Category: قصور

قصور
چونیاں بی ایس لنک نہر کے خستہ حال پل کے درمیان میں کئی فٹ کا سوراخ پڑ گیا
تفصیلات کے مطابق چونیاں بی ایس لنک نہر کے خستہ حال پل پر ایک بہت بڑا سوراخ بن گیا ہے جس سے حجرہ چونیاں روڈ پر آمدورفت میں شدید مشکلات کا سامنا ہے ٹریکٹر ٹرالیوں کا گزرنا بھی محال ہوچکا ہے اگر فوری طور پر اس سوراخ کو بند نہ کیا گیا تو کوئی بڑا حادثہ رونما ہوسکتا ہے کیونکہ نہر کے پل پر سڑک بنی ہوئی ہے اسی سڑک سے زمیندار مقامی شوگر ملز کو گنا کی سپلائی کرتے ہیں جس سے عبداللہ شوگر مل، حجرہ شاہ مقیم، دیپالپور، منچن آباد، پاکپتن، اوکاڑہ حویلی لکھا، شیرگڑھ کے علاوہ دیگر دیہات کو چونیاں، لاہور سے ملاتی ہے 24 گھنٹے کوسٹروں، بسوں اور دیگر سواریوں کی آمد و رفت رہتی ہے مختلف کالجوں، سکولوں کے طلباء و طالبات بھی اسی روڈ سے روزانہ تعلیم حاصل کرنے کے لئے چونیاں آتے جاتے ہیں اس صورتحال کے پیش نظر اسسٹنٹ کمشنر چونیاں سردارشبیراحمد نے یقین دہانی کروائی ہے کہ وہ اس کام کے متعلقہ محکمہ کو آگاہ کرتے ہوئے اس سوراخ کو جلد ہی مرمت کرکے بند کروا دیا جائے گا

قصور
چونیاں میں وزیراعظم پروگرام فروغ دہی مرغبانی کے تحت تحصیل ہیڈکوارٹر شفاخانہ حیوانات چونیاں میں پروگرام کا انعقاد کیا گیا
تفصیلات کے مطابق چونیاں میں ایک پروگرام منعقد کیا گیا جس میں وزیراعظم خوشحالی مرغبانی پروگرام زیرنگرانی اسسٹنٹ کمشنر چونیاں سردار شبیر احمد ڈوگر ایڈیشنل ڈائریکٹر لائیو سٹاک ڈاکٹر ریاض احمد خان چوہدری ندیم اشرف جٹ ملک نعیم ممبر ایل ڈی اے لاہور ڈویژن ڈاکٹر محمد آصف اور ڈاکٹر زاہد چوہدری عبدالرؤف ہوا پروگرام کا آغاز تلاوت قرآن پاک سے ہوا دیہی مرغبانی پروگرام کے تحت سات سو پندرہ افراد نے درخواستیں جمع کروائی ہیں جب کہ قرعہ اندازی کے ذریعے سو خوش قسمت افراد کے نام نکلے ہیں جن میں پانچ مرغیاں اور ایک مرغا تقسیم کیا جائے گا وزیراعظم خوشحالی پروگرام میں حاجی فیاض احمد دھون میاں سیف اللہ عزیز چوہدری محمد اسلم چوہدری ابو ریحان محمد شاہد ڈوگر حافظ طاہر مسعود خاں ملک اعجاز بشیر ڈاکٹر صدیق ساقی ڈاکٹر قاضی حامد مسعود محمداشرف مولی اور اس کے علاوہ سینکڑوں درخواست دہندگان نے شرکت کی صاف شفاف خوشحالی پروگرام کروانے پر ایڈیشنل ڈائریکٹر ڈاکٹر ریاض احمد خاں اور اسسٹنٹ کمشنر چونیاں شبیر احمد ڈوگر نے ویٹرنری ڈاکٹر آصف کو مبارکباد دی اور خوش قسمت افراد کو دیسی نسل کی پانچ مرغیوں اور ایک مرغے کا سیٹ دیا جائے گا جس کی قیمت ایک ہزار پچاس روپے ہوگی

