Baaghi TV

Category: کراچی

  • بجلی پیکج عوام کی آنکھوں میں دھول جھونکنے کے مترادف ہے،نعیم الرحمان

    بجلی پیکج عوام کی آنکھوں میں دھول جھونکنے کے مترادف ہے،نعیم الرحمان

    لاہور:جماعت اسلامی کے امیر حافظ نعیم الرحمان نے حکومت کی جانب سے سردیوں کیلئے اعلان کردہ بجلی کے پیکج کر مسترد کرتے ہوئے کہا ہے کہ یہ پیکج عوام کی آنکھوں میں دھول جھونکنے کے مترادف ہے۔

    باغی ٹی وی: حکومت کی جانب سے اعلان پر حافظ نعیم الرحمان نے کہا کہ اضافی بجلی پر نہیں براہ راست تمام یونٹس پر بجلی کی قیمت کم کی جائےسردیوں (ونٹر) کا پیکیج گھن چکر اور عوام کی آنکھوں میں دھول جھونکنے کے مترادف ہے،متعدد آئی پی پیز معاہدوں کی منسوخی / نظر ثانی پرحکومت خود سینکڑوں ارب کی بچت کا اعلان کررہی ہے ، تو پھر بنیادی ٹیرف میں کمی کیوں نہیں کی جارہی؟–

    واضح رہے کہ وفاقی حکومت نے موسم سرما کے لیے بجلی سہولت پیکیج کا اعلان کردیا،پاور ڈویژن کے جاری کردہ اعلامیے کے مطابق سردیوں میں گزشتہ سال کے مقابلے میں اضافی بجلی استعمال کرنے والوں کو فی یونٹ 26 روپے تک ریلیف دیا جائے گا، اضافی بجلی پر 26 روپے 7 پیسے فی یونٹ کا فلیٹ ریٹ دیا جائے گا، بجلی سہولت پیکیج کا اطلاق دسمبر 2024 سے فروری 2025 تک ہوگا، گھریلو صارفین کے لیے موجودہ بجلی کے نرخ 37.49 سے 52.07 فی یونٹ ہیں۔

    پیکج کے تحت اضافی استعمال پر نئی قیمت 26.07 فی یونٹ ہوگی، گھریلو صارفین کو فی یونٹ 11.42 سے 26 روپےتک کی بچت ہوگی، صعنتوں کے لیے بجلی کی نرخ 31.79 سے 41.12 روپے فی یونٹ تک ہے، پیکج کے تحت اضافی استعمال پر نئی قیمت 26.07 فی یونٹ مقررکی گئی ہے۔

    پیکج سے صنعتی صارفین کو فی یونٹ 5.72 سے 15.05 روپے تک کی بچت ہوگی، کمرشل صارفین کے لیے موجودہ نرخ 39.53 سے 48.78 فی یونٹ ہے، پیکیج کےتحت اضافی بجلی 26.07 فی یونٹ میں فراہم کی جائےگی،کمرشل صارفین کو فی یونٹ 13.46 سے 22.71 روپے تک کی بچت ہوگی، بجلی سہولت پیکیج کا اطلاق گھریلو،کمرشل اور صنعتی صارفین کے لیے ہوگا۔

  • پیپلز پارٹی کے منصوبے دوسرے صوبوں کے لئے ماڈل ہیں،شرجیل میمن

    پیپلز پارٹی کے منصوبے دوسرے صوبوں کے لئے ماڈل ہیں،شرجیل میمن

    سندھ کے سینئر صوبائی وزیر شرجیل میمن نے کہا ہے کہ پیپلز ہاؤسنگ اسکیم محض ایک پروجیکٹ نہیں، اس سے کہیں آگے ہے،

