Category: کراچی

میئر کراچی بیرسٹر مرتضیٰ وہاب نے کہا ہے کہ امراض قلب کے علاج کے لئے شہریوں کو ترجیحی بنیادوں پر سہولیات کی فراہمی کے لئے کراچی انسٹیٹیوٹ آف ہارٹ ڈیزیز کو جدید خطوط پر استوار کر رہے ہیں.

مئیر کراچی کا کراچی انسٹیٹیوٹ آف ہارٹ ڈیزیز او ر انسٹیٹیوٹ آف ہیلتھ سائنسز (نرسنگ)کا دورہ کرتے ہوئے کہنا تھا کہ اسپتال میں ڈاکٹرز اور پیرامیڈیکل عملے کی کمی کو دور کیا جائے گا تاکہ یہاں آنے والے مریضوں کو بروقت اور بہتر طبی امداد کی فراہمی یقینی بنائی جاسکے، کراچی انسٹیٹیوٹ آف ہارٹ ڈیزیز میں قائم کئے گئے انسٹیٹیوٹ آف ہیلتھ سائنسز میں سو فیصد اسکالر شپ پر نوجوانوں کو نرسنگ کی معیاری اور جدید تربیت فراہم کی جا رہی ہے ، عباسی شہید اسپتال اور اورنگی ٹائون میں بھی اسی طرز پر نرسنگ انسٹیٹیوٹ کے قیام کے لئے کوششیں کی جائیں گی، ان اقدامات سے شہریوں کو علاج معالجے کی بہتر خدمات کی فراہمی کے ساتھ ساتھ اسپتالوں میں کام کرنے والے ڈاکٹرز اور دیگر عملے کی کارکردگی کا معیار بھی بڑھے گا اور ان اداروں پر شہریوں کا اعتماد بحال ہوگا، اس موقع پر کے آئی ایچ ڈی کے انتظامی افسران ، ڈاکٹرز اور دیگر افراد بھی موجود تھے، میئر کراچی بیرسٹر مرتضیٰ وہاب نے کراچی انسٹیٹیوٹ آف ہارٹ ڈیزیز کے ایمرجنسی وارڈ سمیت مختلف شعبوں کا معائنہ کیااور عارضہ قلب میں مبتلا مریضوں کو علاج معالجے کی بہترین سہولیات فراہم کرنے کی ہدایت کی،انہوں نے اس دوران اسپتال میں موجود مریضوں سے بھی گفتگو کی اور انہیں فراہم کی جانے والی سہولیات کے حوالے سے معلوم کیا، میئر کراچی بیرسٹر مرتضیٰ وہاب کو اس موقع پر ایگزیکٹو ڈائریکٹر کے آئی ایچ ڈی پروفیسر ڈاکٹر رفعت نے بریفنگ دی جس میں بتایا گیا کہ اسپتال کو جدید سہولیات سے آراستہ کرنے کی بدولت آج یہاں امراض قلب کے حوالے سے تقریباً تمام پروسیجرز غیرمعمولی سپورٹ کے ذریعے انجام دیئے جا رہے ہیں، اسپتال میں 12 کے وقفے کے بعد مستقل پیس میکر لگانے کا کام بھی شروع کردیا گیا ہے اور اس وقت کے آئی ایچ ڈی میں تمام کارڈک پروسیجرز مکمل طور پر فعال ہیں جن میں الیکٹیو پی سی آئی، پرائمری پی سی آئی، اینجیو گرافی، نان انوویسیو ڈپارٹمنٹ شامل ہیں، میئر کراچی بیرسٹر مرتضیٰ وہاب نے کہا کہ بلدیہ عظمیٰ کراچی اپنے وسائل کے مطابق شہریوں کو ہر ممکن بہتر طبی سہولیات فراہم کرنے کی کوشش کررہی ہے، کراچی انسٹیٹیوٹ آف ہارٹ ڈیزیز کو قومی ادارہ برائے امراض قلب کے ساتھ بذریعہ سیٹلائٹ منسلک کیا گیا ہے اور مستقبل میں مزید ایسے اقدامات کئے جائیں گے جن سے دل کے مرض میں مبتلا مریضوں کو فوری اور بہترین طبی امداد مہیا کی جاسکے، کراچی انسٹیٹیوٹ آف ہارٹ ڈیزیز میں قائم کئے گئے نرسنگ اسکول کے دورے کے موقع پر میئر کراچی بیرسٹر مرتضیٰ وہاب نے ہدایت کی کہ نرسنگ انسٹیٹیوٹ میں تربیت حاصل کرنے والے نوجوانوں کو دنیا بھر میں نرسنگ کے حوالے سے ہونے والی جدید ترین تحقیق اور پیشرفت سے آگاہ رکھا جائے اور بہترین عملی تربیت فراہم کرکے انہیں کے ایم سی اور دیگر اداروں کے زیر انتظام کراچی طبی اداروں میں خدمات کی فراہمی کے قابل بنایا جائے۔

