Category: کراچی

کراچی: سوئی ناردرن گیس پائپ لائنز لمیٹڈ نے موسم سرما میں گھریلو صارفین کے لیے گیس کی فراہمی کا نیا شیڈول جاری کر دیا۔

باغی ٹی وی: جاری شیڈول کے مطابق صارفین کو دن بھر کے 3 مختلف اوقات میں گیس فراہم کی جائے گی تاکہ گیس کی مکمل دباؤ کے ساتھ فراہمی یقینی بنائی جا سکے اس اقدام کا مقصد گھریلو صارفین کو روزمرہ امور، خاص طور پر کھانا پکانے کی منصوبہ بندی کرنے میں سہولت فراہم کرنا ہے۔

گیس کمپنی کے مطابق گھریلو صارفین کو گیس کی فراہمی صبح 6 سے 9 بجے، دوپہر 12 سے 2 بجے ، جبکہ شام 6 سے 9 بجے تک ہوگی، ایس این جی پی ایل حکام کے مطابق حکومت کی ہدایات پر گیس فراہمی کے اوقات کو تبدیل کیا گیا مذکورہ اوقات میں تمام علاقوں میں گیس مکمل دباؤ کے ساتھ فراہم کی جائے گی۔

ترجمان سوئی ناردرن گیس پائپ لائنز لمیٹڈ کے مطابق موسم سرما میں گیس کی طلب میں نمایاں اضافہ ہوجاتا ہے۔

کراچی میں یونیورسٹی روڈ پر 84 انچ قطرکی پانی کی سپلائی لائن دوبارہ ٹوٹ گئی۔

باغی ٹی وی: جامعہ کراچی کے قریب بی آر ٹی ریڈ لائن کے تعمیراتی کام کے دوران پانی کی لائن ٹوٹی جس کے باعث شہر کو 70 فیصد پانی کی سپلائی معطل ہوگئی،کراچی میں پانی کا ایک بار پھر بحران کا خدشہ پیدا ہوگیا ہے، یونی ورسٹی روڈ پر 84 انچ کی لائن کے مرمتی کام کی وجہ سے شہر کے بڑے حصے کو پانی کی فراہمی پیر سے بند کردی جائے گی، ریڈ لائن کی تعمیرات کے دوران 3 دسمبر کو متاثر ہو نے والی پانی کی لائن شہریوں کیلیے عذاب بن گئی-

3 دسمبر کو ریڈ لائن کی تعمیرات کے دوران 84 انچ قطر کی لائن کو 2مقامات سے پھاڑ دیا گیا تھا جس کے بعد شہر کا پانی بند کر کے 8 دن بعد واٹر کارپوریشن نے مرمتی کام مکمل کیا تھا تاہم 24 گھنٹے بعد ہی ایک متاثرہ مقام سے پانی کا رساؤ شروع ہوگیا تھا لیکن واٹر کارپور یشن کی جانب سے پانی کی فراہمی معمول کے مطابق جاری ہے تاہم اب واٹر کارپوریشن نے فیصلہ کیا ہے جس مقام سے لائن میں رساؤ آرہا ہے اس کا مرمتی کام پیر سے شروع کیاجا ئے گا تاہم ایک بار پھر کراچی کے بڑے حصے کو پانی کی فراہمی بند کی جائے گی-

ذرائع کا کہنا ہے کہ 48 سے 72 گھنٹوں کیلیے پانی کی فراہمی بند رہے گی زیادہ علاقے جو متاثر ہوں گے ان میں کورنگی ، لانڈھی، شاہ فیصل کالونی ، ملیر، گلستان جوہر، اولڈ سٹی ایریا ، طارق روڈ، اولڈ سٹی ایریا ،لیاری، لیاقت آباد، پی آئی بی کالونی سمیت متعدد شامل ہے متاثرہ علاقوں کے مکین ہفتہ اور اتوار کو کا ذخیرہ کرلیں تاکہ آنے والوں دنوں میں پانی کی شدید کمی کا سامنا کرنا ہوگا ۔