    شرجیل انعام میمن کا کہنا تھا کہ پیپلز پارٹی کی قیادت اور حکومت سندھ سیلاب میں بے گھر ہونے اور اپنا سب کچھ کھونے والے افراد کا درد سمجھتی ہے،چیئرمین بلاول بھٹو کا ویژن محض گھروں کو تعمیر نہیں، عوامی خدمت، اور سیلاب متاثرین کے امید و وقار کی بحالی ہے،حکومت سندھ 21 لاکھ خاندانوں کے لئے نئے گھروں کی تعمیر ہی نہیں ان کی زندگیوں کی بھی تعمیر نو کر رہی ہے،چیئرمین بلاول بھٹو زرداری کی ہدایات کی روشنی میں حکومت سندھ سیلاب متاثرین کو اپنا وقار لوٹانے کے لئے سرگرم ہے،ہاؤسنگ پروجیکٹ اس بات کی گواہی ہے کہ حکومت سندھ ہمیشہ عوام کے ساتھ کھڑی رہی ہے اور پیپلز پارٹی عوامی خدمت اور مجموعی فلاح و بہبود کو ہمیشہ مقدم رکھتی ہے، پیپلز پارٹی اور حکومت سندھ نے یہ ثابت کر دیا ہے کہ حقیقی عوامی خدمت کیسی ہوتی ہے، بی آئی ایس پی سے لے کر ہاؤسنگ پروجیکٹ تک پیپلز پارٹی نے جو بھی پروجیکٹس لانچ کئے وہ دوسرے صوبوں کے لئے ماڈل ہیں،

    اب کوئی بھی غیر رجسٹرڈ گاڑی سڑکوں پر نہیں چل سکے گی،شرجیل میمن

    شرجیل میمن نے 26ویں ترمیم کو بلاول بھٹو کا دور اندیش اقدام قرار دیا

    چاہتے ہیں کہ دعوے کم اور کام زیادہ کر کے دکھائیں،شرجیل میمن

    عمران خان اسرائیل ایجنٹ نہیں بلکہ اسرائیلی حکومت کا حصہ ہے، شرجیل میمن

    پی ٹی آئی ہمیشہ آمریت کی آلہ کار رہی ہے،شرجیل میمن

  • سونے کی قیمت میں اضافہ

    سونے کی قیمت میں اضافہ

    کراچی: سونا دو روز تک سستا ہونے کے بعد مہنگا ہو گیا-

    باغی ٹی وی : آل پاکستان جیمز اینڈ جیولر ایسوسی ایشن کے مطابق آج سونے کی فی تولہ قیمت میں 2 ہزار روپے کے ساتھ قیمت 2 لاکھ 78 ہزار 800 روپے ہو گئی ہے اسی طرح 10 گرام سونے کی قیمت میں 1715 روپے کے اضافے کے بعد قیمت 2 لاکھ 39 ہزار 26 روپے ہو گئی جبکہ عالمی بازار میں سونے کا بھاؤ 21 ڈالر بڑھ کر 2683 ڈالر فی اونس پر آ گیا ہے۔

    دوسری جانب سونے کی قیمتوں میں اضافے کے برعکس ملک میں فی تولہ چاندی قیمت بغیر کسی تبدیلی کے 3300 روپے اور 10 گرام چاندی کی قیمت بھی بغیر کسی تبدیلی کے 2829.21 روپے کی سطح پر مستحکم رہی۔

    علاوہ ازیں پاکستان اسٹاک ایکسچینج میں ایک بار پھر تاریخ رقم ہو گئی، کے ایس ای 100 انڈیکس نئی بلند ترین سطح کو چھو گیاکاروباری ہفتے کے آخری دن مارکیٹ کا آغاز 275 پوائنٹس کی تیزی کے ساتھ ہوا، جس کے نتیجے میں کے ایس ای 100 انڈیکس بڑھ کر 92796 پوائنٹس کی سطح پر آ گیا، جمعہ کے روز پی ایس ایکس میں ایک موقع پر کے ایس ای 100 انڈیکس میں 619 پوائنٹس کی تیزی ریکارڈ ہوئی، جس کے نتیجے میں انڈیکس 93 ہزار پوائنٹس کی نئی تاریخ سطح کو عبور کرکے 93140 پوائنٹس کی نئی بلند ترین سطح پر آ گیا۔