امریکا کا یوکرین کو میزائل کے استعمال کی اجازت،روس کا سخت ردعمل

سیکیورٹی خدشات,کراچی ایئرپورٹ اور اسکے ملحقہ علاقے ریڈ زون قرار

سیکیورٹی خدشات کے پیشِ نظر ایئرپورٹ اور اس کے ملحقہ علاقوں کو ریڈ زون قرار دے دیا گی۔

باغی ٹی وی کے مطابق ایئرپورٹ کے اطراف میں آنے والے راستے محدود کر دیے گئے ہیں اور ریڈ زون میں صرف ان افراد کو داخلے کی اجازت ہوگی جو ایئرپورٹ آنے، جانے یا وہاں اپنے فرائض سر انجام دینے کے مقصد سے موجود ہوں گے کراچی ایئر پورٹ پر چینی انجینئرز کے قافلے پر خود کش حملے اور شارع فیصل پر دو لگژری گاڑیوں میں سوار افراد کے درمیان فائرنگ کے واقعے کے بعد شہر قائد میں سیکیورٹی کے انتظات مزید سخت کر دیے گئے، سیکیورٹی خدشات کے پیشِ نظر ایئرپورٹ اور اس کے ملحقہ علاقوں کو ریڈ زون قرار دیا گیا ہے۔ایس ایس پی ملیر کاشف آفتاب عباسی کے مطابق ایئرپورٹ کے قریب پانچ اہم مقامات پر اسٹار گیٹ، سی اے اے کلب، مدام بریج، ماڈل کالونی موڑ اور رینجرز چوکی فیونرل ایریا میں پولیس چیک پوائنٹس قائم کر دیے ہیں جہاں 24 گھنٹے پولیس کی نفری تعینات ہوگی۔ ان مقامات پر پولیس اہلکار ہر مشکوک شخص اور گاڑی کی چیکنگ کریں گے تاکہ کسی بھی غیر معمولی سرگرمی کو روکا جا سکے۔ایس ایس پی ملیر نے کراچی ایئر پورٹ آنے والے تمام مسافروں سے درخواست کی ہے کہ اپنی پرواز کے وقت سے قبل ایئرپورٹ پہنچیں تاکہ سیکیورٹی مراحل سے بآسانی گزر سکیں اور کسی تاخیر کا سامنا نہ کرنا پڑے۔انھوں نے کہا کہ ایم 9 موٹر وے، ملیر کینٹ، میمن گوٹھ، ماڈل کالونی اور دیگر ملحقہ علاقوں کے رہائشیوں سے گزارش ہے کہ شہر کی طرف سفر کے لیے ریڈ زون سے گزرنے کے بجائے مین شارع فیصل اور ملیر ہالٹ کا راستہ اختیار کریں۔ڈرگ روڈ سے آنے والے مسافر، جو ملیر کینٹ یا ماڈل کالونی کی طرف جا رہے ہوں، ان سے بھی گزارش ہے کہ اسٹار گیٹ یا سی اے اے کلب روڈ استعمال کرنے کے بجائے ملیر ہالٹ سے گزرتے ہوئے اپنی منزل کی طرف سفر کریں۔ایس ایس پی ملیر نے کہا کہ ایئرپورٹ جانے والے تمام افراد سے اپیل ہے کہ ریڈ زون میں داخلے سے قبل اپنی پرواز کی ٹکٹ اور قومی شناختی کارڈ ہمراہ رکھیں تاکہ سیکیورٹی چیکنگ کے عمل میں آسانی ہو۔ انھوں نے کہا کہ مسافروں کی سہولت، تحفظ اور محفوظ سفر ہماری اولین ترجیح ہے۔ ضلع ملیر پولیس عوام کی حفاظت اور امن کے قیام کے لیے ہر دم تیار ہے، کسی بھی مشکل یا پریشانی کی صورت میں پولیس آپ کی مدد کے لیے ہمہ وقت موجود ہے۔

