Category: کراچی

سندھ ہائیکورٹ ،تھانہ آرام کی حدود میں زیادتی کے کیس میں ملزم فرہاد کی درخواست ضمانت کی سماعت ہوئی

عدالت کے حکم پر آئی جی سندھ رفعت مختار پیش ہوئے، جسٹس امجد علی ستہو نے ریمارکس دیتے ہوئے کہا کہ آئی جی صاحب پچھلے پندرہ سالوں جو تباہی سندھ میں ہوئی ہے کہیں بھی نہیں ہوئی، جسٹس امجد علی ستہو نے آئی جی سندھ سے مکالمہ کرتے ہوئے کہا کہ معلوم نہیں چار چھ مہینے بعد آپ کہاں ہوں گے مگر جاتے جاتے سندھ کے عوام پر احسان کرجائیں، تفتیشی افسر کو تفتیش کے لیے ایک ہاتھ سے چیک دیا جاتا ہے دوسرے ہاتھ سے لے لیا جاتا ہے، زیادتی کے کیسز میں نا تفتیش ہوتی ہے نا شناخت پریڈ،تفتیشی افسران کہتے ہیں ہمیں فنڈز ہی نہیں ملتے تفتیش کے لیے پیسہ اپنی جیب سے کیوں لگائیں، تفتیش کے لیے فنڈز ہر ضلع کو دہنےکے بجائے براہ راست تھانے کو کیوں نہیں دیے جاتے؟ تھانے کو تفتیش کے لیے پیسہ دیں گے تو ان سے جواب طلبی بھی ہوگی،سندھ کے لوگوں کی آپ پر نظریں ہیں،

آئی جی سندھ نے عدالت میں کہا کہ دو چار مہینے کے بعد سندھ میں چیزیں تبدیل ہوتی نظر آئے گی،پولیس میں مانیٹرنگ کا میکنزم بنادیا ہے،پورے صوبے میں میں خود مانیٹرنگ کروں گا،فنڈز کی مانیٹرنگ بھی میں خود کروں گا،جسٹس امجد علی ستہو نے استفسار کیا کہ اس کیس میں ہم تفتیشی افسر سے پوچھا اس ملزم کو کیوں گرفتار کیا؟ تفتیش افسر نے جواب دیا اس کا بڑا بھائی ڈاکے مارتا تھا اس لیے اسکو بھی گرفتار کیا، پچھلے 15 سالوں میں سندھ میں بہت تباہی ہوئی ہے،شکار، جیکب آباد، کندھ کوٹ، لاڑکانہ اور دیگر شہروں کا تو اور بھی برا حال ہے، پولیس سمیت ہر محکمے میں 5 ہزار میں سے 2 ہزار ڈیوٹی پر ہوتے ہیں باقی ویزا لے کر ملک سے باہر ہوتے ہیں، کوئی ویزا لے کر لندن چلا جاتا ہے کوئی پیرس چلا جاتا ہے،پولیس والے، ٹیچر، ڈاکٹرز تقریباً سارے محکموں سے سرکاری ملازم ویزا لے کر ملک سے باہر چلے جاتے ہیں،یہ تو صوبے کا حال ہوگیا ہے، کراچی میں تو پھر بھی تفتیشی افسران کچھ نہ کچھ کرلیتے ہیں، کرچی میں چھالیہ والا بھی پولیس کو دو کروڑ دے دیتا ہے، شکار پور، کندھ کوٹ، کشمور میں بھی تو چھالیہ والا نہیں ہے، 15 سال بہت تباہی ہوئی ہے، سندھ میں قتل کیس کی ٹھیک سے تفتیش نہیں ہوتی، بکری، بھینس چوری ڈکیتی کیسز کی کیا تفتیش ہوگی، عدالت ملزمان کے خلاف فائل ٹوٹلتی رہ جاتی ہیں، کہیں شواہد ہی نہیں ملتے،ہم ڈھونڈ ڈھونڈ کر تھک جاتے ہیں ملزمان کے خلاف عدالت میں کوئی شواہد پیش نہیں کیے جاتے، جب ملزم چھوٹ جاتے ہیں تو دوسرے دن بیان آجاتا ہے، ہم پکڑتے ہیں عدالت ملزم چھوڑ دیتی ہے،ہم بھی اسی سوسائٹی کا حصہ ہیں ملزمان کو سزا دینا چاہتے ہیں، مگر کیا کریں جب شواہد ہی نہیں آتے تو ملزمان کو کیسے جیل میں رکھیں،

