Category: قصور

قصور
نواحی گاؤں مہالم کلاں میں بچیوں کے سکول کے سامنے تالاب معصوم بچیاں گندے پانی سے گزر کر سکول جانے پر مجبور اے سی و ڈی سی قصور اپنے کمروں میں بیٹھ کر دعوے کرنے تک محدود
تفصیلات کے مطابق قصور کے نواحی گاؤں مہالم کلاں میں گورنمنٹ گرلز ہائی سکول مہالم کلاں کی معصوم بچیاں سکول کے سامنے بنے گندے جوہڑ کے پانی سے گزر کر سکول جانے پر مجبور ہیں جب بھی بارش ہوتی ہے جوہڑ کا گندہ پانی سکول میں بھی داخل ہو جاتا ہے جس سے طالبات کے علاوہ ٹیچروں کو بھی سخت پریشانی ہوتی ہے مگر افسوس کہ ڈی سی و اے سی قصور سے چند کلومیٹر کے فاصلے پر اس سکول کی حالت ان تک شاید پہنچی نہیں یا پھر انہیں اپنے دفتروں میں بیٹھ کر بلند و بالا دعوے کرنے کی عادت ہے
اہلیان علاقہ نے ڈی سی قصور سے استدعا کی ہے کہ ہمارے بچوں کو اپنے بچے سمجھ کر ہمارے بچوں کو بیماریوں سے بچائیں اور سکول کے سامنے سے جوہڑ کو ختم کروائیں

قصور
لیسکو قصور کوٹ رادہاکشن کا ستایا شہری عدالت پہنچ گیا ایس ای قصور ،اسسٹنٹ مینیجر آپریش کوٹ رادہاکشن اور ایس ڈی او سب ڈویژن راجہ جنگ کہتے تھے ہم کچھ نہیں کر سکتے مگر عدالت کے ایک ہم حکم پر سب کرنے پر مجبور ہو گئے
تفصیلات کے مطابق سب ڈویژن راجہ جنگ کے صارف محمد شہباز نے نمائندہ باغی ٹی وی کو بتایا کہ میری آٹا چکی کے میٹر حوالہ نمبر 46117531326100 کو نومبر 2019 میں 133855 روپیہ بل آیا جس میں 78000 روپیہ بل ایڈجسٹ انسٹالمنٹ تھا جو کہ سراسر غیر قانونی اور بے بنیاد طور پر ڈالا گیا تھا جس پر صارف ایس ڈی او سب ڈویژن راجہ جنگ کے پاس گیا تو موصوف نے کہا قسط کروا لو اس کے علاوہ کوئی حل نہیں جس پر اس کے بل کی قسط 56000 روپیہ کر دی گئی جو اس نے ادا کر دی مگر اگلی بار پھر بل 126567 روپیہ آگیا جس پر صارف ایس ای لیسکو قصور کے پاس گیا تو موصوف نے کہا ہمارے بس میں کچھ نہیں لحاظہ ہم کچھ نہیں کر سکتے تنگ آ کر شہری جناب سعید اختر سول جج درجہ اول قصور کی عدالت پہنچ گیا جس پر عدالت نے اظہار برہمی کرتے ہوئے اسسٹنٹ مینیجر لیسکو کوٹ رادہاکشن کو حکم جاری کیا کے صارف کو ناجائز ڈالی گئی رقم بل سے نکالے جائے جس پر وہی واپڈا اہلکاران جو کہتے تھے ہم کچھ نہیں کر سکتے وہ 126567 بل کو 44610 روپیہ کرنے پر مجبور ہو گئے

