Category: قصور

قصور
چونیاں سے ڈولفن فورس کی واپسی ہو گئی لوگ بڑھتی ہوئی وارداتوں کے پیش نظر پریشان
تفصیلات کے مطابق قصور کی تحصیل چونیاں میں بچوں کے اغواء اور قتل کی بڑھتی ہوئی وارداتوں کے پیش نظر آئی جی پنجاب اور وزیر اعلی پنجاب کے حکم پر ڈولفن فورس کو لاہور سے خصوصی طور پر چونیاں شہر میں تعینات کیا گیا تھا جس سے بچوں کے اغواء کے ساتھ دیگر وارداتوں میں بھی کمی واقع ہوئی تھی مگر کل سے ڈولفن فورس کو واپس لاہور آنے کا نوٹیفیکیشن جاری کر دیا گیا ہے جس سے اہلیان چونیاں میں بڑھتی ہوئی وارداتوں اور بچوں کے اغواء کی بدولت تشویش بڑھ گئی ہے لوگوں کا کہنا ہے ڈولفن فورس کے گشت سے شہر میں جرائم پر کافی حد تک کنٹرول ہو گیا تھا لہذہ آئی جی پنجاب ڈولفن فورس کو چونیاں میں تعینات رہنے دیں
واضع رہے کہ ضلع قصور میں ابھی تک ڈولفن فورس تعینات نہیں ہے

قصور
ریسکیو 1122 قصور کی ایمانداری کی اعلی مثال
تفصیلات کے مطابق چند دن قبل فیروز پور روڈ پر واقع وڈانہ سٹاپ پر دو موٹر سائیکلوں کے ٹکرانے سے ایک شحض کی وفات ہوگئی تھی جس سے 2 لاکھ 25 ہزار نقدی اور قیمتی موبائل ملا تھا ریسکیو 1122 قصور نے رقم اور قیمتی موبائل اپنے قبضے میں لے لیا تھا جسے ریسکیو 1122 قصور نے ایمانداری کا مظاہرہ کرتے ہوئے متوفی کو ورثاء کو واپس کر دیا
لوگوں نے ریسکیو 1122 کی اس ایمانداری کی خوب تعریف کی ہے

قصور
غریب لوگ خشک میوہ جات کی بڑھتی ہوئی قیمتوں سے پریشان خشک میوہ جات کینسر اور امراض قلب کی بیماریوں کیلئے ویکسین کا کام کرتے ہیں
اخروٹ میں اومیگا تھری وافر مقدار میں ہوتا ہے جو امراض جلد کیلئے اکسیر ہے
تفصیلات کے مطابق ملک بھر کی طرح قصور میں بھی سردی آتے ہی خشک میوہ جات کی مانگ میں اضافے کیساتھ قیمتوں میں بھی شدید اضافہ ہوا ہے جس سے غریب لوگوں کیلئے خشک میوہ جات ایک خواب بن کر رہ گئے ہیں ماہرین طب کے مطابق خشک میوہ جات خطرناک بیماریوں جیسے کینسر اور امراض قلب کے لئے بطور ویکسین کام کرتے ہیں روزانہ 20 گرام خشک میوہ جات کا استعمال ان خطرناک بیماریوں سے محفوظ رکھتا ہے ماحولیاتی تبدیلی کے باعث جلد کی بیماریوں میں اخروٹ کا استعمال انتہائی اہم ہے اخروٹ میں موجود اومیگا تھری امراض جلد کیلئے انتہائی اہم ہے اس کے علاوہ خشک میوہ جات کے استعمال سے بھوک کچھ حد تک کم ہو جاتی ہے جس سے موٹاپے کی بیماری میں کمی واقع ہوتی ہے تمام خشک میوہ جات میں کولیسٹرول کو کم کرنے کی صلاحیت موجود ہوتی ہے

قصور
الہ آباد میں ڈاکو راج قائم چور ڈاکو بے خوف ہو کر لوگوں کو لوٹنے میں مصروف پولیس بے بس