عدالت نے ذیادتی کیس کے ملزم فرہاد کی درخواست ضمانت مسترد کردی،عدالت نے ریمارکس دیتے ہوئے کہا کہ شواہد کی روشنی میں ملزم فرہاد کو ضمانت نہیں دی جا سکتی،

سابق رکن اسمبلی کے بیٹے کے ہاتھوں خاتون کی عصمت دری،بنائیں فحش ویڈیو

مساج سنٹر کی آڑ میں فحاشی کا اڈہ،پولیس ان ایکشن، 6 لڑکیاں اور 7لڑکے رنگے ہاتھوں گرفتار

شہ آور چیز کھلا کر لڑکی سے زبردستی زیادتی کرنے والا ملزم گرفتار

امیرلڑکے سے شادی کا انکار کیا تو گھر میں بند کر دیا گیا،25 سالہ لڑکی کی تحفظ کی اپیل

یونیورسٹی میں فحش ویڈیوز اور مبینہ نشے کی فروخت،عدالت میں درخواست دائر

کالج کی طالبات نے ساتھی طالبات کی واش روم میں فحش ویڈیو بنا کر وائرل کردیں

محکمہ صحت لاہور کا کمال،سیمینار کے دوران فحش ویڈیو چل گئی

کراچی: پولیس حکام کے مطابق ابتدائی تحقیقات کے دوران کراچی کے علاقے گلستان جوہر میں فائرنگ سے جاں بحق ہونے والے معروف عالم دین مولانا ضیاء الرحمان کے قتل میں بھارتی خفیہ ایجنسی را کے ملوث ہونے کے شواہد ملے ہیں۔

باغی ٹی وی: مولانا ضیاء الرحمان کے قتل کا مقدمہ مقتول کے چچا زاد بھائی محمد عبداللہ کی مدعیت میں قتل کی دفعہ کے تحت شارع فیصل تھانے میں درج کرلیا گیا ہے مقدمے کے متن میں کہا کہ بیٹے نے اطلاع دی مولانا ضیاء الرحمن کو گولیاں لگیں ہیں، وہ واک کرنے پارک آئے ہوئے تھے۔

واضح رہے کہ شاہراہ فیصل تھانے کی حدود گلستان جوہر بلاک 16 میں نامعلوم مسلح موٹر سائیکل سواروں نے فائرنگ کرکے جامعہ ابوبکر اسلامیہ کے مہتمم مولانا ضیاء الرحمن کو قتل کردیا ایک موٹر سائیکل پر دو حملہ آور تھے جنہوں مولانا ضیاء الرحمان کو اس وقت نشانہ بنایا جب وہ گلستان جوہر میں چہل قدمی کررہے تھے جس سے وہ موقع پر جاں بحق ہوگئے پولیس کے مطابق مقتول سے کوئی چیز چھینی نہیں گئی تاہم جائے وقوعہ سے دو مختلف ہتھیاروں کے گیارہ خول ملے ہیں جس میں چار خول نائن ایم ایم اور سات تیس بور کے ہیں۔

لیبیا میں طوفان اورسیلاب سےاموات میں اضافہ،سڑکیں لاشوں سے بھر گئیں

ایڈیشنل آئی جی کراچی خادم حسین رند کا گلستان جوہر نے ضیاء الرحمان کی ٹارگٹ کلنگ کا نوٹس لیتے ہوئے ڈی آئی جی ایسٹ سے واقعہ کی مکمل تفصیلی انکوائری رپورٹ طلب کرلی کراچی پولیس چیف نے ملزمان کی فوری گرفتاری کے احکامات جاری کیےپولیس کے مطابق یہ ٹارگٹ کلنگ دہشتگردی کا واقعہ ہے جس کا مقصد ربیع الاول کے موقع پر امن و امان کی صورتحال خراب کرنا ہے۔