  • الیکشن کمیشن کا امیر جماعت اسلامی پر جرمانہ

    الیکشن کمیشن کا امیر جماعت اسلامی پر جرمانہ

    الیکشن کمیشن نے جماعت اسلامی پاکستان کے امیر حافظ نعیم الرحمان پر جرمانہ عائد کر دیا ہے۔

    حافظ نعیم الرحمان پر کراچی کے ضمنی بلدیاتی انتخابات کے دوران ضابطہ اخلاق کی خلاف ورزی کرنے پر یہ جرمانہ عائد کیا گیا۔حافظ نعیم الرحمان نے الیکشن کمیشن کے نوٹس کا جواب گزشتہ روز جمع کرایا تھا، جس کے بعد ڈی ایم او نے اس کا جائزہ لیا اور انہیں 10 ہزار روپے جرمانہ عائد کیا،حکم نامے کے مطابق ٹاؤن چیئرمین گلبرگ اور یوسی چیئرمین پر بھی 10، 10 ہزار روپے کا جرمانہ عائد کیا گیا ہے۔

    گزشتہ روز حافظ نعیم الرحمان کے وکیل ایڈووکیٹ سیف الدین نے کہا تھا کہ حافظ نعیم کو الیکشن کمیشن کا نوٹس "بنو قابل” پروگرام میں شرکت پر آیا تھا،ہم نے نوٹس کا جواب الیکشن کمیشن میں جمع کرایا، جس میں بتایا کہ یہ پروگرام غیر سیاسی تھا اور پورے پاکستان میں منعقد ہو رہا تھا، ہم نے وضاحت کی کہ اس پروگرام کا انتخابی عمل اور انتخابات سے کوئی تعلق نہیں تھا،ایڈووکیٹ سیف الدین نے اس بات پر حیرت اور افسوس کا اظہار کیا کہ الیکشن کمیشن نے یہ نوٹس جاری کیا۔

    تمباکو جیسی مصنوعات صحت کی خرابی اور پیداواری نقصان کا سبب بنتی ہیں

    تمباکو سے پاک پاکستان…اک امید

    تمباکو سے پاک پاکستان، آئیے،سگریٹ نوشی ترک کریں

    تمباکو نشہ نہیں موت کی گولی، بس میں ہوتا تو پابندی لگا دیتا، مرتضیٰ سولنگی

    ماہرین صحت اور سماجی کارکنوں کا ماڈرن تمباکو مصنوعات پر پابندی کا مطالبہ

  • ڈرامہ سیریل "کبھی میں کبھی تم” دیکھنے پرشوہر نے بیوی کو طلاق دیدی

    ڈرامہ سیریل "کبھی میں کبھی تم” دیکھنے پرشوہر نے بیوی کو طلاق دیدی

    کراچی:پاکستان میں ڈرامہ سیریل "کبھی میں کبھی تم” دیکھنے کی پاداش میں ایک خاتون کو شوہر نے طلاق دے دی۔

    باغی ٹی وی : سوشل میڈیا پر وائرل ایک ویڈیو میں 30 سالہ ثمینہ نامی خاتون کا کہنا تھا کہ وہ ایک دن ڈرامہ ‘ کبھی میں کبھی تم ’ دیکھ رہی تھی کہ ان کا شوہر گھر آگیا اور اس نے آگ بگولہ ہو کر ٹی وی توڑ دیا اور کہا کہ تم ہر وقت ڈرامے دیکھتی رہتی ہو اور کوئی کام نہیں ہے اور پھر اسے طلاق دیدی۔

