انسپکٹر جنرل پولیس پنجاب کیپٹن (ر) عارف نواز خان نے گیارہ پولیس افسران کے تقررو تبادلوں کے احکامات جاری کئے ہیں،

باغی ٹی وی کی رپورٹ کے مطابق جاری کردہ تفصیلات کے مطابق تقرری کے منتظر محمد اکرم خان نیازی کو ایس پی آر آئی بی بہاولپور ریجن کی خالی آسامی پر،ایس پی انویسٹی گیشن لیہ،گلفام ناصرکو ایس پی انویسٹی گیشن جہلم، ایس پی انویسٹی گیشن جہلم سکندر مرزا کو ایس پی پری سروس ٹریننگ ونگ۔II پولیس کالج سہالہ، تقرری کی منتظر خالدہ پروین کو ایس پی انٹرنل اکاؤنٹیبیلیٹی برانچ شیخو پورہ ریجن،ڈی ایس پی وی وی آئی پی سیکیورٹی سپیشل برانچ لاہور،محمد ممتاز کو ایس پی کے عہدے پر ترقی کے بعد ایس پی انویسٹی گیشن خانیوال تعینات کر دیا گیا ہے،

اسی طرح ایس ڈی پی او مسلم ٹاؤن لاہورغلام عباس راناکو ایس ڈی پی او کاہنہ، لاہور،ڈی ایس پی ڈولفن اسکواڈسٹی لاہور،غلام احمد کو ایس ڈی پی او مسلم ٹاؤن لاہور،تقرری کے منتظر محمد اسلام کو ایس ڈی پی اوقلعہ گجر سنگھ لاہور،اے ڈی آئی جی /ڈی ایس پی ہیڈ کوارٹرز لاہور محمد احمد سلیم کو ڈی ایس پی انویسٹی گیشن ہیڈ کوارٹر صدر، لاہور، ڈی ایس پی انویسٹی گیشن ہیڈ کوارٹر صدر، لاہورسرفراز احمد کو ڈی ایس پی پریزنر ایسکارٹ لاہوراورڈی ایس پی اینٹی ڈکیتی(کوتوالی)، لاہور محمد عثمان حیدر کی خدمات مزید تعیناتی کیلئے ایڈیشنل آئی جی سپیشل برانچ، پنجاب، لاہور کے سپرد کرنے کے احکامات جاری کیے گئے ہیں، واضح رہے کہ اس سے قبل پولیس میں بڑے پیمانے پر تقرری و تبادلوں کے احکامات جاری کئے گئے تھے.

کشمیریوں سے اظہار یکجہتی ،لاہور میں نیوکیمپس انڈرپاس کا نام کشمیر سے منسوب کر دیا گیا۔

باغی ٹی وی کی رپورٹ کے مطابق پہلے پنجاب یونیورسٹی نیو کیمپس کے نزدیک انڈرپاس کا نامور صحافی وارث میر کے نام پر تھا۔اب اس کا نام بدل کر کشمیر انڈر پاس رکھ دیا گیا ہے۔

یاد رہے وزیراعلیٰ پنجاب عثمان بزدار نے صوبے کی 36 سڑکوں اور 9 پارکوں کے نام کشمیر سے منسوب کرنے کا اعلان کیا تھا، جس میں سے لاہور کے 11 مقامات کے نام کشمیر سے منسوب کیے جائیں گے۔

اس وقت کشمیر کی تحریک آزادی عروج پر ہے۔ مقبوضہ کشمیر میں گذشتہ بیس دن سے کرفیو نافذ ہے۔ کشمیری عوام بھارت کی ریاستی دہشت گرد ی کا ڈٹ کر مقابلہ کر رہی ہے۔ بھارتی ظلم و جبر کے باوجود کشمیریوں کے حوصلے جوان ہیں۔ موجودہ حکومت کشمیریوں کے ساتھ ہر ممکن طور پر اظہار یکجہتی کی کوشش کر رہی ہے۔

وزیراعظم عمران خان اسی ہفتے قوم سے خطاب کریں گے، اور اسے ہفتے کشمیریوں سے یکجہتی کا دن منایا جائے گا

باغی ٹی وی کی رپورٹ کے مطابق وزیراعظم عمران خان کی مشیر برائے اطلاعات ڈاکٹر فردوس عاشق اعوان نے لاہور میں پریس کانفرنس کرتے ہوئے کہا کہ وزیراعظم عمران خان اسی ہفتے قوم سے خطاب کریں گے.

بھارت نے جنگ مسلط کی تو نئی دہلی میں جاکر ختم کریں گے، فردوس عاشق اعوان

فردوس عاشق اعوان کا مزید کہنا تھا کہ حکومت کشمیریوں سے یکجہتی کے لئے دن منانے کا اعلان کرنے والی ہے، اسی ہفتے پاکستان بھر میں کشمیریوں سے یکجہتی کا دن منایا جائے گا اور پوری قوم یکجہتی کرے گی، فردوس عاشق اعوان کا کہنا تھا کہ کشمیریوں سے یکجہتی کیلئے مختلف تقریبات ہو رہی ہیں۔ پوری قوم کشمیر میں بھارتی مظالم کیخلاف احتجاج کر رہی ہے، کشمیر میں مواصلاتی نظام بند اور عالمی صحافیوں پر پابندی ہے،