قصور
لوگ تنگ آ کر کہنے پر مجبور ہو گئے کہ
جاز کمپنی ہٹ دھرمی بے شرمی میں سب سے آگے دنیا کو بتا دو
تفصیلات کے مطابق نمائندہ باغی ٹی وی سے قصور کے نواحی علاقے راءو خان والا میں پچھلے 12 دن سے جاز نیٹ ورک بہت سلو ہے لوگ گھر کی چھتوں پر جا کر کال کرنے اور سننے پر مجبور ہیں جس کی بدولت لوگوں نے بیسیوں بار جاز ہیلپ لائن پر شکایات بھی کیں مگر ہر بار تسلیاں ہی ملیں جبکہ ایریا سیل فون جاز کے نمبر پر  03006598666
پر رابطہ کرکے بھی شکایات کی گئیں مگر ہر بار تسلیاں اب تو مطلوبہ موبائل نمبر نے بھی کال سننا چھوڑ دیا ہے لوگ انتہا کی حد تک پریشان ہو چکے ہیں مگر کمپنی کو کوئی پرواہ نہیں
لوگوں نے کہا ہے کہ ہم سمیں دوسرے نیٹ ورک پر منتقل کروانے پر مجبور ہو چکے ہیں لہذہ پی ٹی اے اس کمپنی کے خلاف کاروائی کرے اور ان کا لائسنس معطل کیا جائے

قصور
چونیاں کے علاقے میں سکول کو جانے والا انوکھا راستہ
بچے پانی سے گزر کر سکول جانے پر مجبور
تفصیلات کے مطابق گورںنمنٹ ہائی سکول الہ آباد راستہ تالاب میں تبدیل ہو چکا ہے جہاں سے گزر کر تقریباً 2000 کے لگ بھگ طلباء اور اساتذہ سکول جاتے ہیں
یہ شہر کے سیوریج کا گندہ پانی ھے جو کہ میونسپل کمیٹی الہ آباد کی ناکامی کا منہ بولتا ثبوت ہے
ویسے تو پورے ضلع قصور کی حالت بہت خراب ہے مگر الہ آباد کے شہری ہر قسم کی بنیادی سہولیات سے محروم ہیں
اے سی چونیاں عدنان بدر کو شہر الہ آباد میں سیوریج کی نکاسی کے نظام کو ہنگامی بنیادوں پر بہتر کروانے کے لئے فورا ایکشن لینا ہو گا ورنہ یہ مستقبل کے معمار سکول جانے سے جان چھروائینگے

قصور
کوٹ رادھا کشن میں ایک ہی گھر سے 24 سانپ برآمد
گھر کے مکین شدید خوف زدہ
تفصیلات کے مطابق کوٹ رادہاکشن میں نہر کنارے آباد ایک ہی گھر سے 24 سانپ برآمد ہوئے ہیں گھر کے مکینوں نے اتنے سانپ دیکھ کر شور مچایا تو اہل علاقہ نے چیخ پکار سن کر متعلقہ گھر کی طرف دوڑ لگا دی اور دیکھا کہ
گھر کے مکین سہمے ہوئے ہیں لوگوں نے فوری ریسکیو 1122 کو کال کی
ریسکیو ٹیموں نے موقع پر پہنچ کر تمام سانپوں کو زندہ پکڑ کر ڈبے میں بند کر دیا اور ساتھ لے گئے

قصور
الہ آباد میں آوارہ کتوں کی بھرمار اڑھائی سال کے بچے کو منہ اور ہاتھ پر کاٹ کر لہو لہان کر دیا ہسپتال میں ویکسین موجود نہیں ڈیوٹی ڈاکٹر نے بچے کو چیک کرنا بھی گوارا نا کیا تفصیلات کے مطابق الہ آباد میں آوارہ کتوں کی بھر مار نے شہریوں کی زندگی اجیرن بنا دی ہے گزشتہ روز بھی بچوں کو کاٹنے کے تین کیس سامنے آئے ہیں مولا پور روڑ کے رہائشی اڑھائی سالہ اذان گھر کے باہر کھیل رہا تھا کہ آوارہ کتے نے منہ اور ہاتھ بری طرح نوچ ڈالا جسے فوری طور پر آر ایچ سی الہ آباد میں لیجایا گیا یہاں ڈاکٹرز نے چیک کرنا بھی گوارہ نہ کیا اور ویکسین نا ہونے کا کہہ کر چونیاں ریفر کر دیا والدین نے تشویش کا اظہار کرتے ہوئے ڈی سی قصور اور دیگر باعلی حکام سے فوری ویکسین کی دستیابی اور آر ایچ سی الہ آباد میں تعینات بدتمیز عملے کے خلاف کاروائی کا مطالبہ کیا ہے

