Category: خانیوال

کشمیر کمیٹی کے چیرمین سید فخر امام نے کہا ہے کہ کشمیر کا فیصلہ کشمیری اپنے ووٹ سے کریں گے کشمیر میں انسانی حقوق کی صورتحال سنگین ہے،

باغی ٹی وی کی رپورٹ کے مطابق خانیوال کے نواحی گاؤں 109 دس آر میں صحافیوں سے گفتگو کرتے ہوئے انہوں نے کہا کہ کشمیر میں ایک لاکھ نہتے شہریوں کو شہید کیا جا چکا ہے، انڈیاکے لیے فضائی حدود، واہگہ بارڈر کے راستے افغان ٹریڈ کی بندش بارے فیصلے کیے جا رہے ہیں، چین، ترکی، ملائیشیا کشمیریوں کی بھرپور حمایت کر رہے ہیں، انہوں نے اسلامی ممالک کی طرف سے مقبوضہ کشمیر کے بارے میں واضح موقف سامنے نہ آنے کے بارے میں کہا کہ اس بارے میں اسلامی ممالک ہی جواب دے سکتے ہیں، کشمیر کے بارے میں پاکستان کے موقف کی عالمی سطح پر حمایت حاصل ہوچکی ہے،

کشمیر کمیٹی کے چیئرمین سید فخر امام نے کہاکہ عالمی طاقتیں کشمیر سے کرفیو کے خاتمہ،ہزاروں بے گناہ افراد کی رہائی کے لیے اقدامات کرے، ہیومین رائٹس کے انٹر نیشنل ادارے بھی قابض بھارتی فوج کے مظالم پر سیخ پا ہیں مقبوضہ کشمیر پر قابض بھارتی فوج کے مظالم کی مزمت پوری دنیا کررہی ہیمقبوضہ کشمیر کا فصیلہ کشمیری ووٹ سے کریں گے اقوام متحدہ کی قرارداد ریکارڈ پر 70سال سے موجود ہے، دریں اثناء انہوں‌ نے کہ زراعت ہماری معیشت کی ریڑھ کی ہڈی کی حثیت رکھتی ہے، کپاس کی فصل کوجدید طریقہ کار کے اصولوں سے ہم آہنگ کرکے ہم پیداوار میں اضافہ کرسکتے ہیں، ان خیالات کا اظہار انہوں نے گزشتہ روز کپاس کے لیے ماڈل ولیج 109ٹن آر میں کپاس کے کھیتوں کے دورہ کے دوران کسانوں سے خطاب کرتے ہوئے کیا، اس موقع پر ان کے ہمراہ نواز شریف زرعی یونیورسٹی ملتان کے واٹس چانسلر ڈاکٹر راو آصف علی اور زرعی ماہرین بھی تھے،

ٹھٹھہ صادق آباد (نمائندہ باغی ٹی وی) کے نواحی گاوں چکنمبر 132 دس آر کا رہائشی ذوالفقار علی گجر طبیعت ناساز ہونے پر اپنے گاوں کے اتائی کے پاس گیا جس نے دوران علاج مریض کو انجکیشن بھی لگایا ۔انجیکشن درست مقام پر نہ لگنے سے مریض ذوالفقار گجر کی ٹیکے والی جگہ پر سوزش اور درد ہونے لگا۔جس پر اتائی نے انفیکشن زدہ جگہ پر چیرا دے دیا جبکہ مریض شخص پہلے ہی شوگر کا مریض تھا۔چیرا دی ہوئی جگہ پر ہونے والا انفیکشن ناسور بن گیا اور شوگر کی وجہ سے گینگرین کی صورت اختیار کرگیا۔مریض ذوالفقار گجر بہاول وکٹوریہ ہسپتال میں زیر علاج تھا جبکہ ڈاکٹرز نے ذوالفقار کی ٹانگ کاٹنے کا مشورہ دیا تھا اور ٹانگ کاٹنے کی تیاریاں جاری تھیں جبکہ متاثرہ شخص ذوالفقار آج صبح وکٹوریہ ہسپتال میں دم توڑ گیا ہے۔

