"کچھ دن تو بسو میری آنکھوں میں”
,وہ تو خوشبو ہے ہواؤں میں بکھر جائے گا
"اور”انوکھا لاڈلا”
جیسے بے شمار مقبول گیت گانے والی گلوکارہ بلقیس خانم کراچی میں انتقال کرگئیں۔بلقیس خانم نے ریڈیو، ٹی وی کے ساتھ فلموں کے لئے بھی یاد گار گیت گائے۔ میوزک انڈسٹری نے ان کے انتقال پر تعزیت کا اظہار کیا ہے
وہ معروف ستار نواز استاد رئیس خاں کی بیوہ تھیں۔
سندھ پولیس کی جانب سے شہریوں کو خبردار کیا گیا ہےکہ وہ فون پر دوستی کے لیے کسی خاتون کی آواز کے جھانسے میں نہ آئیں اور خود کو اغوا ہونے سے بچائیں۔سندھ پولیس کی جانب سے سوشل میڈیا پر یہ مہم زور و شور سے چلائی جا رہی ہے جس میں شہریوں کو آگاہ کیا گیا ہےکہ وہ واٹس ایپ، فیس بک یا فون پر کسی خاتون کی آواز کے جھانسے میں آکر اس سے ہرگز دوستی نہ کریں۔
شہریوں کو خبردار اور ہوشیار کرتے ہوئے آگاہی مہم میں کہا گیا ہےکہ عورت کی آواز میں فون یا سوشل میڈیا کال پر اگر وہ کسی عورت سے دوستی کرتے ہیں اور وہ انہیں ملنے کے لیے سندھ کے علاقوں سکھر،گھوٹکی، شکارپور یا کشمور آنےکا کہے تو ایسا ہرگز نہ کریں اور خود کو اغوا ہونے سے بچائیں۔
سندھ پولیس کی جانب سے سوشل میڈیا پر جاری پوسٹ میں یہ بھی کہا گیا ہےکہ اگر کوئی شخص کسی شہری سے فون، فیس بک یا سوشل میڈیا کال پر دوستی کرتا ہے یا کسی کاروباری سلسلے میں گاڑی، ٹریکٹر، ٹرک، موٹرکار یا تیتر اور دیگر پرکشش جانور وغیرہ کی خرید و فروخت کے سلسلے میں بات کرتا ہے اور اسے سکھر، گھوٹکی، شکارپور یا کشمور بلائے تو ہرگز نہ جائیں۔
پوسٹ میں ملک بھر کے شہریوں کو یہ بھی آگاہی دی گئی ہے کہ وہ مختلف طریقوں سے سندھ کے ان شہروں کا بلاوجہ رخ نہ کریں اور خود کو اغوا ہونے سے بچائیں۔
کراچی:شہر قائد کے علاقے ڈیفنس ہاؤسنگ اتھارٹی (ڈی ایچ اے) میں اغواء کی 2 ہائی پروفائل وارداتوں کے ماسٹر مائنڈ نے کراچی کی مقامی عدالت کے سامنے ہتھیار ڈال دیئے۔پولیس ذرائع کے مطابق کراچی کی انسداد دہشت گردی کی عدالت (اے ٹی سی) نے آغا منصور حسین کو اشتہاری قرار دیا تھا۔ جس نے پیر کی صبح ڈسٹرکٹ ایسٹ کے جوڈیشل مجسٹریٹ کے سامنے پیش ہوکر رضاکارانہ طور پر گرفتاری پیش کردی۔
کراچی کے علاقے ڈی ایچ اے سے ایک بلاگر بسمہ سلیم اور قانون کی طالبہ دعا منگی کو بالترتیب 12 مئی 2019ء اور 30 نومبر 2019ء کو اغواء کیا گیا تھا۔دعا منگی کو اس وقت اغواء کیا گیا جب وہ اپنے دوست حارث سومرو کے ساتھ کھانے کیلئے ریسٹورنٹ گئی تھیں جبکہ بسمہ سلیم کو ان کے گھر کے باہر سے اغواء کیا گیا تھا۔
