Category: قصور

قصور
چونیاں میں تین اشتہاری ملزم گرفتار
تھانہ کنگن پور پولیس کی کاروائی تین اشتہاری ملزم گرفتار تینوں ملزمان عرصہ دراز سے روپوش تھے ایس ایچ او تھانہ کنگن پور انسپکٹر سید وجیہہ الحسن نے کارروائی کرتے ہوئے ملزمان کو گرفتار کر لیا.
تفصیلات کے مطابق ڈی پی او قصور زاہد نواز مروت اور ایڈیشنل ایس پی قصور کی ہدایت پر اشتہاری ملزمان کے خلاف جاری مہم میں کاروائی کرتے ہوئے زیر ہدایات ڈی ایس پی چونیاں سرکل شمس دُرانی تھانہ کنگن پور پولیس نے تین اشتہاری ملزم بی کٹیگری مسمی سفیل احمد، محمد رشید،اور ریاض جو کہ مقدمہ نمبر 600/18 مورخہ 29/10/18 بجرم 489F ت پ جو کہ تھانہ الہ آباد کے اشتہاری ملزمان ہیں کو انتھک محنت کے بعد گرفتار کر لیا گیا ہے۔تینوں ملزم عرصہ دراز سے قانون کی گرفت سے روپوش تھے ڈی پی او قصور زاہد نواز مروت نے ایس ایچ او تھانہ کنگن پور انسپکٹر سید وجیہہ الحسن کو اشتہاری ملزمان کو گرفتار کرنے پر شاباش دی

قصور سخت سردی کی لپٹ میں کم سے کم درجہ حرارت 3 لوگوں گھروں تک محصور کاروبار اور معمولات زندگی سخت متاثر
تفصیلات کے مطابق ملک بھر کی طرح ضلع قصور بھی سخت سردی کی لپیٹ میں ہے گزشتہ کئی دنوں سے سورج نہیں نکلا جس سے سردی کی لہر میں مذید اضافہ ہوا ہے کم سے کم درجہ حرات 3 اور زیادہ سے زیادہ درجہ حرارت 12 درجے سینٹی گریڈ ہے سخت سردی کی بدولت لوگ گھروں تک محصور ہو کر رہ گئے ہیں جس سے کاروباری حضرات کو شدید مشکلات کا سامنا ہے سردی کی لہر آتے ہی ایل پی جی،انڈے،مونگ پھلی اور دیگر موسمی ضرورت کے مطابق استعمال ہونے والی اشیاء کی قیمتوں میں اضافہ ہو گیا ہے

قصور
دیپال پور روڈ مائی رابو کے مقام پر مکہ رائس ملز کا بوائلر خوف ناک دھماکے سے پھٹ گیا ایک محنت کش جانبحق

تفصیلات کے مطابق آج رات 2 بجے قصور دیپال پور روڈ پر واقع مکہ رائس ملز بمقام مائی رابو کا بوائلر پھٹنے سے ایک محنت کش شوکت علی ولد محمد عاشق سکنہ بھٹ محبت حجرہ شاہ مقیم موقع پر ہی جانبحق ہو گیا جبکہ متعدد کے زخمی ہونے کی اطلاعات ہیں ریسکیو ٹیمیں 2 بجے کے فوری بعد ہی متاثرہ جگہ پہنچ گئی تھیں

