور ورکرز کو ہراساں کرنے کا عمل قطعی طور پر درست نہیں، اس سے میڈیا ہاءوسسز کا امیج بھی خراب ہوتا ہے اور ورکرز بھی ذہنی اذیت کا شکار ہوتے ہیں، کے یو جے نے مطالبہ کیا ہے حکومت میڈیا ہاءوسسز پر اس طرح کے چھاپوں اور گرفتاریوں کا نوٹس لے ۔ کے یو جے نے سندھ ٹی وی کے دفتر پر چھاپے اور وہاں سے ایک اینکر پرسن کی گرفتاری کے خلاف احتجاج کی کال دینے کے لیے مجلس عاملہ کا اجلاس طلب کر لیا ہے

سندھ ہائی کورٹ میں کراچی کی ابتر صورتحال سے متعلق کیس کی سماعت ہوئی، سابق پروجیکٹ ڈائریکٹر گاربیج مصطفیٰ کمال کی بحالی کی درخواست مسترد کر دی گئی

باغی ٹی وی کی رپورٹ کے مطابق درخواست گزار اقبال کاظمی کے وکیل نے کہا کہ مصطفیٰ کمال کو چند گھنٹے بعد ہی معطل کر دیا گیا، عدالت نے استفسار کیا کہ پہلے یہ بتائیں تقرری کرنے کے کیا قوانین تھے؟ عدالت نے اظہار برہمی کرتے ہوئے کہا کہ آپ کیا مذاق کرنے آئے ہیں یہاں ؟ جب تقرری ضابطے کے تحت نہیں ہوئی تو معطلی کے خلاف کیسےآ سکتے ہیں؟وہ قانون بتا دیں جس کے تحت اس طرح تعیناتی کی جاتی ہو،

کرپشن کی وجہ سے صفائی نہیں ہوتی،عمران خان کو کراچی کی کرپشن نظر کیوں نہیں آتی؟ مصطفیٰ کمال

اقبال کاظمی نے کہا کہ مئیر نے مصطفی ٰکمال کی تقرری غلط کی تو مطلب ہے مئیر نااہل تھا، عدالت نے سابق پروجیکٹ ڈائریکٹر گاربیج مصطفیٰ کمال کی بحالی کی درخواست مسترد کر دی ،درخواست میں مئیر کراچی، مصطفیٰ کمال اور سیکریٹری بلدیات کو فریق بنایا گیا تھا

وسیم اخترکا یوٹرن، چوبیس گھنٹے گزرنے سے قبل ہی مصطفیٰ کمال کو معطل کر دیا

کراچی کے سماجی کارکن سید محمد اقبال کاظمی نے سندھ ہائیکورٹ میں دائر درخواست میں موقف اختیار کیا کہ شہر میں بارشوں کے باعث ابتر صورتحال پیدا ہوئی ہے۔ مئیر کراچی وسیم اختر اور محکمہ بلدیات اپنی ذمہ داریاں نبھانے کو تیار نہیں، مصطفیٰ کمال کو پروجیکٹ ڈائریکٹر گاربیج تعیناتی کے اگلے روز ہی معطل کر دیا گیا۔

ضلعی چیئرمین مصطفیٰ کمال کو بریفنگ دینے کے حوالہ سے پریشان، کراچی سے بھاگ گئے

واضح رہے کہ پاک سرزمین پارٹی کے چیئرمین سابق ناظم کراچی مصطفی کمال نے میئر کراچی کو چیلنج کیا تھا کہ مجھے موقع دیں 90 دن میں کچرا صاف کر دونگا، جس کے بعد وسیم اختر نے انہیں 90 روز کیلئے پروجیکٹ ڈائریکٹر گاربیج تعینات کرتے ہوئے نوٹی فکیشن جاری کردیا۔ میئر نے کراچی کی تمام دستیاب وسائل بھی مصطفی کمال کو دینے کی ہدایت کی اور کہا کہ مصطفی ٰکمال 90 دن کے اندر کراچی کا کچرااٹھا کر دکھائیں