ترجمان واٹر بورڈ کے مطابق پائپ لائن ٹوٹنے سے شہر میں 250 ملین گیلن پانی کی یومیہ قلت ہےبی آر ٹی کے تعمیراتی کام کے سبب 15دن میں تیسری بار لائن پھٹی ہے۔

دوسری جانب واٹر کارپوریشن نے ٹرانس کراچی کے سی ای او کو خط لکھ کر 3 کروڑ 50 لاکھ روپے ہرجانے کا مطالبہ کیا ہےترجمان کا کہنا تھاکہ بی آر ٹی تعمیراتی ٹیم کام کے دوران احتیاط برتے، پائپ لائن کے نقصان کے باعث پانی کی قلت سے شہر بھر میں مشکلات ہیں، رپورٹ کے مطابق کنٹریکٹرزکی غفلت اورعدم تعاون کو حادثے کی اہم وجوہات قرار دیا گیا ، پانی کی لائن کی مرمت اورترسیل بحال کرنے میں ساڑھے3کروڑ روپے خرچ ہوئے۔

واضح رہے کہ گزشتہ دنوں بھی یونیورسٹی روڈ پر84 انچ قطر کی مین لائن دو بار پھٹ چکی ہے جس کے باعث شہر میں پانی کی فراہمی متاثر ہوئی تھی۔

کراچی: جناح انٹرنیشنل ائیرپورٹ پر بھارت کے مسافر بردار طیارے نےایمرجنسی لینڈنگ کی ہے،

دوران سفر مسافر کی طبیعت بگڑنے کی وجہ سے بھارتی پرواز نے لینڈنگ کی،ایوی ایشن ذرائع کے مطابق، بھارتی ائیرلائن کی پرواز AI-201 دہلی سے جدہ جا رہی تھی کہ پاکستان کی فضائی حدود میں ایک مرد مسافر کی حالت اچانک خراب ہو گئی۔ جہاز کے عملے نے فوری طور پر متاثرہ مسافر کو آکسیجن فراہم کی تاکہ اس کی حالت کو سنبھالا جا سکے، تاہم مسافر کی حالت بدستور خراب ہوتی گئی۔ طیارے کا عملہ مسلسل کوشش کر رہا تھا مگر مسافر کی حالت میں کوئی بہتری نہ آئی، جس کے بعد پائلٹ نے فوری طور پر کراچی ائیر ٹریفک کنٹرول سے رابطہ کیا۔بھارتی پائلٹ نے کراچی ائیر ٹریفک کنٹرول کو انسانی ہمدردی کی بنیاد پر درخواست کی کہ طیارہ کراچی میں ایمرجنسی لینڈنگ کرے تاکہ مسافر کو فوری طور پر طبی امداد فراہم کی جا سکے۔ ائیرپورٹ حکام نے پائلٹ کی درخواست پر فوری ردعمل دیتے ہوئے لینڈنگ کی اجازت دے دی۔

جیسے ہی اجازت ملنے کے بعد طیارے نے اپنے روٹ میں تبدیلی کی اور جناح انٹرنیشنل ائیرپورٹ کی جانب رخ کر لیا۔ طیارہ بغیر کسی مزید دقت کے ائیرپورٹ پر کامیابی سے لینڈ کر گیا۔ ائیرپورٹ پر موجود حکام اور پاکستان سول ایوی ایشن اتھارٹی (سی اے اے) کی میڈیکل ٹیم نے فوری طور پر طیارے کے اندر جا کر مسافر کو ابتدائی طبی امداد فراہم کی۔پاکستان سول ایوی ایشن اتھارٹی کے مطابق، طیارے کی لینڈنگ کے بعد میڈیکل ٹیم نے متاثرہ مسافر کو فوراً طبی امداد دی، جس کے بعد اس کی حالت میں کچھ بہتری آئی۔ مسافر کو ائیرپورٹ کے میڈیکل سینٹر منتقل کر دیا گیا تاکہ اس کی حالت کا مزید جائزہ لیا جا سکے۔ ایوی ایشن حکام نے بتایا کہ مسافر کی حالت اب خطرے سے باہر ہے ،پاکستان کی سول ایوی ایشن اتھارٹی اور ائیرپورٹ حکام نے انسانی ہمدردی کی بنیاد پر اس ایمرجنسی لینڈنگ کی اجازت دی اور اس عمل کو انتہائی پروفیشنل انداز میں انجام دیا۔ بھارتی ائیرلائن کے عملے اور پاکستانی حکام کے درمیان اس تعاون کو دونوں ممالک کے درمیان مثبت اشارہ کے طور پر دیکھا جا رہا ہے۔