ایڈیشنل انسپکٹر جنرل آف پولیس (ایڈیشنل آئی جی پی) کراچی رینج اور انسپکٹر جنرل (آئی جی) سندھ پولیس غلام نبی میمن نے 18 مارچ 2020ء کو ایک پریس کانفرنس میں دعا منگی اور بسمہ سلیم کے ہائی پروفائل اغواء میں ملوث 2 ملزمان کی گرفتاری کا اعلان کیا تھا۔
انسداد دہشت گردی کی عدالت ٹو نے 30 جولائی 2020ء کو دعا منگی اور بسمہ سلیم کے اغوا برائے تاوان کے مبینہ ماسٹر مائنڈ ہونے کے الزام میں آغا منصور حسین کے ناقابل ضمانت وارنٹ گرفتاری جاری کئے۔اے ٹی سی ٹو نے 23 جنوری 2021ء کو دو اغواء کاروں سمیت 5 ملزمان پر فرد جرم عائد کی اور آغا منصور حسین کو اشتہاری مجرم قرار دیا تھا۔
کراچی پولیس کے سابق اسسٹنٹ سب انسپکٹر آغا منصور کو دعا منگی اور بسمہ سلیم کے اغواء کا ماسٹر مائنڈ قرار دیا گیا تاہم منصور حسین کو مجرمانہ سرگرمیوں میں مبینہ طور پر ملوث ہونے کی وجہ سے پہلے ہی ملازمت سے برخاست کر دیا گیا تھا۔انسداد دہشت گردی کی عدالت نے آغا منصور حسین کو جوڈیشل ریمانڈ پر جیل بھیج دیا۔
کراچی میں معروف چینی کمپنی شنگھائی الیکٹرک سے نامعلوم ملزمان کی جانب سے بھتہ طلب کرلیا گیا ہے۔ بھتہ نہ دینے کی صورت میں شنگھائی الیکٹرک کوسنگین نتائج بھگتنے کی دھمکیاں بھی دی گئی ہے۔کمپنی کا وزارت داخلہ سندھ کو لکھا خط سما کو موصول ہوگیا ہے جس میں ڈی جی رینجرز سندھ کو بھی ان واقعات کے بارے میں آگاہ کیا جاچکاہے کہ چند دنوں سے کچھ مسلح افراد پاور پلانٹ کی سائٹ پر آرہے ہیں۔
شنگھائی الیکٹرک کے مطابق مسلح افرادکی دھمکیوں کی وجہ سے کام متاثر ہورہاہے چینی اور پاکستانی عملے کو سیکیورٹی فراہم کی جائے۔کمپنی کا مؤقف ہے کہ پاورپلانٹ کی تعمیرکے سلسلے میں حکومت کے تمام متعقلہ اداروں نے این او سیز بھی حاصل کی ہوئی ہیں۔ مسلح افراد پاور پلانٹ پر کام کرنے والے چینی عملے سے بھتے کا مطالبہ کررہے ہیں۔
خط میں کہا گیا ہے کہ علاقہ پولیس اور سندھ رینجرز کو بھی ان واقعات کی اطلا ع دے چکے ہیں۔ چینی کمپنی شنگھائی الیکٹرک بن قاسم میں کے الیکٹرک کے پاورپلانٹ پرکام کررہی ہے۔
کراچی:سائٹ سپر ہائی وے پر فائرنگ سے ایس ایچ او بن قاسم زخمی ،اطلاعات کے مطابق کراچی میں پولیس پر فائرنگ ہوئی ہے اور اس فائرنگ کے نتیجے میں ایس ایچ او بن قاسم زخمی ہوگئےہیں،پولیس کی طرف سے فائرنگ کرنے والے ڈاکووں کوپکڑتے ہوئے ایس ایچ او کو گولی لگی ہے.
