Category: کراچی

کراچی: پاکستان ڈیمو کریٹک موومنٹ (پی ڈی ایم) اور جمعیت علمائے اسلام (ف) کے سربراہ مولانا فضل الرحمان نے کہ خارجہ پالیسی ہمیشہ ملکی مفاد کو مدنظر رکھتے ہوئے بنائی جاتی ہے، ایران اور افغانستان پڑوسی ممالک ہیں ان کے ساتھ تجارتی تعلقات ہونے چاہئیں، گزشتہ حکومت نے امریکی غلام بن کر سی پیک منصوبہ روکھے رکھا، اب ہم دوبارہ شروع کر رہے ہیں۔

بی این پی کے بانی سردار عطاء اللہ مینگل کی یاد میں تعزیتی ریفرنس سے خطاب کرتے ہوئے مولانا فضل الرحمان کا کہنا تھا کہ میں سردار عطاء اللہ خان کے تعزیتی ریفرنس میں شریک ہونے آیا ہوں، عطاء اللہ مینگل کی میرے والد سے پرانی رفاقت تھی، دنیا میں انسانوں کے تحفظ کے لیے قانون بنتے ہیں، انسانوں کے تحفظ کے لیے قانون بنائے جاتے ہیں، ہم غلط پالیسیاں بناتے ہیں تو پھر سزا ملتی ہے۔

انہوں نے کہا کہ ہم سیاست دان مفاد پرست واقع ہوئے، ہمیں اپنی غلطیوں کی طرف بھی دیکھنا ہو گا، دنیا میں جبر کی بنیاد پر حکومتیں قائم ہوتی ہیں، ریاست کو دو چیزوں کی ضرورت ہے، پاکستان ہمارا ملک ہے، پاکستان کا آئین چار ستونوں پر کھڑ ا ہے، یہ ملک اسلامی ہے اور آئین سازی میں قرآن و سنت کو ملحوظ رکھا گیا ہے، مملکتی نظام میں عوام کی شراکت آئین میں ہے، یہ ملک وفاقی ہے جس میں چار یونٹ ہیں، چوتھا ستون پارلیمنٹ کی بالا دستی اور آئین سازی عوام کے منتخب نمائندے کریں گے، آج پاکستان کی تاریخ کے سب سے بڑے حکمران اتحاد کو سر جوڑ کے بیٹھنا ہو گا۔

ان کا کہنا تھا کہ ایران اور افغانستان کے ساتھ تجارتی تعلقات ہونے چاہیے، ایران ہمارا پڑوسی ملک ہے اس پر بھی نظر رکھی جا رہی ہے، ایران اور پاکستان کے بہتر تعلقات کی بات کی جاتی ہے اور اجازت بھی نہیں۔

انہوں نے کہا کہ سی پیک کے منصوبے کے وقت کچھ حالات ایسے تھے جس کی وجہ سے مجھے چین جانا پڑا، چین کے حکمرانوں نے کہا کے اتنے بڑے منصوبے کی تکمیل کیسے ہو گی؟ ملک میں دہشت گردی بدامنی ہے۔پی ڈی ایم سربراہ نے کہا کہ جو سی پیک کا حامی ہے وہ امریکہ کا دشمن اور مخالف ان کا دوست ہے، ہم بھارت کے ساتھ تجارتی تعلق بنائیں تو ملکی مفاد سامنے ہوتا ہے۔

پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

باغی ٹی وی بلوچستان کے سیلاب متاثرین کی آواز بن گیا ہے.

