Category: کراچی

میئر کراچی بیرسٹر مرتضیٰ وہاب نے کہا ہے کہ بغیر پیشگی اجازت کے کے ایم سی کی سڑکوں کو نہ کاٹا جائے بصورت دیگر ایسے اداروں کے خلاف ایف آئی آر سمیت دیگر قانونی کارروائی عمل میں لائی جائے گی.

باغی ٹی وی کے مطابق ان خیالات کا اظہار میئر کراچی نے سوئی سدرن گیس کمپنی (SSGC) کے ایک وفد سے اپنے دفتر میں ملاقات کے موقع پر کیا، وفد کی قیادت ڈپٹی منیجنگ ڈائریکٹر SSGC سعید رضوی کر رہے تھے، میونسپل کمشنر افضل زیدی، ڈائریکٹر کوآرڈینیشن اخلاق خان یوسف زئی اور دیگر متعلقہ افسران بھی اس موقع پر موجود تھے. میئر کراچی بیرسٹر مرتضیٰ وہاب نے کہا کہ کے ایم سی کی 106 سڑکوں کی روڈ کٹنگ کی فیس کا حق صرف کے ایم سی رکھتی ہے، اگر کوئی ادارہ روڈ کٹنگ فیس کے ایم سی کے علاوہ یا کسی اور ادارے یا ٹائونز کے پاس جمع کراتا ہے تو وہ ازخود اس کا ذمہ دار ہے.

انہوں نے کہا کہ کراچی کے جن 106 سڑکوں کا نوٹیفکیشن ہوچکا ہے ان کی دیکھ بھال اور تعمیر و مرمت کے ایم سی کی ذمہ داری ہے، میئر کراچی نے کہا کہ کے ایم سی ان سڑکوں کی دیکھ بھال اور تعمیر و مرمت پر اربوں روپے خرچ کرتی ہے اور بعض ادارے انتہائی سفاکی کے ساتھ ان سڑکوں کو کاٹ ڈالتے ہیں، انہوں نے کہا کہ سوئی سدرن گیس کمپنی ورنگی ٹائون اور پی ای سی ایچ ایس سمیت جن علاقوں میں بھی نئی لائنیں ڈالنا چاہتی ہے یا مرمت کی غرض سے سڑکوں کی کٹنگ چاہتی ہے اس کی باقاعدہ کے ایم سی سے تحریری طور پر اجازت لے، میئر کراچی بیرسٹر مرتضیٰ وہاب نے کہا کہ بلا اجازت و ضرورت کسی بھی شخص یا ادارے کو سڑکوں کو کاٹنے کی اجازت نہیں دے سکتے، خدمات عامہ کے تمام ادارے اگر قواعد و ضوابط اور آپس میں روابط کے ساتھ کام کریں گے تو سب کی کارکردگی بہتر ہوگی.

میئر کراچی نے واضح کیا کہ وہ عوام کو کسی بھی قسم کی سہولیات پہنچانے میں رکاوٹ نہیں بننا چاہتے لیکن قوانین پر عملدرآمد انتہائی ضروری ہے تاکہ اداروں میں تصادم نہ ہو، انہوں نے کہا کہ خدمات عامہ کے تمام اداروں کا مقصد ہی عوام کو سہولیات فراہم کرنا ہے اس لئے کوئی بھی ادارہ بغیر کسی رکاوٹ کے عوام تک سہولیات پہنچائیں کے ایم سی ان کی مدد کے لئے تیار ہے۔

عوام کو بنیادی سہولیات کی فراہمی حکومت کی بنیادی ذمہ داری ہے۔سیف اللہ خالد

کراچی: وزیر توانائی سندھ سید ناصر حسین شاہ نے کہا ہے کہ ہم وزیراعلیٰ پنجاب مریم نواز کو عزت اور قدر کی نگاہ سے دیکھتے ہیں اور ان کے اچھے کاموں کو سراہتے ہیں۔