    خاتون نے کہا کہ اس کی کوئی اولاد نہیں ہے اور اس بنا پر وہ ڈرامے دیکھ پر اپنا وقت گزارا کرتی تھی،اسے ڈرامہ ‘ کبھی میں کبھی تم ’ بہت پسند تھا، اس کے والدین نہیں ہیں، اولاد بھی نہیں ہے تو ڈرامہ دیکھ کر وقت گزارتی تھی لیکن شوہر نہ جانے کیوں اس چھوٹی سے بات پر ناخوش تھا،طلاق دینے سے قبل شوہر نے اسے شدید تشدد کا نشانہ بھی بنایا-

    خاتون کا کہنا تھا کہ وہ دوسری شادی کرنا چاہتی ہے، بس ایسا شوہر چاہئے جو اس کو عزت دے چاہے اس کی عمر زیادہ ہی کیوں نہ ہو۔

    واضح رہے کہ نجی ٹی وی کا میگاہٹ ڈرامہ سیریل”کبھی میں کبھی تم“ اپنے شاندار اختتام کو پہنچ گیا ڈرامے کی آخری قسط کا پریمیئر ہوا اور اسے پاکستان بھر کے سینما گھر میں دکھا گیا جہاں لوگوں کی بڑی تعداد اس سے لطف اندوز ہوئی، اس کے علاوہ آخر قسط سینما میں دیکھنے کے لیے شوبز کی نامور شخصیات بھی آئی تھی،’کبھی میں کبھی تم‘ نے مقبولیت کے نئے ریکارڈ قائم کیے ہیں یہ اس سال کا سب سے زیادہ دیکھا جانے والا ڈرامہ بن گیا-

    اس ڈرامے کی مرکزی کہانی میں ایک ایسے لاپروا لڑکے کو دکھایا گیا ہے جو شادی کے بعد ایک ذمہ دار اور اپنی فیملی کیلئے بڑی سپورٹ بن گیا ڈرامے میں میاں بیوی کوایک دوسرے کا بڑ اسہارا دکھانے کی کوشش کی گئی ہے جو مشکل وقت میں ایک دوسرے کے ساتھ کھڑے ہوتے ہیں اور یہی چیز کسی بھی رشتے کو مضبوط بناتی ہے-

  • بدوبدی کی اصل ادکارہ چاہت فتح علی خان سے نالاں

    بدوبدی کی اصل ادکارہ چاہت فتح علی خان سے نالاں

    کراچی: ماضی کی معروف اداکارہ ممتاز نے برطانوی پاکستانی گلوکار چاہت فتح علی خان پر برہمی کا اظہار کیا ہے-

    باغی ٹی وی : حال ہی میں اداکارہ نے دیے گئے ایک انٹرویو میں برہمی کا اظہار کرتے ہوئے کہا کہ چاہت فتح علی خان نے ان کے گانے ’بدو بدی‘ کا مذاق اُڑایا ہے اگر چاہت اس گانے کو گانا سمجھ کر گاتے، مذاق نہ اُڑاتے تو میں آج ان کی تعریف کرتی لیکن انہوں نے اتنے سُپر ہٹ گانے کا مذاق اُڑایا ہے،اور وہ اسے معاف نہیں کر سکتی اس طرح وہ اس قسم کے سلوک سے خوش نہیں ہے جو چاہت فتح علی خان نے بدو بدی کے ساتھ کیا ہے۔

    انہوں نے کہا کہ اس گانے کی وجہ سے فلم ہٹ ہوئی تھی، اس گانے کی اتنی ڈیمانڈ تھی کہ جب سنیما میں فلم لگتی تو شروع میں، درمیان اور پھر آخر میں بھی اس گانے کو چلایا جاتا تھا لیکن انہوں نے اتنے مشہور گانے کا مذاق اُڑانا شروع کر دیا، جس کا مجھے بہت دکھ ہے۔