کراچی : متحدہ عرب امارات کی جانب سے پاکستان میں سیلاب متاثرین کی امداد اور ان کی بحالی کیلئے اقدامات کا سلسلہ جاری ہے۔اس سلسلے میں یو اے ای ہلال احمر کے تحت میرپورخاص کے شہر جھڈو میں سیلاب متاثرین کے کیلئے خیمہ بستی قائم کردی گئی۔

ذرائع کے مطابق سیلاب متاثرین کو مذکورہ خیمہ بستی میں منتقل کردیا گیا، اماراتی ہلال احمر کے امدادی کارکنان سیلاب متاثرین کو کھانے پینے کی اشیا سمیت دیگر سامان فراہم کررہے ہیں۔

متاثرین کے لیے خیمہ بستی کے قیام کا مقصد یہ ہے کہ جب تک ان کے پکے گھر تعمیر نہیں ہوجاتے جب تک سیلاب متاثرین کھلے آسمان تلے نہ رہیں

اماراتی ہلال احمر کے ڈائریکٹر حمد بخیت الرومیتی کا کہنا ہے کہ جلد باقی علاقوں کے سیلاب متاثرین کے لیے بھی ریلیف کیمپ قائم کیے جائیں گے اس مشکل گھڑی میں امارات کی حکومت اور اماراتی ہلال احمر پاکستانی عوام کے ساتھ کھڑی ہے۔

یاد رہے کہ پاکستان میں 14 جون سے شروع ہونے والی مون سون بارشوں کے بعد آنے والے سیلاب میں جان کی بازی ہارنے والوں کی تعداد 1545 تک پہنچ گئی ہے۔

این ڈی ایم اے کی تازہ ترین رپورٹ کے مطابق گزشتہ 24 گھنٹوں کے دوران سندھ میں 32 اور بلوچستان میں 5افراد جاں بحق ہوئے ہیں، بارشوں اور سيلاب سے سندھ میں سب سے زیادہ 678 اموات ريکارڈ ہوئیں۔

رپورٹ کے مطابق بلوچستان میں 299، خيبرپختونخوا میں 306 ، پنجاب میں 191، گلگت بلتستان میں 22 جبکہ آزاد کشمیر میں 48 افراد زندگى کى بازى ہار گئے، جاں بحق ہونے والوں میں 678 مرد 315 خواتين اور 552 بچے شامل ہیں۔

این ڈی ایم اے رپورٹ میں مزید کہا گیا ہے کہ سیلاب سے مجموعی طور پر ملک بھر میں 19 لاکھ 21 ہزار سے زائد مکانات تباہ ہوئے جبکہ 12 ہزار کلومیٹر سے زائد سڑکوں کو نقصان پہنچا ہے۔ سیلاب کی آفت نے ایک کروڑ سےزائد انسانوں کو اپنے گھر بار کو ترک کرنے پر مجبورکیا ہے۔

پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

باغی ٹی وی بلوچستان کے سیلاب متاثرین کی آواز بن گیا ہے.

کراچی: وفاقی وزیر احسن اقبال نے کہا ہے کہ جب تک معیشت کارگر اور مضبوط نہیں ہو گی تب تک پاکستان مضبوط نہیں ہو گا۔

باغی ٹی وی : وفاقی وزیر احسن اقبال نے کراچی میں میڈیا سے گفتگو میں کہا کہ ملک بھر میں سیلاب سے متاثرہ علاقوں کی تعمیر نو کا راستہ نکالیں گے اور سردار عطا اللہ مینگل نے اصولوں اور نظریات کی سیاست کی، وہ سیاسی دانائی کا سمندر تھے۔

وزیر داخلہ رانا ثنا اللہ کو شوکازنوٹس جاری

انہوں نے کہا کہ یہ ملک جس کا ڈی این اے بیلٹ تھا اس کو بیلٹ کے راستے سے ہٹایا گیا، پاکستان کی تحریک بیلٹ اور ووٹ کے ذریعے تھی لیکن ایوب خان نے پاکستان کی بیلٹ اور ووٹ کی تحریک کو راستے سے ہٹایا۔

احسن اقبال نے کہا کہ یہ طے کرنا ہو گا کہ اب ملک میں بالادستی آئین کو حاصل ہے یا چند طبقوں کو اور جب تک یہ معاملہ حل نہیں ہو گا تب تک مسئلہ حل نہیں ہو گا۔ جب تک معیشت کارگر اور مضبوط نہیں ہو گی تب تک پاکستان مضبوط نہیں ہو گا۔