قصور
کوٹ رادہاکشن تحصیل بار الیکشن تک دو متحارب گروپ آمنے سامنے جوڑ توڑ کی سیاست عروج پر ایک ایک ووٹ پر نظر جوں جوں بار الیکشن کی تاریخ نزدیک آ رہی ہے وکلاء کا الیکشن کے حوالے سے جوش بڑھتا جا رہا ہے بار کے معزز اراکین کی دعوتیں کی جا رہیں ہیں وکلاء کی فلاح وبہبود کے حوالے سے وعدے کئے جا رہے ہیں ایک ایک ووٹ پر نظر رکھی جا رہی اور مخالف گروپ کے ووٹ توڑنے کے لیے ایڑی چوٹی کا زور لگایا جا رہا ہے اس سلسلہ میں دوستوں رشتے داروں کی امداد حاصل کی جا رہی ہے الیکشن کا انقعاد 11جنوری کو ہوگا اس دفعہ پروفیشنل الائنس جس کی قیادت سینیرء ایڈوکیٹ چوہدری مسعود احمد ظفر کر رہے ہیں اور 2019 کا الیکشن بھی یہی گروپ جیتا تھا اس دفعہ صدر کا امیدوار سابقہ صدر بار چوہدری شہباز ورک جبکہ دیگر میں نائب صدر اجمل نوید ڈوگر جنرل سیکرٹری محمد یوسف نور چوہدری شاہد جوائنٹ سیکرٹری اور کرامت علی لائبریری سیکرٹری کا الیکشن لڑ رہے ہیں جبکہ الیکشن تک ان کا متحارب اتفاق گروپ جسکی قیادت سینیرء وکلہ سردار نبی احمد رانا تنویر حیات جوئیہ اور سابقہ بار صدر چوہدری نبی احمد کر رہے ہیں اس گروپ میں صدر کا امیدوار موجودہ نائب صدر سید ظہیرالحسن شمسی ہیں جبکہ نائب صدر کے لیے سردار اسلام قمر جنرل سیکرٹری کے لیے اصغر علی بھٹی فنانس سیکرٹری کے لیےچوہدری نبیل عمر اور جوائنٹ سیکرٹری کے لیے سردار راشد شکیل مدمقابل ہیں بار میں ممبران کی تعداد تقریبا تین سو کے قریب ہے پروفیشنل الائنس جس کے موجودہ صدر چوہدری طارق مسعود ہیں انہوں نے ایڈیشنل سیشن جج کے لیے کیبنٹ ڈویژن سے منظوری کے ساتھ مذید دو سول ججزز جوڈیشنل کمپلکس کے لیے 80 کنال اراضی اور دیگر ترقیاقی کاموں کا دعوا کیا ہے جبکہ اتفاق گروپ کی طرف سے وکلہ کی فلاح وبہبود کے ساتھ ججزز کی تعداد بڑھانے جوڈیشنل کمپلکس کی جلد سے جلد تعمیر کے وعدے کا دعوی کیا جا رہا ہے تاہم وکلاء آئندہ سال بار کی صدارت کا سہرا کس کے سر سجائینگے یہ فیصلہ ہوگا الیکشن میں

قصور
الہ اباد میں گذشتہ روز تجاوزات کے خلاف مہم کا فالو اپ جاری رکھا جائے گا جنہوں نے دوبارہ تجاوزات کرنے کی کوشش کی تو قانون حرکت میں آئے گا ان کے خلاف مقدمات درج کروانے کے ساتھ دکانات کو سیل اور جرمانے بھی کئے جائیں گے

آن خیالات کا اظہار سردار مہتاب خاں تحصیل دار چونیاں نے میڈیا نمائندگان سے خصوصی بات چیت کرتے ہوئے کیا

ان کا مزید کہنا تھا کہ اسسٹنٹ کمشنر جناب عدنان بدر کا پہلے دن سے یہی مؤقف ہے کہ تحصیل چونیاں کو تجاوزات سے پاک بنانے کے ساتھ ساتھ خوب صورت بھی بنانا ہے اور اس کے لیے ہر ممکن قانونی کارروائی کی جائے گی.

سردار مہتاب خاں کا مزید کہنا تھا کہ ہم سب الہ آباد کی خوبصورتی کے لیے دن رات ایک کیے ہوئے ہیں اور بغیر کسی سیاسی دباؤ میں آئے سرکاری امور کو نمٹاتے رہیں گے

انہوں نے سول سوسائٹی تاجر و کاروباری برادری اہل صحافت اور شہر الہ آباد سے محبت رکھنے والوں سے تعاون کی خصوصی درخواست بھی کی ہے

پولیس آفیسر نے محکمے کا سر فخر سے بلند کر دیا
تفصیلات کے مطابق تھانہ الہ آباد کی پولیس چوکی تلونڈی میں ایک دکھیاڑی ماں اپنے گستاخ بیٹے کی رپٹ درج کروانے چوکی آئی تو چوکی انچارچ فیاض جوئیہ نے ایک پولیس والا ہونے سے زیادہ ایک بیٹا ہوتے ہوئے اس دکھیاری ماں کی ساری بات بڑے تحمل سے سنی اور ماں جی کے بیٹے جاوید کو اپنے پاس بھلا لیا اور پھر دونوں ماں بیٹے کی گھریلوں رنجشیں ختم کروا کر روٹھی ممتا کو اپنے لخت جگر کے سینے سے لگوا دیا ممتا سے بھری ماں نے بھی اپنے سارے شکوے شکایتیں ختم کرکے بیٹے کو معاف کر دیا اور اسے سینے سے لگا لیا
اس موقع پر ہر آنکھ اشک بار ہو گئی ڈکھیاری ماں اس کے بیٹے و دیگر حاضرین نے چوکی انچارج فیاض جوئیہ کو ممتا اجاگر کرنے اور بطور پولیس آفیسر اس نیک کام پر دعائیں دیں