    اس موقع پر ان کے ہمراہ موجود ان کے بیٹے ذیشان باری نے کہا کہ اگر چاہت فتح علی نے یہ کامیڈی نہ کی ہوتی تو یہ گانا دوبارہ منظرِ عام پر شاید نہ آتا، ان کی وجہ سے اس گانے کو نئی زندگی ملی ہے۔

    واضح رہے کہ میڈم نور جہاں کی آواز میں ریکارڈ ہونے والا گانا ’بدو بدی‘ اداکارہ ممتاز پر پکچرائز ہوا تھا، ہدایت کار اقبال کاشمیری کی فلم ’بنارسی ٹھگ‘ کے اس آئٹم سونگ نے اداکارہ ممتاز کو راتوں رات سُپر اسٹار بنا دیا تھا، وقت کے ساتھ ساتھ ”بدو بدی“ گمنامی کے اندھیرے میں گم ہوگیا جسے چاہت فتح علی خان نے اپنی ترکیب سےدوبارہ زندہ کیا اور یہ پورے پاکستان اور عالمی سطح پر ٹرینڈ کر رہا تھا اسے بین الاقوامی مشہور شخصیات کی جانب سے 20 ملین سے زیادہ آراء اور ردعمل موصول ہوئے۔

  • کراچی ،ایک ہفتے میں ٹریفک قوانین کی خلاف ورزی پر 18 ہزار 586 چالان

    کراچی ،ایک ہفتے میں ٹریفک قوانین کی خلاف ورزی پر 18 ہزار 586 چالان

    شہر شہر قائد میں ایک ہفتے کے دوران ٹریفک قوانین کی خلاف ورزی پر 18 ہزار 586 چالان کئے گئے۔

    باغی ٹی وی کے مطابق کراچی میں فینسی نمبرپلیٹس اورکالے شیشوں والی گاڑیوں کے خلاف کریک ڈاؤن جاری ہے، ایک ہفتے میں ٹریفک قوانین کی خلاف ورزی پر18 ہزار586چالان کئے گئے۔ٹریفک پولیس نے بتایا کہ 2 ہزار 513چالان کالے شیشوں پر ، ایک ہزار988چالان فینسی نمبر پلیٹس اور 107 چالان پولیس بلیولائٹس لگانے پر کیے گئے۔ٹریفک پولیس کا کہنا تھا کہ 2 ہزار 513چالان ٹریفک سگنل کی خلاف ورزی، 2ہزار832چالان ون ویکی خلاف ورزی اور 399 چالان اسٹاپ لائن کی پابندی نہ کرنے پر کیے گئے۔پولیس نے مزید بتایا کہ غفلت اور لاپرواہی سے گاڑی چلانے والے افراد کے 887 چالان ہوئے جبکہ ایک ہزار 504 چالان ڈرائیونگ لائسنس نہ ہونے پرکیے گئے۔اس کے علاوہ 205 چالان لین کے غلط استعمال پر جبکہ سب سے زیادہ 3 ہزار 364 چالان نوپارکنگ اور ایک ہزار 521 چالان موٹر سائیکل کے دونوں اطراف نمبر پلیٹس نہ ہونے پرکیے گئے، اس کے ساتھ ہی رکشوں کی753 چالان ہوئے۔

    امریکی انتخابات، گن بردار مشکوک شخص گرفتار

    میرے حامی متشدد لوگ نہیں، جیت کے بارے پراعتماد ہوں، ڈونلڈ ٹرمپ

    کے ایم سی کے ریٹائرڈ ملازم قتل کے مرکزی ملزم کا سراغ مل گیا، 2 سہولتکار گرفتار

  • کے ایم سی کے ریٹائرڈ ملازم قتل کے مرکزی ملزم کا سراغ مل گیا، 2 سہولتکار گرفتار

    کے ایم سی کے ریٹائرڈ ملازم قتل کے مرکزی ملزم کا سراغ مل گیا، 2 سہولتکار گرفتار

    ضلع ساؤتھ پولیس کی KMC کے ریٹائرڈ ملازم کے قتل کیس میں اہم پیشرفت، مرکزی ملزم کا سراغ لگا لیا ہے جبکہ لاش کو چھپانے کے مرتکب سہولت کار دو ملزمان گرفتار کر لیے.