انہوں نے کہا کہ پاکستان کی مضبوطی سیاسی ہم آہنگی، معیشت اور سیاست کی مضبوطی میں ہے۔ بلوچستان سے مسنگ پرسن یا لاپتہ افراد کے معاملات ریاست کے لیے چیلنج ہیں اور وفاقی حکومت مسنگ پرسن کے مسئلے کو مستقل بنیادوں پر حل کرنا چاہتی ہے۔

پی ٹی آئی معیشت کی تباہی کی ذمہ دار ہے،سراج الحق

کراچی میں ڈینگی کے مریضوں کی تعداد میں تیزی سے اضافہ ہو رہا ہے اور شہر میں وبا سے مزید 2 مریضوں کا انتقال ہو گیا ہے۔

باغی ٹی وی : انتظامیہ کی جانب سے جاری کردہ اعداد و شمار کے مطابق کراچی میں 324 افراد میں ڈینگی کی تصدیق ہوئی ہے جبکہ حیدرآباد میں 36، شہید بے نظیر آباد میں 15 اور سانگھڑ میں ڈینگی کے 3 کیسز رپورٹ ہوئے ہیں۔

دوسری جانب صوبہ خیبر پختونخوا میں بھی ڈینگی بے قابو ہوتا جا رہا ہے، خیبر پختونخوا کے 5 اضلاع پشاور، خیبر، مردان، نوشہرہ اور ہری پور کو ڈینگی کے لیے حساس قرار دے دیا گیا ہے، صوبے میں 24 گھنٹے کے دوران مزید 307 افراد میں ڈینگی وائرس کی تشخیص ہوئی ہے۔

پنجاب کے شہرراولپنڈی میں 80 افراد میں ڈینگی کا وائرس پایا گیا جبکہ لاہورمیں ڈینگی کے 62 نئے مریض سامنے آئے ہیں رواں سال شہر میں ڈینگی سے متاثرہ 11 مریض دم توڑ گئے ہیں شہر میں ستمبر میں اب تک ڈینگی وائرس کے 2469 کیسز رپورٹ ہوئے ہیں-

یوٹیلٹی اسٹورز پرمتعدد اشیا کی قیمتوں میں اضافہ، نوٹیفیکیشن جاری

محکمہ صحت سندھ نے ڈینگی کا ڈیٹا جمع کرنے کے لیئے آن لائن پورٹل بنادیامحکمہ صحت سندھ کی جانب سے جاری کردہ نوٹیفیکیشن کے مطابق زیادہ تر نجی اسپتال اور تشخیصی لیبارٹریز محکمہ صحت سندھ کو ڈینگی بخارکے کیسز کی رپورٹ نہیں کرتے ہیں، اس حوالے سے محکمہ صحت سندھ نے سندھ پریوینشن اینڈ کنٹرول آف ڈینگی ریگولیشن 2013 کو مطلع کردیا ہے۔

نوٹیفکیشن کے مطابق صوبے میں کیسز کا ڈیٹا اکٹھا کرنا سندھ ڈینگی پریوینشن اینڈ کنٹرول ریگولیشن کا ایک لازمی جزو ہے،جس کے تحت تمام اسپتالوں اورلیبارٹریوں کی انتظامیہ اورمالکان کو فوری طورپرمتعلقہ حکام کو رپورٹ کرنا ہوگی۔ محکمہ صحت سندھ کے ڈائریکٹوریٹ آف ویکٹر بورن ڈیزیز نے ڈینگی کیسز کی بروقت رپورٹنگ کے لیےنجی اسپتال اور لیبارٹرز کو روزانہ کی بنیاد پر کیسز کا ڈیٹا فراہم کرنے کے لیے آن لائن پورٹل ویکٹر بورن ڈیزیز سرویلنس سسٹم فراہم کردیا ہے۔

