Category: خانیوال

وزیرخارجہ شاہ محمود قریشی نے کہا ہے کہ متحدہ عرب امارات نا صرف پاکستان کا ہمدرد ہے بلکہ کشمیر کے موقف پر بھی وہ پاکستان کے ساتھ ہے،

باغی ٹی وی کی رپورٹ کے مطابق شاہ محمود قریشی کا یہ بیان ایسے وقت میں آیا ہے جب یو اے ای کی جانب سے ہندوستانی وزیر اعظم نریندر مودی کو ایوارڈ دیے جانے پر ہر طرف سخت تنقید ہو رہی ہے، وزیر خارجہ نے خانیوال میں صحافیوں سے گفتگو کرتے ہوئے کہا ہے کہ متحدہ عرب امارات پاکستان کا ہمدرد اور کشمیر کے موقف پر پاکستان کے ساتھ ہے، پوری دنیا بھارت کے پانچ اگست کے اقدام کے خلاف ہے،

وزیر خارجہ نے کہاکہ بھارت میں بھی مودی سرکار کے خلاف دھڑے بندیاں ہو چکیں ہیں، ہم کرتارپور راہداری کھول رہے ہیں، کشمیر میں بدترین قتل عام اور مساجد کی تالہ بندی سے بھارت کی اقلیتی نسل کشی کا چہرہ سامنے آگیا ہے، کشمیری مسلمانوں کی قربانیاں رنگ لائیں گی اور ان کی جدو جہد ضرور کامیاب ہو گی،

ان کا کہنا تھا کہ کشمیری آزادی کی نعمت سے مالامال ہوں گے، بھارت کو ناکامی کا سامنا کرنا پڑے گا،

خانیوال (اے پی پی) معروف تاجر کے گھر دن دیہاڑے ڈکیتی کی واردات چار نامعلوم مسلح افراد اسلحہ کے زور پر اہلخانہ اور شادی میں آئے ہوئے خواتین مہمانوں اور بچوں کو یرغمال بناکر لاکھوں روپے نقدی پرائز بانڈ ایل سی ڈی گھڑی اور دیگر سامان لوٹ کر فرارمزاحمت اورکاروائی پر جان سے مادینے کی دھمکیاں اور زیورات نہ ملنے پربچے کو اغواء کرنے کی دھمکی۔تاجروں کا احتجاج ڈی پی او سے ڈاکوں کی فور ی گرفتاری سامان کی برآمدگی اور تحفظ فراہم کرنے کا مطالبہ تفصیل کے مطابق علامہ اقبال ٹاون خانیوال کے رہائشی معروف تاجر شیخ اظفر حیات جن کے بھتیجے کی بارات جانی تھی اور اہلخانہ سمیت مہمان بارات کے ساتھ جانے کی تیاری میں مصروف تھے جبکہ مرد نماز کی ادائیگی کے لیے گئے ہوئے تھے کہ اسی دوران چار مسلح ڈاکوں جن کی عمریں 25سے35سال بتائی جاتی ہیاور انہوں نے قمیض شلوارپہن رکھی تھیں گھر میں داخل ہوئے ایک مسلح ڈاکو گیٹ پر پہرہ دیتا رہا جبکہ دیگر تین مسلح ڈاکوں نے اہلخانہ اور خواتین مہمانوں اور بچوں کو ڈارئنگ رو میں یرغمال بنا لیا اور اہلخانہ کے ساتھ گھر کی تلاشی لینے لگے ڈاکوں نے گھر میں موجود 4لاکھ نقدی،50ہزار مالیت کے پرائز بانڈایل سی ڈی ایپل کمپنی کی گھڑی جس کے مالیت 80ہزاربتائی جاتی ہے لے کر کروالا کار میں فرار ہو گئے اہلخانہ کے مطابق زیورات اور مزید نقدی نہ ملنے پر ڈاکو بچے کو اغواء کرکے لے جانے اور مزاحمت تشدد کا نشانہ بناتے رہے اور مزید کاروائی پر جان سے مار دینے کی دھمکیاں دیتے رہے۔پولیس کنڑول پر اطلاع دینے پر ایس ایچ او تھانہ سٹی طیب اعوان جائے وقوعہ پر پہنچے اور اظفر حیات کی درخواست پر نامعلوم ڈاکووں کے خلاف مقدمہ نمبر460/19 ت پ درج کرکے ڈاکوں کی تلاش شروع کردی ہے دوسری جانب تاجروں نے بڑھتی ہوئی چوری اور ڈکیٹی کی وارداتوں پر شدید احتجاج کرتے ہوئے ڈسڑکٹ پولیس آفیسر عمر سعید ملک سے ڈاکوں کی فوری گرفتاری سامان کی برآمدگی اور تاجروں کو تحفظ فراہم کرنے کا مطالبہ کیا ہے۔

