سندھ ہائیکورٹ نے 9 حلقوں پر ضمنی الیکشن کے نوٹیفکیشن پر عملدرآمد روک دیا

کراچی: سندھ ہائیکورٹ نے صوبے میں 16 مارچ کو 9 حلقوں پر ضمنی الیکشن کے نوٹیفکیشن پر عملدرآمد روک دیا۔

باغی ٹی وی : اسلام آباد، لاہور، پشاور اور بلوچستان کے بعد سندھ ہائیکورٹ سے بھی پی ٹی آئی کو ریلیف مل گیا چیف جسٹس سندھ ہائیکورٹ جسٹس احمد علی شیخ کی سربراہی میں دو رکنی بینچ کے روبرو پی ٹی آئی کے 9 رکن قومی اسمبلی کے استعفوں کی منظوری کیخلاف اور ضمنی انتخابات رکوانے سے متعلق درخواستوں کی سماعت ہوئی۔

سندھ ہائیکورٹ میں پی ٹی آئی کے 9 ارکان قومی اسمبلی کے استعفوں کی منظوری کے خلاف درخواستوں پر سماعت ہوئی جس دوران دلائل دیتے ہوئے وکیل نے کہا کہ لاہور، پشاور، اسلام آباد اوربلوچستان میں بھی ایسی ہی درخواستوں پرحکم امتناع مل چکا ہے۔اس دوران آزاد امیدوارقیس منصور شیخ نے فریق بننے کی درخواست کی جس پر عدالت نے نوٹس جاری کردیئے۔

بعد ازاں عدالت نے سندھ میں 16 مارچ کو 9حلقوں پر ضمنی الیکشن کےنوٹی فکیشن پر عملدرآمد روک دیا اور سماعت 25 مارچ تک ملتوی کردی۔درخواست تحریک انصاف کے 9 رکن قومی اسمبلی کی جانب سے دائر کی گئی تھی۔

سماعت کے بعد پی ٹی آئی سندھ کے صدر و سابق وفاقی وزیر علی زیدی نے کہا کہ 11 اپریل کو استعفے دیئے۔ 17 جنوری کو اسپیکر سے استعفے منظور کئے۔ اسپیکر نے اپنی حلف برداری سے قبل کے استعفے منظور کئے۔ اپوزیشن لیڈر کی باری آئی تو استعفے ممظور کرلئے۔ پارٹی نے حکومت پر زور دینے کے لئے استعفی دیئے لاہور، اسلام آباد سمیت دیگر ہائیکورٹس نے حکم امتناع دیا۔ اب سندھ ہائیکورٹ نے بھی حکم امتناع جاری کردیا ہے۔ان کا کہنا تھا کہ ملک کے فیصلے انا کی بنیاد ہر نہیں ہوتے۔ انا پر فیصلے کرنے والے ملک کو ڈبو رہے ہیں۔ جن کو را کا ایجنٹ بتاتے تھے آج گلے میں ہاتھ ڈال کر گھوم رہے ہیں۔ ہم ایم کیو این کے ساتھ الیکشن میں اتحاد میں نہیں تھے۔ الیکشن کے بعد حکومت میں شامل ہوئے۔ ہم نے کسی کے کیسز ختم نہیں کئےعمران خان پر مقدمات کی سینچری ہونے والی ہے-

باغی ٹی وی کی رپورٹ کے مطابق سندھ کے صوبائی وزیر اطلاعات شرجیل میمن نے کہا ہے کہ ایک جماعت صرف جھوٹ بولنے اور لوگوں کو بیوقوف بنانے میں مصروف ہے

شرجیل انعام میمن کا کہنا تھا کہ تحریک انصاف کے دور میں ملک میں کرپشن انڈیکس میں اضافہ ہوا،کل پی ٹی آئی کارکنان نے پولیس کو یرغمال بنائے رکھا،عمران خان چاہتا ہے کہ اسے دوبارہ اقتدار میں بٹھایا جائے،جب تک سپورٹ حاصل تھی تب تک جنرل ریٹائرڈ باجوہ اچھے تھے،عمران خان احسان کش انسان ہے،جس پر احسان کرو اس کے شر سے ڈرو، اقتدار کی ہوس میں عمران اپنے حقیقی آقاؤں کے خلاف زہریلی مہم میں مصروف ہے، قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،