باغی ٹی وی : سندھ اور پنجاب حکومتوں کے ترجمانوں کے بیانات پر ردعمل دیتے ہوئے ناصر شاہ نے کہا کہ دونوں حکومتیں اپنی قیادت کی رہنمائی میں عوامی فلاح و بہبود کے لیے بہترین کام کر رہی ہیں صوبائی حکومتوں کے درمیان کوئی مقابلہ نہیں ہے بلکہ ہر صوبہ عوامی ضروریات کے مطابق منصوبے شروع کرتا ہے صوبوں کے درمیان بے جا تنازعات پیدا کرنے سے گریز کرنا چاہیے تاکہ ملکی ماحول خراب نہ ہو، وزیراعلیٰ پنجاب مریم نواز بہترین کام کررہی ہیں، ہم انہیں عزت اور قدر کی نگاہ سے دیکھتے ہیں اور ان کے اچھے کاموں کو سراہتے ہیں۔

ترقی کا تسلسل نہ ٹوٹتا تو ملک خطے اور دنیا میں کہیں آگے ہوتا،نواز شریف

ناصر شاہ نے کہا کہ جب پنجاب کے وزرا اور ترجمان کچھ منصوبوں کو پاکستان میں پہلی بار متعارف کرانے کا جھوٹا دعویٰ کرتے ہیں جبکہ وہ کئی برس سے سندھ حکومت کے تحت جاری ہیں تو ہمارے لیے اپنا مؤقف پیش کرنا ضروری ہو جاتا ہے اگر وزیراعلیٰ سندھ جامشورو-سیہون روڈ کی تکمیل چاہتے ہیں تو اس میں کوئی برائی نہیں ہے۔

دن رات محنت کرکے عوام کی زندگیوں کو تبدیل کرکے رہیں گے، مریم نواز

ناصر حسین شاہ نے کہا کہ اگر سندھ حکومت وفاق سے کسی منصوبے پر عملدرآمد کا مطالبہ کرتی ہے تو یہ صوبے کا آئینی حق ہے اور اس میں کوئی غلط بات نہیں پنجاب کےوفاقی منصوبوں پر سندھ حکومت نےکبھی اعتراض نہیں کیاسندھ حکومت چاہتی ہےکہ جیسے دوسر ے صوبوں کو وفاقی منصوبے دیئے جاتے ہیں، سندھ کو بھی اس کا جائز حق ملے جب کوئی صوبہ اپنا حق مانگتا ہے تو کسی دوسرے صو بے کو اس پر اعتراض نہیں کرنا چاہئے۔

چیمپئنز ٹرافی :بھارتی میڈیا بھی محسن نقوی کی تعریفیں کرنے پر مجبور

ورلڈ بینک کا کہنا ہے کہ سندھ میں جاری منصوبوں کی پیشرفت پر انتہائی خوشی اور اطمینان ہے، سندھ میں منصوبوں کیلئے جو فنڈ دیا جاتا ہے اس کا صحیح استعمال ہوتا ہے۔

باغی ٹی وی کے مطابق وزیراعلیٰ سندھ مراد علی شاہ سے ورلڈ بینک کے وفد نے ملاقات کی ، اس موقع پر مراد علی شاہ نے گفتگو کرتے ہوئے کہا کہ سیلاب کے بعد حکومت پاکستان، سندھ اور ورلڈ بینک نے ملکر کام کیا۔متاثرین کی بحالی کیلئے ورلڈ بینک نے فوری 1.6 ارب ڈالر کی منظوری دی،بلاول بھٹو نے متاثرین کیلئے گھروں کی تعمیر کی فوری ہدایت کی،ہم نے سیلاب متاثرین کیلئے تیز رفتاری کیساتھ گھروں کی تعمیر کی،ہم ورلڈ بینک کیساتھ مزید مضبوط شراکت داری قائم کرنا چاہتے ہیں،

