احتساب عدالت میں مسلم لیگ ن کے رہنما خواجہ سعد رفیق اور خواجہ سلمان رفیق کے خلاف پیراگون ہاؤسنگ اسیکنڈل کیس کی سماعت آج ہوگی۔ خواجہ برادران کو عدالت میں پیش کر دیا گیا

باغی ٹی وی کی رپورٹ کے مطابق عدالت میں پیشی کے موقع پر خواجہ سعد رفیق کا کہنا تھا کہ جنگ کی صورتحال میں ہونےکےباوجود حکومت کو اپوزیشن کاگلا دبانےکی پڑی ہے ،حکومت کوچاہیئے کہ پاکستان میں میں قومی اتحاد پیداکرے،

خواجہ برادران کی درخواست ضمانت مسترد

خواجہ سعد رفیق کا مزید کہنا تھا کہ کسی پر احتساب ڈال دیا گیا ،کسی پر انتقام ڈال دیا گیا ہے ،میں اور سلمان پچھلے 8 ماہ سے جیلوں میں ہیں ،مجھے نہیں معلوم آپ ہم سے کس چیز کا بدلہ لے رہے ہیں ،مجھے ریلوے کا نظام ٹھیک کرنےکی سزادی جارہی ہے،

خواجہ سعد رفیق کا مزید کہنا تھا کہ ہم سے پہلے کے بھی بہت ہیں مزید آ رہے ہیں ، ابھی اور آنے کی اطلاعات ہیں ،دشمن دروازے پر آگیا تھا تو ہمارے گریبانوں پر بعد میں ہاتھ ڈال لیتے ،ہمیں سمجھ آ چکی ہے کہ انتقامی سیاست آخرکار گلے پڑ جاتی ہے .

خواجہ برادران کے خلاف احتساب عدالت میں ریفرنس دائر

ارفع کریم ٹاور کے ساتھ نیا ٹیکنالوجی ٹاور بنانے کا پروگرام
باغی ٹی وی رپورٹ کے مطابق وزیراعلیٰ پنجاب عثمان بزدار کی زیر صدارت اجلاس منعقد ہوا جس میں
پنجاب انفارمیشن ٹیکنالوجی بورڈ کی کارکردگی کا جائزہ لیاگیا،انفارمیشن ٹیکنالوجی کے ذریعے فرسودہ نظام کو جدت دی جائے گی، انفارمیشن ٹیکنالوجی کےفروغ سے زندگیو ں میں آسانیاں پیدا ہوں گی،

اجلاس میں‌ ارفع کریم ٹیکنالوجی پارک کے ساتھ ایک اور انفارمیشن ٹیکنالوجی پارک کے قیام کا فیصلہ کیا گیا .نئے انفارمیشن ٹیکنالوجی پارک کا سنگ بنیاد رواں برس کے آخر تک رکھا جائے گا.اجلاس میں ٹورازم ایپ بھی متعارف کرانے کا فیصلہ بھی کیا گیا.ایپ سےسیاحتی مقامات کی تفصیلات اور دیگر معلومات دستیاب ہوں گی
·

وزیراعلیٰ پنجاب کے ترجمان شہباز گل نے کہا ہے کہ جیسے ہی فنڈز دستیاب ہوئے تو ڈیمز بنائے جائیں گے

بھارتی آبی جارحیت، فیصل واوڈا میدان میں آ گئے

باغی ٹی وی کی رپورٹ کے مطابق وزیراعلیٰ پنجاب کے ترجمان شہباز گل نے کہا ہے کہ بھارت جب بھی دباؤمیں ہوتا ہے پاکستان کی طرف پانی چھوڑدیتا ہے،پچھلےحکمرانوں سے پوچھا جائے کہ کتنے ڈیم بنائے،شہباز گل کا مزید کہنا تھا کہ جیسےہی فنڈزدستیاب ہوئےتوڈیمز بنائےجائیں گے،

شہباز گل کا مزید کہنا تھا کہ وزیراعظم نے اعلیٰ سطح پر کمیٹی قائم کی ہے جو یہ معاملہ بھی دیکھےگی،

