Category: قصور

قصور
الہ آباد میں ڈی پی او قصور کی خصوصی ہدایت پر تھانہ الہ آباد پولیس کی بروقت کاروائی اغواء کاروں کا بین اقوامی گینگ گر فتار
تفصیلات کے مطابق ڈی ایس پی چونیاں کی تھانہ الہ آباد میں پریس کانفرنس ڈی ایس پی چونیاں نے پریس کانفرنس کرتے ہوئے بتایا کہ گزشتہ روز محمد احمد نے اپنے اغواء کا مقدمہ درج کروایا کہ اسے اغواء کرنے کے بعد برہنہ ویڈیو بنانے اور نقدی و رقم مجھ سے زبردستی ملزمان نے ہتھیا لئے جس پر پولیس تھانہ الہ اباد نے بروقت کاروائی کرتے ہوئے بونگی رام سنگھ کے رہائشی ملزم عباس وغیرہ کو گرفتار کر لیا جن کے قبضہ سے ایک ٹریکٹر اور نقدی برامد کر لی گئی ہے اس موقع پر ڈی ایس پی چونیاں نے کہا کہ پولیس ہر وقت عوام کی جان ومال کی حفاظت کے لیے تیار ہے

قصور میں بااثر قبضہ مافیا گینگ کے ظلم کا شکار ایک اور شہری ولی محمد بول پڑا
تفصیلات کے مطابق قصور اور گردونواح میں با اثر قبضہ مافیا گینگ سرگرم ہے جو لوگوں کی زمینوں ،جائیدادوں پر زبردستی قابض ہے ایسے ظلم کا ایک شکار کنگن پور کا رہائشی ولی محمد اس گینگ کے ظلم کا شکار ہو کر بول پڑا انتظامیہ داد رسی کے بجائے خاموش تماشائی بن گئی
واقعہ کا نوٹس لیتے ہوئے پی ٹی آئی راہنماہ و صوبائی وزیر کرنل ہاشم ڈوگر نے قبضہ مافیا کے خلاف کارروائی کی یقین دہانی کرا دی قبضہ مافیا نے قصور میں کئی شہریوں کی جائیدادوں پر ناجائز قبضہ کرکے کروڑوں روپے بٹورے ہیں جس پر ظلم کا شکار شہریوں نے انصاف کی اپیل کر دی ہے

قصور کی ٹوٹی پھوٹی سڑکیں ریسکیو 1122 و ریسکیو 15 کے رسپانس ٹائم میں رکاوٹ
تفصیلات کے مطابق ضلع قصور کی تمام سڑکیں ٹوٹ پھوٹ کا شکار ہیں پچھلے ادوار میں ہر سال سڑکوں کی مرمت کی جاتی تھی مگر جب سے نئی گورنمنٹ بنی ہے تب سے کسی بھی سڑک کی مرمت نہیں کی گئی جس سے قصور رائیونڈ روڈ،قصور سے کوٹ رادہاکشن روڈ،رائیونڈ سے چھانگا مانگا تا پتوکی روڈ ، کھڈیاں سے چونیاں روڈ ،الہ آباد سے کنگن پور روڈ شدید ٹوٹ پھوٹ کا شکار ہیں جس سے ریسکیو 1122 اور ریسکیو 15 قصور پولیس کو سخت کوفت کا سامنا کرنا پڑتا ہے کیونکہ ان ریسکیو اداروں کو ایمرجنسی میں ہی کال کی جاتی ہے جس کیلئے جلد سے جلد کال کرنے والوں تک پہنچا ان کی ذمہ داری ہوتی ہے مگر ٹوٹی سڑکوں کی بدولت گاڑی تیز رفتاری سے چلانا ناممکن ہو جاتا ہے جس سے کال کرنے والے سائل بار بار کال کرکے جلد پہنچنے کا کہتے ہیں مگر چاہتے ہوئے بھی ریسکیو ادارے رسپانس ٹائم میں بمشکل ہی پہنچ پاتے ہیں
لوگوں نے وزیر اعلی پنجاب سے نوٹس لیتے ہوئے قصور کی سڑکوں کیلئے خصوصی فنڈ جاری کرنے کی استدعا کی ہے

