Category: لاہور

قیام امن اور صحت مند معاشرے کے قیام کے لئے کھیلوں کو فروغ دینا ہوگا، کفیل حسین

کراچی ۔ 23 جولائی (اے پی پی) شہر کراچی کے معروف آرکٹیکٹ انجینئر کفیل حسین نے کہا ہے کہ قیام امن اور صحت مند معاشرے کے قیام کے لئے کھیلوں کے میدانوں کو آباد اور کھیلوں کے تمام شعبوں کو فروغ دینا ہوگا، کھیلوں کے فروغ سے جہاں قیام امن میں مدد، صحت مند سرگرمیوں کا فروغ یقینی بنایا جا سکتا ہے وہیں نوجوانوں کو منفی سرگرمیوں سے دور رکھا جا سکتا ہے ۔ منگل کو جاری کردہ اعلامیہ کے مطابق ان خیالات کا اظہار کراچی باسکٹ بال ایسوسی ایشن اور سندھ اسپورٹس بورڈ حکومت سندھ کے زیر اہتمام کھیلے جانے والے شہداء پاکستان ایس ایس بی کپ باسکٹ بال ٹورنامنٹ کی اختتامی تقریب میں کھلاڑیوں اور منتظمین سے گفتگو کرتے ہوئے کیا ۔ کفیل حسین نے کھلاڑیوں پر زور دیا کہ وہ حصول علم کے ساتھ صحت مند سرگرمیوں میں بڑھ چڑھ کر حصہ لیں ۔ انہوں نے باسکٹ بال کھیل کے فروغ میں کے بی بی اے کے صدر غلام محمد خان کی کاوشوں کو سراہتے ہوئے انہیں کھیلوں میں خدمات پر خراج تحسین پیش کیا ۔

وفاقی وزارت انسانی حقوق کے تحت تربیتی ورکشاپ کا انعقاد

کراچی ۔ 23 جولائی (اے پی پی) وفاقی وزارت انسانی حقوق، سماجی تنظیم ہینڈی کیپ انٹرنیشنل اور صوبائی ڈیپارٹمنٹ آف ایمپاورمنٹ آف پرسنز ود ڈس ایبلیٹز کے اشتراک سے سندھ میں متعلقہ سرکاری اداروں کے افسران کےلئے خصوصی افراد کے حقوق کے حوالے سے ایک تربیتی ورکشاپ کا اہتمام کیا گیا جس میں مختلف ماہرین ڈائریکٹر وزارت انسانی حقوق اسلام آباد شہزاد احمد خان، ریجنل ڈائریکٹر وزارت انسانی حقوق کراچی اقبال پاشا شیخ، ڈپٹی سیکریٹری محکمہ ایمپاورمنٹ پرسنز ود ڈس ایبلیٹیز ذوالفقار علی جھمٹ نے شرکاء کو خصوصی افراد کے حقوق کے حوالے سے مختلف موضوعات پر تفصیلی آگاہی دی ۔ خصوصی افراد کے بین الاقوامی معاہدہ کے تحت ان کے حقوق کے حوالے سے شرکاء نے سیر حاصل بحث کی ۔ شرکاء کی استعداد کار بڑھانے کےلئے حکومت کی قومی و بین الاقوامی ذمہ داریوں کو مدنظر رکھتے ہوئے خصوصی افراد کے حقوق کے تحفظ و فروغ کےلئے یہ اپنی نوعیت کا ایک منفرد پروگرام تھا ۔

ہم شہریوں کی حفاظت کےلئے کھڑے ہیں ، ٹریفک قوانین شہریوں کی سہولت اور حفاظت کےلئے ہی بنائے جاتے ہیں ،سی ٹی اوکی ٹریفک آگاہی پمفلٹس تقسیم کرتے ہوئے گفتگو