واضح رہے کہ بھارت نے دریائے ستلج میں بغیر اطلاع پانی چھوڑ دیا ہے جس کے نتیجے میں دریائے ستلج میں بھارتی پنجاب سے آنے والے ریلے سے سیلاب کا خطرہ ہے، این ڈی ایم اے نے وارننگ بھی جاری کر دی ہے، اور متعلقہ اداروں کو ہائی الرٹ رہنے کی ہدایت کی گئی ہے۔

چودھری شوگر ملز، شریف خاندان پھنس گیا، شہباز شریف کی طلبی،حمزہ بھی شامل تفتیش

قصور کے قریب دریائے ستلج میں پانی کی سطح مسلسل بلند ہونے لگی، درجنوں دیہات خالی کرنے کی ہدایات، سیلاب کی وارننگ جاری کر دی گئی۔ باکھڑا ڈیم سے دریائے ستلج میں چھوڑے گئے پانی کے باعث گنڈا سنگھ والا اور چینیوٹ میں دریائے چناب کے مقام پر پانی کی سطح میں مسلسل اضافہ ہو رہا ہے۔ فلڈ کنٹرول روم کا کہنا ہے اس وقت 64000 کیوسک پانی کا ریلا چناب پل سے گزر رہا ہے۔ ہیڈ سلیمانکی ہیڈ ورکس پر پانی کی آمد 24491 کیوسک اور اخراج 12335 کیوسک ہے۔

مسلم لیگ ن کے رہنما خواجہ سعد رفیق اور سلمان رفیق کوآج احتساب عدالت میں پیش کیاجائےگا

خواجہ برادران کی درخواست ضمانت مسترد

باغی ٹی وی کی رپورٹ کے مطابق پیراگون ہاؤسنگ سوسائٹی کیس میں‌ خواجہ برادران کو آج احتساب عدالت میں پیش کیا جائے گا، اس موقع پر سیکورٹی کے سخت انتظامات کئے گئے ہیں، احتساب عدالت کے اطراف پولیس کی بھاری نفری تعینات کی گئی ہے

خواجہ برادران کے خلاف احتساب عدالت میں ریفرنس دائر

مسلم لیگ ن نے صوبائی وزیر صحت ڈاکٹر یاسمین راشد کے استعفیٰ کا مطالبہ کر دیا

باغی ٹی وی کی رپورٹ کے مطابق مسلم لیگ ن کی ڈپٹی سیکرٹری اطلاعات عظمیٰ بخاری نے پریس کانفرنس کرتے ہوئے کہا کہ ڈاکٹر یاسمین راشد وزیر صحت پنجاب صرف نام ہی کافی نہیں کام بھی کر کے دکھائیں ورنہ استفیٰ دیں اور گھر کو جائیں۔ زکوٰۃ چور ایک ہاتھ سے انصاف کارڈ دے رہے ہیں تو دوسرے ہاتھ سے سہولیات ختم کر رہے ہیں۔

عظمیٰ بخاری کا مزید کہنا تھا کہ نئے پاکستان میں ادویات کی قیمتوں ہوشربا اضافہ کردیا گیا۔ اب سرکاری اسپتالوں میں ٹیسٹ پر بھی فیس لگا دی گئی ہے۔عمران خان نے پنجاب کے لوگوں کے لیے وسیم اکرم پلس کی شکل میں عذاب بھیجا۔ ڈاکٹر یاسمین راشد صحت کا شعبہ چلانے میں ناکام ہو چکی ہیں۔ پنجاب کی تباہی کی ذمہ دار ڈاکٹر یاسمین راشد استعفیٰ دیں۔

عظمیٰ بخاری نے مطالبہ کیا کہ صحت کے متعلق حکومتی نوٹیفکیشن فوری واپس لیاجائے۔ اگر چوبیس گھنٹے میں نوٹیفکیشن واپس نہ لیا تو اس پر ردعمل دیں گے.

واضح رہے کہ حکومت نے نوٹفکیشن جاری کیا ہے جس میں سرکاری ہسپتالوں میں ٹیسٹوں کی قیمتوں میں اضافہ کر دیا ہے اور مفت ٹیسٹ کی سہولت بھی ختم کر دی گئی ہے جس پر عوامی حلقوں نے بھی شدید احتجاج کیا ہے اور ردعمل دیکھنے میں آیا ہے.