خانیوال (اے پی پی)ٹرالر تلے آکر موٹر سائیکل سوار جاں بحق۔تفصیل کے مطابق جہانیاں کے نزدیک تیز رفتار ٹرالر نے موٹر سائیکل سوار عبدالرحمان کو کچل دیا۔عبدالرحمان چکنمبر 110 دس آر کا رہائیشی تھا۔پولیس ذرائع کے مطابق موٹر سائیکل سوار عبدالرحمن گورایہ شدید زخموں کی تاب نہ لاتے ہوئے موقع ہی پر جاں بحق ہوگیا۔جبکہ نعش کو ٹی ایچ کیو ہسپتال منتقل کردیا گیا۔

خانیوال(اے پی پی) پرانی دشمنی پر کبیروالہ کے علاقہ چک سلطان محمود سراے سدھو میں ملزمان شوکت علی اور محمد رفیق نے محمد عمر ولد منظور حسین کوتشدد کے بعد قتل کر دیا تھا اور نعش بھی ملزمان گھر سے برآمد ہوئی تھی۔ ڈسٹرکٹ اینڈ سیشن جج صہیب احمد رومی نے اس کیس کا فیصلہ سناتے ہوئے قتل کے ایک ملزم شوکت علی ولد امیر کو سزائے موت اور دولاکھ روپے معاوضہ ادا کرنے،جبکہ دوسرے ملزم محمد رفیق ولد نور محمد کو عمر قید اور دو لاکھ روپے معاوضہ ادا کرنے کا حکم سناتے ہوئے فیصلہ سنا دیا،جبکہ عدم ثبوت کی بناء پر آٹھ ملزمان کو بری کرنے کا حکم دیا۔

ٹھٹھہ صادق آباد (نمائندہ باغی ٹی وی)لائن آف کنٹرول پر انڈین آرمی سے لڑتے ہوئے جام شہادت نوش کرنے والے شہید نائیک تنویر احمد کی نماز جنازہ آج ادا کردی گئی۔نماز جنازہ کے بعد سے لے کر تمام مراحل میں ڈی پی او خانیوال اسد سرفراز خان نے شہید کی دس سالہ بیٹی مریم کا ہاتھ تھامے رکھا اور حوصلہ دیتے رہے۔آخر پر اسد سرفراز خان کی گفتگو نے سب لوگوں کو رلا دیا۔ڈی پی او نے کہا کہ مریم بیٹا میں اپنی بیٹی کو لے کر آپ کے پاس آوں گا۔جس پر سب حاضرین آبدیدہ ہوگئے۔