لاہور ۔ 23 جولائی(اے پی پی )سی ٹی او کیپٹن(ر)لیاقت علی ملک نے شہریوں میں ٹریفک آگاہی بارے شعور اجاگر کرنے کےلئے روڈ سیفٹی ٹیم کے ہمراہ مال روڈ پر شہریوں میں آگاہی پمفلٹس تقسیم کئے ۔ اس موقع پر ان کا کہنا تھاکہ سٹی ٹریفک پولیس شب و روز شہریوں کی حفاظت میں پیش پیش ہے ۔ ان کا کہنا تھاکہ ہم اگر ہیلمٹ پہننے ،سیٹ بیلٹ لگانے،لین لائن کی پابندی کرنے،ون وے کی خلاف ورزی سے منع کرنے،سگنل کا احترام کرنے اور دوران سفر احتیاطی تدابیر اپنانے کا کہتے کا کہتے ہیں تو اس میں شہریوں کا ہی فائدہ ہے،ٹریفک قوانین شہریوں کی سہولت اور حفاظت کےلئے ہی بنائے جاتے ہیں ،شہریوں کو چاہیے کہ وہ سٹی ٹریفک پولیس کا ساتھ دیتے ہوئے قوانین کا احترام کریں ۔ سی ٹی او لاہور کا مزید کہنا تھا کہ ہم نے شہریوں کو حادثات میں مرنے نہیں دینا،ہم ان کی حفاظت کو ہر ممکن یقینی بنائیں گیں ۔ شہریوں کو آگاہی کےلئے ہر سطح پر ٹریفک قوانین کا شعور اجاگر کیا جا رہا جبکہ ٹریفک قوانین کی خلاف ورزی پربھرپور کارروائی جار ہی رہے گی ۔ ووکیشنل ٹریننگ انسی ٹیوٹ پنجاب کی جانب سے مال روڈ پر مقامی ہوٹل میں جاب میلہ کا انعقاد کیا گیا ۔ سی ٹی او لاہورکی ہدایت پر جاب میلہ میں سٹی ٹریفک پولیس کی ایجوکیشن ٹیم نے اٹلس ہنڈا کے تعاون سے ٹریفک آگاہی کیمپ لگایا ۔ ٹریفک ایجوکیشن ٹیم نے شہریوں میں ٹریفک آگاہی پمفلٹس، طلبہ ء طالبات اور بچوں میں مختلف قسم کے تحاءف تقسیم کئے ۔ اس موقع پر ٹریفک ایجوکیشن ٹیم کی انچارج انسپکٹر نازیہ باقر،اٹلس ہنڈا کے ریجنل منیجر عثمان، مقامی کمپنی کے کنٹری منیجر میاں سکندر،طلبہ ء و طالبات اور شہریوں کی کثیر تعداد نے شرکت کی ۔ جاب میلے میں شرکا ء کو ٹریفک قوانین کی اہمیت بارے زیادہ سے زیادہ آگاہی فراہم کی گئی ۔ حادثات پر قابو اسی وقت ہی ممکن ہے جب شہری ٹریفک قوانین کی مکمل پابندی کریں ۔ موٹرسائیکل سوار ہمیشہ انتہائی بائیں لین اور ہیلمٹ کا استعمال کریں ۔ ہ میں ہر صورت ٹریفک قوانین کا احترام کرنا چاہیے اور ےہ ہماری اولین ذمہ داری بھی ہے ۔ سٹی ٹریفک پولیس اور اٹلس ہنڈانے شہریوں کو حادثات سے بچاؤ سڑکوں ، مختلف مقامات ، ہوٹلز، شاپنگ مالز و دیگر جگہون پر مہمات جاری ہیں جس کے مثبت نتاءج حاصل ہو رہے ہیں ۔ شہریوں سے اپیل ہے وہ ٹریفک قوانین پر عمل درآمد کریں کیونکہ سڑکوں پر منظم ٹریفک کے حصول کیلئے ٹریفک پولیس کے ساتھ شہریوں کا کردار بھی بہت اہمیت کا حامل ہے ۔ شہریوں نے جاب میلے میں لگائے جانے والے ٹریفک آگاہی کیمپ کے دوران شہریوں کو ٹریفک قوانین کی پابندی بارے شعور اجاگر کرنے پر سٹی ٹریفک پولیس اوراٹلس ہنڈا کا شکریہ ادا کیا ۔