سندھ کے صوبائی وزیر اطلاعات شرجیل میمن کا کہنا تھا کہ اس شخص کے پیچھے ایسی طاقتیں موجود ہیں جو اس کو فنڈنگ کررہی ہیں،یہ شخص بیرونی طاقت پراپنے ملک اوراداروں کیخلاف سازش میں مصروف ہے، پاکستان ہے تو ہم ہیں، اقتدار رہے نہ رہے ملک سلامت رہنا چاہئے،،انتخابات وقت پر ہونے چاہییں مگر صورتحال کومد نظر رکھنا ضروری ہے،عدالتوں میں گارڈز کے ساتھ اسلحہ کے ساتھ جارہا ہے،جو مولا جٹ بنا ہوا ہے ،کوئی اس پر بات نہیں کررہا ہے،ہم نے بھی جیلیں دیکھی ہیں ،ہمیں تو رعایت نہیں ملی،ججز نے کلیئر کہہ دیا کہ کیس کو سننا سپریم کورٹ کا دائرہ کار ہی نہیں انتخابات جب بھی ہوں گے عمران خان نتائج تسلیم نہیں کریں گے عمران خان نے جو بھی روش اپنائی اس نے ملک تباہ کردیا عمران خان کو گرفتار کرنا چاہیے ،عمران خان نے آئین و قانون کی دھجیاں اڑائی ہیں،

 سارہ گِل نے پاکستان کی پہلی خواجہ سرا ڈاکٹر کا اعزاز اپنے نام کرلیا ہ

خواجہ سرا مشکلات کا شکار،ڈی چوک میں احتجاج،پشاورمیں "ریپ” کی ناکام کوشش

علی امین گنڈاپور اور امتیاز نامی شخص کے مابین آڈیو لیک

عمران خان کی جاسوسی، آلات برآمد،کس کا کارنامہ؟

کراچی: سندھ ہائیکورٹ نے عورت مارچ پر پابندی لگانےکی استدعا مستردکرتے ہوئے درخواست گزار پر جرمانہ عائد کردیا۔

باغی ٹی وی : عدالت عالیہ نے عورت مارچ پر پابندی لگانےکی درخواست ابتدائی دلائل سننےکے بعد مسترد کردی عدالت نے ریمارکس دیئے کہ درخواست گزار کے پاس ایسا کوئی مواد نہیں ہے جس کی بنیاد پر پابندی لگائی جاسکے، درخواست دائرکرنےکا مقصد پبلسٹی حاصل کرنا ہے، درخواست گزار متاثرہ فریق بھی نہیں۔

عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت

عدالت نے کہا کہ درخواست گزار نے جن نعروں پر اعتراض کیا اس میں کوئی قابل اعتراض چیز نظر نہیں آئی آئین پاکستان تمام شہریوں کو نقل و حرکت کی آزادی دیتا ہے۔

سندھ ہائیکورٹ نے درخواست گزار پر 25 ہزار روپے جرمانہ بھی عائد کردیا اور حکم دیا ہےکہ درخواست گزار جرمانےکی رقم ادا نہ کرے تو اس کا شناختی کارڈ بلاک کردیا جائے-

لاہور ہائیکورٹ نے عورت مارچ کی اجازت نہ دینے کے خلاف دائر درخواست پر سماعت سے معذرت کرلی

دوسری جانب لاہور ہائیکورٹ میں عورت مارچ کے منتظمین نے مارچ کی اجازت نہ دیے جانے کے خلاف درخواست دائر کی تھی جس پر جسٹس مزمل اختر شبیر نے سماعت سے معذرت کرلی ہے،جسٹس مزمل اختر نے درخواست دوسرے بینچ کے سامنے لگانے کی سفارش کی ہے اور فائل چیف جسٹس کو بھجوادی ہے-

باغی ٹی وی کی رپورٹ کے مطابق ایم کیو ایم پاکستان کے رہنما ،سینئیر ڈپٹی کنوینئیر مصطفیٰ کمال نے کہا ہے کہ آج ہم یہاں موجود ہیں لوگوں کی ضرورت ہمیں یہاں لیے کر آئی ہے دو وقت کی روٹی کھانا مشکل ہوگیا، زرعی ملک میں یہ حالات ہیں، کوئی شخص اپنی فیملی کی تمام ضروریات زندگی پر اثر ہورہا ہے،