ایس ایس پی بن قاسم کا کہنا ہے کہ ادریس بنگش کسی کام سے پراپرٹی ڈیلر کے دفتر میں موجود تھے ، ڈاکو ڈکیتی کے لیے دفتر میں داخل ہوئے ، ایس ایس پی ایسٹ کراچی کا کہنا ہے کہ ایس ایچ او ادریس بنگش نے ڈاکووں کو پکڑنے کی کوشش کی
ایس ایس پی ایسٹ کا کہنا تھا کہ اس دوران ڈاکووں کوپکڑنے کے دوران فائرنگ ہوئی اور پھر فائرنگ سے آصف چانڈیو اور ادریس بنگش زخمی ہوئے ، ایس ایچ او نے ملزم کو زخمی حالت میں پکڑ لیا، ایس ایس پی ایسٹ کا مزید کہنا تھا کہ کورنگی زمان ٹاؤن تھانے کی حدود میں بھی پولیس اور ڈاکووں کے درمیان فائرنگ کا تبادلہ ہوا،فائرنگ کے تبادلے میں ہیڈ کانسٹیبل منظور شہید ہوچکے ہیں ،جبکہ ڈاکوفرار ہونے میں کامیاب ہوگئے ہیں
ایس ایس پی کورنگی کا کہنا تھا کہ اس دوران زمان ٹاؤن 51سی میں پولیس نے مشتبہ افراد کو روکا ، ملزمان نے فائرنگ کردی جس سے اہلکار زخمی ہوا،ایس ایس پی کورنگی کا مزید کہنا تھا کہ کانسٹیبل منظور کو آغا خان اسپتال منتقل کیا جہاں وہ شہید ہوگیا
آئی این ایف (اینٹی نارکوٹکس فورس) نے کراچی سے سعودی عرب بھیجنے کے لیے تیار کیے گئے تندوروں سے بھاری مقدار میں منشیات برآمد کرلی ۔
باغی ٹی وی : ترجمان اے این ایف کے مطابق بیرون ملک منشیات اسمگلنگ کے خلاف کریک ڈاؤن جاری ہے شاہراہ فیصل پر واقع نجی کوریئر آفس میں خفیہ اطلاع پر کارروائی کی گئی، جس میں تندور کے ذریعے منشیات جدہ اسمگل کرنے کی کوشش ناکام بنا دی گئی۔
ترجمان کے مطابق اے این ایف نے 6 تندوروں میں سے مجموعی طور پر 56 کلو جذب شدہ آئس برآمد کرلی۔ کورئیر آفس کے ذریعے سامان بھجوانے والے ملزم کو منصوبے کے تحت طلب کرکے موقع پر گرفتار کر لیا گیا۔ ملزم کی شناخت خیبر کے رہائشی اقرار احمد کے نام سے ہوئی، جو پہلے بھی راولپنڈی میں منشیات پارسل کیس میں مطلوب تھا۔
ترجمان کے مطابق دوران تفتیش ملزم نے انکشاف کیا کہ نجی کمپنی کی بس کے ذریعے مزید 5 تندور کراچی پہنچ چُکے ہیں، جس پر اے این ایف نے 2 تندور سہراب گوٹھ کے قریب سے اور 3 لیاری کے قریب سے برآمد کر لیے گئے۔ 11 تندوروں میں سے مجموعی طور پر جذب کی گئی 88 کلو 500 گرام آئس برآمد کرلی گئی۔
دوسری جانب باچا خان انٹرنیشنل ائیرپورٹ فلائٹ نمبر PK 285 سےقطرجانے والے ملزم کے پیٹ سے 120 چرس بھرے کیپسول برآمد کرکے راولپنڈی کے رہائشی ملزم کو گرفتارکرلیا گیا۔ ملزم کی نشاندہی پر ائیرپورٹ سے اس کے ساتھی کو بھی گرفتار کر لیا گیا ہے۔