ٹھٹھہ صادق آباد (نمائندہ باغی ٹی وی)لائن آف کنٹرول پر لیپہ سیکٹر پر انڈین آرمی سے لڑتے ہوئے جام شہادت نوش کرنے والے ٹھٹھہ صادق آباد کے نواحی گاوں چکنمبر 138 دس آر کے رہائشی نائیک تنویر شہید کی نماز جنازہ آج ان کے آبائی گاوں میں ادا کردی گئی۔نماز جنازہ میں ہزاروں افراد نے شرکت کی۔نماز جنازہ سے پہلے اور بعد میں پاک آرمی اور کشمیریوں سے اظہار یکجہتی کے لئے جنازہ گاہ پر جوش نعروں سے گونجتی رہی۔محتاط اندازے کے مطابق کم از کم آٹھ ہزار افراد نے نماز جنازہ میں شرکت کی۔نماز جنازہ کے اجتماع کے لئے کئے گئے انتظامات کم پڑ گئے۔نائیک تنویر شہید کے نماز جنازہ سے پہلے علی الصبح سے ہی لوگ ان کے گھر آنا شروع ہوگئے تھے۔نماز جنازہ ٹھٹھہ صادق آباد کے خطیب اور مذہبی سکالر سید فیض عباس شاہ بخاری نے پڑھائی ۔نماز جنازہ میں میجر تنویر اور دیگر آرمی اہلکاروں نے شرکت کی۔اس کے علاوہ ڈی پی او خانیوال اسد سرفراز خان ،ڈی ایس پی خانیوال ،اسسٹنٹ کمشنر جہانیاں چوہدری رمیض ظفر،چوہدری خالد جاوید آرائیں،سماجی کارکن اور صحافی مسعود احمد نظامی کے ساتھ ساتھ فریاد چوہدری،سوشل میڈیا ایکٹوسٹ فہد محمود ،اسامہ نظامی ،اسامہ چوہدری نے بھی شرکت کی ۔

شہیدمحمدرمضان کی فوجی اعزازکےساتھ میاں چنوں میں تدفین کر دی گئی پاک فوج کےدستےنےسلامی پیش کی،پھولوں کی چادرچڑھائی
محمدرمضان نےلائن آف کنٹرول پرجام شہادت نوش کیاتھا.

باغی ٹی وی رپورٹ :شہیدمحمدرمضان کی فوجی اعزازکےساتھ میاں چنوں میں تدفین کر دی گئی پاک فوج کےدستےنےسلامی پیش کی،پھولوں کی چادرچڑھائی محمدرمضان نےلائن آف کنٹرول پرجام شہادت نوش کیاتھا.
واضح رہے کہ چند دن پہلے بھارتی فوج کی گولہ باری سے5پاکستانی جوان شہید ہوئے تھے . شہدامیں نائیک تنویر،لانس نائیک تیموراورسپاہی رمضان شامل ہیں، ڈی جی آئی ایس پی آر میجر جنرل آصف غفور کا کہنا ہے کہ پاک فوج کی جوابی کارروائی میں بھارتی فوج کے کئی بنکرز بھی تباہ ہوئے ہیں، موجودہ صورتحال سے توجہ ہٹانے کیلیےبھارتی فوج نے ایل او سی پر فائرنگ کی، ڈی جی آئی ایس پی آر کی جانب سے کہا گیا ہے کہ شہیدلانس نائیک تیمورکاتعلق لاہور سے ہے، اسی طرح شہید نائیک تنویر اور سپاہی رمضان کا تعلق میاں چنوں سے ہے،

جہانیاں(نمائندہ باغی ٹی وی)تیسری مرتبہ ایم این اے بننے والے چوہدری افتخار نذیر ان کے بھائی عطاالرحمان نے پی پی رہنما کے ساتھ مل کر جعلسازی کی ،قومی خزانے کو پانچ ارب کا نقصان ہوا۔
تفصیلات کے مطابق افتخار نذیر پہلی مرتبہ پاکستان پیپلز پارٹی کے ٹکٹ سے عام انتخابات 2008 میں حلقہ این اے 159 سے رکن قومی اسمبلی منتخب ہوئے۔اس کے بعد وہ 2013 میں لیگ کے ٹکٹ سے ایک بار پھر ایم این اے بنے ۔
اپنے پہلے دور اقتدارمیں لیگی ارکان اسمبلی نے سکھر سے وفاقی وزیر خورشید شاہ کی مدد سے فیصل آباد کے بند یونٹ کو بیمارصنعت قرار دیا۔اس جعل سازی میں انہوں نے خورشید شاہ کو بھی اپنا ساتھی اور شئیر ہولڈر بنالیا۔پانچ ارب روپے سے زیادہ مالیت کے ادار کو محض سات کروڑ کی مالیت کا ظاہر کرکے خریداگیا۔جس کی وجہ سے قومی خزانے کو اربوں کا نقصان ہوا۔اس کے علاوہ یہ انکشاف بھی ہوا کہ فکیٹری خریدتے ہی بینکوں میں جعلی اکاونٹ کھلوائے گئے جن میں اربوں روپے کی ٹرانزیکشنزکی گئیں۔بینک میں اکاونٹس کی ذمہ داری ایک سابق بینکر کو سونپی گئی تھی۔ذرائع نے انکشاف کیا کہ اس کام میں خورشید شاہ 25 فیصد شئیرز کے مالک تھے مگر ان کا نام کہیں بھی ظاہرنہیں کیاگیا۔