طیب اکیڈمی کے طلبہ کا ایوان کارکنان کا دورہ

لاہور ۔ 23 جولائی(اے پی پی )طیب اکیڈمی شیراکوٹ بند روڈلاہور کے طلبا و طالبات اور اساتذہ نے نظریہَ پاکستان ٹرسٹ کے پاکستان ;200;گہی پروگرام کے سلسلہ میں ایوانِ کارکنانِ تحریکِ پاکستان‘ شاہراہِ قائداعظم;231; لاہور اور مدرسہ معاذ بن جبل نوازموڑباگڑےاں لاہورکے طلباء اور اساتذہَ کرام نے ایوانِ قائداعظم;231;، -1شاہراہِ نظریہَ پاکستان‘ جوہر ٹاءون‘ لاہور کا مطالعاتی دورہ کیا اور تحریک پاکستان کی تصویری گیلریز بھی دیکھیں ۔ دریں اثناء موبائل نظریاتی تعلیمی یونٹ نے مدرسہ نعےمےہ نور القر;200;ن برائے طلبا‘ حبےب گنج‘ مصری شاہ‘لاہور اورمدرسہ حنفےہ خلفائے راشدےن گنج بازار‘ مغلپورہ‘لاہور کا وزٹ کیا ۔ ایوانِ کارکنانِ تحریکِ پاکستان‘ اےوانِ قائداعظم;231; اور مذکورہ بالا تعلیمی اداروں میں مستفید ہونے والے اساتذہ اور طلبہ کی مجموعی تعداد111تھی ۔

وائس چیئرپرسن اوور سیز پاکستانیز کمیشن سے برطانوی نژاد پاکستانی بزنس مین انیل مسرت کی ملاقات

لاہور ۔ 23 جولائی(اے پی پی )وائس چیئرپرسن اوور سیز پاکستانیز کمیشن (او پی سی) پنجاب چوہدری وسیم اختر سے برطانوی نژاد پاکستانی اور معروف بزنس مین انیل مسرت نے وفد کے ہمراہ ان کے دفتر میں ملاقات کی ۔ وی سی او پی چوہدری وسیم اختر اور کمشنر او پی سی سید جاوید اقبال بخاری نے وفد کا پرتپاک استقبال کیا اور ان سے اوور سیز پاکستانیز کے مسائل کے حل کے حوالے سے تبادلہ خیال کیا ۔ وائس چیئرپرسن چوہدری وسیم اختر نے معزز مہمان سے گفتگو کرتے ہوئے کہا کہ اوور سیز پاکستانیز کا ملک کی ترقی میں بے حد اہمیت کا حامل ہے اور وہ ملک کی ترقی میں بڑھ چڑھ کر حصہ لے رہے ہیں ۔ انہوں نے کہا کہ اوور سیز پاکستانیز کمیشن نے تارکین وطن کے مسائل کے حل کےلئے جامع حکمت عملی اپنائی ہے اور ان کےلئے او پی سی کے دروازے ہمیشہ کھلے ہیں ۔ ڈائریکٹر جنرل او پی سی احسن وحید نے وفد کو او پی سی کی کارکردگی، حل شدہ شکایات اور دیگر امور بارے تفصیلی بریفنگ دی ۔ انیل مسرت نے اس موقع پر بات چیت کرتے ہوئے کہا کہ اوور سیز پاکستانیز کمیشن کی کارکردگی قابل ستائش ہے کیو نکہ وہ اوور سیز پاکستانیز کے مسائل کو بہتر طور پر حل کر رہا ہے ۔ انہوں نے کہا کہ وہ مختلف ممالک میں ایڈوائزری کونسل کے قیام کے حوالے سے تعاون کریں گے اور مانچسٹر، لندن اور برطانوی ہائی کمیشن میں بھی ایڈوائزری کونسل کی تشکیل میں ہر ممکن معاونت فراہم کریں گے ۔ انہوں نے کہا کہ وہ اوور سیز پاکستانیز کمیشن کے ساتھ تعاون کے علاوہ مختلف ممالک میں ان کی بہتری کےلئے بھی کام کریں گئے ۔ وائس چیئرپرسن او پی سی چوہدری وسیم اختر ، کمشنر او پی سی سید جاوید اقبال بخاری ، ڈائریکٹر جنرل نے معزز مہمان کا اوور سیز پاکستانیز کمیشن کےلئے ان کی بہتری کے تعاون کا شکریہ ادا کیا ۔

