Category: خانیوال

خانیوال(نمائندہ باغی ٹی وی )ڈپٹی کمشنرخانیوال نے آج ٹھٹھہ صادق آباد کا اچانک دورہ کیا اور ان کے دورہ ٹھٹھہ صادق آباد سے واپسی پر پولیس پروٹوکول وین نے مسافر موٹر سائیکل سواروں کو ٹکر ماردی ۔گاڑی کی ٹکر سے دونوں میاں بیوی زخمی ہوگئے ہیں اور ان کو ہسپتال منتقل کیا جارہا ہے جبکہ اس حوالے سے ڈپٹی کمشنر کا اس حوالے سے کوئی موقف سامنے نہیں آیا ہے۔

خانیوال(نمائندہ باغی ٹی وی) محکمہ موسمیات نے طوفانی بارشوں کی پیشین گوئی کردی ہے،تفصیلات کے مطابق محکمہ موسمیات نے ملتان ڈویزن کے علاقوں میں خطرناک بارشوں اور طوفانی آندھیوں کی پیشین گوئی کرتے ہوئے لوگوں کو خبردار کیا۔گزشتہ رات خانیوال کے علاقوں میں تقریبا رات بھر بارش اور آندھی جاری رہی ہے جبکہ مطلع ابھی بھی ابر آلود ہے اور مختلف علاقوں میں بارش چمک گرج کے ساتھ جاری ہے۔گزشتہ چند دن قبل بھی ضلع خانیوال اور ملتان میں بارش کے ساتھ ساتھ خطرناک اولے بھی آئے جن کی وجہ سے مکئی اور گندم کی فصل کا کافی نقصان ہوا جبکہ آئندہ بارشوں کا امکان ابھی بھی موجود ہے محکمہ موسمیات نے آئندہ چوبیس گھنٹے میں مزید طوفانی بارش کی پیشین گوئی کی ہے۔

جہانیاں (نمائندہ باغی ٹی وی) کے نواحی قصبہ ٹھٹھہ صادق آباد میں بااثر افراد نے سرکاری اراضی پر قدم جما لئے درجنوں ایکڑ اراضی مقبوضہ ہوگئی،تفصیلات کے مطابق ٹھٹھہ صادق آباد میں گورنمنٹ کی کئی ایکڑ زمین جو نہر لوئر باری دوآب کے ساتھ واقع تھی پر بااثر افراد نے غیر قانونی قبضہ جما رکھا ہے۔گورنمنٹ کی زمین جس پر متعلقہ ادارے اگر چاہیں تو مارکیٹ بنا کر سالانہ لاکھوں روپے کما سکتے ہیں لیکن سیاسی اور صحافتی اثرو رسوخ رکھنے والے بااثر افراد نے اس پر قابض ہوکر تعمیرات کی ہوئی ہیں۔ایک مکمل مارکیٹ اور اس کے علاوہ غیر قانونی ویگن اڈا بھی اسی سرکاری جگہ پر موجود ہے جس کی سرپرستی مبینہ طور پر سابق ایڈمنسٹریٹ مارکٹ کمیٹی جہانیاں کررہا ہے ۔ان لوگوں کے اثررو رسوخ کی وجہ سے ادارے ان کے خلاف کارروائی کرنے سے گریزاں ہیں

خانیوال(نمائندہ باغی ٹی وی )دیرینہ دشمنی پر ایک اور قتل ہوگیا تفصیلات کے مطابق تھانہ جہانیاں کے علاقہ چک نمبر 53 دس آر کے نامعلوم افراد نے فائرنگ کردی ، فائرنگ کے نتیجے میں موٹر سائیکل سوار ایک شخص جاں بحق ہوگیا جبکہ اس کا ساتھی شدید زخمی ہوا ہے، ہسپتال متاثرین کو تحصیل ہیڈ کوارٹر اسپتال منتقل کردیا گیا ہے زرائع سے معلوم ہوا کہ یہ قتل دیرینہ دشمنی کا شاخسانہ ہے۔

ٹھٹھہ صادق آباد(نمائندہ باغی ٹی وی)چھٹی کلاس کے طالب علم سے اوباش نوجوانوں نے  زیادتی کی اور اس کے بعد زیادتی کی فحش ویڈیوز بھی بنا لی ،تفصیلات کے مطابق قصبہ ٹھٹھہ صادق آباد میں چھٹی جماعت کے طالب علم سے 2اوباش نوجوانوں نے  زیادتی کی اور اس کے بعد دوران زیادتی کی بنائی گئی ویِڈیوز کی بنیاد پر لڑکے کو بار بار اپنے پاس بلا کر بلیک میل کرتے رہے اور جنسی زیادتی کا نشانہ بناتے رہے اور اوباش محمد فیصل اور اس کے ساتھی عبید علی نے 9 سالہ معصوم ریحان کو باری باری زیادتی کا نشانہ بنایا۔متاثرہ بچے کے چچا محمد سجاد کی کاروائی کے لیے تھانہ ٹھٹھہ صادق آباد کو تحریری درخواست کے بعد ملزمان نے درخواست واپس لینے کے لئے بھی مدعی پر دباو ڈالنا شروع کردیا کہ اگر درخواست واپس نہ لیگئی تو وہ بچے کی فحش ویڈیوز سوشل میڈیا پر اپلوڈ کردیں گے۔

خانیوال (نمائندہ باغی ٹی وی )ڈی پی او خانیوال فیصل شہزاد کے حکم پر محرر تھانہ ٹھٹھہ صادق آباد اعجاز سہو کو تبدیل کرتے ہوئے تھانہ کہنہ خانیوال جبکہ جنرل ڈیوٹی ٹھٹھہ صادق آباد سے ہیڈ کانسٹیبل ابرار گجر کو محرر تھانہ ٹھٹھہ صادق آباد تعینات کردیا گیا ہے۔