    باغی ٹی وی کے مطابق گرفتار ملزمان مقتول کے دوست تھے اور جائے وقوع کے مقام کو باہمی مقاصد کے لیے استعمال کرتے تھے۔ گرفتار ملزمان نے مقتول کی لاش کو قتل کے اگلے روز علم ہونے کے باوجود چھپایا جس سے ابتدائی طور پر واقع میں معاون ظاہر ہوتی ہے۔ گرفتار ملزمان کی شناخت سورۃ الرحمن ولد سیف الرحمان اور نواب خان ولد انر خان کے ناموں سے ہوئی جبکہ واقعے کی مزید تحقیقات جاری ہیں۔مذکورہ واقعہ 26 اکتوبر کو کلفٹن کے علاقے توحید کمرشل میں واقع ایک عمارت کے تیسرے فلور پر پیش ایا تھا جبکہ واقعہ کا مقدمہ تھانہ کلفٹن میں درج ہے۔

    کراچی میں چینی باشندوں پر حملہ: دفتر خارجہ کی جانب سے تحقیقات کا آغاز

    امریکی انتخاب:ایریزونا میں وائرل وڈیو کے پیچھے روسی ملوث ہونے کا انکشاف

    کراچی کے شہریوں لیے بجلی 40 پیسے فی یونٹ مہنگی

  • کراچی پولیس نے چھینے ، چوری شدہ اور گمشدہ موبائل فونز ریکور کرلئے

    کراچی پولیس نے چھینے ، چوری شدہ اور گمشدہ موبائل فونز ریکور کرلئے

    ڈسٹرکٹ ویسٹ پولیس کراچی نے شہریوں سے چھینے گئے، چوری شدہ اور گمشدہ موبائل فونز ریکور کرلئے۔

    باغی ٹی وی کے مطابق ڈسٹرکٹ ویسٹ پولیس نے ٹکنیکی مہارت، موبائل مارکیٹس اور CPLC کے تعاون سے چھینے گئے، چوری شدہ اور گمشدہ 71 موبائل فونز کی ریکوری میں کامیابیاں حاصل کیں ہیں۔ایس ایس پی ویسٹ طارق الٰہی مستوئی کی سربراہی میں موبائل فون کی واپسی کے لئے ڈسٹرکٹ ویسٹ آفس میں تقریب کا انعقاد کیا گیا۔تقریب میں CPLC چیف نصیر آفریدی اور کراچی الیکٹرونک ایسوسی ایشن کے صدر رضوان عرفان اور دیگر معزز مہمانوں نے شرکت کی۔ پولیس نے برآمدہ شدہ 71 موبائل فونز کو بحفاظت ان کے اصل مالکان کے حوالے کردیا، جس پر شہریوں نے خوشی کا اظہار کرتے ہوئے پولیس کا شکریہ ادا کیا۔اس موقع پر ایس ایس پی ویسٹ طارق الٰہی مستوئی صاحب نے کہا کہ ہماری پوری کوشش ہے کے ہم عوام کے مسائل کو ترجیحی بنیادوں پر حل کریں اور ہر ممکن مدد فراہم کریں۔ طارق الٰہی مستوئی نےعوام الناس سے اپیل ہے کہ وہ کسی بھی قسم کی واردات کی رپورٹ فوری طور پر متعلقہ تھانے میں درج کروائیں، ہم سب مل کر اس مسئلے کا مؤثر انداز میں مقابلہ کر سکتے ہیں۔آپ کی معلومات سے نہ صرف مجرموں کی شناخت میں مدد ملے گی، بلکہ شہریوں کی سلامتی کو بھی بہتر بنایا جا سکے گا۔