وزیر اعظم عمران خان کی ٹرمپ سے ملاقات کرہ ارض کے لیے امن و ترقی کاپیش خیمہ ثابت ہوگی،آشفہ ریاض

لاہور ۔ 23 جولائی(اے پی پی )صوبائی وزیر ترقی خواتین آشفہ ریاض نے کہا ہے کہ وزیر اعظم پاکستان عمران خان کی ٹرمپ سے ملاقات کرہ ارض کے لیے امن و ترقی کاپیش خیمہ ثابت ہوگی ۔ انہوں نے کہا کہ کشمیر کے معاملے پر امریکہ کے ثالثی بننے پربھارت کی خطے میں جارحیت کی شکست ہے ۔ وزیر اعظم پاکستان کے امریکی دورے سے اقتصادی ترقی میں بہتری آئے گی ۔ عمران خان کی قیادت میں پاکستان کو اپنا کھویا ہواوقار واپس ملا ہے ۔ امریکہ میں وزیراعظم کا شاندار خیرمقدم عمران خان پر دنیا بھر کے پاکستانیوں کے اعتمادو بھروسے کی عکاسی کرتاہے ۔ صوبا ئی وزیر آشفہ ریاض نے مزید کہا کہ سرحد پار بھی عمران خان کی مقبولیت کی وجہ ان کی ایمانداری, نیک نیتی اور محب الوطنی ہے ۔ زندہ قوموں کے لیڈر عمران خان کی طرح عوام کے دل کی دھڑکن اور امید کی کرن ہوتے ہیں ۔ پاکستان اپنے خارجی تعلقات میں اہم کامیابیوں کی طرف گامزن ہے ۔ اس سلسلے میں شاہ محمود کی کاوشیں قابل ذکر ہیں ۔

واپڈا پن بجلی کی پیداوارتاریخ کی بلند ترین سطح پر پہنچ گئی،گزشتہ روز پیک ;200;ورز میں نیشنل گرڈ کو 7591میگاواٹ بجلی فراہم کی گئی

لاہور ۔ 23 جولائی(اے پی پی )واپڈاپن بجلی پیداوار تاریخ کی بلند ترین سطح پر پہنچ گئی ،گزشتہ روز واپڈا کے پن بجلی گھروں نے نیشنل گرڈ کو پیک ;200;ورز کے دوران 7ہزار 591 میگاواٹ بجلی مہیا کی ، جو پاکستان میں پن بجلی کی ریکارڈ پیداوار ہے ۔ پن بجلی کی یہ ریکارڈ پیداوار تربیلا کے چوتھے توسیعی منصوبے اور نیلم جہلم سے بجلی کی بھرپور پیداوارکی بدولت ممکن ہوئی ۔ قبل ازیں واپڈا پن بجلی کی زیادہ سے زیادہ پیداوار کا ریکارڈ 7ہزار 585میگاواٹ تھا جو گزشتہ سال 19ستمبر کو بنا تھا ۔ گزشتہ روزپیک ;200;ورز کے دوران پن بجلی کے پیداواری اعداد و شمار کے مطابق تربیلا پن بجلی گھر سے 2ہزار 907 میگاواٹ ، تربیلا چوتھے توسیعی منصوبے سے ایک ہزار 372میگاواٹ ،غازی بروتھاپن بجلی گھر سے ایک ہزار 450میگاواٹ، نیلم جہلم پن بجلی گھر سے 973 میگاواٹ،منگلا پن بجلی گھر سے 210میگاواٹ، وارسک پن بجلی گھر سے 175میگاواٹ جبکہ واپڈا کے دیگر بجلی گھروں سے نیشنل گرڈ کو 504میگاواٹ پن بجلی پیدا ہوئی ۔ پن بجلی کے تین بڑے منصوبوں یعنی نیلم جہلم ، تربیلا چوتھے توسیعی منصوبے اور گولن گول کی مرحلہ وار تکمیل سے واپڈا کی پن بجلی پیدا کرنے کی صلاحےت 6ہزار 902میگاواٹ سے بڑھ کر 9ہزار 389میگاواٹ ہوچکی ہے ۔ توقع ہے کہ اس سال دریاءوں میں پانی کی زیادہ ;200;مد ، ;200;بی ذخائر میں پانی کی بلند سطح اور ارسا کی جانب سے صوبوں کی ضروریات کے مطابق ;200;بی ذخائر سے پانی کے اخراج کی بدولت رواں سال پن بجلی کی پیداوار میں مزید اضافہ ہوگا اور یہ 8ہزار میگاواٹ سے بھی بڑھ سکتی ہے ۔ یہ بات قابل ذکر ہے کہ واپڈا کے مجموعی طور پر 22پن بجلی گھرہیں ، جو نیشنل گرڈ کو ہر سال اوسطاً31ارب یونٹ سستی پن بجلی مہیا کرتے ہیں ۔ پن بجلی کی یہ پیداوار ملک میں توانائی کی ضروریات پوری کرنے میں معاون ثابت ہوتی ہے اور سستی ترین بجلی ہونے کی وجہ سے صارفین کے لئے بجلی کے نرخوں کو کم سطح پر رکھنے میں بھی اہم کردار ادا کرتی ہے ۔