مصطفیٰ کمال کا کہنا تھا کہ 2018 میں تقریریں سنیں کہ تبدیلی آرہی ہے،کہاگیا 200 ارب ڈالر باہر سے لائیں گے،50 لاکھ گھر بنائیں گے، ایک کروڑ نوکریاں دیں گے، بڑے بڑے خواب دکھانے کی وجہ سے پی ٹی آئی کی حکومت کو مسلط کیا گیا، 2018میں عمران خان کی حکومت دھاندلی کی بدولت آئی،عمران خان نے اپنی ہر ایک بات پر یوٹرن لیا عمران خان کی نااہل حکومت کی وجہ سے ملک تباہی کی طرف گیا،عمران خان اور ان کی حکومت نے خارجہ پالیسی کابیڑا غرق کیا،کہتے تھے آئی ایم ایف کے پاس نہیں جاؤں گا، اگر ایسا ہوا خود کشی کر لوں گا،

مصطفیٰ کمال کا مزید کہنا تھا کہ ہمارے ساتھ اتنی زیادتیاں ہوئی ہیں مگر ہم شکایت کرتے ہیں لوگوں کو بغاوت پر نہیں اکساتے، عمران خان کو کراچی سے 14 سیٹیں دی گئیں تھی گورنر شپ دی گئی تھی،عمران خان نے پیپلز پارٹی کی زیادتیوں کے خلاف کچھ نہیں کیا،اصل میں پیپلز پارٹی اور پی ٹی آئی ایک سکے کے دو رُخ ہیں عمران خان وزیر اعظم بننے کی لالچ میں ملک کو انارکی کی طرف لے جانا چاہتے ہیں،عمران خان فوج کو اپنی مدد کیلئے جانبدار کرنا چاہتے ہیں،اگر فوج عمران خان کی حمایت نہ کرے تو یہ اُسے میر جعفر اور جانور کہہ دیتے ہیں عمران خان کی نظر میں اُن کی ذات سے بڑھ کر کچھ ہے ہی نہیں،عمران خان پر جس جس نے احسان کیا اس نے ان کی بے توقیری کی،پاکستان کسی کے باپ کی جاگیر نہیں ہے، ایسا نہیں چلے گا کہ جب تک جس لاڈلے کا دل چاہے گا وہ ملک سے کھیلے گا

مصطفیٰ کمال کا مزید کہنا تھا کہ ہر دو ہفتے بات عمران خان اپنی بات پر یو ٹرن لیتا تھا چار وزراء خزانہ تبدیل کر دئیے ملک کو تباہی کی طرف دھکیل دیا اس کی نا اہلی کی وجہ سے آج یہ باتیں ہو رہی ہیں کے یہ ملک بچے گا بھی یا نہیں ،اس کراچی شہر کے بھلے کیلئے ہم ایک پلیٹ فارم پر آئے ہیں کیوں کہ لوگوں کا نقصان ہورہا تھا، کیا عمران خان ملک کے وسیع تر مفاد میں بیٹھ کر مسائل حل نہیں کر سکتے؟ عمران خان کی آڈیوز سُن لیں تو معلوم ہو کہ ان کی نظر میں عورتوں کا کیا مقام ہے، کراچی وہ شہر ہے جو 75 سالوں سے اس ملک کو پال رہا ہے ۔عمران خان نے اپنی حکومت چلانے کے لۓ کراچی کو زرداری کے ہاتھ میں گروی رکھ دیا ۔

اگرکسی پرمقدمات ہیں توانہیں ایک دفعہ معاف کردیں،مصطفیٰ کمال

اختیارات گلی کوچوں تک پہنچنے چاہئیں،مصطفیٰ کمال

ملکی ترقی کے لیے عام آدمی کا بااختیار ہونا ضروری ہے. مصطفیٰ کمال

جو جیسا کرے گا ویسا ردعمل دیا جائے گا، مصطفیٰ کمال کا دبنگ اعلان

اقتدار نہیں مسائل کا حل چاہئے، مصطفیٰ کمال کا دھرنے سے خطاب

کراچی: سندھ میں زلزلے کے جھٹکے محسوس کیے گئے۔

باغی ٹی وی : زلزلے کے جھٹکے دیہی سندھ کے علاقے نینگ شریف کے قریب محسوس کئے گئے لوگوں میں خوف و ہراس پھیل گیا-