خانیوال(اے پی پی)کمشنر ملتان ڈویژن افتخار علی سہو نے کہا ہے کہ حکومت پنجاب کی ہدایت پر ملتان ڈویژن کے سرکاری ہسپتالوں میں معیاری اور بہترین طبی سہولتوں کی فراہمی یقینی بنانا میرا مشن ہے۔ڈی ایچ کیو ہسپتال خانیوال کو رول ماڈل ہسپتال بنایا جائے گا۔انہوں نے یہ بات ڈسٹرکٹ ہیڈ کوارٹر ہسپتال خانیوال کے اچانک معائنہ کے دوران کہی۔ اس موقع پر ڈپٹی کمشنر اشفاق احمد چوہدری‘ ایم ایس ہسپتال ڈاکٹر زاہد اختر بھی ان کے ہمراہ تھے۔کمشنر نے ہسپتال میں سی سی یو‘ او پی ڈی‘ایمرجنسی‘ ڈائیلاسز یونٹ‘ پیڈز وارڈ سمیت مختلف شعبہ جات کا تفصیلی معائنہ کیا انہوں نے ہسپتال میں فراہم کی جانے والی طبی سہولیات پر اطمینان کا اظہار کیا۔ انہوں نے ہدایت کی کہ کمپیوٹرائز ڈ پرچی سسٹم میں مزید بہتری لائی جائے کمشنر نے ہسپتال کی چار دیواری کے ساتھ سایہ دار درخت اور پودے لگانے کی بھی ہدایت کی۔

جہانیاں (نمائندہ باغی ٹی وی) ایم پی اے حاجی عطالرحمان دبئی فرار ہوگئے ۔تفصیلات کے مطابق ذرائع سے معلوم ہوا ہے کہ ایم پی اے پی پی 210 عطاالرحمان اپنے اوپر لگنے والے الزامات کے بعد دبئی فرار ہونے میں کامیاب ہوگیے ہیں ۔ذرائع کے مطابق رپورٹ ملی ہے کہ حاجی عطاالرھمان فلائٹ نمبر پی اے -812 پر 5 اگست کی شام تین بج کر تیس منٹ پہ ملتان انٹر نیشنل ائیر پورٹ سے دبئی کو اڑان بھر گئے ہیں ۔ائیر پورٹ ذرائع سے معلوم ہوا ہے کہ وہ شارجہ کی ٹکٹ لے کر گیے ہیں شارجہ پہنچنے کے بعد وہ کسی دوسری فلائٹ یا کسی دوسرےزریعے سے دبئی پہنچے ہیں جبکہ انہوں نے ریٹرن ٹکٹ بھی نہیں لی ہے ۔یاد رہے کہ لیگی ایم پی اےپر اس کی یونی ورسٹی کی زیر تعلیم طالبہ نے زیادتی کے بعد بلیک میلنگ اور بلیک میلنگ کے بل بوتے پر پے درپے زیادتی کی تھی اور کم از کم گیارہ ماہ تک اسے ایم پی اے کی جانب سے بلیل میل بھی کیاجاتارہا ہے ۔ایم پی اے کی جانب سے الزامات کی اب تک تردید کی جارہی ہے جبکہ لڑکی کی ویڈیو بھی وائرل کی جارہی ہے جس میں لڑکی اپنے بیان واپس لینے کا اقرارکر رہی ہے مگر عوام میں سوالات جنم لے ہرے ہیں کہ اگر ایم پی اے سچے اور صاف ہیں تو وہ اتنخ ہنگامی صورتحال مخں بیرون ملک کیوں چلے گیے ہیں جبکہ ان کی ریٹرن ٹکٹ بھی کنفرم نہیں ہے ۔