    امریکی انتخاب :ایریزونا مٰیں وائرل وڈیو کے پیچھے روسی ملوث ہونے کا انکشاف

    گزشتہ سال چین سے2 ارب ڈالر سے زائد کے شمسی پینل درآمد ہوئے

    کراچی:کچے کے ڈاکوؤں کے پیسوں کا حساب کتاب رکھنے والا سنار گرفتار

    مرتضی وہاب کا اس سال گلی محلوں کی سطح پر کام کرنے کا ااعلان

  • گزشتہ سال چین سے2 ارب ڈالر سے زائد کے شمسی پینل درآمد ہوئے

    گزشتہ سال چین سے2 ارب ڈالر سے زائد کے شمسی پینل درآمد ہوئے

    پاکستان نے گزشتہ سال کے دوران چین سے تقریبا 2.1 بلین ڈالر کے شمسی پینل درآمد کیے، زیادہ توانائی خرچ کرنے والے گھرانوں اور صنعتوں کو شمسی توانائی کی طرف راغب کیا جا رہا ہے، یہ سستا ہے اور موثر ہے۔

    میڈیا رپورٹ کے مطابق پاکستان توانائی تبدیلی سے تیزی سے گزر رہا ہے ہے جس کے نتیجے میں شمسی توانائی کو معاشرے کے تمام شعبوںمیں اپنایا جا رہا ہے۔پاکستان نے گزشتہ مالی سال کے دوران چین سے تقریبا 15 گیگاواٹ(تقریبا 2.1 بلین ڈالر) کے شمسی پینل درآمد کیے۔ اس تبدیلی میں بجلی کے نرخوں میں اضافہ ہوا ہے جس سے زیادہ توانائی خرچ کرنے والے گھرانوں اور صنعتوں کو شمسی حل کی طرف راغب کیا جا رہا ہے جو نہ صرف سستا ہے بلکہ موثر بھی ہے۔ گزشتہ سال اس کے نتیجے میں گرڈ بجلی کی طلب میں 10.4 فیصد کمی واقع ہوئی ہے ، اس طرح طویل عرصے سے بجلی کی قلت کا شکار اس جنوبی ایشیائی ملک کے لئے توانائی کی پیداوار ضروری ہوگئی ہے۔ عالمی اور مقامی تجزیہ کاروں نے پاکستان کی شمسی توانائی کی طرف تیزی سے منتقلی کو صارفین کی جانب سے چلنے والی "شمسی ترقی” سے منسوب کیا ہے، جس کی بنیادی وجوہات بجلی کی بڑھتی ہوئی قیمتیں، ٹیکنالوجی کی گرتی ہوئی قیمتیں اور مضبوط درآمدی رجحانات ہیں۔ کچھ عرصہ قبل فوٹو وولٹک فراہم کرنے والی عالمی کمپنی لونگی نے کراچی میں اپنی نئی پروڈکٹ ہائی مو ایکس 10 لانچ کرنے کے لیے ایک پریس کانفرنس کا انعقاد کیا تھا جس کی بیٹری کی کارکردگی 26.6 فیصد تک پہنچ گئی تھی۔انہوں نے کہا کہ پاکستان توانائی کی ایک نئی تبدیلی کی طرف بڑھ رہا ہے۔ 2024 میں پاکستان میں ہماری شپمنٹ 3 گیگاواٹ تک پہنچ گئی اور مقامی مارکیٹ میں داخل ہونے کے بعد سے مجموعی شپمنٹ 7 گیگاواٹ تک پہنچ گئی ہے۔ گوادر پرو کے مطابق جولائی 2023 سے اگست 2024 کے درمیان پاکستان میں بجلی کی قیمتوں کو 14 مرتبہ ایڈجسٹ کیا گیا جس سے مقامی صارفین کو بجلی کے بلوں پر 455 ارب روپے سے زائد خرچ کرنے پڑے۔