وفد کو بریفنگ دی گئی کہ سندھ میں ورلڈ بینک کے تعاون سے اس وقت 13 منصوبے جاری ہیں،جس پر تیزی سے کام جاری ہے، کچھ رواں سال مکمل ہو جائینگے،سندھ میں ورلڈ بینک کے تعاون سے 5 منصوبے پائپ لائن میں بھی ہیں۔ورلڈ بینک کے ایگزیکٹو ڈائریکٹرز نے سندھ حکومت کو مستقبل میں مزید تعاون کی یقین دہانی بھی کرائی۔

روس سے جنگ بندی مذاکرات،امریکہ کا یوکرین کو شریک نہ کرنے کا انکشاف

شائقین کیلیے ورلڈ کرکٹ لیجنڈز کے ساتھ مفت سفر کرنے کا موقع

اپوزیشن کے احتجاج کے باوجودسندھ اسمبلی میں یونیورسٹیز ترمیمی بل منظور

تجارتی خسارے ، ایکسپورٹس اور درآمدات میں اضافہ ریکارڈ

سندھ اسمبلی نے یونیورسٹیز ترمیمی بل منظور کرلیا ، اس موقع پر اپوزیشن کی جانب سے شدید احتجاج کیا گیا۔

باغی ٹی وی کے مطابق گورنر سندھ کامران ٹیسوری کی جانب سے اعتراض شدہ سندھ یونیورسٹیز ترمیمی بل 2025 سندھ اسمبلی میں دوبارہ پیش کیا گیا تو ایم کیو ایم کے ارکان نے ایوان میں شدید شور شرابہ کیا اور نامنظور نامنظور کے نعرے لگائے۔وزیر پارلیمانی امور ضیا لنجار کی جانب سے بل پیش کیے جانے پر اپوزیشن کی جانب سے شور شرابہ کیا گیا، تاہم ایوان نے سندھ یونیورسٹیز ترمیمی بل 2025ء منظور کرلیا۔بل کی منظوری کے وقت اپوزیشن ارکان نے اسپیکر ڈائس کے پاس پہنچ کر نعرے بازی کی۔ دریں اثنا وزیر قانون سندھ نے سول کورٹس ترمیمی بل (نظرثانی) بھی ایوان میں پیش کیا۔ یہ دونوں بل گزشتہ اجلاس میں منظور کیے تھے لیکن گورنر سندھ نے اعتراض لگا کر واپس کردیے تھے۔

اپوزیشن اراکین نے احتجاج کرتے ہوئے ایوان سے واک آؤٹ کیا۔پوائنٹ آف آرڈر پر بات کرتے ہوئے شرجیل انعام میمن نے کہا کہ آج اپوزیشن کا رویہ قابل مذمت تھا۔ یہاں پر ایم کیو ایم اور پی ٹی آئی نے ہاتھ ملا لیا ہے۔ اب ان کا اتحاد ہے۔ جو اس ہاؤس میں بغیر بلائے مہمان تھے ان کو شرم کی ضرورت تھی۔ آج جن لوگوں نے احتجاج کیا ان میں سے کسی نے بھی بل کو پڑھا نہیں تھا۔ ہر قابل و اہل شخص وائس چانسلر لگ سکتا ہے۔ اس پر ہنگامہ کرنا بچکانہ حرکت تھی۔بعد ازاں سندھ اسمبلی کا اجلاس غیر معینہ مدت تک کے لیے ملتوی کردیا گیا۔

چیمپئنز ٹرافی کیلئے پاکستانی ٹیم کی بھرپور تیاریاں

نیپرا حکام کا کابینہ منظوری کے بغیر اپنی تنخواہوں میں خود ہی اضافہ

عمران خان نے شیر افضل مروت کو ملاقات کیلئے بلا لیا

انٹربینک میں ڈالر کی قدر میں اضافہ، اوپن مارکیٹ میں تنزلی

پاکستان کی تجارتی صورتحال میں جنوری 2025 کے دوران تجارتی خسارے میں 18 فیصد سالانہ اضافے کے ساتھ 2.3 ارب ڈالرز تک پہنچ گیا ہے۔