انٹرنیشنل ہیومن رائٹس موومنٹ کے مرکزی وصوبائی عہدیداران نے کہا ہے کہ بھارت انسانیت اورانسانی حقوق کاباغی ہے۔بھارت میں مسلمانوں سمیت کسی اقلیت کوانتہاپسندہندوﺅں کے شر سے پناہ نہیں ملتی۔ہندوگائے ،بندراورسانپ سمیت مختلف جانوروں کی پوجاجبکہ انسانوں بالخصوص مسلمانوں کاقتل عام کرتے ہیں۔عہدحاضر میں انتہاپسندہندوﺅں سے بڑاکوئی دہشت گرد نہیں ہے۔اگراقوام متحدہ متعصب نہیں تو اپنے چارٹر کی پاسداری نہ کرنیوالے بھارت سمیت دوغلے ممبرز کونکال باہرکرے ۔معتوب ومغلوب کشمیریوں کوبندوق کی نوک پریرغمال بنانا اورانہیں مذہبی رسومات ادانہ کرنے دینا ناقابل فہم اورناقابل برداشت ہے۔جموں وکشمیر میں مسلسل کرفیو نے کشمیریوں کوخوراک،ادویات اورپانی سمیت بنیادی ضروریات زندگی سے محروم کردیا ۔بھارت کے اندر سے با شعور ہندو بھی کشمیریوں کے حق میں آوازیں اٹھارہے ہیں، مودی سرکار کی طرف سے آرٹیکل370پرشب خون کوبھارتی سپریم کورٹ میں چیلنج کردیا گیا ہے ،اگروہاں عدلیہ آزاد ہوئی تو یقینامودی کوخفت اٹھاناپڑے گی ۔

باغی ٹی وی کی رپورٹ کے مطابق انٹرنیشنل ہیومن رائٹس موومنٹ کے مرکزی صدر محمدناصراقبال خان ،مرکزی سیکرٹری جنرل محمدرضایڈووکیٹ ،مرکزی چیف آرگنائزراشفاق احمدکھرل ایڈووکیٹ سپریم کورٹ،مرکزی سینئر نائب صدورتنویرخان، مخدوم وسیم قریشی ایڈووکیٹ ،میاں محمداشرف عاصمی ایڈووکیٹ،مرکزی ایڈیشنل سیکرٹری جنرل سلطان حسن بٹ ،مرکزی نائب صدر ممتازاعوان ، صدرپنجاب محمدیونس ملک،صدرشیخوپورہ عمران حیدر،نوشادحمید،کامران رفیق،ملک شکیل اعوان ،چوہدری غلام حسین ، مرزاشعیب حمید ایڈووکیٹ ،چوہدری اصغر شریف ایڈوووکیٹ ،رضوان احمد خان ایڈووکیٹ اورمحمدعلی سمیت مختلف مقررین نے لاہورہائیکورٹ چوک میں معتوب ومغلوب کشمیریوں کے حق میں جبکہ متعصب بھارت کی بدترین بربریت کیخلاف پرامن احتجاجی مظاہرے سے خطاب کر رہے تھے .

۔مظاہرین نے اپنے ہاتھوں میں بینرز اورسٹیمرز اٹھائے ہوئے تھے ۔بینرز اورسٹیمرز پر کشمیریوں سے اظہاریکجہتی جبکہ بھارتی انسانیت سوز ظلم وستم سے اظہار نفرت اور مذمت کیلئے نعرے درج تھے ۔مقررین نے مزید کہا کہ دنیا بھرمیں مسلمانوں کوتختہ مشق بنایاجارہا ہے ،اس ظلم وبربریت پراقوام متحدہ کی مسلسل خاموشی نے اس کے وجودکوسوالیہ نشان بنادیا ہے۔ مقتدرقوتوں کی طرف سے بھارت کی مذمت اورسکیورٹی کونسل کے ممبرز کااظہارتشویش کافی نہیں ،جس طرح اسلامی ملکوں میں نقب لگاکرمسیحی ملک بنائے گئے اس طرح بھارت کاجموں وکشمیر پرغاصبانہ قبضہ ختم کیاجائے ۔انہوں نے کہا کہ اگردنیا نے دوہرامعیارترک نہ کیا توانسانیت کواس کی بھاری قیمت چکاناپڑے گی ۔دنیا میں امن ایک خواب بن کررہ جائے گا،دنیا دوایٹمی ملکوں کے درمیان تصادم کی متحمل نہیں ہوسکتی۔