انڈیگو کا کمال،پروازوں میں تاخیر،مسافر 24 گھنٹے تک بے حال

یورپی یونین کے بعد برطانیہ کی پروازیں بھی کھلنے کی امید

پی آئی اے کی کراچی سے تربت کے لیے پروازیں دوبارہ شروع

حکومت سندھ نے 25 دسمبر کو تمام سرکاری دفاتر میں عام تعطیل کا اعلان کردیا ہے۔

باغی ٹی وی کے مطابق کراچی سے آج جاری ہونے والے نوٹیفکیشن کے مطابق 25 دسمبر کو تمام سرکاری دفاتر میں عام تعطیل ہوگی۔ بانی پاکستان قائد اعظم محمد علی جناح کی پیدائش پر تمام سرکاری دفاتر میں عام تعطیل کا اعلان کردیا گیا ہے۔نوٹیفکیشن کے مطابق 26 دسمبر کو کرسمس کے حوالے سے مسیحی ملازمین کےلیے تعطیل کا اعلان کیا گیا ہے۔

صدر کے مدارس ایکٹ پر اعتراضات غیر آئینی قرار

صدر کے مدارس ایکٹ پر اعتراضات غیر آئینی قرار

سونے کی قیمت میں اچانک بڑی کمی

عالمی مارکیٹ میں تیل کی قیمتوں میں اضافہ ہونے کی وجہ سے پاکستان میں بھی 16 دسمبر سے پٹرولیم مصنوعات کی قیمتوں میں اضافہ ہونے کا امکان ہے.

باغی ٹی وی کے مطابق اگلے 15 روز کے لیے پیٹرول کی قیمت میں 0.81 روپے فی لیٹر اضافہ جبکہ ڈیزل کی قیمت میں 3.94 روپے فی لیٹر کمی کی توقع ظاہر کی جارہی ہے۔ عالمی منڈی میں پٹرولیم مصنوعات کی قیمتوں میں مزید اضافہ ہوگیا۔ عالمی میڈیا کے مطابق برینٹ کروڈ فیوچر 14 سینٹ اضافے کے ساتھ 73.66 ڈالر فی بیرل پر پہنچ گیا۔یو ایس ویسٹ ٹیکساس انٹرمیڈیٹ خام تیل کی فیوچر قیمت 6 سینٹ بڑھ کر 70.35 ڈالر ہوگئی۔ میڈیا رپورٹ کے مطابق عالمی منڈی کے زیراثر ملک میں بھی پٹرولیم مصنوعات کی قیمتوں میں مزید اضافے کا امکان ہے کیونکہ 10 روز میں عالمی منڈی میں امریکی خام تیل کی قیمت میں 63 سینٹ کا اضافہ دیکھا گیا۔واضح رہے کہ وفاقی حکومت نے 30 نومبر کو پیٹرولیم مصنوعات کی قیمتوں میں اضافے کا اعلان کیا تھا۔ وفاقی وزارت خزانہ سے جاری نوٹیفکیشن کے مطابق پیٹرول کی قیمت میں 3 روپے 72 پیسے جبکہ ہائی اسپیڈ ڈیزل کی قیمت میں 3 روپے 29 پیسے اضافہ کیا گیا تھا۔