محکمہ اطلاعات وثقافت پنجاب کے زیر اہتمام ڈیرہ غازی خان کلچرل شو بھر پور عوامی پذیرائی کے ساتھ اختتام پذیر

ڈیرہ غازی خان کلچرل شو کے انعقاد سے اہل لاہور کو سرائیکی و بلوچی تہذیب و تمدن دیکھنے کا موقع ملا،ایگزیکٹو ڈائریکٹر الحمراء

لاہور ۔ 23 جولائی محکمہ اطلاعات و ثقافت کے زیر اہتمام کلر آف پنجاب کے تحت دو روزہ ڈیرہ غازی خان کلچرل شوالحمرا آرٹس کونسل میں اپنی پوری آب وتاب سے ثقافتی رنگ بکھیرنے کے بعد اختتام پذیر ہو گیا،کلچرل شو میں ہر شعبہ زندگی سے تعلق رکھنے والے عوام نے شرکت کی اور خوبصورت یادیں سمیٹیں ۔ ایگزیکٹو ڈائریکٹر الحمرا اطہر علی خان نے اس حوالے سے کہا کہ وزیر اعلی پنجاب کی ہدایت پر صوبہ بھر کی ثقافتی حسن کو اجاگر کرنے کے لئے ٹھوس اقدامات کئے گئے ہیں ،ڈیرہ غازی خان کلچرل شو اس سلسلے کی ایک کڑی تھی جیسے بڑے پیمانے پر عوامی پذیرائی ملی جس کو مد نظر رکھتے ہوئے آئندہ بھی جلد صوبہ کے دوسرے علاقوں کی حسن کو نمایاں کرنے کے لئے کلچرل شو منعقد کئے جائیں گے، ہمارا علاقائی ثقافتی حسن منفرد تاریخی روایات کا امین ،دور حاضر میں ممتاز حیثیت رکھتا ہے جیسے اجاگر کرنا وقت کی ضرورت ہے،ڈی جی خان کلچرل شو سے اتحاد ،یگانگت،ہم آہنگی او ر تعاون کے جذبے کو فروغ ملا ہے ۔ ایگزیکٹو ڈائریکٹر پکارثمن رائے نے اپنے خیالات کا اظہار کرتے ہوئے کہا کہ حکومت پنجاب زندگی کے دوسرے شعبوں کی طرح ثقافت کے میدان میں بھی ٹھوس اقدامات کر رہی ہے،ڈیرہ غازی خان کلچرل شو صوبے کی فضاء کو مزید پرامن رکھنے میں معاون ثابت ہو گا،عوامی دل چسپی کے پیش نظر مزید کلچرل شو منعقد کئے جائیں گے ۔ زندہ دلان لاہور کی اس کلچرل شو میں دل چسپی دیکھنے سے تعلق رکھتی تھی یہی وجہ ہے لوگوں کی ایک بڑی تعداد نے اس کلچرل شو میں شرکت کی ۔