علاوہ ازیں اے این ایف اور اے ایس ایف کی لاہور انٹرنیشنل ائیرپورٹ پرمشترکہ کارروائی میں فلائٹ نمبر QR 629 سے دوحہ جانے والے 2 ملزمان کے ٹرالی بیگ سے 7 کلو 500 گرام ہیروئین برآمد کرلی گئی، جس پر حکام نے پاکپتن کی رہائشی خاتون اور ملزم کو گرفتار کرلیا۔
تمام گرفتار ملزمان سے بھاری مقدار میں منشیات برآمد کرنے کے بعد مقدمات درج کرکے تفتیش شروع کردی گئی ہے۔
ہستی کوئی ایسی بھی ہے انساں کے سوا اور
مذہب کا خدا اور ہے مطلب کا خدا اور
نجم آفندی اردو کے نامور مرثیہ گو شاعر تھے۔ وہ اردو شاعری کے جدید اصناف شاعری میں نئے تجربوں کے لیے بھی شہرت رکھتے تھے۔
نام اور خاندان
۔۔۔۔۔۔۔۔
نجم آفندی کا اصل نام میرزا تجمل حسین تھا۔ وہ 1893ء میں آگرہ کے ایک گھرانے میں پیدا ہوئے تھے۔ ان کے والد بزم آفندی، دادا مرزا عباس علی ملیح، پردادا مرزا نجف علی بلیغ اور پردادا کے بھائی مرزا جعفر علی فصیح، سب شاعر تھے۔ مرزا جعفر علی فصیح کو حاجیوں کی خدمت کرنے پر سلطنت عثمانیہ کی جانب سے آفندی کا خطاب ملا اور یہی اس خاندان کے ناموں کا حصہ بن گیا تھا۔
کلام کی قدر دانی
۔۔۔۔۔۔۔۔
خاندانی احوال کے زیر اثر نجم کم عمری سے شاعری کرنے لگے۔ انھوں نے اپنی مشہور نظم در یتیم لکھنؤ میں سنائی تھی۔ اس نظم پر بولی لگائی گئی تھی اور سب سے زیادہ بولی لگانے والے راجا راولپنڈی نے اسے 5600 روپیوں میں خریدا تھا (جو 1910ء میں ایک چونکانے والی قیمت تھی)۔ رقم کی وصولی کے بعد نجم نے اسے یتیم خانے کے حوالے کر دیا تھا۔
ترقی پسند تحریک کے وجود میں آنے سے پہلے ہی نجم ”کسان“، ”مزدور کی آواز“، ”ہماری عید“ جیسے موضوعات کو اپنے شاعرانہ کلام کا حصہ بنا چکے تھے نجم اپنی زندگی کے بعد کے ایام میں خالصتًا مذہبی شاعری اور مرثیہ نگاری کے لیے خود کو وقف کر دیا تھا۔
مجموعہ کلام
۔۔۔۔۔۔
نجم نے کئی مرثیے، نوحے، قصائد اور رباعیات قلم بند کیں جنھیں بعد میں ”کلیاتِ کائناتِ نجم“ کے نام سے دو جلدوں میں شائع کیا گیا تھا۔
ہجرت اور انتقال
۔۔۔۔۔۔۔۔
اپریل 1971ء میں نجم آفندی ہندستان سے ہجرت کرکے پاکستان چلے گئے۔ وہ کراچی میں بس گئے اور 21 دسمبر 1975ء کو کراچی ہی میں ان کا انتقال ہو گیا۔ وہ سخی حسن کے قبرستان میں سپرد خاک ہوئے۔
غزل
۔۔۔۔۔۔
ہستی کوئی ایسی بھی ہے انساں کے سوا اور
مذہب کا خدا اور ہے مطلب کا خدا اور
پھر ٹھہر گیا قافلۂ درد سنا ہے
شاید کوئی رستے میں مری طرح گرا اور
اک جرعۂ آخر کی کمی رہ گئی آخر
جتنی وہ پلاتے گئے آنکھوں نے کہا اور
منبر سے بہت فصل ہے میدان عمل کا