مارچ 2024 میں سب سے زیادہ اضافہ 7.06 روپے فی یونٹ ہوا تھا۔ بلومبرگ کے مطابق کچھ پاکستانیوں کا بجلی کا بل ان کے ماہانہ گھر کے کرایہ 100 سے 700 ڈالر سے بھی زیادہ ہے۔ اس کے برعکس ، شمسی پی وی نصب کرنے سے بل کو کم از کم 60 سے 70 تک کم کیا جاسکتا ہے. کراچی کی بجلی فراہم کرنے والی اہم کمپنی کے الیکٹرک کے چیف اسٹریٹجی آفیسر شہاب قادر خان نے ایک انٹرویو میں کہا کہ اگلے پانچ سالوں میں کے الیکٹرک قابل تجدید توانائی کے تقریبا 1200 میگاواٹ کے منصوبوں میں اضافہ کرنے کا ارادہ رکھتی ہے اور آہستہ آہستہ مائع قدرتی گیس اور ایندھن کے تیل جیسے مہنگے توانائی کے ذرائع کو مرحلہ وار ختم کرنے کا ارادہ رکھتی ہے۔واپڈا کے ایک عہدیدار نے کہا کہ اگر پاکستان کو سستے چینی شمسی نظام کی فراہمی جاری رہتی ہے تو 2024 میں نصب شمسی توانائی کی صلاحیت 1.41 گیگا واٹ سے بڑھ کر 2029 تک 9.53 گیگا واٹ ہوجائے گی۔ چائنا فوٹو وولٹک انڈسٹری ایسوسی ایشن (سی پی آئی ای) کے ڈپٹی سیکریٹری جنرل لیو ییانگ نے گوادر پرو کو بتایا کہ جیسے جیسے ہماری مصنوعات لاگت کو کم کرتی ہیں اور کارکردگی میں اضافہ کرتی ہیں، پاکستان، جنوبی ایشیا اور یہاں تک کہ دنیا میں ان کی کشش میں مزید اضافہ ہوگا۔ کچھ چینی کمپنیوں نے پاکستان میں بڑے پیمانے پر مرکزی منصوبے تعمیر کرنا شروع کرنے کے علاوہ، روایتی توانائی کے لئے بجلی کی بڑھتی ہوئی قیمتوں کی وجہ سے زیادہ مقامی لوگ بھی گھریلو فوٹو وولٹک کا رخ کر رہے ہیں۔ لیو نے مزید کہا کہ ان دونوں کا امتزاج مقامی پی وی کی طلب کی بھرپور ترقی کو مزید فروغ دے گا۔ لونگی کے پاکستان کے جنرل مینیجر علی ماجد نے زور دے کر کہا کہ عالمی فوٹو وولٹک صنعت پورے زور و شور سے ترقی کر رہی ہی. متعلقہ صنعتوں میں چین اور پاکستان کا تعاون موسمیاتی تبدیلی کے خلاف عالمی ردعمل میں اہم کردار ادا کرسکتا ہے، اعلی معیار کے شمسی پینلز کی فراہمی اور پائیدار توانائی کے حل کو فروغ دے کر، ہم ملک کو قابل تجدید توانائی کے اہداف کے حصول میں مدد دے رہے ہیں۔

    کراچی:کچے کے ڈاکوؤں کے پیسوں کا حساب کتاب رکھنے والا سنار گرفتار

    کراچی کے شہریوں لیے بجلی 40 پیسے فی یونٹ مہنگی

    مرتضی وہاب کا اس سال گلی محلوں کی سطح پر کام کرنے کا ااعلان

    شرجیل میمن سے آزاد کشمیر کے وزیراطلاعات کی ملاقات ، آزادی اظہار رائے پر تبادلہ خیلال