تفصیلات کے مطابق قصور کی تحصیل چونیاں کے قصبے الہ آبا میں بے لگام ڈاکووں کا راج قائم ہو گیا ہے جو کہ پولیس اور ضلعی انتظامیہ کے لئے سوالیہ نشان بن گیا
الہ آباد کے نواحی گاوں مستووال روڑ پر ڈاکووں نے گن پوائنٹ پر منت کش بہن بھائی کو لوٹ لیا جس پر بہن بھائی نے مزاحمت کی تو انہیں جان سے مارنے کی دھمکیاں دی گئیں ڈاکوؤں نے نقدی 6000 روپیہ ،ایک عدد موٹر سائیکل اور ایک تولہ طلائی زیورات لوٹ لئے اور فرار ہو گئے 15 پر کال کرنے سے پولیس کی بھاری نفری موقع پر پہنچ گئی
پولیس نے موقع پر پہنچ کر کاروائی شروع کر دی

قصور
کھڈیاں خاص میں واردات مزاحمت پر گولی مار دی
تفصیلات کے مطابق کھڈیاں خاص میں ڈاکوؤں نے اسلحہ کے زور پر سوزی بولان روک کر نقدی 40 ہزار 1 تولہ طلائی زیورات لوٹ لئے جس پر متاثرہ شحض نے مزاحمت کی تو مزاحمت کرنے پر گولی مار
لاہور کا رہائشی غلام مصطفی اہل خانہ کے ساتھ پاکپتن جا رہا تھا کہ مین دیپال پور روڈ ڈھنگ شاہ کے قریب نامعلوم مسلح ڈاکوؤں نے سوزوکی بولان نمبری ایل ای سی 3686 کو اسلحہ کے زور پر زبردستی روک لیا
غلام مصطفی کو علاج معالجے کیلئے ہسپتال منتقل کر دیا گیا واضع رہے کہ شہر اور گردونواح میں چوری و ڈکیتی کی وارداتوں کو کنٹرول اور سراغ لگانے میں پولیس بری طرح ناکام ہو گئی ہے گزشتہ روز جامع مسجد راجپوتاں میں کھلی کچہری کا انعقاد کیا گیا تھا جس کی سربراہی اے ایس پی عبدالحنان نے کی تھی کھلی کچہری میں شہریوں نے شکایات کے انبار لگا یئے تھے متاثرین نےالزام عائد کرتے ہوئے کہا پولیس ملزمان کا سراغ لگانے کی بجائے درخواست دہندہ کو دڑایا جاتا ہے
کھلی کچہری میں موجود تاجر برادری سیادی اور صحافی شخصیات نے پولیس کے رویہ کے خلاف وزیر اعلی سے نوٹس لینے کا مطالبہ کیا ہے

قصور
مزار بابا بلہے شاہ کی سیکیورٹی انتہائی سخت نجی سکیورٹی کمپنی کے ساتھ ہر وقت قصور پولیس بھی چوکس
تفصیلات کے مطابق دربار بابا بلہے شاہ کی سیکیورٹی جو کہ پہلے ہی کافی سخت تھی اب اور بھی سخت کر دی گئی ہے انسپیکٹر محمد ایوب انچارچ سیکیورٹی دربار بابا بلہے شاہ نے نمائندہ باغی ٹی وی کو بتایا کہ دربار کی سیکیورٹی تھانی سٹی اے ڈویژن قصور کے ذمہ ہے
دربار کی سیکیورٹی اے جے ایس ایس نامی نجی کمپنی کے پاس ہے مگر پھر بھی پولیس کے مسلح جوان ہر وقت دربار پر چوکس رہتے ہیں انہوں نے بتایا کہ مردوں اور عورتوں کیلئے علیحدہ علیحدہ داخلی و خارجی راستے بنائے گئے ہیں داخلی داروازے پر ہر آنے والے کو پہلے واک تھرو گیٹ سے گزرنا پڑتا ہے پھر اس کے بعد ہاتھ سے تلاشی لی جاتی ہے اور اس دوران پولیس کے مسلح جوان ہر وقت چوکس رہتے ہیں عورتوں کے داخلی و خارجی راستے پر نجی کمپنی کی لیڈی سیکیورٹی گارڈ کیساتھ پنجاب پولیس کی مسلح لیڈیز پولیس اہلکار بھی تعینات ہوتی ہے اس کے علاوہ دربار کے اندر و باہر موجود پرایئیویٹ سیکیورٹی گارڈز کیساتھ پولیس بھی گشت کرتی ہے دربار کی سیکیورٹی کو فول پروف بنانے کیلئے جگہ جگہ کیمرے نصب کئے گئے ہیں جس سے اندر زائرین پر نظر رکھی جاتی ہے