جہانیاں(نمائندہ باغی ٹی وی)کے نواحی گاوں چکنمبر 148 دس آر کے گورنمنٹ گرلز پرائمری سکول کے بچوں نے کشمیریوں سے انوکھے انداز میں یکجہتی کی۔سکول کے بچوں کو سکول ٹیچرز نے مشہور زمانہ کشمیری ترانہ”ماں کشمیر تو جنت ہے نہ جنت میں طوفان ہے کیوں” کا کرداد دیا اور بچوں سے اس ترانے پر ٹیبلو پیش کروایا۔بچوں نے مکمل طور پہ کشمیری ماں اور کشمیری بچوں کا روپ بنایا ہوا تھا۔بچوں کی حیران کن کارکردگی پر والدین نے سکول ٹیچرز اور بچوں کی محنت کو سراہا۔

ٹھٹھہ صادق آباد(نمائندہ باغی ٹی وی)
گرانفروشی کیخلاف انتظامیہ متحرک ہوگئی۔پرائس کنٹرول مجسٹریٹ لیاقت علی گوندل کے گرانفروشوں کت خلاف آپریشن جاری مختلف دکانداروں کو اشیا مہنگے داموں بیچنے پر گیارہ،گیارہ ہزار روپے جرمانہ عائد کیا گیا۔جو اسی وقت ان سے وصول کرکے ان رسید دے دی گئی۔یاد رہے کہ وزیر اعلی پنجاب کی طرف سے جاری کردہ اینڈرائیڈ ایپ قیمت پنجاب اور روزانہ جاری ہونے والی ریٹ لسٹوں پر جاری کی گئی قیمتوں سے زیادہ قیمت بہت دھڑلے سے وصول کی جارہی ہے جن کے خلاف انتظامیہ متحرک ہے اور ان کو جرمانے عائد کررہی ہے۔

خانیوال (نمائندہ باغی ٹی وی)کشمیر بنے گا پاکستان کے سلوگن کے تحت کل بروز جمعہ ملک بھر میں جلسے،جلوس اور ریلیاں نکالی جائیں گی ۔اسی سلسلے میں خانیوال کی مختلف تحصیلوں میں بھی کل سول سوسائٹی،انجمن تاجران ،صحافتی تنظمیں ،پاکستان کسان اتحاد،کسان کمیٹی ،میڈیکل اینڈ کیمسٹ یونین،ٹیم سرعام کی مقامی قیادتوں سمیت مختلف تنطمیوں کی جانب سے ریلیوں اور پروگرامز کا انعقاد ہوگا۔جس میں مختلف تنظمیوں کے نمائندے شرکا سے خطاب کریں گے۔

ٹھٹھہ صادق آباد(نمائندہ باغی ٹی وی )کے نواحی علاقہ اڈہ مصری موڑ پرانا دنیا پور روڈ کے قریب موٹر سائیکل کو حادثہ پیش آیا حادثے میں دو خواتین سمیت تین افراد شدید زخمی ہوگئے زخمیوں کوتشویشناک حالت میں ریسکیو 1122 نے نشتر ہسپتال ملتان میں منتقل کردیا ہے۔ذرائع کے مطابق دو مسافر خواتین کی حالت تشویشناک تھی۔

جہانیاں(نمائندہ باغی ٹی وی) پرویز والا کے قریب روڈ پر موٹر سائیکل سوار دو مسلح ڈاکو صابر نامی شخص سے گن پوائنٹ پر 2 لاکھ 25 ہزار روپے نقدی اور موبائل چھین کر فرار ہو گئے ۔ جبکہ دوسری جانب تھانہ ٹھٹھہ صادق آباد کی حدود میں واقع علاقہ چک 140 دس آر کے قریب شانی نامی سیلزمین سے موٹر سائیکل سوار دو ڈاکو40 ہزار روپے نقدی اور موبائل چھین کر فرار ہو گئے ۔ تھانہ ٹھٹھہ صادق آباد کی پولیس جائے واردات کی طرف روانہ ہوگئی۔

وزیرخارجہ شاہ محمود قریشی نے کہا ہے کہ متحدہ عرب امارات نا صرف پاکستان کا ہمدرد ہے بلکہ کشمیر کے موقف پر بھی وہ پاکستان کے ساتھ ہے،