تقریر کے مرد اور ہیں مردان وغا اور
اللہ گلہ کر کے میں پچتایا ہوں کیا کیا
جب ختم ہوئی بات کہیں اس نے کہا اور
کیا زیر لب دوست ہے اظہار جسارت
حق ہو کہ وہ ناحق ہو ذرا لے تو بڑھا اور
دولت کا تو پہلے ہی گنہ گار تھا منعم
دولت کی محبت نے گنہ گار کیا اور
یہ وہم سا ہوتا ہے مجھے دیکھ کے ان کو
سیرت کا خدا اور ہے صورت کا خدا اور
غزل
۔۔۔۔۔
محبت کی وہ آہٹ پا نہ جائے
اداؤں میں تکلف آ نہ جائے
تری آنکھوں میں آنکھیں ڈال دی ہیں
کریں کیا جب تجھے دیکھا نہ جائے
کہیں خود بھی بدلتا ہے زمانہ
زبردستی اگر بدلا نہ جائے
محبت راہ چلتے ٹوکتی ہے
کسی دن زد میں تو بھی آ نہ جائے
وہاں تک دین کے ساتھی ہزاروں
جہاں تک ہاتھ سے دنیا نہ جائے
ترے جوش کرم سے ڈر رہا ہوں
دل درد آشنا اترا نہ جائے
کہاں تم درد دل لے کر چلے نجمؔ
مزاج درد دل پوچھا نہ جائے
کراچی: گورنر سندھ کامران ٹیسوری کی کاوشوں کے بعد ایم کیو ایم پاکستان، پاک سرزمین پارٹی اور فاروق ستار کے درمیان سیاسی اتحاد کا امکان ظاہر کیا جارہا ہے۔اطلاعات کے مطابق ایم کیو ایم کے سیاسی دھڑوں کو ایک کرنے کے لئے بڑا بریک تھرو سامنے آیا ہے کیونکہ دونوں جماعتوں کی جانب سے مشترکہ طور پر گورنر کی کاوشوں کا مثبت جواب دیا ہے۔
ذرائع کا کہنا ہے دونوں سیاسی جماعتوں کی جانب سے مستقبل میں ساتھ چلنے پر بات چیت کرنے اور ماضی کو بھولا کر ساتھ سیاست کرنے پر اتفاق طے ہوا ہے، اس کے علاوہ جلد دونوں جماعتوں کے قائد کی ملاقات کا امکان بھی ہے۔
ذرائع کا کہنا ہے کہ کراچی کی سیاست میں جلد بڑے بریک تھرو کا امکان ہے تاہم آنے والے 8 سے 10 دنوں میں اہم ملاقاتیں ہونے کا امکان ظاہر کیا جارہا ہے، جس میں مستقبل میں ساتھ چلنے اور مشترکہ جدوجہد کے حوالے سے دونوں جماعتوں میں معاملات طے کیے جائیں گے۔ذرائع کا کہنا ہے کہ خالد مقبول صدیقی کی ایم کیو ایم کی سینئر قیادت سے مشاورت جاری ہے جبکہ دوسری جانب پی ایس پی کی اعلی قیادت بھی اپنے رہنماوں اور کارکنان کو اعتماد میں لینا شروع کردیا۔
ذرائع نے بتایا کہ بلدیاتی انتخابات سے قبل اتحاد ہونے کا امکان ہے، مصطفی کمال اور انیس قائم خانی کارکن کی حیثیت سے ایم کیو ایم کی واپسی کا امکان ہے لیکن اس حوالے سے زرائع نے بتایا کہ گورنر سندھ کامران ٹیسوری بھی تمام سابقہ رہنماؤں کو واپس ایم کیو ایم میں لانے کے لئے متحرک ہیں۔
