قصور
کوٹ رادہاکشن تحصیل ہیڈ کوارٹرز ہسپتال کی حالت زار
کوٹ رادہاکشن کے ٹی ایچ کیو ہسپتال کی گائناکالوجسٹ میٹرنٹی کئی دنوں سے چھٹیوں پر ہے اور اس کی جگہ کوئی اور تعینات نہیں جس کی بدولت گائنی کے مریض ذلیل و خوار ہو رہے ہیں اور مجبوری کے باعث رائیونڈ اور چونیاں کے سرکاری ہسپتالوں کا رخ کر رہے ہیں
سی ای او ہیلتھ قصور ستو پی کر سو گئے ہیں چند ماہ قبل ہی ایم ایس ٹی ایچ کیو کو بدلا گیا تھا مگر افسوس کہ ہسپتال کا نظام پھر بھی ویسا ہی ہے
لوگوں نے وزیر صحت پنجاب سے نوٹس لینے کی اپیل کی ہے
قصور
چونیاں گزشتہ 20 روز سے جاری روڈ کی کھدائی کا کام انتہائی سست روی کا شکار
تفصیلات کے مطابق چونیاں چونگی نزد سلطان مارکیٹ کے علاقے میں حکومت نے دکانداروں کی چیخیں نکلوا دیں گاہک تو دور کی بات دکاندار خود بھی لمبی سیڑھی لگا کر دکانوں کے تالے کھولنے پر مجبور دکانداروں نے کہا کہ اس کام کی بدولت ہمارا کاروبار ٹھپ ہو گیا ہے ٹھیکیدار خدا کا خوف کھائے اور دکانداروں کے حال پر رحم کرے دکاندار ،رانا مجاھد،شبیر شاہ،عامر اور کاشف و دیگر دکانداروں کا ٹھیکیدار کے خلاف کاروائی کا مطالبہ
قصور میں موسم کی تبدیلی شروع
تفصیلات کے مطابق آج صبح سے قصور اور گردونواح میں گہرے بادل چھائے ہوئے ہیں اور ساتھ میں تیز ترین آندھی بھی ہے جس کی بدولت یکدم موسم بہت ٹھنڈا اور خوش گوار ہو گیا ہے بزرگوں اور مریضوں نے جرسیاں پہن لیں امکان ہے کہ بارش ہو گی نیز دھان کی فصل کی کٹائی بھی جاری ہے بارش کی بدولت دھان کی کٹائی میں تاخیر ہو سکتی ہے
قصور۔(اے پی پی)ترجمان محکمہ زراعت نے بتایا ہے کہ چنے کی فصل سے جڑی بوٹیوں کی تلفی سے پیداوارمیں اضافہ کیاجاسکتاہے چنے کی فصل کو پیازی باتھوچھنکنی بوٹی لہلی رت پھلائی دمبی سٹی اور ریواڑی نقصان پہنچاتی ہے‘جڑی بوٹیوں کی تعداد کم ہونے کی صورت میں جڑی بوٹی مار زہروں کی بجائے گوڈی کی مددسے جڑی بوٹیوں کی تلفی کرنی چاہئیے‘ ریتلے علاقے میں جڑی بوٹیوں کی تلفی بذریعہ روٹری آسان طریقہ ہے جڑی بوٹیوں کے تدارک کیلئے کیمیائی زہروں کا استعمال ایک موثرطریقہ ہے تاہم بارانی علاقوں میں ان کا استعمال نہایت احتیاط سے کرنا چاہئیے‘جڑی بوٹیوں کی تلفی کیلئے محکمہ زراعت کے مقامی عملہ کے مشورہ سے زہروں کا استعمال کرناچاہئیے۔انہوں نے بتایا کہ چنے کی فصل کو پانی کی کم ضرورت ہے تھل کے علاقوں میں فصل کی کامیابی کا انحصار بارشوں پرہوتاہے‘موسم سرماکی معمولی بارشیں فصل کی کامیابی کیلئے کافی ہوتی ہے‘بارش کم ہونے کی صورت میں پیداوار متاثر ہوتی ہے‘ آبپاشی علاقوں میں بارش نہ ہونے کی صورت میں پھول آنے پر اگرفصل سوکھا محسوس کرنے لگے توہلکی آبپاشی کی جائے‘ دھان کے بعد کاشت کی گئی فصل کو آبپاشی کی ضرورت نہیں پڑتی‘ستمبر کاشتہ کماد میں چنے کی فصل کو کمادکی ضرورت کے مطابق آبپاشی کریں۔