پولیس چیف نے واقعہ کی تفتیش کے لیے ٹیم تشکیل دینے کیلئے ہدایت جاری کردی سی ٹی ڈی نے واقعہ کے شواہد اکھٹے کرلیے ، ابتدائی تحقیقات کے دوران واقعہ میں پڑوسی ملک کی خفیہ ایجنسی راکے ملوث ہونے کے شواہد ملے ہیں-

خواتین کیلئے مناسب عمرہ لباس کے حوالے سے ضابطہ جاری کر دیا

جو درد کے صحرا میں کبھی باد صبا تھی
اب شہر سے تیرے وہ ہوا بھی نہیں آتی

1945 کو کراچی میں پیدا ہونے والی ثریا شہاب نے ریڈیو ،ٹیلی ویژن کی صحافت، ادب اور شاعری میں عالمی سطح پر شہرت حاصل کی انہوں نے پاکستان، جرمنی، برطانیہ اور ایران سمیت 4 ممالک میں اپنی صحافتی خدمات سر انجام دیں۔ ثریا شہاب نے ریڈیو ایران زاہدان، پاکستان ٹیلی ویژن، بی بی سی لندن اور ریڈیو دوئچے ویلے جرمنی میں براڈ کاسٹنگ کی خدمات سرانجام دیں۔ انھوں نے سب سے پہلے ریڈیو پاکستان کراچی کے ڈراموں میں صداکاری سے اپنا کیریئر شروع کیا جس کے بعد انہوں نے اپنے براڈکاسٹنگ کیریئر کا آغاز ریڈیو تہران کے ایک میگزین پروگرام سے کیا تھا، ان کا یہ پروگرام عوام بالخصوص نوجوانوں میں بہت مقبول تھا۔ نوجوان اس پروگرام کا بے چینی سے انتظار کیا کرتے تھے۔ اس پروگرام کا آغاز کچھ یوں ہوا کرتا تھا، ”آواز کی دنیا کے دوستو یہ ریڈیو ایران، زاہدان ہے“۔ بعدازاں ثریا شہاب نے ریڈیو پاکستان اور پاکستان ٹیلی ویژن میں بطور نیوز ریڈر ملازمت کا آغاز کیا، انہوں نے اس شعبے میں بہت اعلیٰ مقام حاصل کیا اور اپنے عہد کی سلیبریٹی بن گئیں۔

1984 میں ثریا شہاب نے بی بی سی اردو سروس میں شمولیت اختیار کی وہ ریڈیو پاکستان اور پاکستان ٹیلی وژن سے بی بی سی کی اردو سروس کے لیے منتخب ہونے والی خاتون اینکر تھیں 1985 میں وہ لندن منتقل ہوگئیں ان کے شوہر رضی رضوی بھی اسی سال وائس آف امریکہ کے لیے منتخب ہوئے اور وہ واشنٹگن چلے گئے۔ ثریا شہاب نے شاعری بھی کی ناول اور افسانے بھی لکھے۔ ان کی 5 کتابیں چھپ چکی ہیں جن میں دو ناول، ایک افسانوی مجموعہ ایک شعری مجموعہ’’ خود سے ایک سوال‘‘ اور ” سفر جاری ہے“” کے نام سے ایک سفرنامہ شامل ہے ۔

