Category: خانیوال

جہانیاں (نمائندہ باغی ٹی وی)
کل 27 اکتوبر کو مولانا فضل الرحمن سمیت دیگر جماعتوں کے اسلام آباد دھرنے میں شرکت کے لیے جانے والے کارکنان کو روکنے کے لیے سپیشل پروٹیکشن یونٹ (SPU) پنجاب کے دستے جہانیاں اور چوک میتلا پہنچنا شروع ہوگئے ہیں جو لودھراں بہاولپور رحیم یار خان نواح سے براستہ لودھراں خانیوال ہائی وے اسلام آباد جانے والے کارکنان کو روکنے کے لیے اپنی ڈیوٹی سرانجام دیں گے ذرائع کےمطابق معلوم ہوا کہ راستے روکنے کے لیے کنٹینرز بھی تیار کر لئے گئے ہیں۔

ٹھٹھہ صادق آباد (نمائندہ باغی ٹی وی) کے نواحی علاقہ چک نمبر 13 ایم آر تھانہ مخدوم رشید کی حدود میں پولیس مقابلہ ہوا ۔باغی ٹی وی کی رپورٹ کے مطابق تھانہ مخدوم رشید کی حدود میں واقع چکنمبر 13 ایم آر کی نہر کے پل پر چار ڈاکو ناکہ لگا کر مسافروں سے لوٹ مار کررہے تھے کہ اطلاع پر پولیس نے ریڈ کیا اور ڈاکووں پر فائرنگ کردی جس کے نتیجے میں چاروں ڈاکو ہلاک ہوگئے ۔ذرائع کے مطابق چاروں ڈاکووں کا تعلق تھانہ مخدوم رشید کے مختلف چکوک سے ہے اور یہ لوگ پہلے بھی ڈکیتی ،چوری اور اغوا کی وارداتوں میں ملوث تھے اور پولیس کو مطلوب تھے۔پولیس مقابلہ میں تھانہ مخدوم رشید اور تھانہ بستی ملوک کو پولیس ٹیموں نے حصہ لیا اور مذکورہ دونوں تھانوں کے ایس ایچ اوز خود اس مقابلے میں شریک رہے۔

ٹھٹھہ صادق آباد(نمائندہ باغی ٹی وی) سے گزرنے والی نہر سر نومولود بچی کی نعش برآمد ہوئی ۔باغی ٹی وی کی رپورٹ کے مطابق ٹھٹھہ صادق آباد سے گزرنے والی نہر لوئر باری دوآب سے نومولود بچی کی نعش شہریوں نے پانی پر تیرتی ہوئی دیکھی۔شہریوں نے پولیس کو اطلاع دی جس پر پولیس تھانہ ٹھٹھہ صادق آباد موقع پر پہنچ گئی ۔پولیس نے نعش کو رورل ہیلتھ سنٹر ٹھٹھہ صادق آباد منتقل کرکے قانونی کارروائی شروع کردی ہے ۔

ٹھٹھہ صادق آباد (نمائندہ باغی ٹی وی)
علی شیرواہن اور اس سے ملحقہ علاقوں کا بجلی کے وولٹیج کا مسئلہ حل ہوگیا۔ ایم این اے و چیئرمین قائمہ کمیٹی برائے دفاعی پیداوار چودھری افتخار نذیر، ایم پی اے جہانیاں حاجی عطا الرحمن، چودھری شہزاد فیصل آرائیں کی خصوصی کاوش سے علی شیروان اور ملحقہ علاقوں کے لئے 3 کروڑ 51 لاکھ کی لاگت سے Ali Sherwaan Feeder 11 KV میپکو سے منظور کروا لیا گیا۔ تمام علاقہ مکینوں کو سکھ کا سانس مل گیا۔ ایم این اے افتخار نذیر نے کہا کہ گروپ کا یہ منشور رہا ہے کہ وہ اپنے ووٹرز کو مایوس نہیں کرتا۔ انشاءلله خدمت کی سیاست ہمیشہ جاری رہے گی اور یہ ہمارے گروپ کا شیوا ہے۔
اس پر ایم این اے و چیئرمین قائمہ کمیٹی برائے دفاعی پیداوار چودھری افتخار نذیر اور ایم پی اے جہانیاں حاجی عطا الرحمن نے کہا کہ آج کا دن انتہائی خوشی کا ہے کہ جس ویژن کے تحت ہم نے اپنی سیاست برائے خدمت کا آغاز کیا تھا یہ اس کا نتیجہ ہے۔ یہ ہماری عوام دوستی کی منہ بولتی مثال ہے کہ ہمارے مخالفین کے گڑھ کے لوگوں نے ہمارے کاموں سے متاثر ہو کر ہم پر اعتماد کیا ۔ ہم عنقریب حلقہ کے لوگوں کو بڑی خوشخبریاں سنائیں گے.

خانیوال۔ (اے پی پی) خاتون ایس ایچ آو زینب ملک نے اپنی ٹیم کے ہمراہ کارروائی کرتے ہوئے منشیات فروش کاشف معراج کو گرفتار کرکے ملزم کے قبضہ سے 1320گرام چرس برآمد کر کے مقدمہ درج کر لیا۔ اس حوالے سے ڈی پی او عمر سعید ملک نے ایس ایچ او کو شاباشی دیتے ہوئے کہا کہ منشیات کا خاتمہ اولین ترجیح ہے۔

ٹھٹھہ صادق آباد (نمائندہ باغی ٹی وی) میں معصوم بچہ رکشہ سے گر کر جان کی بازی ہار گیا۔باغی ٹی وی کی رپورٹ کے مطابق ٹھٹھہ صادق آباد کے نواحی علاقہ اڈہ پل 132 پہ لیڈر شپ سائنس سکول کا معصوم طالب علم محمد حمیر اوور لوڈنگ کی وجہ سے رکشہ سے گر کر جان کی بازی ہار گیا۔بچے کو ابتدائی طبی امداد کے لئے رورل ہیلتھ سنٹر ٹھٹھہ صادق آباد میں منتقل کیا گیا جہاں معصوم محمد حمیر جانبر نہ ہوسکا اور جان کی بازی ہارگیا۔