قصور
حکومت بنے 18 ماہ گزر گئے مگر گورنمنٹ پھر بھی قیمتوں میں استحکام لانے سے قاصر ایل پی جی 200 روپیہ فی کلو فروخت غریب روٹی پکانے سے بھی قاصر
تفصیلات کے مطابق قصور میں ایل پی جی لیکوڈ پیٹرولیم گیس کی قیمتیں 170 روپیہ سے 200 روپیہ فی کلو تاریخی بلند ترین سطح پر پہنچ گئی ہیں
قصور کے آس پاس کے دیہات تو دور کی بات پورے شہر قصور میں بھی ابھی تک سوئی گیس دستیاب نہیں جس کے نعم البدل کے طور پر لوگ ایل پی جی استعمال کرتے ہیں مگر افسوس کہ قیمت پنجاب نامی ایپلیکیشن پر ایک نہایت ضروری چیز کا ذکر تک موجود نہیں جس کا فائدہ اٹھا کر ڈیلر اور دکاندار حضرات ایل پی جی 170 روپیہ سے 200 روپیہ تک فروخت کر رہے ہیں واضع رہے کہ دسمبر کے شروع میں فی کلو ایل پی جی کی قیمت 110 روپیہ تھی مگر چند ہی دنوں میں 90 روپیہ فی کلو کا اضافہ کر دیا گیا ہے اور مذید ستم کہ لوگوں کو فوری ایل پی جی مل بھی نہیں رہی دکاندار کہتے ہیں ہمیں بلیک میں مل رہی ہے ساری صورت حال کی خرابی کا باعث قبل از سیزن چیزیں ذخیرہ کر لینا اور پھر سیزن آنے پر اپنی مرضی کے ریٹ کے مطابق بیچنا ہے اور ایسا مالدار حضرات ہی کرتے ہیں غریب تو دو وقت کی روٹی کھانے سے قاصر ہے
شہریوں نے ڈی سی قصور اور پرائس کنٹرول مجسٹریٹ و وزیراعلی پنجاب سے نوٹس لینے اور عوام پر رحم کرنے کی اپیل کی ہے تاکہ لوگ صرف دو وقت کی روٹی پکا کر کھا سکیں

قصور ڈی ایچ کیو ہسپتال میں بنی ٹک ٹاک ویڈیو سے ایم ایس کا اظہار لاتعلقی تھانہ میں ایف آئی درج کروا کر ڈاکٹروں کی انکوائری کمیٹی تشکیل دے دی گئی
تفصیلات کے مطابق کل شوشل میڈیا پر ڈی ایچ کیو ہسپتال قصور میں بنی ٹک ٹاک ویڈیو وائرل ہوئی جس پر میڈیا نمائندگان نے ایم ایس ہسپتال ڈاکٹر چوہدری لئیق سے پوچھا گیا تو انہوں نے کہا کہ مجھے اس کے بارے کوئی علم نہیں جس نے بھی سرکاری املاک کو ذاتی طور پر استعمال کرکے قانون شکنی کی ہے انہیں سزا دی جائے گی کل ڈاکٹر لئیق چوہدری کی مدعیت میں ایف آئی آر تھانہ صدر قصور میں درج کروا دی گئی ہے جبکہ تینوں ویڈیو بنانے والے نوجوان ہسپتال کی ایمرجنسی تک کیسے بلا اجازت پہنچے اور ویڈیو بنائی اس کیلئے 3 سینئر ڈاکٹروں پر مشتمل انکوائری کمیٹی تشکیل دے دی گئی ہے جو تحقیق کرکے ساری صورتحال واضع کرے گی اگر ہسپتال کا کوئی ملازم ملوث یاپا گیا تو اس کیساتھ قانونی کاروائی کی جائے گی