پاکستان کا جنوبی افریقہ کو جیت کیلئے 207رنز کا ہدف

بشار کا تحتہ الٹنےکے بعد روس نے شام کی گندم فراہمی روک دی

بجلی صارفین پر نیا بوجھ ڈالنے کا منصوبہ سامنے آ گیا

سونے کی قیمت میں اچانک بڑی کمی

مقامی مارکیٹ میں سونے کی فی تولہ قیمت میں 5ہزار روپے کی کمی ہوگئی ہے۔

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 2لاکھ 77ہزار800 روپے ہوگئی ہے۔اسی طرح 10گرام سونے کی قیمت میں 4286روپے کی کمی ہوئی جس کے بعد 10گرام سونے کی قیمت 2لاکھ 38 ہزار 169روپے ہوگئی۔دوسری جانب بین الاقوامی بلین مارکیٹ میں فی اونس سونے کی قیمت 50ڈالر کی کمی سے 2666ڈالر کی سطح پر آگئی ہے۔واضح رہے کہ اس سے قبل عالمی مارکیٹ میں سونے کی قیمتوں میں اضافہ ہونے کے باعث پاکستان میں بھی تین روز میں سونے کی فی تولہ قیمت میں 6 ہزار 300 روپے جبکہ 10 گرام سونے کی قیمت میں 5487 روپے اضافہ ہوگیا ہے۔نئی قیمت 2 لاکھ 42 ہزار 455 روپے کی سطح پر پہنچ گئی۔ عالمی مارکیٹ میں سونے کی قیمت 23 ڈالر بڑھنے کے بعد فی اونس سونا 2 ہزار 716 ڈالر کا ہوگیا ہے۔

کراچی فراہمی و نکاسی آب کیلئے 24 کروڑ ڈالر منظور

سندھ حکومت ائیر ایمبولینس، مرٰیض سکھرسے کراچی منتقل

محض شک کے بنا پرشوہر نے حاملہ بیوی کو نہر میں پھینک دیا

عالمی بینک نے کراچی کو فراہمی و نکاسی آب کے منصوبے کے لیے 24 کروڑ ڈالرز قرض کی فنانسنگ کی منظوری دے دی۔

عالمی بینک کے مطابق منصوبے کے تحت کراچی کے شہریوں کو صاف پانی فراہم کیا جائے گا اور شہر میں نکاسی آب کا نظام بہتر ہوسکے گا۔
عالمی بینک کی جانب سے پاکستان کو فراہم کیے جانے والے 24 کروڑ ڈالر کے فنڈز کراچی واٹر اینڈ سیوریج پروجیکٹ 2 پر خرچ کیے جائیں گے۔
عالمی بینک کے مطابق منصوبے سے ایک کروڑ 60 لاکھ شہریوں کو صاف پانی کی سہولت میسر آسکے گی جبکہ 75 لاکھ شہریوں کے لیے نکاسی آب کی سہولت بہتر ہوگی۔عالمی بینک کا کہنا ہے کہ منصوبے کے لیے اضافی 25 کروڑ ڈالر حکومت پاکستان فراہم کرے گی، نجی شعبے سے 26 کروڑ 90 لاکھ ڈالر کا کمرشل قرض لیا جائے گا۔واضح رہے شہر قائد کو اس وقت صاف پانی اور گندے نکاسی آب منصوبے کی اشد ضرورت ہے شہر بھر میں کروڑوں لوگ متاثر ہو رہے ہیں.

سندھ حکومت ائیر ایمبولینس، مرٰیض سکھرسے کراچی منتقل

مزید آئی پی پیز سے معاہدے ختم ہونے سےسینکڑوں ارب کی بچت

محض شک کے بنا پرشوہر نے حاملہ بیوی کو نہر میں پھینک دیا

وزیراعلیٰ سندھ مراد علی شاہ نے 19ویں کراچی بین الاقوامی کتب میلے کی افتتاحی تقریب سے خطاب کرتے ہوئے اسے علم ، ثقافت اور تخیل کا میلہ قرار دیا۔