ذرائع کا کہنا ہے کہ پی ایس پی اور ایم کیو ایم کے درمیان بیک ڈور رابطے لانڈھی کے ضمنی الیکشن کے بعد سے شروع ہوگئے تھے لیکن ایم کیو ایم کے چند سینئر رہنما اس کے حق میں نہیں تھے تاہم اس کے بعد پی آئی بی اور شاہ فیصل کالونی میں بدترین شکست کے بعد دوبارہ رابطوں کا سلسلہ شروع ہوا، امکان ہے جلد ایم کیو ایم اور پی ایس پی کی جانب سے کوئی اعلان سامنے آئے گا۔
ذرائع کا کہنا ہے کہ گورنر سندھ کے ذریعے فاروق ستار سے بھی رابطہ کیا گیا ہے اور ان کو بھی ساتھ لے کر چلنے پر بات جاری ہے تاہم تینوں فریقین کی جانب سے خالد مقبول صدیقی کی قیادت پر اطمینان کا اظہار کیا گیا ہے اور اس بات پر بھی اتفاق ہوا ہے پارٹی کا نام ایم کیو ایم پاکستان انتخابی نشان پتنگ ہی رہے گا۔اس حوالےسےآنے والے دنوں میں مزید پیش رفت ہوسکتی ہے اور ایم کیو ایم مصطفی کمال،انیس قائم خانی، ڈاکٹر فاروق ستار سمیت دیگر رہنماؤں کو باقار طریقے سے واپس لایا جا سکتا ہیں۔
وسیم اختر سے جب پریس کانفرنس سوال کیا گیا تو انہوں نے کہا کہ تمام لوگ ایم کیو ایم میں کارکن کی حیثیت سے واپس آسکے ہیں جیسے ڈاکٹر صغیر، سلیم تاجک سمیت دیگر لوگ واپس آئے، کنوینر خالد مقبول صدیقی نے واضح پیغام دیا ہے کہ تمام لوگ واپس آسکتے ہیں۔
ذرائع نے بتایا کہ گورنر سندھ سے مصطفیٰ کمال اور انیس قائم خانی کی ملاقات کے بعد ایم کیو ایم اور پی ایس پی میں برف پگھلی ہے، جس کے بعد بیک ڈور رابطوں کی اطلاعات ہے۔ ذرائع نے بتایا کہ فاروق ستار بھی انٹرا پارٹی الیکشن سے دستبراد ہونے کے اشارے دے رہے ہیں۔
لاہور:قومی ٹیم کی مایوس کن کارکردگی پر آئس لینڈ کرکٹ بھی طنز کرنے لگا،انگلینڈ کے خلاف ٹیسٹ میچز میں مایوس کن کارکردگی پر آئس لینڈ کرکٹ بورڈ بھی پاکستانی ٹیم پر طنز کرنے لگا۔
انگلینڈ نے پنڈی اور ملتان کے بعد کراچی ٹیسٹ بھی جیت کر پاکستان کو پہلی بار ہوم گراؤنڈ میں وائٹ واش کردیا جس کے باعث ایک ایسا ملک آئس لینڈ جو کہ ابھی تک آئی سی سی کا رکن بھی نہیں ہے، پاکستانی ٹیم کا مذاق اڑا رہا ہے۔
کراچی ٹیسٹ میں پاکستان کے167 رنز کے ہدف کے جواب میں انگلینڈ کی جانب سے تیز رفتاری سے رنز بنانے پر آئس لینڈ کرکٹ نے ٹوئٹ میں کہا کہ پاکستان قدرتی مناظر کے باعث سیاحت کے لیے بہترین جگہ ہے تاہم ایسا لگتا ہے کہ انگلش کھلاڑیوں نے پہلے سے ہی آج کراچی سے اپنی فلائٹ بک کروا رکھی ہے۔
Message to @TheRealPCB, we are happy to come and tour Pakistan and lose 3-0, getting chopped up and sugared like marmalade. Just letting you know in the interests of balance. And we will score at 0.7 not 7.0 an over.