قصور۔17اکتوبر(اے پی پی)ترجمان محکمہ زراعت نے کاشتکاروں کو سبزمرچ کی پنیری کی کاشت31اکتوبرتک مکمل کرنے کی ہدایت کردی ہے اورکہا ہے کہ مرچ کی پنیری کی کاشت کیلئے رواں ماہ انتہائی اہمیت کا حامل ہے نیزکمرشل بنیادوں پر کاشت کے علاوہ گھریلوسطح پربھی عوام رواں ماہ کے دوران سبزمرچ کی پنیری کاشت کرسکتے ہیں۔انہوں نے بتایا کہ سبزمرچ کی پنیری کی کاشت کیلئے منظور شدہ اقسام کے بیج گولہ پشاوری اورنانا پوری کا انتخاب کرناچاہئیے تاکہ سبزمرچ کی بہترین پیداوار حاصل ہوسکے۔ انہوں نے بتایا کہ سبزمرچ کی پنیری کی کاشت کیلئے میرا‘ہلکی میرااورایسی زمین کا انتخاب کیاجاناچاہئیے جہاں پانی کا اچھانکاس موجودہو۔انہوں نے کہا کہ زمین کی تیاری سے قبل گوبرکی گلی سڑی کھاد ڈیڑھ من فی مرلہ کے حساب سے ڈالنے کے بعد زمین میں ایک میٹرچوڑی کیاریاں بناتے ہوئے 4سے5مرلہ میں 2سے3انچ تک لائنوں کے درمیان فاصلہ پر آدھاکلوگرام بیج کاشت کرناچاہئیے۔
قصور لیسکو پتوکی سب ڈویژن حبیب آباد کی نا اہلی
تفصیلات کے مطابق حبیب آباد ٹبی چک 20 میں سرعام کنڈے لگا کر لوگ بجلی چوری کر رہے ہیں جس کی کئی بار اطلاع لیسکو سب ڈویژن حبیب آباد کیو دی گئی مگر پھر بھی کوئی کاروائی نہیں
وزیراعظم کے بجلی چوری کے احکامات ہوا میں اڑا دیئے گئے
واپڈا ملازمین کی ملی بھگت سے بجلی چوری معمول بن گیا
عوام کا اعلیٰ حکام سے نوٹس لینے کی اپیل
قصور
پرائس کنٹرول مجسٹریٹ گھروں میں بیٹھ کر تنخوائیں وصول کرنے لگے
تفصیلات کے مطابق میونسپل کمیٹی الہ آباد کا کلرک خود ساختہ پرائس کنٹرول مجسٹریٹ بن کر منتھلیاں نا دینے والوں کو بھاری جرمانے کرنے لگا اے سی چونیاں اور ڈی سی قصور خاموش تماشائی الہ آباد کرپشن کا گڑھ بن چکا ہے کرپٹ اہلکاروں نے عوام کی ناک میں دم کر رکھا ہے عوام کے درینہ مسائل نکاسی آب صاف پانی صفائی اور کوڑے کرکٹ کے ڈھیروں کو ٹھکانے لگانے کی بجائے میونسپل کمیٹی کا کرپٹ عملہ سارا دن اپنے پرائیویٹ ٹاءوٹوں کے ہمراہ گلی محلوں میں منتھلیاں اکھٹی کرتے نظر آتے ہیں افضال نامی کلرک تقریباً چار پرائیویٹ آدمیوں کے ہمراہ سارا دن شہر بھر میں منتھلیاں نا دینے والے دکانداروں کو پرائس کنٹرول مجسٹریٹ درجہ اول کے