نیب نے چوھدری شوگر ملز کیس میں شہباز شریف کو طلب کر لیا، شہباز شریف کو نیب نے ہدایت کی ہے کہ وہ 23 اگست کو پیش ہوں اور تمام دستاویزات اور ریکارڈ ہمراہ لائیں

باغی ٹی وی کی رپورٹ کے مطابق نیب نے مسلم لیگ ن کے صدر شہباز شریف کو ایک بار پھر طلب کر لیا، شہباز شریف کو 23 اگست کو طلب کیا گیا ہے، شہباز شریف سے چودھری شوگر ملز کیس کی تحقیقات کی جائیں گی.نیب کی جانب سے ہدایت کی گئی ہے کہ وہ تمام دستاویزات اور ریکارڈ کے ساتھ تفتیشی ٹیم کے سامنے پیش ہوں ۔

نیب نے چوہدری شوگر ملز کیس میں مریم نواز اورسابق وزیراعظم نواز شریف کے بھتیجے عباس شریف کو گرفتار کیا تھا ، جس کے بعد احتساب عدالت نے گرفتار مریم نواز اور عباس شریف کو 21 اگست تک جسمانی ریمانڈ پر نیب کے حوالے کردیا تھا۔ نیب پراسیکیوٹر نے عدالت میں بتایا تھا کہ 2008 میں مریم نواز کے نام پر11 ملین کے شیئر تھے، مریم نوازچوہدری شوگرملزکی ڈائریکٹرہیں، مریم نوازکے84لاکھ روپے کے شیئر تھے، جو بڑھ کر 41 کروڑ ہوگئے

دوسری جانب نیب نے شہباز شریف کے بیٹے حمزہ شہباز کو بھی چوھدری شوگر ملز کیس میں شامل تفتیش کر لیا ہے اور دستاویزات مانگ لی ہیں، نیب نے حمزہ شہباز کے خلاف تحقیقات کا آغاز کر دیا ہے.

نیب میں حمزہ شہباز کیخلاف رمضان شوگر مل، منی لانڈرنگ اور آمدن سے زائد اثاثہ جات کیس کی انکوائری ہو رہی ہے، حمزہ شہباز کی آئندہ پیشی پر نیب اپنی رپورٹ احتساب عدالت میں جمع کرائے گا۔

کشمیری رہنما یاسین ملک کی اہلیہ نے خطاب کرتے ہوئے کہا کہ بھارت خطے کو ایٹمی جنگ کی طرف لے جارہا ہے.

باغی ٹی وی رپورٹ کے مطابق حریت رہنما یاسین ملک کی اہلیہ مشال ملک نے لاہور چیمبر آف کامرس میں تقریب سے خطاب کرنے ہوئے کہا ہے کہ بھارت اس خطے کو ایٹمی جنگ کی طرف لے جارہا ہے،بھارت مقبوضہ کشمیر میں سفاکانہ اقدامات کر رہا ہے،بھارت اس وقت کشمیر کے اندر وہ کچھ کر رہا ہے جس کا مہذب معاشرے میں تصور بھی نہیں‌کیا جاسکتا. کشمیری عوام اس وقت بنیادی سہولیات سے بالکل محروم ہیں.انہوں نے کہا کہ مسلسل کرفیو اور ناکہ بندی کی وجہ سےوادی کے اندر زندگی بالکل مفلوج ہو کر رہ گئی ہے.بھارت اب اس حد تک چلا گیا ہے جہاں سے آگے صرف خود کشی اور موت ہے.بین الاقوامی برادری کو کشمیریوں کی