غیر قانونی بس اڈوں کیخلاف آپریشن سے کراچی کے ٹریفک دباؤ میں کمی آئی، شرجیل میمن

منشیات فروشی میں ملوث 2ملزمان گرفتار،5کلو چرس،گاڑی برآمد

سندھ کے سینئر وزیر شرجیل انعام میمن نے کہا ہے کہ غیر قانونی بس اڈوں کے خلاف آپریشن سے کراچی کی سڑکوں پر ٹریفک کے دباؤ میں کمی آئی ہے۔

باغی ٹی وی کے مطابق سینئر وزیرسندھ شرجیل انعام میمن نے بیان میں کہا کہ حکومت سندھ بلا تفریق قانون کے نفاذ کے لیے پرعزم ہے۔ خلاف ورزی کرنے والوں کو سخت قانونی کارروائی کا سامنا کرنا پڑے گا۔ہماری اولین ترجیح غیر قانونی اور غیر محفوظ گاڑیوں کو سڑکوں سے ہٹانا اور شہریوں کو پریشانیوں کا خاتمہ یقینی بنانا ہے۔عوام حکام سے تعاون اور ٹرانسپورٹرز قوانین پر سختی سے عمل کریں۔ مہم مکمل تعمیل تک جاری رہے گی۔شرجیل میمن نے کہا کہ غیرقانونی بس اڈوں کے خلاف آپریشن سے کراچی کی سڑکوں پر ٹریفک کے دبا میں بہت کمی آئی ہے۔ حکومتی اقدامات کا مقصد ٹرانسپورٹ سرگرمیوں کو قانونی معیار پر لانا ہے۔دوسری جانب کراچی میں غیر قانونی داخل ہونے والی گاڑیوں کے خلاف آپریشن جاری ہے۔ محکمہ ٹرانسپورٹ کی جانب سے 80 گاڑیاں تحویل میں لے لی گئیں جبکہ 58 روٹ پرمٹس معطل کر دیئے گئے۔قوانین کی خلاف ورزیوں پر 18 ٹرانسپورٹرز کو وارننگز جاری کی گئیں اور 1392 گاڑیوں پر44 لاکھ 28 ہزار کے جرمانے عائد کیے گئے۔

پاکستان کی دفاعی صنعت کے فروغ کیلئے کراچی ایکسپو سنٹر میں 19 تا 22 نومبر تک دفاعی نمائش آئیڈیاز 2024ء کے 12 ویں ایڈیشن کا انعقادہوگا
.

باغی ٹی وی کی رپورٹ کے مطابق دفاعی پیداوار اور برآمدات ایس آئی ایف سی کی ترجیحات میں شامل ہیں ، پاکستان کی دفاعی صنعت فعال طور پر تحقیق و ترقی میں مصروفِ عمل ہے ، عالمی دفاعی ماہرین کی آئیڈیاز 2024 کی نمائش میں ہمیشہ گہری دلچسپی اور بھرپور شرکت ہوتی ہے ، پاکستان کا دفاعی شعبہ جدید چیلنجز اور ٹیکنالوجی کے تقاضوں کو پورا کرنے کی صلاحیت کا حامل ہے ، پاکستان کی دفاعی صنعت کی باہمی شراکت داری سے عالمی سرمایہ کاروں کو تعاون کے مواقع کی فراہمی ہے، عالمی امن، استحکام اور خوشحالی کا پیغام لیئے دفاعی آلات اور ٹیکنالوجیز کی ترقی میں پاکستان پیش پیش ہے ، ایس آئی ایف سی کے تعاون سے پاکستان کے دفاعی شعبہ کی عالمی دفاعی مارکیٹس میں پذیرائی ملی ہے ۔

جارجیا میں اپوزیشن اہلکار نے الیکشن کمیشن کے سربراہ پر سیاہی پھینک دی

وفاقی وزیر تعلیم خالد مقبول صدیقی نے کہاہے کہ پاکستان کی ترقی کا واحد راستہ تعلیم ہے، تعلیم نہ صرف وقت کی ضرورت بلکہ ہمارے دین کا پہلا حکم بھی ہے.