باغی ٹی وی کی رپورٹ کے مطابق شاہ محمود قریشی کا یہ بیان ایسے وقت میں آیا ہے جب یو اے ای کی جانب سے ہندوستانی وزیر اعظم نریندر مودی کو ایوارڈ دیے جانے پر ہر طرف سخت تنقید ہو رہی ہے، وزیر خارجہ نے خانیوال میں صحافیوں سے گفتگو کرتے ہوئے کہا ہے کہ متحدہ عرب امارات پاکستان کا ہمدرد اور کشمیر کے موقف پر پاکستان کے ساتھ ہے، پوری دنیا بھارت کے پانچ اگست کے اقدام کے خلاف ہے،

وزیر خارجہ نے کہاکہ بھارت میں بھی مودی سرکار کے خلاف دھڑے بندیاں ہو چکیں ہیں، ہم کرتارپور راہداری کھول رہے ہیں، کشمیر میں بدترین قتل عام اور مساجد کی تالہ بندی سے بھارت کی اقلیتی نسل کشی کا چہرہ سامنے آگیا ہے، کشمیری مسلمانوں کی قربانیاں رنگ لائیں گی اور ان کی جدو جہد ضرور کامیاب ہو گی،

ان کا کہنا تھا کہ کشمیری آزادی کی نعمت سے مالامال ہوں گے، بھارت کو ناکامی کا سامنا کرنا پڑے گا،

خانیوال (اے پی پی) معروف تاجر کے گھر دن دیہاڑے ڈکیتی کی واردات چار نامعلوم مسلح افراد اسلحہ کے زور پر اہلخانہ اور شادی میں آئے ہوئے خواتین مہمانوں اور بچوں کو یرغمال بناکر لاکھوں روپے نقدی پرائز بانڈ ایل سی ڈی گھڑی اور دیگر سامان لوٹ کر فرارمزاحمت اورکاروائی پر جان سے مادینے کی دھمکیاں اور زیورات نہ ملنے پربچے کو اغواء کرنے کی دھمکی۔تاجروں کا احتجاج ڈی پی او سے ڈاکوں کی فور ی گرفتاری سامان کی برآمدگی اور تحفظ فراہم کرنے کا مطالبہ تفصیل کے مطابق علامہ اقبال ٹاون خانیوال کے رہائشی معروف تاجر شیخ اظفر حیات جن کے بھتیجے کی بارات جانی تھی اور اہلخانہ سمیت مہمان بارات کے ساتھ جانے کی تیاری میں مصروف تھے جبکہ مرد نماز کی ادائیگی کے لیے گئے ہوئے تھے کہ اسی دوران چار مسلح ڈاکوں جن کی عمریں 25سے35سال بتائی جاتی ہیاور انہوں نے قمیض شلوارپہن رکھی تھیں گھر میں داخل ہوئے ایک مسلح ڈاکو گیٹ پر پہرہ دیتا رہا جبکہ دیگر تین مسلح ڈاکوں نے اہلخانہ اور خواتین مہمانوں اور بچوں کو ڈارئنگ رو میں یرغمال بنا لیا اور اہلخانہ کے ساتھ گھر کی تلاشی لینے لگے ڈاکوں نے گھر میں موجود 4لاکھ نقدی،50ہزار مالیت کے پرائز بانڈایل سی ڈی ایپل کمپنی کی گھڑی جس کے مالیت 80ہزاربتائی جاتی ہے لے کر کروالا کار میں فرار ہو گئے اہلخانہ کے مطابق زیورات اور مزید نقدی نہ ملنے پر ڈاکو بچے کو اغواء کرکے لے جانے اور مزاحمت تشدد کا نشانہ بناتے رہے اور مزید کاروائی پر جان سے مار دینے کی دھمکیاں دیتے رہے۔پولیس کنڑول پر اطلاع دینے پر ایس ایچ او تھانہ سٹی طیب اعوان جائے وقوعہ پر پہنچے اور اظفر حیات کی درخواست پر نامعلوم ڈاکووں کے خلاف مقدمہ نمبر460/19 ت پ درج کرکے ڈاکوں کی تلاش شروع کردی ہے دوسری جانب تاجروں نے بڑھتی ہوئی چوری اور ڈکیٹی کی وارداتوں پر شدید احتجاج کرتے ہوئے ڈسڑکٹ پولیس آفیسر عمر سعید ملک سے ڈاکوں کی فوری گرفتاری سامان کی برآمدگی اور تاجروں کو تحفظ فراہم کرنے کا مطالبہ کیا ہے۔