زلزلہ پیما مرکز کے مطابق زلزلے کی شدت ریکٹر اسکیل پر 3.9 ریکارڈ ہوئی جس کی گہرائی 10کلو میٹر ریکارڈ ہوئی۔ زلزلے کا مرکز منچھر جھیل کے جنوب سے 22 کلو میٹر کی دوری پر تھا۔

زلزلہ آج صبح 6 بجکر 2منٹ پر ریکارڈ ہوا تاہم کسی جانی و مالی نقصان کی اطلاع نہیں ملی۔

کراچی: امیر جماعت اسلامی کراچی حافظ نعیم الرحمان کا کہنا ہےکہ پیپلز پارٹی کا کراچی میں جیالا میئر لانےکا خواب کبھی پورا نہیں ہوگا۔

باغی ٹی وی: کراچی میں پریس کانفرنس کرتے ہوئے حافظ نعیم الرحمان کا کہنا تھا کہ جعل سازی کرکے جماعت اسلامی کے نمبر کم کردیئےگئے، جماعت اسلامی کے نمبرز کم کرنا پیپلز پارٹی کا کام ہے-

میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں

انہوں نے کہا کہ پی ٹی آئی بھی وہی کام کر رہی ہے جو پیپلز پارٹی نےکیا، ہم میں تو ظرف ہےکہ ہم پی ٹی آئی کی بھی بات کر رہے ہیں، یہ نمبر تبدیل کرسکتے ہیں، تاخیر کرسکتے ہیں مگر کراچی پیپلز پارٹی کا نہیں-

حافظ نعیم الرحمان کا کہنا تھا کہ، پیپلزپارٹی کو بھی بتایا کہ وہ کراچی نہیں جیت سکتی، کراچی کے عوام سمجھتے تھےکہ اب کراچی کے حالات بہتر ہوں گے، خود کو عوام کا چیمپئن کہنے والے اپنی جماعت میں جمہوری نہیں۔

ان کا کہنا تھا کہ بلدیاتی الیکشن کروانےکے پیچھے صرف جماعت اسلامی تھی، اس وقت الیکشن کمیشن پیپلزپارٹی کی بی ٹیم بنا ہوا ہے۔

واضح رہے کہ الیکشن کمیشن کے نوٹیفیکیشن کے اجرا کے بعد پیپلزپارٹی اور جماعت اسلامی کی نشستیں برابر ہوگئیں کراچی کی 246 میں سے 235 پر الیکشن ہوئے جس میں سے الیکشن کمیشن نے 215بلدیاتی نشستوں پر امیدواروں کی کامیابی کے نوٹیفیکیشن جاری کئے-

مریم نواز کیخلاف توہین عدالت کی کارروائی کے لیے دائر درخواست پرفیصلہ محفوظ

پیپلزپارٹی اور جماعت اسلامی کی کے ایم سی سٹی کونسل میں 84، 84 نشستیں ہوگئیں جبکہ پی ٹی آئی کی 40 نشستیں ہیں مسلم لیگ ن 5، جمیعت علمائے اسلام کی ایک نشست جبکہ ایک آزاد امیدوار کامیاب ہوا۔ اس طرح، پیپلزپارٹی اور اس کے اتحادیوں کی مجموعی نشستیں 91 ہوجائیں گی۔

حیدرآباد کی یونین کمیٹیز کی نشستوں پر الیکشن کمیشن نے نوٹیفیکیشن جاری کر دیا جس کے تحت حیدرآباد میں پہلی مرتبہ میئر پیپلزپارٹی کا آئے گا پیپلزپارٹی 92ن شستوں کے ساتھ حیدرآباد میں سب سے بڑی پارٹی بن گئی۔

حیدرآباد میونسپل کارپوریشن میں 160نشستیں ہیں جن میں پی ٹی آئی 39 نشستوں پر کامیاب ہوئی تحریک لبیک نے دو نشستوں پر کامیابی حاصل کی جبکہ 13نشستوں پر آزاد امیدوار کامیاب ہوئے-

توشہ خانہ کیس: عمران خان کی ناقابل ضمانت وارنٹ گرفتاری کی منسوخی کی درخواست پر فیصلہ محفوظ