ثریا شہاب نے پاکستان میں ریڈیو اور ٹیلی ویژن کے اسٹاف حقوق کے لیئے بھرپور جدوجہد کی جبکہ انہوں نے راولپنڈی میں ” پاکستان یوتھ لیگ“” کے نام سے ایک تنظیم بھی بنائی تھی جس کے تحت انھوں نے پانی کے متعدد کنویں کھدوائے اور کئی اسکول تعمیر کرائے ۔ ثریا شہاب 2000 میں بریسٹ کینسر کے موذی مرض میں مبتلا ہو گئی تھیں جس کی وجہ سے وہ پاکستان واپس آ گئیں اور اپنے وطن میں علاج اور دفن ہونے کو ترجیح دی۔ وہ 13 ستمبر 2019 کو اسلام آباد میں انتقال کر گئیں اور اسلام آباد میں ہی آسودہ خاک ہوئیں ۔ 2 بیٹیاں اور ایک بیٹا انھوں نے اپنے پسماندگان میں سوگوار چھوڑے۔
ثریا شہاب صاحبہ کی شاعری سے منتخب کلام قارئین کی نذر۔
ماہیے
۔۔۔۔
اک پیار کی ندی تھی
جس کے کنارے پر
آشائوں کی بستی تھی

پھر بدلیں نہ تقدیریں
پڑ گئیں ہاتھوں میں
حالات کی زنجیریں

جب چاند نکل آیا
دھان کے کھیتوں میں
سونا سا پگھل آیا

اک قوس قزح سی تھی
بالی عمریا تھی
اور پینگ تھی جھولے کی

خوابوں کا زمانہ تھا
تتلی پکڑنا تو
بس ایک بہانہ تھا

غزل
۔۔۔۔
اب دل کے دھڑکنے کی صدا بھی نہیں آتی
در بند ہیں ایسے کہ ہوا بھی نہیں آتی
حیراں ہوں دو سہمے ہوئے ہاتھ اٹھائے
کیا مانگوں خدا سے کہ دعا بھی نہیں آتی
پر ہول ہے اس طرح سے سناٹے کا عالم
خود اپنی ہی چیخوں کی صدا بھی نہیں آتی
جو درد کے صحرا میں کبھی باد صبا تھی
اب شہر سے تیرے وہ ہوا بھی نہیں آتی
جس بات پہ ہم تیاگ چکے ہیں تری دنیا
وہ بات انھیں یاد ذرا بھی نہیں آتی

کراچی میں موبائل فون خرید و فروخت کی آڑ میں حوالہ ہنڈی نیٹ ورک پکڑا گیا، کلفٹن سے 32 لاکھ روپے برآمد کرلیے گئے جبکہ افضل ندیم ڈوگر کی خبر کے مطابق ایف آئی اے کے اینٹی کرپشن سرکل کی ٹیم نے کلفٹن میں زمزمہ موبائل مارکیٹ میں کارروائی کر کے موبائل فونز خرید و فروخت کی آڑ میں حوالہ ہنڈی میں ملوث کمپنی ٹیک زون سے 32 لاکھ روپے برآمد کرلیے۔

جبکہ کارروائی کے دوران غیر قانونی طور پر درآمد کیے گئے 24 کروڑ روپے سے زائد مالیت کے موبائل فونز کی سپلائی رسیدیں بھی برآمد کی گئیں، دیگر برآمد اشیا میں تین مختلف اقسام کے 14 نئے اور پرانےآئی فونز، 2 آئی پیڈز، 2 اسمارٹ گھڑیاں شامل ہیں، برآمد موبائل فونز اور دیگر اشیا کی مالیت 38 لاکھ روپے سے زائد ہے۔
مزید یہ بھی پڑھیں
فاٹا میں طالبان کا اثرورسوخ اور پاکستان پر اثرات
نگران وزیراعظم کا دورہ گلگت،یادگار شہداء پر حاضری
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف
ایف آئی اے کے مطابق کمپنی اور مالک کے خلاف مقدمہ درج کرکے مزید کارروائی کی جارہی ہے۔ جبکہ خیال رہے کہ اس سے قبل وفاقی تحقیقاتی ادارے نے خیبرپختونخوا میں حوالہ ہنڈی اور ڈالر کی اسمگلنگ کے خلاف مؤثر کارروائیوں کیلئے 3 ٹیمیں تشکیل دے دیں تھیں۔