باغی ٹی وی کے مطابق ملک کی ایکسپورٹس میں بھی اضافہ دیکھنے کو ملا، جنوری میں 6 فیصد سالانہ اضافے کے ساتھ ایکسپورٹس 3 ارب ڈالرز تک پہنچ گئیں۔ دسمبر 2024 کے مقابلے میں ایکسپورٹ میں 1 فیصد کا اضافہ ریکارڈ کیا گیا۔دوسری جانب، جنوری 2025 میں درآمدات میں 11 فیصد سالانہ اضافہ ریکارڈ کیا گیا، جس کے نتیجے میں ملکی درآمدات 5.3 ارب ڈالرز تک پہنچ گئیں۔مالی سال 2025 کے سات ماہ کے دوران تجارتی خسارے میں 3 فیصد کا اضافہ ہوا، اور اس مدت میں تجارتی خسارہ 13 ارب 50 کروڑ ڈالرز تک پہنچ گیا۔اس دوران ملکی مجموعی ایکسپورٹس 19 ارب 58 کروڑ ڈالرز تک پہنچ گئیں، جبکہ مجموعی درآمدات 33 ارب ڈالرز تک جا پہنچی ہیں۔

چیمپئنز ٹرافی کیلئے پاکستانی ٹیم کی بھرپور تیاریاں

نیپرا حکام کا کابینہ منظوری کے بغیر اپنی تنخواہوں میں خود ہی اضافہ

عمران خان نے شیر افضل مروت کو ملاقات کیلئے بلا لیا

ایئر کراچی نے آر پی ٹی لائسنس کے لیے درخواست جمع کرا دی

ایئر کراچی نے پاکستان سول ایوی ایشن اتھارٹی کو باقاعدہ پبلک ٹرانسپورٹ لائسنس کے حصول کے لیے اپنی درخواست جمع کرادی ہے۔

باغی ٹی وی کے مطابق یہ درخواست ڈائریکٹر ایئر ٹرانسپورٹ اینڈ ای آر کو جمع کرائی گئی، جس کے ساتھ تفصیلی کاروباری منصوبہ اور تمام مطلوبہ دستاویزات بھی فراہم کی گئی ہیں۔ایئر کراچی کی انتظامیہ نے اپنے بیان میں کہا کہ کمپنی پاکستان سول ایوی ایشن اتھارٹی کے مقرر کردہ ضوابط اور تقاضوں کی مکمل تعمیل کے لیے پرعزم ہے۔ایئر کراچی انتظامیہ نے مزید کہا کہ درخواست پر جلد از جلد کارروائی کے لیے تعاون کی درخواست کی ہے تاکہ کمپنی اپنے منصوبوں کو بروقت آگے بڑھا سکے۔

یاد رہے کہ ایئر کراچی نومبر 2024 میں سیکیورٹیز اینڈ ایکسچینج کمیشن آف پاکستان (SECP) کے ساتھ رجسٹرڈ ہو چکی ہے اور اس کا مقصد ایک باقاعدہ پبلک ٹرانسپورٹ آپریٹر کے طور پر ملکی اور بین الاقوامی دونوں راستوں پر طے شدہ مسافر اور کارگو خدمات فراہم کرنا ہے۔ایئر کراچی انتظامیہ نے کہا کہ آر پی ٹی لائسنس حاصل کرنے کے بعد کمپنی ڈومیسٹک فلائٹ آپریشنز کا آغاز کرے گی، جس سے ملک کے اندر پروازوں کی سہولت میں اضافہ ہوگا اور عوامی نقل و حمل کے شعبے میں مزید بہتری آئے گی۔

انسانی اسمگلرز کے گرد گھیرا مزید تنگ کیا جا رہا ہے،عطااللہ تارڑ