اِن خیالات کا اظہار انہوں نے بطور مہمان خصوصی کراچی میں علامہ اقبال اوپن یونیورسٹی کے سندھ چیپٹر کے کانووکیشن سے خطاب کرتے ہوئے کیا۔ ایم ایس، ایم فل اور پی ایچ ڈی کے طلبہ میں ڈگریاں تقسیم کی گئیں جن میں ا چھی کارکردگی کا مظاہرہ کرنے والے طلبہ کو گولڈ میڈلز سے نوازا گیا، یہ بات قابل ذکر ہے کہ گریجویٹ طلبہ میں زیادہ تعداد طالبات کی تھیں۔وفاقی وزیرتعلیم نے کہا کہ ا س تیز رفتار دنیا نے سب کچھ بدل کررکھ دیا ہے، اگر کوئی نہیں بدلہ تو وہ جس نے خود کو بدلنے کا ارادہ بھی نہ کیا ہو اور جو خود کو بدلنے کی کوشش نہیں کرتا اس کو تو خدا بھی نہیں بدلتا۔ انہوں نے کہا کہ پاکستان کی آبادی کا 65فیصد نوجوانوں پر مشتمل ہے، تقریبا18کروڑ نوجوانوں کی طاقت اس پاکستان کے ساتھ ہے،یہ نوجوان ہمارے لئے ایک موقع بھی ہے اور ایک چیلنج بھی۔ اگر ہم نے اپنے آپ کو موجودہ د ور کے تقاضوں سے ہم آہنگ نہیں کیا اور خودکو بدلنے کی کوشش نہیں کی تو باہر کے لوگ ہمیں اپنی مرضی سے تبدیل کردیں گے۔انہوں نے نوجوانوں پر زور دیا کہ خود کو ڈیجٹل دنیا اور مصنوعی ذہانت سے روشناس کرائیں، زمانے کی رفتار سے قدم ملا کرچلیں تاکہ ملک کی ترقی میں کردار ادا کرسکے۔اس موقع پر خطاب کرتے ہوئے ڈاکٹر ناصر محمود نے کہا کہ صوبہ سندھ میں یونیورسٹی کے 10علاقائی کیمپسز ہیں جن میں تقریبا44ہزار طلبہ زیر تعلیم ہیں۔انہوں نے کہا کہ یونیورسٹی سے آج تک کم و بیش 50لاکھ طلبہ گریجویٹ ہوچکے ہیں، ہم بڑے یقین سے کہتے ہیں کہ پاکستان کا کوئی گھر ایسا نہیں جس میں علامہ اقبال اوپن یونیورسٹی کا طالب علم یا گریجویٹ نہ ہو۔

جناح اسپتال ، پولیس کی حراست سے خطرناک قیدی فرار

بنگلہ دیش میں ڈینگی سےاموات 400 سے زائد ہو گئیں

بالائی علاقوں میں بارش اور برفباری، سردی کی شدت میں اضافہ

کراچی کے جناح اسپتال سے جیل پولیس کی حراست سے قیدی فرار ہوگیا۔

پولیس کے مطابق ملزم آغا سلمان گزشتہ روز دوپہر ڈیڑھ بجے جناح اسپتال سے فرار ہوا اور جیل پولیس نے کئی گھنٹوں بعد پولیس کو واقعے کی اطلاع دی۔پولیس کا کہنا ہے کہ ملزم فرار ہوا یا کرایا گیا، حقیقت جاننے کیلئے تحقیقات شروع کر دی گئی ہے جبکہ کورٹ پولیس کے اہلکار کی مدعیت میں صدر تھانے میں مقدمہ بھی درج کروا لیا گیا ہے۔پولیس نے یہ بھی بتایا کہ فرار ملزم کیخلاف پنجاب میں قتل اور کراچی میں بھی مقدمات درج ہیں جبکہ ملزم کے خلاف گھر پر قبضہ، خواتین کو حراساں کرنے، چوری اور منشیات فروشی کے مقدمات بھی درج ہیں۔اسی حوالے سے جیل پولیس کا مؤقف تھا کہ قیدی آغا سلمان کو علاج کے لیے کورٹ پولیس کے ذریعے جناح اسپتال بھیجا گیا تھا، کورٹ پولیس کے اہلکاروں کی مبینہ غفلت سے قیدی فرار ہوا، غفلت برتنے والے اہلکاروں کے خلاف قانونی کارروائی کی جائے گی جبکہ ہیڈ کانسٹیبل کو گرفتار کر لیا گیا ہے۔

نیوزی لینڈ، خالصتان کی آزادی کیلیے ریفرنڈم،ووٹنگ جاری