Category: خانیوال

جہانیاں (نمائندہ باغی ٹی وی )ٹھٹھہ صادق آباد نواح میں شدیددھند کا راج، حد نگاہ صفر ہوگئی، ٹریفک روانی میں مشکلات کا سامنا، تفصیلات کے مطابق جہانیاں اور گردونواح میں دھند کے ڈیرے ہیں جس کی وجہ سے حد نگاہ صفر ہوگئی ہے۔جبکہ قومی شاہراہ پر بھی شدید دھند کی وجہ سے اندھیرا چھایا ہوا ہے ۔پٹرولنگ حکام نے شہریوں کو بلا ضرورت سفر کرنے سے منع کردیا ہے۔

خانیوال(نمائندہ باغی ٹی وی) ایم 4 مخدوم پور انٹر چینج بس اور ٹرالر میں تصادم ہوا جس کے نیتجے میں تین افراد جان سے چلے گئے تفصیلات کے مطانق تصادم میں 3 افراد جاں بحق جبکہ 11 زخمی ہوئے ریسکیو ذرائع کے مطابق بس چکوال سے ملتان جارہی تھی کہ تیز رفتاری کے باعث بس بے قابو ہوگئی اور ٹرالر مخں جالگی۔ریسکیو1122 نے زخمیوں کو ابتدائی طبی امداد کے بعد سول ہسپتال خانیوال منتقل کیا جبکہ ڈسٹرکٹ ایمرجنسی آفیسر ریسکیو 1122 ڈاکٹر اعجاز انجم نے جائے حادثہ پر پورے آپریشن کی نگرانی کی۔

ٹھٹھہ صادق آباد (نمائندہ باغی ٹی وی) کی لنگاہ کالونی میں ایک مہینہ قبل طوفانی آندھی کے باعث بجلی کے دو مین پول  دو مختلف گھروں کی چھتوں گر گئے تھے جن کو ایک مہینہ گزرنے کے بعد بھی تبدیل نہ کیا جاسکا جبکہ تاروں کا جنجال بھی گھروں کی دیواروں اور سڑک پہ پہ پڑا ہے جس کی وجہ سے اہلیان محلہ کو گزرنے میں بھی کافی مشکلات کا سامنا ہے اس کے علاوہ میں پول مخالف سمت میں گرنے کی وجہ سے محلے کا راستہ بھی بند ہوچکا ہے جس کی وجہ سے گزرنے والوں کو کافی  دقت کا سامنا ہے ۔دوسری طرف شہر کی سیوریج بھی ناکارہ ہے اور گلیوں میں پانی کھڑا رہتا ہے جس کی وجہ سے خطرہ مزید بڑھ گیا ہے ۔اہلیان محلہ نے میپکو حکام اور ضلع کونسل سے بجلی کے کھمبوں  کی تبدیلی اور سیوریج کے نظام کی بہتری کا مطالبہ کیا ہے۔

ٹھٹھہ صادق آباد (نمائندہ باغی ٹی وی) کے مختلف علاقوں میں دکانداروں اور ریڑھی بانوں کی طرف سے تجاوزات بڑھنے لگی مگر ادارے خاموش تماشائی بنے ہوئے ہیں ۔باغی ٹی وی کی رپورٹ کے مطابق ٹھٹھہ صادق آباد کے مین روڈ،مین بخاری بازار اور دیگر مارکیٹوں میں دکانداروں نے اپنی مرضی کے چبوترے بنا لئے جس سے مین بازار کی وسعت سکڑ کر رہ گئی جبکہ ریڑھی بان اور خوانچہ فروش بھی بازار کے اندر ہی اپنے اڈے لگانے لگے جس کی وجہ سے لوگوں کو گزرنے میں مشکلات پیش آنے لگی ۔

ٹھٹھہ صادق آباد (نمائندہ باغی ٹی وی) تھانہ ٹھٹھہ صادق آباد کے ایس ایچ او چوہدری غلام مصطفی سنگھیڑا نے میڈیا کو بتایا کہ گزشتہ ماہ میں تھانہ ٹھٹھہ صادق آباد میں 32 مقدمات درج ہوئے جن میں چوری ،ڈکیتی ،نومولود بچی کی نعش اور ایک خاتون کی نعش نہر سے ملنے کے مقدمات بھی شامل ہیں ۔چوہدری غلام مصطفی سنگھیڑا نے کہا کہ پولیس علاقے کو جرائم سے پاک کرنے کے لئے اپنا بھر پور کرداد ادا کررہی ہے ۔