قصور
الہ آباد آباد میں سپیشل برانچ پنجاب کی نشاندہی پر اسسٹنٹ کمشنر چونیاں سردار شبیر احمد ڈوگر کی کاروائی
تفصیلات کے مطابق قصور پولیس اور سپیشل برانچ کی رپورٹ پر اے سی چونیاں سردار شبیر احمد ڈوگر نے کاروائی کرتے ہوئے منافع خوروں کے خلاف بروقت کارروائی کی جن میں اسامہ سپر سٹور والے، اے ڈی ہوٹل اور روٹی،چینی، آٹا زیادہ قیمت پر فروخت کرنے والوں کے خلاف کارروائی کی اور گرفتار کر حوالات میں بند کر دیا
اسسٹنٹ کمشنر چونیاں سردار شبیر احمد ڈوگر نے اور سعید احمد و ظفراقبال سپیشل برانچ پنجاب نے صحافیوں سے گفتگو کرتے ہوئے کہا کہ ڈی سی قصور کی ہدایت پر منافع خوروں کو پکڑ کر پولیس اسٹیشن میں بند کر دیا جائے گا اور ان کیخلاف کارروائی کی جائے گی
علاقہ کے لوگوں نے ڈی سی قصور، سپیشل برانچ پنجاب اور اسسٹنٹ کمشنر چونیاں کا شکریہ ادا کیا اور منافع خوروں کے خلاف کارروائی تیز کرنے کا مطالبہ کیا ہے

قصور
ویٹرنری ڈاکٹروں نے الہ آباد میں اندھیر نگری مچا دی ناقص گوشت کی سر عام فروخت جاری انتظامیہ خاموش تماشائی ڈی سی قصور سے نوٹس لینے کا مطالبہ
تفصیلات کے مطابق الہ آباد، گہلن، تلونڈی اور گردونواح کے درجنوں دیہات میں مردار اور لاغر جانوروں کا گوشت سرعام فروخت کیا جا رہا ہے ویٹرنری ڈاکٹر گھر بیٹھ کر تنخوائیں اور منتھلیاں وصول کر رہے ہیں مذبحہ خانہ نا ہونے کی وجہ سے قصاب سڑکوں اور گندگی کے ڈھیروں پر جانور ذبح کرتے ہیں جنہیں چیک کرنے کا کوئی نظام قائم نہیں ویٹرنری ڈاکٹر آرام سے گھروں میں سوئے رہتے ہیں جبکہ بعض قصاب مبینہ طور پر بیمار اور لاغر جانوروں کا گوشت فروخت سرعام کر رہے ہیں ویٹرنری ڈاکٹر نے کبھی کسی کے خلاف مقدمہ درج و جرمانہ نہیں کروایا کیونکہ انہیں ہر ماہ گھر بیٹھے منتھلیاں مل جاتی ہیں
مقامی شہریوں نے چیف سیکرٹری پنجاب اور ڈی سی قصور سے فوری نوٹس لینے کا مطالبہ کیا ہے واضح رہے کہ الہ آباد اور گردونواح کے دیہاتوں میں روزانہ کی بنیاد پر سینکڑوں جانور ذبح ہوتے ہیں لیکن کسی کو کوئی پوچھنے والا نہیں

قصور میں لڑکیوں کے ذریعے لوگوں کو بلیک میل کئے جانےکا انکشاف ہوا ہے
تفصیلات کے مطابق قصور میں لڑکیوں کے ذریعے لوگوں کو بلیک میل کئے جانے کا انکشاف ہوا ہے اس مکروہ دھندے میں ملوث گروہ کی لڑکیاں پہلے امیر افراد سے دوستی کرتی ہیں اور پھر بعد میں ان کی نازیبا ویڈیوز بنا کر انہیں بلیک میل کیا جاتا ہے اور پیسے بٹورے جاتے ہیں
دھندہ کرنے والے خفیہ گروہ کے ڈسے شہری محمد احمد اور محمد حسین نے زبان کھول دی اور گروہ کے خلاف ایف آئی آر کٹوا دی جس پر ایکشن لیتے ہوئے ایڈیشنل آئی جی پنجاب محمد انعام غنی نے ڈی پی او قصور زاہد نواز مروت کو خصوصی ہدایات جاری کر دی اور جلد سے جلد پورے گروہ کو گرفتار کرکے کاروائی کرنے کے آرڈر جاری کر دیئے ہیں

چونیاں پولیس کی پیشہ وارانہ خدمات*

قصور
چونیاں پولیس نے 3 روز قبل الہ آباد سے لاپتہ ہونے والے 12 سالہ انس کو برآمد کر لیا گیا

تفصیلات کے مطابق اٹاری کرم سنگھ کے رہائشی عبدالحمید کا 12 سالہ بیٹا انس 30 نومبر کو لاپتہ ہو گیا تھا
تھانہ الہ آباد پولیس نے فوری اغوا کا مقدمہ درج کیا
چونیاں پولیس نے ڈی پی او قصور کی خصوصی ہدایت پر ایڈیشنل ایس پی راشد کی زیر نگرانی مغوی کی برآمدگی کیلئے سپیشل ٹیمیں تشکیل دیں
12 سالہ انس کی تصویر سوشل میڈیا پر وائرل کی گئی اور مساجد میں اعلانات بھی کروانے کیساتھ کیبل نیٹ ورک پر اشتہار بھی چلوائے گئے
پولیس ٹیموں نے تلونڈی کے علاقہ سے انس کو برآمد کر کے والدین کے حوالے کر دیا
والدین نے انس کی باحفاظت واپسی پر پولیس کا شکریہ ادا کیا جبکہ شہری اور سماجی حلقوں نے خراج تحسین پیش کیا