ایف آئی اے حکام کے مطابق کے پی میں حوالہ ہنڈی اور ڈالر کی اسمگلنگ کے خلاف بڑے کریک ڈاؤن کے تحت کارروائیوں کیلئے تین ٹیمیں تشکیل دیدی گئی ہیں، ٹیم کا انچارج انسپیکٹر لیول کا آفیسر ہوگا جبکہ ہر ٹیم میں 5 ارکان سمیت قانون نافذ کرنے والے اداروں کے اہلکار بھی شامل ہوں گے، ایف آئی اے حکام کے مطابق یہ ٹیمیں صوبہ بھر میں ڈالر اسمگلنگ اور حوالہ ہنڈی کے کاروبار سے منسلک افراد کی گرفتاری یقینی بنائیں گی اور ان کے خلاف فارن ریگورلائیزیشن ایکٹ کے تحت مقدمات بھی درج ہوں گے۔

کراچی میں پریس کانفرنس کرتے ہوئے ایم کیو ایم پاکستان کے کنوینر ڈاکٹر خالد مقبول صدیقی کا کہنا تھا کہ گزشتہ روز کراچی کے ایک سانحے کے 12 سال کی تاخیر سے فیصلہ سنایا گیا اور ایم کیو ایم کے دو بے گناہ کارکنان کو سزائے موت سنائی گئی، ایم کیو ایم اپنے کارکنان کو اکیلا نہیں چھوڑے گی اور اس فیصلےکے خلاف عدالتوں کے ساتھ ساتھ ہر فورم پر آواز اٹھائےگی۔

جبکہ نجی ٹی وی کے مطابق انہوں نے سانحہ بلدیہ کیس میں عدالتی کمیشن بنانےکا مطالبہ کرتے ہوئےکہا کہ اگر اس سانحہ کا کسی کو ذمہ دار ٹھہرایا جاسکتا ہے تو وہ اس فیکٹری کے مالکان ہیں، سانحے میں شہید ہونے والے اور بچانے والے ایم کیو ایم کے لوگ ہیں، حماد صدیقی کہاں ہے؟ یہ عدالت کو پتا ہونا چاہیے، اپنے لاپتہ کارکنان کو بازیاب کرانے ایم کیو ایم پاکستان عدالتوں میں ہے۔
مزید یہ بھی پڑھیں
فاٹا میں طالبان کا اثرورسوخ اور پاکستان پر اثرات
نگران وزیراعظم کا دورہ گلگت،یادگار شہداء پر حاضری
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف
ایم کیو ایم پاکستان کے سینیئر ڈپٹی کنوینر مصطفیٰ کمال کا کہنا تھا کہ اگر فیصلے میں کہا گیا ہےکہ یہ واقعہ ایم کیو ایم قیادت کی اجازت کے بغیر نہیں ہوسکتا تھا تو پھر انہیں سزائے موت دی جائے ان دو کارکنان کو کیوں سزائے موت دی؟ علاوہ ازیں ان کا کہنا تھا کہ ایک چرس پینے والے چرسی کی گواہی پر جے آئی ٹی چل رہی ہے، سانحہ بلدیہ میں جاں بحق افراد کے لواحقین کے وکیل نے خود اپنی کتاب میں اسے حادثہ اور مالکان کی غفلت کا نتیجہ قرار دیا ہے۔

مرکزی مسلم لیگ کراچی کے تحت وکلاء فورم تشکیل دے دیا گیا جبکہ فورم کی تشکیل عوام کے حقوق کی حفاظت کی راہ میں ایک اہم قدم ہے یہ کہنا ہے احمدندیم اعوان کا انہوں نے ایک پریس کانفرنس میں بتایا پاکستان مرکزی مسلم لیگ کراچی کے تحت مستقل بنیادوں پر وکلاءفورم تشکیل دے دیا گیا۔وکلاءفورم سے عوام کواپنے حقوق کی حفاظت میں قانونی مدد ملے گی ۔وکلاء فورم کے تحت علاقوں میں لیگل ایڈ کمیٹیاں بناکر عوام کو قانونی مدد فراہم کی جائے گی۔