باغٰی ٹی وی کی رپورٹ کے مطابق پانچ روزہ 19واں بین الاقوامی کراچی کتب میلہ ایکسپو سینٹر میں جاری ہے۔ فیتہ کاٹنے کے موقع پر وزیر تعلیم سید سردار شاہ، میئر کراچی مرتضیٰ وہاب، صدر آرٹس کونسل پاکستان احمد شاہ ، آرگنائزر متین خان اور عزیز خالد وزیراعلیٰ کے ہمراہ تھے۔ میلے کی اہمیت پر بات کرتے ہوئے مراد علی شاہ نے کہا کہ کتب میلے نے قومی اور بین الاقوامی پبلشرز کو ایک ہی چھت تلے جمع کیا ہے جس سے خیالات کے تبالے اور کتب کی فروخت میں اضافہ ہوگا۔کتب بینوں، لکھاریوں اور پبلشرز کو ایک ہی چھت تلے جمع کرنے والے اس پروگرام کا حصہ بننا اعزاز کی بات ہے۔ انہوں نے پبلشرز، کتاب فروشوں اور لائبریریز کی کوششوں اور ادبی حلقوں کے درمیان تعاون کو سراہا۔کتب میلے میں مصنفین کو پبلشرز اور قارئین کے ساتھ تبادلہ خیال کا موقع ملتا ہے جس سے تخیلیقی مکالمہ اور تنقیدی سوچ پروان چڑھتی ہے۔ وزیراعلیٰ نے میلے کی کامیابی کیلیے وقار متین کی قیادت میں آرگنائزر اور انتظامی کمیٹی کی محنت کو بھی سراہا۔ ان کا کہنا تھا کہ ان کا ادب کے فروغ اور کتابوں سے پیار کا جذبہ قابل قدر ہے۔اس سال میلے میں 17 ممالک کے 40 ادارے شریک ہیں جو پاکستان کیلیے ادبی اور ثقافتی سنگ میل ہے۔ وزیراعلیٰ سندھ نے کراچی میں ملک کے سب سے بڑے کتب میلے کے انعقاد کو اعزاز قرار دیا اور کہا کہ یہ بھی ہمارے کراچی کا ہی اعزاز ہے کو حال ہی میں 17ویں اردو کانفرنس ہوئی اور ہمارے کراچی میں ہی دنیا کا سب سے بڑا کلچرل فیسٹیول بھی ہوا۔کتب میلے میں لوگوں کے ہجوم پر بات کرتے ہوئے مراد علی شاہ نے کہا کہ لوگوں کی دلچسپی دیکھ کر دل خوش ہوا ہے۔میں کوشش کروں گا کہ اگلے چار روز کے دوران یہاں دوبارہ آوں اور میلے کا لطف اٹھاؤں۔ انہوں نے لوگوں کو پڑھنے کی ترغیب دیتے ہوئے کہا کہ ہر کتاب میں ایک دنیا ہے جو دریافت کی منتظر ہے۔ ہر صفحہ ایک سفر اور ہر پڑھنے والا اپنی کہانی خود بناتا ہے۔ کراچی بین الاقوامی کتب میلہ تخیلقی سوچ، فکری گفتگو اور ثقافتی پذیرائی کا اہم ذریعہ ہے اور ہر سال اس کے دائرے میں اضافہ ہو رہا ہے۔وزیرتعلیم سید سردار شاہ نے اس موقع پر بات کرتے ہوئے ڈیجیٹل دور میں بھی کتاب کی لافانی اہمیت کو اجاگر کیا۔ ان کا کہنا تھا کہ ڈیجیٹل کتابوں کی دنیا میں اپنی اہمیت ہے لیکن کتاب کو ہاتھ میں لینے اور ورق گردانی کا جو مزہ ہے وہ بے مثال ہے۔ سردار شاہ نے علم اور تحقیق کے میدان میں مسلمانوں کے تاریخی کردار پر بھی روشنی ڈالی۔ انہوں نے بتایا کہ مسلمانوں نے جدید تعلیم کو آگے بڑھانے میں بنیادی کردار ادا کیا ہے۔جامعہ القراوین 859 عیسوی میں مراکش میں قائم کی گئی اور بغداد کا بیت الحکمت نویں صدی میں علم کا مرکز تھا۔ اس کے مقابلے میں آکسفورڈ یونیورسٹی 12 ویں صدی میں قائم کی گئی۔ سردار شاہ نے بتایا کہ پھر وقت گزرنے کے ساتھ ساتھ مسلمانوں پر فکری اور علمی زوال آگیا۔ ہمیں اپنے علمی اور تخلیقی ورثے کو دوبارہ زندہ کرنے کی ضرورت ہے۔ وزیرتعلیم نے زور دیا کہ تعلیم کو اہمیت دیں، نئی نسل میں پڑھنے اور سیکھنے کے کلچر کو عام کریں۔