فردوس عاشق اعوان نے کشمیری خواتین کے لئے اہم اعلان کر دیا

فردوس عاشق اعوان کا مزید کہنا تھا کہ بھارت مقبوضہ وادی میں کشمیریوں کی نسل کشی کررہا ہے ،بھارت نے جنگ مسلط کی تو نئی دہلی میں جاکر ختم کریں گے،بھارتی وزیراعظم نریندرمودی کے ساتھ کوئی ذاتی جھگڑا نہیں،بدقسمتی سے کچھ مسلمان ممالک کشمیر کا زخم محسوس نہیں کررہے ،

چکوٹھی جانے والے پاکستانی صحافیوں کو چناری کے مقام پر روک دیا گیا

فردوس عاشق اعوان کا مزید کہنا تھا کہ کشمیر میں لوگ شدید مشکلات کا شکار ہیں،کشمیری ہیومن رائٹس آرگنائزیشن اور یواین کی طرف دیکھ رہے ہیں ،کشمیر دو ملکوں کا تنازع نہیں بلکہ آئیڈیالوجی ہے،مودی خطے کاہٹلر ہے ،ہمیں کشمیریوں کی مشکلات کو دنیا میں اجاگر کرنا ہے ،کشمیر میں بچے اسکول نہیں جاسکتے،خوراک کی سپلائی بند ہے ،مسئلہ کشمیر پر ہمیں متحد ہونا چاہیے ،کشمیر میں تاریخی کرفیو نافذ ہے

ثابت ہوگیا بھارت دنیا سے حقائق چھپا رہا ہے، شاہ محمود قریشی

اے این ایف نے رانا ثنااللہ اور فیملی کے اثاثوں کی تفصیلات عدالت جمع کرادیں

باغی ٹی وی کی رپورٹ کے مطابق اے این ایف کی جانب سے عدالت میں جمع کرائی گئی رپورٹ کے مطابق راناثنااللہ کروڑوں کے پلاٹس،گھر،دکانیں اورگاڑیوں کےمالک ہیں، دستاویزات کے مطابق رانا ثنااللہ کے نام کروڑوں روپے مالیت کی 3 گاڑیاں رجسٹرڈ ہیں،فیملی ممبرز،قریبی عزیزوں کےنام 14 کمرشل پلاٹس ہیں

عدالت میں جمع کروائی گئی رپورٹ کے مطابق راناثنااللہ کی فیملی اورقریبی عزیزوں کےنام 50 سےزائد دکانیں ہیں ،راناثنااللہ ،بھائی اوروالدہ کے نام فیصل آباد میں 2 گھر،2کمرشل ہالز ہیں، رپورٹ کے مطابق راناثنااللہ ،فیملی ممبرزبھاری بینک اکاؤنٹس کے مالک ہیں

اے این ایف کا کہنا ہے کہ راناثنا اللہ نے تمام پراپرٹی منشیات اسمگلنگ سے بنائی اے این ایف نے رانا ثناء اللہ اور انکی فیملی کے تمام اثاثے منجمد کرنے کی استدعا کی ہے۔

رانا ثناء اللہ کے ریمانڈ میں 14 روز کی توسیع

رانا ثناء اللہ کا ریمانڈ ختم ہونے پر انہیں عدالت میں پیش کیا گیا ،اے این ایف نے رانا ثناء اللہ کی گرفتاری کی سی ڈی عدالت میں پیش کر دی،اس دوران فاضل جج نے رانا ثناءاللہ کو روسٹرم پر بلایا، رانا ثناءاللہ کی جانب سے بطور وکیل اعظم نزیر تارڑ اور فرہاد علی شاہ عدالت میں پیش ہوئے۔ وکلاء نے کہا کہ اے این ایف کی جانب سے جو دستاویزات دئیے جا رہے ہیں انھیں پڑھنے کا موقع دیا جائے .

وکلاء کی جانب سے رانا ثناء اللہ کی ضمانت کی درخواست عدالت میں دائر کی گئی جس پر اینٹی نارکوٹکس حکام نے دلائل کے لیے وقت مانگ لیا، عدالت نے درخواست ضمانت پر 28 اگست تک بیل کی اپیل پر جرح کے لیے طلب کر لیا۔

عدالت نے سی سی ٹی وی وڈیو کی سی ڈیزرانا ثنا اللہ سمیت دیگرملزمان کو فراہم کر دیں ،عدالت نے آیندہ سماعت پر اے این ایف حکام کو ہر صورت کیس کا ریکارڈ پیش کرنےکاحکم دیا اور رانا ثناء اللہ کے ریمانڈ میں 14 روز کی توسیع کر دی.عدالت نے رانا ثناء اللہ کو 7 ستمبر کو دوبارہ پیش کرنے کا حکم دے دیا

رانا ثناء اللہ کی گرفتاری کے خلاف اسمبلی میں قرارداد جمع

واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا.  .

رانا ثناء اللہ کو عدالت پہنچا دیا گیا، ایف آئی آر میں کیا لکھا؟ جان کر ہوں حیران

رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی
وزارت اینٹی نارکوٹکس نے رانا ثناء اللہ کے خلاف پولیس کو خط لکھ دیا. اہم خبر