اختیارات کا ناجائز استعمال کرتے ہوئے اپنے دستخطوں سے جرمانے عائد کرتا ہے چیف آفیسر میونسپل کمیٹی نے اپنے کماؤ ٹاءوٹ افضال کلرک کو ایک ہی وقت میں بلڈنگ انسپکٹر، انفورسمنٹ انسپکٹر اور ریکوری آفیسر کے اختیارات دے رکھے ہیں مذکورہ کلرک سہارا دن شہر میں لاکھوں روپے جرمانے کرتا ہے لیکن رسیدیں چند ایک کو ہی دیتا ہے باقی تمام رقم مل جل کر بانٹ لی جاتی ہے تمام معاملات اے سی چونیاں کے نوٹس میں ہونے کے باوجود بھی ان کی مجرمانہ خاموشی پر مقامی شہری حیران اور پریشان ہیں مقامی شہریوں نے ڈی سی قصور اور کمشنر لاہور سے اور وزیر اعلی پنجاب سے نوٹس لیتے ہوئے کاروائی کا مطالبہ کیا ہے
قصور پولیس کا لاپتہ افراد کا اپنوں سے ملوانے کا سلسلہ جاری
تفصیلات کے مطابق کل تھانہ سٹی پتوکی پولیس کو ہلہ چوک سے گھر کا راستہ بھٹکی لڑکی ملی جس کا ذہنی توازن درست نہیں تھا اور وہ اپنا نام و پتہ بھی نہیں بتا سکتی تھی
تھانہ سٹی پتوکی نے خدمت خلق کے جذبے کے تحت لواحقین کی تلاش شروع کر دی سوشل میڈیا پر پوسٹ کی گئی اور مساجد میں اعلانات بھی کروائے گئے پولیس کی مسلسل 3 گھنٹوں کی کوشش کے بعد شمع بی بی دختر عبدالرزاق سکنہ مرالی ہٹھاڑ کی شناخت ہونے پر ورثاء کے حوالے کر دیا گیا
ورثاء نے پولیس کا شکریہ ادا کیا
قصور
چھانگا مانگا کے نواح بھاگوکی میں غریبوں کیلئے فری میڈیکل کمپلیکس
تفصیلات کے مطابق چھانگا مانگا کے نواحی گاؤں بھاگوکی میں نئے قائم شد گوہر میڈیکل کمپلیکس کے بانی و مالک ڈاکٹر راءو ذوالقرنین نے میڈیا سے گفتگو کرتے ہوئے کہا کہ ہماری اولین ترجیح غریب لوگ ہیں ہمارے میڈیکل کمپلیکس کے دروازے غریبوں کیلئے 24 گھنٹے کھلے ہیں کسی بھی غریب کو کوئی بھی مرض ہوئی ہم اللہ کے فضل اور مدد سے فری علاج کرینگے باقی صاحب حیثیت افراد سے پیسے وصول کیئے جائینگے وہ بھی معقول تاکہ لوگوں کو صحت کی اچھی سہولیات مل سکیں
قصور
چونیاں میں گاڑی چوری کی واردات
تفصیلات کے مطابق قصور کی تحصیل چونیاں شہر میں تھانہ سٹی سے چند قدم کے فاصلے پر واقع عمر ہسپتال کے سامنے رات تقریباً گیارہ بجے ڈاکٹر نواب دین کی کار نمبری LEA-06-5433 کلر سلور نہ معلوم چور لے اڑے
سٹی پولیس اور ڈولفن فورس کا رات بھر گشت ہونے کے باوجود گاڑی چوری ہو جانا محکمہ پولیس کی کارکردگی پر ایک دفعہ پھر سوالیہ نشان ہے کیونکہ چونیاں شہر میں بچوں کے اغواء اور قتل کے بعد ڈولفن فورس کو تعینات کیا گیا ہے حالانکہ چونیاں کے علاوہ ضلع قصور کے کسی بھی شہر اور تحصیل میں ڈولفن فورس تعینات نہیں