ڈی پی او قصور کا بڑا اعلان
قانون شکنی جرائم پیشہ افراد اور غنڈہ عناصر کے خلاف بھرپور قانونی کاروائی کی جائے گی
ڈی پی او قصور زاہد نواز مروت نے کہا کہ قانون شکنی، غنڈہ عناصر،بدمعاش اور جرائم پیشہ کے خلاف بھرپور کاروائی عمل میں لائی جائے گی ضلع میں ہر صورت قانون کی بالادستی کو یقینی بنایا جائے گا ان خیالات کا اظہار انہوں نے اپنے آفس میں ایس ایچ اوز کیساتھ میٹنگ کے دوران خطاب کرتے ہوئے کیا اس موقع پر اے ایس پی سٹی عبدالحنان، ڈی ایس پی صدر عالم شیر جاوید، ڈی ایس پی چونیاں شمس الحق درانی، ڈی ایس پی پتوکی رضوان منظور چیمہ،ڈی ایس پی لیگل شیخ فیاض احمد، ڈی ایس پی ہیڈکوارٹرز اشفاق حسین کاظمی اور انچارج برانچز دفتر ڈی پی او بھی موجود تھے
ڈی پی او قصور نے کہا کہ پولیس افسران تھانوں میں خلق خدا کی خدمت کر کے نہ صرف لوگوں کی دعاؤں کے مستحق بنیں بلکہ اللہ تعالی کے ہاں بھی سر خرو ہوں گے شریف شہریوں کی تھانوں اور دفاتر میں عزت و تکریم کی جائے قانون شکنی،جرائم پیشہ افراد اور غندا عناصر کے خلاف بلا تفریق بھرپور قانونی کاروائی کی جائے گی گشت میں کوتاہی ہرگز برداشت نہیں کی جائے گی انہوں نے سرکل افسران کو ہدایت کی ہے کہ وہ وقتاً فوقتاً اپنے سرکل کے تھانوں کی چیکنگ کرتے رہیں

پتوکی تھانہ صدر پتوکی پولیس کی کاروائی

تفصیلات کے مطابق تھانہ صدر پتوکی نے کاروائی کرتے ہوئے دو جرائم پیشہ ملزمان گرفتار کر لیا ہے پولیس نے دو مشتبہ افراد کو رکنے کا اشارہ کیا تو انہوں نے رکنے کی بجائے دوڑ لگا دی جس پر پولیس جوانوں نے بھاگتے ہوئے دونوں ملزمان کو قابو کر لیا
ملزمان کے قبضہ سے شراب کی کئی بوتلیں اور ایک عدد غیر لائسنسی ناجائز پسٹل 30 بور بھی برآمد کر لیا ہے پولیس تھانہ پتوکی صدر نے مقدمہ درج کرکے ملزمان کو حوالات میں بند کر دیا ہے

قصور
دکانداروں کے پیمانے انتہائی کم اور پرانے ٹی ایم اے قصور کا عملہ پرچی دے کر پیسے لیجانے تک ہی کارگر دکاندار و صارف دونوں پریشان
تفصیلات کے مطابق چند دن قبل پرائس کنٹرول مجسٹریٹ نے قصور اور گردونواح میں چھاپے مارے تو چیک کرنے پر درجنوں دکانداروں کے پیمانے کم نکلے جس پر کاروائی کرتے ہوئے مجسٹریٹ صاحب جرمانہ کرکے اور ترازو پورا کروانے کے احکامات دے کر چلتے بنے چند دن بعد ٹی ایم اے کا عملہ پہنچا اور ایک دو دکانداروں کے پیمانے چیک کرکے پورے کئے اور باقی دکانداروں سے ترازو چیک کرنے کی سالانہ فیس لے کر چلے گئے دکانداروں نے بتایا کہ جس سکے سے ٹی ایم اے کے عملہ نے پیمانے پورے کئے اس پر ضلعی میونسیپل کمیٹی کی مہر نہیں لگی اور جن دکانداروں کے پیمانے پورے نہیں کئے گئے وہ لوگوں کو اسی پیمانوں سے سودا سلف تول کر دے رہے ہیں جس سے نقصان صارف کا ہی ہو رہا ہے مجسٹریٹ صاحب اپنے جرمانے کرنے تک محدود ہیں اور ٹی ایم اے کا عملہ اپنی جیبیں گرم کرنے میں جبکہ عوام کا کوئی پرسان حال نہیں
لوگوں نے ڈی سی قصور سے نوٹس لینے اور ٹی ایم اے عملہ کو دکانداروں کے پیمانے پورے کرنے کی استدعا کی ہے تاکہ لوگوں کو پوری مقدار میں سودا سلف مل سکے