قصور
تمام یونین کونسلوں کی حالت زار لوگ اپنی مدد آپ کے تحت صفائی کرنے پر مجبور
تفصیلات کے مطابق قصور کی تقریبا تمام یونین کونسلوں کی حالت انتہائی خراب ہے اکثر یونین کونسلوں کے اپنے دفتروں میں صفائی کا عملہ موجود نہیں حالانکہ ہر یونین کونسل کو لاکھوں روپیہ ماہانہ ملتا ہے پھر بھی چند ایک یونین کونسل کے علاوہ باقی میں صفائی عملہ تک موجود نہیں اور تو اور گورنمنٹ کی طرف سے سٹریٹ لائٹس کا انتظام کیا گیا تھا جو کہ ناظم سے لے کر جنرل و اقلیتی کونسلر مل کر کھا چکے ہیں یونین کونسل کھارہ،چڑیوان،اوراڑہ،لکھنیکے اور دیگر قصور کی قریب ترین یونین کونسلوں میں نالیاں گندگی سے بھری پڑی ہیں جن کی عرصہ دراز سے صفائی نہیں کی گئی جس سے پانی گلیوں بازاروں میں کھڑا ہو جاتا ہے دوسری جانب کوئی رہائشی فرد یونین کونسل کے دفتر میں کسی نالے اور پلی وغیرہ کی مرمت کیلئے جائے تو آگے سے سیکٹری صاحبان فنڈ نا ہونے کا عندیہ سنا دیتے ہیں جس سے سائل حضرات مایوس ہو کر واپس چلے آتے ہیں
لوگوں نے ٹی ایم او قصور اور ڈی سی قصور سے نوٹس لینے کی اپیل کی ہے

قصور
چونیاں میں میر کوٹ کے قریب موٹرسائیکل میں دوپٹہ پھنسنے سے موٹرسائیکل سوار جواں سالہ لڑکی جاں بحوق ہو گئ
تفصیلات کے مطابق سترہ سالہ موبینہ شریف اپنے بھائی محمد ندیم کے ساتھ موٹرسائیکل پر جا رہی تھی کہ جب وہ میر کوٹ کے قریب پہنچی تو اسکا ڈوپٹہ موٹرسائیکل کے پہیے آ گیا ڈوپٹہ پھنسنے سے وہ موٹرسائیکل سے گر گئی اور پیچھے آنیوالے نامعلوم تیز رفتار رکشہ کی زد میں آکر کچلی گئی جسے فوری طور پر قریبہ ہسپتال پہنچایا گیا مگر زخموں کی جانبر نا ہوسکی اور دم توڑ گئی
جبکہ نا معلوم رکشہ ڈرائیور موقع سے فرار ہونے میں کامیاب ہو گیا
پولیس تھانہ چونیاں سٹی نے مقدمہ درج کر لیا ہے اور مصروف کاروائی ہے

قصور سپیشل برانچ قصور کی نشاندہی پر بڑی کاروائیاں آلودگی پھیلانے اور غیر قانونی گیس کی ری فلنگ اور منی پیٹرول پمپس چلانے والے متعددافراد کو گرفتارکرکے ان کے خلاف مقدمات درج کر لئے گئے
تفصیلات کے مطابق قصور سپیشل برانچ کی نشاندہی پر اسسٹنٹ کمشنر قصور انعم زائد نے قصور اور دیگر علاقوں میں کاوروائیاں شروع کر دی فیروز پور روڈ رحمان پورہ کے قریب گلو بنانے والی فیکٹری کی نکاسی آب سے قریبی کھیتوں کو زہریلا پانی اور دھوئیں کے ذریعے آلودگی پھیلانے اور زیر زمین پانی خراب کرنے پر اسکے مالک غلام حسین کے خلاف مقدمہ درج کرکے فیکٹری کو سیل کر دیا
جبکہ رکن پور ہ قصور میں غیرقانونی طور پر آبادی والے علاقے میں گیس ری فل کرنے والے تین دکانداروں غلام فرید،اقبال اور رضوان جبکہ غیرقانونی طور پر پیٹرول فروخت کرنے والے محمد فیاض کو گرفتار کرکے انکی دکانیں سیل کر دی گئی ہیں
کھڈیاں خاص میں شرافت علی اور محمد جمیل وغیرہ تین دکانداروں کو گرفتار کرکے انکی دوکانیں سیل کر دی گئیں
مصطفی آباد میں رفاقت علی اور شاھد کی دونوں دکانوں کو بھی سیل کر کے انہیں گرفتار کربکے انکے خلاف الگ الگ مقدمات درج کر لئے گئے ہیں