جبکہ ان کا مزید کہنا تھا کہ وکلاء فورم کراچی کی ذمہ داری ایڈووکیٹ چوہدری محمد مدثر کو دی گئی ۔اس بات کا فیصلہ شاہراہ فیصل پر واقع مرکزی مسلم لیگ کے صوبائی سیکرٹریٹ میں وکلاء میٹ اپ کے دوران کیا گیا۔وکلاء میٹ اپ میں پاک لائیرز فورم پاکستان کے صدر رانا عبدالحفیظ ایڈووکیٹ نے خصوصی شرکت کی۔
مزید یہ بھی پڑھیں
فاٹا میں طالبان کا اثرورسوخ اور پاکستان پر اثرات
نگران وزیراعظم کا دورہ گلگت،یادگار شہداء پر حاضری
پی آئی اے کا مالی بحران سنگین ہوگیا
ایشیا کپ سپر فور، پاکستان 44 رنز پر 2 کھلاڑی آوٹ، بارش کی وجہ سے میچ روک دیا گیا
تسلسل رہتا تو پاکستان جی 20 میں شامل ہوچکا ہوتا. نواز شریف

جبکہ اس موقع پر کراچی کے صدر احمد ندیم اعوان کا کہنا تھا کہ مرکزی مسلم لیگ کراچی کی جانب سےعوام کی قانونی خدمات کو بہتر بنانے کے وکلاءفورم تشکیل دیا گیاہے ۔ وکلاء فورم سے کراچی کے عوام کو ان کے قانونی مسائل کا حل تلاش کرنے میں سہولت فراہم کی جائے گی۔وکلاء کے اس فورم کا تشکیل دینا عوام کوایک نئی امیدفراہم کرے گا ۔کہ وہ اپنے حقوق کی حفاظت کے لئے قانونی جنگ کر سکیں۔

سندھ ہائیکورٹ: شہر بھر کے بڑے پارکوں میں عوامی داخلہ فیس کے خلاف درخواست کی سماعت ہوئی

جسٹس عرفان سعادت خان کے ایم سی وکیل پر برہم ہو گئے، جسٹس عرفان سعادت خان نے ریمارکس دیتے ہوئے کہا کہ کس کی آنکھوں میں دھول جھونک رہے ہیں،عوامی داخلہ فیس ختم کرکے پارکنگ فیس شروع کردی،ایسا نہیں چلے گا کہ عوامی داخلہ فیس کا نام پارکنگ فیس میں بدل دیں،مئیر کراچی کو بلائیں، وہ وضاحت دیں، وکیل کے ایم سی نے کہا کہ ایسا نہیں جیسا درخواست گزار نے کہا، جواب کی مہلت دی جائے، مئیر کراچی کی طلبی سے پہلے ہمارا موقف سنا جائے، عدالت نے ریمارکس دیتے ہوئے کہا کہ چار اکتوبر تک وضاحت دیں ورنہ مئیر کراچی کو طلب کریں گے، عدالت نے کیس کی سماعت چار اکتوبر کے لیے ملتوی کردی

کے ایم سی وکیل اور درخواست گزار طارق منصور ایڈووکیٹ عدالت میں پیش ہوئے،طارق منصور ایڈووکیٹ نے داخلہ فیس سے متعلق رسید عدالت میں پیش کردی ،طارق منصور ایڈووکیٹ نے کہا کہ کے ایم سی نے عوامی داخلہ فیس ختم کرکے پارکنگ شروع کردی، مجھے پارک میں فری جانے سے روکا گیا کہ پارکنگ فیس کے بغیر داخل نہیں ہوسکتے،

گزشتہ سماعت پر کے ایم سی حکام نے جواب جمع کرایا تھا ،جس میں کے ایم سی حکام نے کہا کہ عوامی داخلہ فیس سے متعلق ٹینڈرز منسوخ کردیا گیا، ٹینڈرز منسوخی کے بعد درخواست قابل سماعت نہیں،عدالت نے عوامی داخلہ فیس کے ٹینڈرز کے خلاف حکم امتناعی جاری کیا تھا ،