قصور
ڈسٹرکٹ ہیڈ کوارٹرز ہسپتال قصور میں مریضوں کی کھال اتاری جانےگی باہر سے 350 روپیہ کے ٹیسٹ سرکاری ہسپتال سے 630 میں
تفصیلات کے مطابق شہری محمد رفیق نے نمائندہ باغی ٹی وی سے گفتگو کرتے ہوئے بتایا کہ مجھے چند سالوں سے جوڑوں کی درد کا مسئلہ ہے جس کے علاج کیلئے میں پچھلے سال ڈسٹرکٹ ہیڈکوارٹر ہسپتال قصور گیا جہاں پر میرا کمپلیٹ یورین ٹیسٹ اور ای سی جی ٹیسٹ کرکے مجھ سے 210 روپیہ وصول کئے گئے تھے اب چند دن پہلے وہی مسئلہ بنا تو پھر میں ڈی ایچ کیو ہسپتال قصور گیا جہاں وہی ٹیسٹ پھر کئے گئے مگر اب مجھ سے 630 روپیہ لئے گئے جبکہ میں نے باہر لیبارٹری سے ان ٹیسٹوں کے متعلق پوچھا تو مجھے ان دونوں ٹیسٹوں کی فیس 350 روپیہ بتائی گئی اور مجھے ایک بلسٹر پیک 10 گولی کالپول دے کر فارغ کر دیا گیا
اس سے قبل بھی لوگوں نے میڈیا نمائندگان کو بتایا ہے کہ ہسپتال میں پرائیویٹ لیبارٹریز سے زیادہ پیسے ٹیسٹ فیس کی مد میں لئے جا رہے ہیں جوکہ سراسر نا انصافی ہے لحاظہ وزیر اعلی پنجاب اور وزیر صحت نوٹس لیں اور غریب لوگوں کو ان کا حق دلوائیں کیونکہ گورنمنٹ عوام سے ٹیکس انہی سہولیات کیلئے لیتی ہے

قصور
اے سی کوٹ رادہاکشن کی بدولت شہر میں صفائی کا نظام بہتر ہوا
تفصیلات کے مطابق اسٹنٹ کمشر کوٹ رادہاکشن نازیہ موہل صاحبہ کی کوششوں سے شہر کوٹ رادھاکشن میں صفائی ستھرائی کا کام نہایت کم عملے کے ساتھ تبدیلی ہو چکا ہے شہر کے بازاروں و پارکوں اور ںبس اڈا میں ہر جگہ صفائی کے حوالے سے تبدیلی نظر آ رہی ہے
لوگوں نے مس نازیہ موہل کو شہر کی صفائی ستھرائی کا نظام بہتر کرنے پر شاباش دی ہے

قصور
کوٹ رادھا کشن میں ﮈکیتیوں کی بدولت خوف و ہراس

اندرون شہر میں مختلف مقامات پر ﮈکیتی کی تین وارداتیں
مسلح ﮈاکوؤں نے پولیس چوکی سے چند گز کے فاصلےپر فرحان نامی نوجوان سے گن پوائنٹ پرگیارہ ہزار روپے لوٹ لئے
3 عدد مسلح ﮈاکو کالے رنگ کی ہنڈا سی جی 125 پر سوار تھے
واردات کے بعد شہریوں کی جانب سے ﮈاکوؤں کو پکڑنے کی کوشش میں مسلح ﮈاکوؤں نے فائرنگ بھی کی
دوسری جانب اعظم پلازہ میں بھی مسلح ﮈاکوؤں نے ایک موٹرسائیکل شو روم اور میڈیکل سٹور مالکان کو لوٹ لیا
مسلح ﮈاکوؤں نے شو روم مالک سے دو لاکھ 75 ہزار جبکہ میڈیکل سٹور مالک سے پندرہ سو روپے لوٹے
تینوں وارداتوں میں ﮈاکو شہریوں سے لوٹ مار کرنے کے بعد فرار ہونے میں کامیاب ہو گئے