باغی ٹی وی کی رپورٹ کے مطابق سندھ کے صوبائی وزیر اطلاعات شرجیل میمن نے کہا ہے کہ اقتدار کی حوس میں عمران خان ہر حد پار کرنے لیے تیار ہیں،
سندھ کے صوبائی وزیر شرجیل انعام میمن کا کہنا تھا کہ عمران خان کی خواہش ہے کہ خونریزی ہو؟ عمران خان ڈکٹیٹر کی نرسری کے ٹیسٹ ٹیوب بیبی رہے ہیں، عمران خان اب اسی پرتنقید کرکے ہیرو بننے کی ناکام کوشش کر رہے ہیں،عمران خان پر توشہ خانہ،فارن فنڈنگ اور منی لانڈرنگ کے مقدمات ہیں،
علاوہ ازیں سیکرٹری جنرل پیپلز پارٹی سید نیئر حسین بخاری کا کہنا ہے کہ اصطبل کے مستقل مکین نے اعتراف کر لیا ہے کہ اسٹیبلشمنٹ کے چارہ پر پلتا رہا ہے، ون پیج سرپرستی کا دعویدار اب کس منہ سے دشنام طرازی بہتان اور الزامات لگا رہا ہے ؟۔ شہریوں کی عدم شرکت سے لانگ مارچ کی فرلانگ مارچ میں "تبدیلی "ہو گئی ہے،عمران خان صوبائی حکومتوں کی عارضی بیساکھیوں کے سہارے پر کھڑا سیاسی اپاہج ہے،غیور شہری غیر ملکی قوتوں کے آلہ کاروں کے ملک کو عدم استحکام ایجنڈے سے لاتعلق ہیں، حکومت آئینی مدت پوری کرے گی انتخابات کسی کے دباؤ پر نہیں مقررہ وقت پر منعقد ہونگے،عمران خان خیبر پختونخواہ حکومت کی مددگاری سے اسلام آباد مارچ میں سپریم کورٹ کی واضح ہدایات کو نظر انداز کر چکا ہے، احتجاج کی آڑ میں اسلام آباد کے شہریوں کے جان و مال سے کھیلنے کی ہر گز اجازت نہیں دی جا سکتی،
واضح رہے کہ عمران خان نےلانگ مارچ کی ایک ویڈیو سماجی رابطے کی ویب سائٹ ٹویٹر پر ٹویٹ کی تھی اور کہا تھا کہ جی ٹی روڈ پر ہمارے مارچ کے ہمراہ عوام کا سمندر۔ میں 6 ماہ سےملک میں ایک انقلاب کا مشاہدہ کررہا ہوں۔سوال صرف یہ ہے کہ آیا یہ بیلٹ باکس کے ذریعے نرم ہوگا یا خونریزی کے ذریعے تباہ کن؟
عمران خان کے لانگ مارچ کا آج چوتھا روز ہے، جمعہ کو لاہور لبرٹی سے لانگ مارچ کا آغاز ہوا تھا، لانگ مارچ مقررہ مقام اور شیڈول کے مطابق نہیں چل رہا، اطلاعات کے مطابق لانگ مارچ میں افرادی قوت کم ہونے کی وجہ سے عمران خان شدید پریشان ہیں اور اسی وجہ سے کارکنان کو رات کو سڑکوں پر چھوڑ کر خود لاہور آ جاتے ہیں
لانگ مارچ، عمران خان سمیت تحریک انصاف کے رہنماؤں پر مقدمہ درج
کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز
پولیس پہنچی تو میاں محمود الرشید گرفتاری کے ڈر سے سٹور میں چھپ گئے
لانگ مارچ میں فیاض الحسن چوہان کتنے بندے لے کر نکلے،ویڈیو وائرل
