پاکستان تحریک انصاف سینٹرل پنجاب کی صدر ڈاکٹر یاسمین راشد نے پی پی 170 اقبال ایونیو ہاؤسنگ سوسائٹی میں الیکشن مہم کے سلسلہ میں منعقدہ تقریب سے خطاب کرتے ھوئے کہاکہ 20 سیٹوں پر ضمنی الیکشن کبھی بھی اہم نہیں تھا لیکن اب یہ بہت اہم ہو چکا ہے۔ہم ان کو شکست دیں گے اور حکومت بنائیں گے۔ وقت آ گیا ہے کہ ہم سب کھڑے ہوں۔ 17جولائی کو ہمارے امیدوار ملک ظہیر عباس کھوکھر کو ووٹ دیں۔کرامت کھوکھر اور ظہیر عباس کھوکھر عمران خان کے سپاہی ہیں۔
اںتقامی کارروائیوں سے ڈرنے والے نہیں،چٹان کی طرح عمران خان کےساتھ ہیں،راجہ بشارت
ڈاکٹر یاسمین راشد نے کہاکہ مارچ تک پنجاب کے 3 کروڑ خاندانوں کو ہم نے صحت کارڈز تقسیم کئے۔ عمران خان نے کہا کہ ہم غریب کا سوچیں گے تو اللہ ہماری مدد کرے گا۔ ساڑھے 4 لاکھ لوگ صحت کارڈ پر آنکھوں کا آپریشن کروا چکے ہیں۔ہمیں ڈر تھا کہ کرونا میں صحت کارڈ پر رش لگ گیا تو کیسے سنبھالیں گے۔میں نے خان صاحب سے ضد کی کہ کرونا میں بازار بند کر دیں۔ عمران خان نے کہا کہ ڈاکٹر صاحبہ غریب ریڑھی والا کیسے جئے گا۔ ہماری حکومت نے کورونا کے دوران غریب لوگوں کو 12 ہزار روپے ماہانہ دئیے۔ہندوستان میں لوگ سسک سسک کر مر رہے تھے. ہمارے ملک میں اللہ نے کرم کیا۔ خان صاحب کی کرونا میں بہترین حکمت عملی رہی۔مزدوروں کو کورونا میں بھی نوکریاں ملیں۔اپوزیشن نے واویلا مچائے رکھا کہ ہم نے کرونا ویکسین نہیں خریدی۔ آج ملک کی ساری آبادی ویکیسنیٹڈ ہے۔
امپورٹڈ حکومت نے ڈھائی ماہ میں حشر نشر کر دیا ہے ۔پٹرول اور اشیاء خوردونوش کی قیمتیں بہت بڑھ چکی ہیں۔ مجھے حیرت ہے کہ احسن اقبال صاحب نے چائے نہ پینے کا مشورہ دیا۔حیرت نہیں کہ ان کے آنے کا مقصد ہی یہی تھا۔لوٹوں کو آج لوگ چور چور کہہ رہے ہیں۔نواز شریف گھر سے باہر نکلتے ہیں تو لوگ چور چور کہتے ہیں۔پیسوں سے عزت نہیں ملتی۔انہوں نے سوچا عمران خان کو ہٹائیں گے تو رسوا ہو گا۔آج پوری قوم عمران خان کیساتھ ہے، اس کی عزت میں اضافہ ہوا ہے ۔25 مئی کو ہماری خواتین کے گھروں پر حملے کئے گئے ۔ہم پر دہشتگردی کے مقدمات درج کئے گئے۔ہم 17 جولائی کو جواب دیں گے۔ہم بتائیں گے کہ یہ ملک عوام کا ہے کسی بیرونی ریاست ریاست کا غلام نہیں۔
سابق گورنر پنجاب عمر سرفراز چیمہ کا لاہور میں پی پی 170 کی کارنر میٹنگ سے خطاب کرتے ھوئے کہاکہ پی ٹی آئی ورکرز پر تشدد اور پرچے کاٹنے کے تمام حربے بے اثر ہیں۔ 26 سال پہلے تحریک انصاف جوائن کرنے کی وجہ تھی۔ عمران خان نے سماجی سطح پر جو کام کیا اسکی مثال نہیں ملتی۔ گیلپ سروے کے مطابق 71 فی صد سے زائد پاکستانی عمران خان کی قیادت پر اعتماد رکھتے ہیں۔عوام فوری انتخابات چاہتے ہیں۔ احساس پروگرام، صحت کارڈ اور دیگر پروگرام بے مثال رہے۔ احساس پروگرام کا مطلب ہے کہ عوام کا پیسہ عوام پر خرچ ہو۔ لیکن آج جو ٹولہ ہم پر مسلط کیا گیا ہے انہوں کیا کیا۔
گزشتہ تیس سالوں سے ان لوگوں کا سیاست پر قبضہ رہا ہے۔عمران خان کی محنت کا نتیجہ ہے کہ جیسے ہی اسے اقتدار سے نکالا گیا اسکی عزت میں اضافہ ہوا۔ آج ہمیں کیمپین کرنے کی ضرورت نہیں ہے۔ قوم جاگ چکی ہے، بس ہمیں الیکشن کے دن ووٹ ڈلوانے ہیں۔ ووٹ ظہیر عباس کھوکھر کیلئے نہیں عمران خان کیلئے ہے جو آپ کیلئے مافیا کے سامنے کھڑا ہے۔
پی پی 170 لاہور تحریک انصاف کے امیدوار ملک ظہیر عباس کھوکھر نے کارنر میٹنگ سے خطاب کرتے ھوئے کہا کہ ہمارے حلقے سے ایک شخص لوٹا ہوا ہے ۔ان لوگوں کو شرم نہیں آتی لوٹا کریسی کرتے ہوئے۔ ہم نے لوٹوں کو ایسا سبق سکھانا ہے کہ دوبارہ کبھی کوئی بیرونی قوتوں کا آلہ کار نہ بنے۔ چور تب ہی چوری کرتا ہے جب گھر والے سو رہے ہوں۔ عمران خان نے کرونا میں سب سے بہترین کام کیا۔ نوشین حامد معراج شنلہ روتھ رخسانہ مشنا سندھو ملک سرفراز ڈاکٹر عاطف سعدیہ سیہل مہر واجد فیاض بٹھی سمیت بڑی تعداد میں حلقے سے کارکنوں نے شرکت کی