— Iceland Cricket (@icelandcricket) December 19, 2022
ایک اور ٹویٹ میں آئس لینڈ کرکٹ نے پی سی بی کو ٹیگ کرتے ہوئے طنزیہ کہا کہ ہم پاکستان آکر 0-3 سے ہارنے کے لیے بھی تیار ہیں اور ہم 0.7 نہیں بلکہ 7.0 کی شرح سے رنز بنائیں گے۔
خیال رہے کہ انگلینڈ کے خلاف تیسرے ٹیسٹ میں بھی پاکستانی ٹیم خاطر خواہ کارکردگی نہیں دکھاسکی ہے اور کراچی ٹیسٹ میں 8 وکٹوں سے فتح کے ساتھ ہی انگلینڈ نے پاکستان کو تاریخ میں پہلی بار وائٹ واش کردیا ہے۔
کراچی: پاکستانی ڈاکٹروں، ماہرین اور دیگر سماجی کارکنوں نے کہا ہے کہ کراچی شہر میں فضائی آلودگی کی وجہ سے ہوا کا معیار انتہائی تباہ کن ہوچکا ہے اور یہی وجہ ہےکہ پورے ملک میں فضائی آلودگی سے متاثرہ ہونے والے مریض سب سے زیادہ شہر کراچی میں موجود ہیں۔
پاکستان میڈیکل ایسوسی ایشن اور کراچی سٹیزن فورم کے تحت ایک مذاکرے سے خطاب کرتے ہوئے مختلف شعبہ ہائے زندگی کے ماہرین نے فضائی آلودگی اور اس سے تباہی کو انتہائی خطرناک قرار دیتے ہوئے اسے فوری ایمرجنسی قرار دیا ہے۔
کراچی سٹیزن فورم کی کنوینر محترم نرگس رحمان نےکہا کہ آج کی پریس کانفرنس ’کراچی کی زہریلی فضا اور بڑھتے ہوئے طبی مسائل‘جیسے اہم موضوع پر ہے۔ انہوں نےپاکستان اور بالخصوص کراچی میں فضائی آلودگی پر اپنی تشویش کا اظہار کیا۔
اس کے بعد کراچی سٹیزن فورم کے شریک کنونیر، ڈاکٹر ایس ایم قیصرسجاد کراچی کی آلودہ ہوا کو شہریوں کےلیے ’سلوپوائزن‘ قرار دیا۔ انہوں نے کاربن ڈائی آکسائیڈ، کاربن مونوآکسائیڈ، اور زمینی سطح کی اوزون کو خطرناک قرار دیا۔ اس سے امراضِ قلب، دماغ، اعصاب اور آنکھوں کے امراض پیدا ہورہے ہیں۔ اب یہ حال ہے کہ ہسپتالوں میں مریضوں کی بڑی تعداد کا تعلق فضائی آلودگی سے متاثرہ ہے۔
ڈاکٹر قیصر نے کہا کہ گاڑیوں سے سیسہ (لیڈ)کااخراج بچوں سے لے کر بڑوں تک شدید نقصاندہ ہے۔ بالخصوص سیسہ ہمارے بچوں کی یادداشت متاثر کرتے ہوئے آئی کیو کو بھی متاثرکررہا ہے۔ یہاں تک کہ فضائی آلودگی بچوں میں عمرکے لحاظ سے قد میں کمی (اسٹنٹنگ) کی وجہ بھی بن رہی ہے۔ انہوں نے کہا کہ فضائی آلودگی سے کراچی کے رہائشیوں کی اوسط عمر تین برس کم ہوچکی ہے اور ہمیں اس کا احساس ہی نہیں ہے۔
کراچی میں ہولناک ٹریفک، فیکٹریوں کی بھرمار، کچرا جلانے، گردوغبار اور تعمیراتی عمل سے دھواں،مٹی، دھول اور دیگر اقسام کی فضائی آلودگی سے خود ہمارا قدرتی دفاعی نظام متاثر ہورہا ہے اور یہی وجہ ہے کہ وائرس کا حملہ انہیں سخت متاثر کرتا ہے۔اس کا عملی ثبوت یہ ہے کہ کراچی میں کووڈ19 سے متاثر ہونے والے ہمارے کئی پیارے مکمل تندرست تھے لیکن وہ اس وبا کےہاتھوں زندگی ہار بیٹھے۔