مصطفیٰ کمال آتے ہی چھا گئے، رات دو بجے افسران کو طلب کر لیا

مصطفیٰ کمال کا کہنا تھا کہ میئر کراچی سے درخواست ہے متعلقہ افسران سے کہیں کہ میری کال ریسیوکریں،آج ایم کیوایم ناکام ہوگئی،ایم کیوایم کے نمایندوں کا عہدوں پررہنےکاجوازنہیں ،میئرکراچی جاری کردہ نوٹیفکیشن منسوخ نہیں کریں گے ،مجھےلاجسٹک کی سہولیات دی جائیں تین مہینے میں کام کردوں گا،ایم کیوایم کے بلدیاتی نمایندے اب مجھے جوابدہ ہیں،جو میری کال کا جواب نہیں دے گا میں اس کے گھر چلا جاؤں گا،تمام کارکنان تیاریاں پکڑیں ، سب مل کر شہر صاف کرینگے ،سالڈویسٹ مینجمنٹ کےاختیارات یونین سطح تک جانےچاہییں

میئر کراچی نوٹفکیشن منسوخ نہیں کریں گے،مصطفیٰ کمال، پیپلز پارٹی نے بھی حمایت کا اعلان کر دیا

اگلے روز وسیم اختر نے مصطفیٰ کمال کو معطل کر دیا

شہر قائد میں طوفانی بارش شروع ہوتے ہی متعدد علاقوں کی بجلی منقطع ہو گئی ہے جس کی وجہ سے شہریوں کو شدید مشکلات کا سامنا کرنا پڑ رہا ہے۔

باغی ٹی وی کی رپورٹ کے مطابق محکمہ موسمیات کا کہنا ہے کہ شہر قائد میں بارشوں کا سلسلہ جمعرات کی رات تک جاری رہے گا،تیز ہواؤں کے ساتھ بارش ہوتے ہی کراچی کے مختلف علاقوں میں بجلی کی فراہمی معطل ہو گئی۔ متعدد علاقوں میں 5 گھنٹے بعد بجلی بحال ہوئی ،لیاقت آبادکےمختلف حصوں میں بھی بجلی کی فراہمی معطل ہے،اورنگی ٹاؤن،ملیر،گلشن اقبال اوربفرزون کےعلاقے بجلی سے محروم ہیں،ملیرشادمان ٹاؤن اورگردونواح میں بجلی غائب ہے،ماڑی پور،مسرورکالونی اورنواحی علاقوں میں بجلی کی لوڈشیڈنگ سے شہری پریشان ہیں ،

کراچی میں کراچی میں طوفانی بارش سےنظام زندگی درہم برہم ہو چکی ہے،نارتھ کراچی،ناظم آباد،نارتھ ناظم آباداورسرجانی ٹاؤن میں تیزبارش ہوئی ہے،ملیر،گڈاپ،قائدآباد،شارع فیصل اورناگن چورنگی میں موسلادھاربارش ہوئی ہے،فیڈرل بی ایریا،لیاقت آباد، نیو کراچی ،اورنگی ٹاؤن اوربلدیہ میں بھی بارش ہوئی ہے ،کراچی میں موسلادھاربارش کےباعث بیشترشاہراہیں تالاب بن گئیں ،

کراچی میں شدید بارش کے باعث شاہراہ فیصل پربارش کاپانی جمع ہو گیا جس کی وجہ سے گاڑیوں کی قطاریں لگ گئیں، اولڈسٹی ایریامیں بارش کاپانی جمع ہونےسےٹریفک کانظام متاثرہوا ہے، نارتھ کراچی اورناگن چورنگی کےاطراف بارش کاپانی جمع ہونے سے بیشترگاڑیاں پھنس گئیں.

بارش کے باعث پرائیویٹ اسکولزکی نمائندہ تنظیموں نے کل کراچی میں اسکولزبندرکھنےکااعلان کر دیا ہے، آل سندھ پرائیویٹ اسکولز ایسوسی ایشن کراچی نے اعلان کیا ہے کہ کراچی کےتمام نجی اسکولزکل بندرہیں گے، اسکولزبندرکھنےکافیصلہ بارش کےباعث کیاگیا ،سندھ حکومت نےتاحال سرکاری اسکول بندکرنےکااعلان نہیں کیا