سندھ ہائیکورٹ میں دائر درخواست میں کہا گیا تھا کہ سپریم کورٹ نے پارکوں میں عوامی داخلہ فیس پر پابندی عائد کی، سپریم کورٹ کا پارکوں میں عوامی داخلہ فیس نہ لینے کا حکم ہے،سپریم کورٹ پابندی کے باوجود ٹینڈرز جاری کیے گئے،ہل پارک، جھیل پارک، امیر خسرو پارک پر فیس عائد کی جا رہی ہے،بیچ ویو پارک کلفٹن، پولو گراونڈ پر بھی داخلہ فیس عائد کی جا رہی ہے،ڈائریکٹر پارکس کو ٹینڈرز جاری کرنے سے روکا جائے، سیکرٹری بلدیات، ایڈمنسٹریٹر کراچی، ڈی جی پارکس درخواست میں فریق ہیں

طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا

پولیس کا قحبہ خانے پر چھاپہ،14 مرد، سات خواتین گرفتار

خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

نرسری وارڈ میں 4 بچوں کے جاں بحق ہونے پر وزیراعلیٰ کا نوٹس

پسند کی شادی جرم بن گئی، سفاک ملزمان نے بچوں،خواتین سمیت سات افراد کو زندہ جلا ڈالا

لاہور میں فوگ کے ساتھ اسموگ کا بھی راج ہو چکا

کراچی کے لگ بھگ 114 تھانوں کے ایس ایچ اوز کی تقرریاں اور تبادلے متوقع ہیں۔

باغی ٹی وی: سندھ پولیس میں بڑے پیمانے پر تبادلوں کا سلسلہ جار ہے میڈیا ذرائع کے مطابق یہ تبادلے اور تقرریاں آئندہ ایک دو روز میں متوقع ہیں، شہر کے تمام تھانےداروں سمیت لگ بھگ 300 سے زائد افسران کےایڈیشنل آئی جی کراچی کی سربراہی میں کمیٹی نے انٹرویوز کیے ایڈیشنل آئی جی کراچی خادم حسین رند، تینوں زون کے ڈی آئی جیز عاصم خان قائم خانی، غلام اظفر مہیسر، اسد رضا اور تمام ایس ایس پیز نے کراچی پولیس آفس (کے پی او) میں انسپیکٹر اور سب انسپیکٹر کے عہدے کے پولیس افسران کے انٹرویوز کیے۔

90 دن میں نہیں تو 100 دن میں الیکشن ہوں گے. بلاول بھٹو زرداری

پولیس ذرائع کے مطابق انٹرویوز میں تمام تھانوں کے ایس ایچ اوز کو اس لیے بلایا گیا تھا کہ ان کی تھانے میں تعیناتی کے دورانیہ اور کارکردگی کی جانچ پڑتال کی جائےطویل دورانیے تک کسی تھانے میں تعینات پولیس افسروں کو ہٹایا جا رہا ہے یا انہیں کسی دوسرے تھانے میں تعینات کیا جائے گا۔

سندھ پولیس کا تمام تھانوں کو بجلی چوروں کے خلاف ایکشن لینے کی ہدایت

نجی خبررساں ادارے جیو نیوزنے ذرائع کے حوالے سے بتایا کہ سابقہ دور میں اب تک ایس ایچ او کے عہدے پر تعیناتی سے محروم پولیس افسران کو بھی آئندہ کام کرنے کا موقع دیا جائے گا گزشتہ سالوں کے سیاسی دورانیے میں تعینات رہنے والے بیشتر ایس ایچ اوز کوعہدوں سے ہٹایا جا رہا ہے جبکہ کرپشن اور دیگر الزامات کا سامنا کرنے والے کئی ایس ایچ اوز کے خلاف تحقیقات بھی کی جائیں گی اس سلسلے میں لگ بھگ 80 ایس ایچ اوز کی فہرستیں تیار کی گئی ہیں اور بعض تلخ فیصلے بھی کیے جا رہے ہیں۔

سندھ پولیس کے 18 ایس ایس پیز کے تقرر و تبادلے