کراچی :کے ڈی اے نے ایم کیو ایم کے زیر انتظام خورشید بیگم میموریل ہال کو اس کے اصل اسٹیٹس میں بحال کرنے کا فیصلہ کرلیا۔ ضلعی انتظامیہ نے عمارت کو غیر قانونی قرار دیدیا۔

رپورٹ کے مطابق خورشید بیگم میموریل ہال پلاٹ نمبر ایس ٹی 3/بی بلاک 8 میں اسپتال / میڈیکل سینٹر کی زمین پر تعمیر کیا گیا، سپریم کورٹ نے 2010ء میں ضلعی انتظامیہ کو اس حوالے سے کارروائی کا حکم دیا تھا۔

خورشید بیگم میموریل ہال ایم کیو ایم بانی الطاف حسین کی والدہ کے نام سے منسوب ہے، جن کا انتقال 1985ء میں کراچی میں ہوا تھا، اس عمارت میں بانی قائد اور دیگر رہنماؤں کی پریس کانفرنسز اور پارٹی اجلاس ہوتے تھے۔

یہ عمارت ایم کیو ایم کے مرکز اور بانی قائد کی رہائش گاہ نائن زیرو کی عقبی گلیوں میں واقع ہے۔

کے ڈی اے ایڈیشنل ڈائریکٹر اسٹیٹ اینڈ انفورسمنٹ جمیل احمد بلوچ نے بتایا کہ یہ فیصلہ ایک میٹنگ میں کیا گیا۔

عدالتی معاملات پر کے ڈی اے کے ترجمان جمیل بلوچ کا کہنا تھا کہ کے ڈی اے کے اعلیٰ افسران، ضلعی انتظامیہ اور قانون نافذ کرنیوالے اداروں کے افسران کی ایک میٹنگ ہفتہ کو ہوئی، جس میں فیصلہ کیا گیا کہ پلاٹ ایس ٹی 3/بی کو عدالتی احکامات کی روشنی میں اس کے اصل اسٹیٹس میں بحال کیا جائے۔

کے ڈی اے افسر نے بتایا کہ میٹنگ میں رفاعی پلاٹ کو اس کی اصل حیثیت میں بحال کرنے ککیلئے اقدامات کرنے کا فیصلہ کیا گیا ہے۔

ان کا کہنا ہے کہ یہ پلاٹ لے آؤٹ پلان میں اسپتال / میڈیکل انسٹی ٹیوٹ کیلئے مختص ہے۔ میٹنگ میں فیصلہ کیا گیا کہ یہاں پبلک پرائیویٹ پارٹنر شپ کے تحت اسٹیٹ آف دی آرٹ میڈیکل انسٹی ٹیوشن قائم کیا جائے گا تاکہ مقامی لوگوں کو ان کے علاقے میں صحت کی سہولیات میسر آسکیں۔

کے ڈی افسر نے مزید بتایا کہ میٹنگ میں کئی تجاویز پر غور کیا گیا، جس میں کڈنی اینڈ ڈائلیسز سینٹر کا قیام بھی شامل ہے۔ کے ڈی اے ان تجاویز پر غور کے بعد پبلک پرائیویٹ پارٹنر شپ کے تحت نجی انسٹیٹیوشنز کے ساتھ مل کر اقدامات کرے گا۔

انہوں نے کہا کہ خورشید بیگم میموریل ہال کے باہر ایدھی ایمولینسیں بھی کھڑی کردی گئی ہیں تاکہ عمارت کو طبی مقاصد کیلئے استعمال کرنے کا تاثر دیا جاسکے۔

خورشید بیگم میموریل ہال 3 منزلہ عمارت ہے جس میں 57 کمرے ہیں۔

واضح رہے کہ چند روز قبل ایم کیو ایم کے مرکز نائن زیرو پر نامعلوم وجوہات کی بناء پر آگ لگ گئی تھی، جسے بجھانے کیلئے عمارت کی دیواریں توڑ دی گئی تھیں۔