بھارتی فرنچائز کا مالک میچ فکسنگ کے الزام میں گرفتار

سندھ سرمایہ کاروں کو مکمل تحفظ فراہم کرے گا، شرجیل میمن

کراچی سے دبئی جانے والے طیارے کی ایمرجنسی لینڈنگ

وزیر اطلاعات سندھ شرجیل انعام میمن نے کہا ہے کہ سندھ حکومت سرمایہ کاروں کو مکمل تحفظ فراہم کرے گی۔

وزیر اطلاعات سندھ شرجیل انعام میمن نے میڈیا سے گفتگو کرتے ہوئے کہا کہ تمام پروپیگنڈے کے باوجود بیرونی سرمایہ کار کام کرنے کیلئے تیار ہیں، پاکستان میں سرمایہ کاری کیلئے ماحول سازگار ہیں، سرمایہ کاروں اور کاروباری افراد کا اعتماد بحال ہوا ہے۔میڈیکل سٹی سے 50 ہزار افراد کو نوکریاں ملیں گی، خواتین کیلئے سفر میں سہولیات فراہم کی جارہی ہیں، سولر انرجی کے مختلف منصوبوں پر کام کررہے ہیں، پاکستان قدرتی معدنیات سے مالا مال ہے۔ہم سندھ میں ماحول دوست ٹیکسی سروس متعارف کروارہے ہیں، سندھ حکومت سرمایہ کاروں کو مکمل تحفظ فراہم کرے گی، چینی سرمایہ کاروں کے ساتھ 4 ایم اویوز پر دستخط ہوئے ہیں، چینی اور پاکستانی سرمایہ کاروں میں توانائی وزراعت منصوبوں کی یادداشت ناموں پر دستخط ہوئے۔ الیکٹرک کار لوکل اسمبلنگ، سولر پینل لوکل مینوفیکچرنگ کے یادداشت ناموں پر دستخط کیے گئے، پاکستانی تاجروں کو چینی سرمایہ کاروں کے قریب لانا چاہتے ہیں، سندھ میں پبلک پرائیویٹ پارٹنر شپ کے تحت بڑے منصوبے مکمل کیے گئے۔وزیر اطلاعات سندھ کا کہنا تھا کہ چائنہ اور پاکستان کی مثالی دوستی ہے، صدر مملکت آصف زرداری نے سی پیک منصوبے کی بنیاد رکھی، سندھ حکومت چینی سرمایہ کاروں کی معاونت کرے گی۔ چین کے ساتھ تعلقات کو مزید مضبوط کرنا چاہتے ہیں، سی پیک منصوبہ پاکستان کی معیشت کو مستحکم کرے گا، چین مختلف انڈسٹری زون بنانے میں مدد فراہم کررہا ہے، حکومت صنعت کے شعبے میں اقدامات کررہی ہے۔ ہم نوجوانوں کو روزگار کے مواقع فراہم کررہے ہیں.

کراچی سے دبئی جانے والے طیارے کی ایمرجنسی لینڈنگ

سیالکوٹ: کم از کم اجرت پر عمل درآمد کے لیے خصوصی مہم کا آغاز

ڈاکٹر خالد محمود سومرو قتل کیس،دلائل مکمل، فیصلہ 20 دسمبر کو سنایا جائے گا