کراچی :پاکستان کے بچے کچھے اثاثے بھی اب اپنے انجام کو پہنچنے والے ہیں اوریہ خبر اور بھی پاکستانیوں کے لیے پریشان کُن ہےکہ پاکستان سٹیل مل انتظامیہ نے حیرت انگیز طور پر اپنے ٹرانسپورٹ بیڑے کی 196گاڑیاں سکریپ کے داموں پر فروخت کردیں، فروخت شدہ گاڑیوں میں 59بسیں بھی شامل ہیں، ان کی فروخت سے 4کروڑ 72لاکھ 54ہزار 520روپے وصول ہوئے۔

ذرائع کے مطابق مذکورہ بسیں اور دیگر گاڑیاں 2006ء سے 2021ء تک کی رجسٹریشن والی ہیں۔ ان گاڑیوں کی مجموعی خریداری لاگت تقریباً 60، 70کروڑ رہی۔ ان بسوں کو سکریپ کے نام پر فروخت کیا گیا جبکہ بیشتر بسوں کی باڈی گل چکی تھیں مگر انجن اور چیسز ٹھیک حالت میں تھے۔ بسوں کی سب سے زیادہ بولی آٹھ لاکھ جبکہ سب سے کم بولی 85ہزار وصول ہوئی۔ کئی کئی بسیں ایک ہی پارٹی کو فروخت کی گئیں۔

خریداروں سے 17فیصد جی ایس ٹی اور 0.5فیصد انکم ٹیکس کی مد میں بھی وصول کیے گئے۔

یاد رہےکہ چند دن پہلے بھی کچھ ایسی خبریں گردش کررہی تھیں‌ کہ برسوں سے بند پاکستان اسٹیل ملز سے 10 ارب روپے مالیت کا میٹریل چوری ہونے کا انکشاف ہوا ہے۔وزارت صنعت و پیداوار نے معاملے کی تحقیقات کے لیے ایف آئی اے کو خط لکھ دیا۔

پاکستان اسٹیل ملز یونین نے چوری کے واقعات پر وزارت صنعت کو خط لکھا تھا۔جنرل سیکرٹری سی بی اے اسٹیل ملز عبدالرزاق نے خط میں کہا کہ اسٹیل ملز میں چوریوں کا سلسلہ گزشتہ دور حکومت میں شروع ہوا۔خط کے متن کے مطابق گزشتہ حکومت میں اسٹیل ملز کا 10 ارب روپے کا میٹریل چوری ہوا۔یونین عہدیدار نے کہا کہ گزشتہ حکومت کو چوریوں سے آگاہ کیا مگر کوئی پیشرفت نہ ہوئی۔

چوری میں سیکیورٹی اور سینئر انتظامی افسران کے ملوث ہونے کے شواہد ملے ہیں۔خط میں متعلقہ حکام سے استدعا کی گئی ہے کہ قومی اثاثے کو لٹیروں سے بچانے کے لیے فوری ایکشن و تحقیقات کی جائیں۔27 جولائی کی رات 50 افراد پر مشتمل لٹیروں کا ایک گروہ اسٹیل ملز کے احاطے میں داخل ہوا۔

لٹیروں نے پاکستان اسٹیل کے پلانٹ ایریا سے اربوں روپے مالیت کا بھاری تانبہ اور تاریں چوری کیں۔ موجودہ اور گزشتہ چوریوں میں سیکیورٹی ڈپارٹمنٹ اور ملازمین خاموش تماشائی بنے رہے۔چوریاں مرکزی پلانٹ سمیت مختلف ڈپارٹمنٹس میں ہوئیں، اسٹیل ملز میں بھی چوریوں پر تحقیقات جاری ہیں۔

وزارت صنعت و پیداوار کے مطابق الزامات انتہائی سنجیدہ ہیں اور اسٹیل ملز انتظامیہ کی شفافیت کو چیلنج کیا گیا ہے۔خط میں کہا گیا کہ ایف آئی اے اسٹیل ملز میں ہونے والی چوریوں کی شفاف تحقیقات کرے۔

پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

باغی ٹی وی بلوچستان کے سیلاب متاثرین کی آواز بن گیا ہے.