Category: لاہور

وزیراعلیٰ پنجاب سردار عثمان بزدار کی خصوصی ہدایت پر مری میں ڈولفن فورس آگئی- مری میں سیاحوں اور شہریوں کے تحفظ کے لئے ڈولفن فورس تعینات کی گئی ہے-

باغی ٹی وی کی رپورٹ‌ کےمطابق وزیراعلیٰ نے انسپکٹر جنرل پولیس کو مری میں ڈولفن فور س کی فوری تعیناتی کے لئے ہدایات جاری کی ہیں‌ جس کے بعد ان کی ہدایات پر عمل کرتے ہوئے ڈولفن فورس مری بھجوائی گئی ہے- زیراعلیٰ کی ہدایات پر عملدرآمد کرتے ہوئے آج ڈولفن فورس نے پٹرولنگ بھی شروع کردی ہے- ڈولفن فورس جرائم پیشہ عناصر کے خلاف فوری ایکشن لے گی- ڈولفن فورس سٹریٹ کرائم کے سدباب کے لئے بھی فرائض سرانجام دے گی-

وزیر اعلیٰ پنجاب سردار عثمان بزدار کا کہنا ہے کہ مری میں ڈولفن فورس کی تعیناتی سے سیاحوں اور شہریوں میں تحفظ کا احساس بڑھے گا اور سیاحوں اور شہریوں کو زیادہ سے زیادہ سہولتیں دیں گے ، وزیراعلیٰ کا مری میں اوور چارجنگ اور کھانے پینے کی غیر معیاری اشیاء کے بارے میں شکایات کانوٹس لیا گیا ہے اور انتظامیہ کو سیاحوں کی شکایات کے فوری ازالے کا حکم دیا گیا ہے.

یہ بھی کہا گیا ہے کہ اوورچارجنگ اور کھانے پینے کی غیر معیاری اشیاء فروخت کرنیوالوں کے خلاف قانون کے تحت کارروائی کی جائے- سردار عثمان بزدار نے یہ ہدایات بھی جاری کی ہیں‌کہ انتظامی افسران اوور چارجنگ کے سدباب کے لئے موثر اقدامات اٹھائے جائیں. اسی طرح‌یہ بھی کہا گیا ہے کہ کھانے پینے کی غیر معیاری اشیاء فروخت کرنے والوں کے خلاف بلا تفریق کارروائی کی جائے، سیاحتی مقامات پر اوورچارجنگ کرکے سیاحوں کو لوٹنا کسی صورت برداشت نہیں کیاجائے گا- آئندہ اوورچارجنگ کی شکایت ملی تو متعلقہ افسر کے خلاف کارروائی ہوگی، کھانے پینے کی معیاری اشیاء کی فروخت کو یقینی بنانا انتظامیہ کی ذمہ داری ہے، مری میں کھانے پینے کی غیر معیاری اشیاء کی فروخت کو ہر صورت روکا جائے-

وزیر اعلیٰ پنجاب سردار عثمان بزدار نے کہاکہ کھانے پینے کی غیر معیاری اشیاء فروخت اوراوورچارجنگ کرنے کے ذمہ داروں کے خلاف کارروائی کر کے رپورٹ وزیراعلیٰ آفس بھجوائی جائے- وزیراعلیٰ کی طرف سے مری میں ٹریفک نظام کو بہتر بنانے کی بھی ہدایت کی گئی ہے. انہوں‌نے کہاکہ بہترین ٹریفک مینجمنٹ کر کے سیاحوں کو سہولت فراہم کی جائے- ٹریفک رواں دواں رکھنے کے لئے جامع پلان مرتب کیا جائے اور اس پر عملدرآمد یقینی بنایا جائے- مری میں پارکنگ کے دیرینہ مسئلے کا مستقل حل تلاش کیا جائے، پارکنگ اور زائد فیس کی وصولی کے بارے میں سیاحوں کو شکایت نہیں ہونی چاہیے، اہم مقامات پر پارکنگ اور طے شدہ فیس کے بورڈ نمایاں طو رپر لگائے جائیں ، انتظامیہ ہوٹل مالکان سے رابطے کر کے کرایوں کو مناسب سطح پر رکھنے کے لئے اقدامات کرے-

سردار عثمان بزدار نے کہاکہ سیاحوں کے ساتھ اچھے رویے کا مظاہرہ کیا جائے اور جہاں بد تمیزی کی شکایت سامنے آئے ذمہ داروں کے خلاف فوری ایکشن لیا جائے. واضح‌ رہے کہ سیاحوں‌ کی پے درپے شکایات کے بعد وزیر اعلیٰ‌پنجاب کی جانب سے یہ اہم قدم اٹھایا گیا ہے.

پاکستان مسلم لیگ ن کے سابق رہنما یونس انصاری نے اعتراف کیا ہے کہ انہوں نے پندرہ صوبائی اسمبلی اور پانچ قومی اسمبلی اراکین کے ساتھ وزیر اعظم عمران خان سے ملاقا ت کی ہے.

باغی ٹی وی کی رپورٹ‌ کے مطابق یونس انصاری نے اہم انکشافات کرتے ہوئے کہا ہے کہ میں نے انتخابات سے پہلے ہی ن لیگ کو چھوڑ دیا تھا. میں‌ نے جب وزیر اعظم عمران خان سے ملاقا ت کی تو میرے ساتھ پندرہ صوبائی اور پانچ قومی اسمبلی کے ممبران تھے. میں‌ اس سلسلہ میں پچھلے کئی برسوں‌ سے کام کر رہا تھا.

میڈیا رپورٹس کے مطابق یونس انصاری نے الزام لگایا کہ ن لیگ کے عہدیدار لوگوں‌ کی تذلیل کرتے ہیں، جو لوگ میرے ساتھ گئے تھے وہ ہمارا اثاثہ ہیں میں ابھی ان کا نام نہیں‌ بتا سکتا. میں‌ ان کی عزت کا محافظ ہوں. انہوں نے کہاکہ اگر ہمیں تحریک انصاف میں شامل ہونے کیلئے استعفی بھی دینا پڑا تو ہم اس کیلئے بھی تیار ہیں‌اور دوبارہ منتخب ہو جائیں‌ گے.

یونس انصاری نے اپوزیشن لیڈر شہباز شریف پر بھی سخت تنقید کی اور کہا کہ یہ افسوس کی بات ہے کہ وہ اپوزیشن لیڈر ہیں. واضح رہے کہ ن لیگ اس وقت ٹوٹ پھوٹ کا شکار ہو رہی ہے اور لیگی اراکین اسمبلی وزیر اعظم عمران خان اور وزیر اعلیٰ پنجاب سےملاقاتیں کر کے تحریک انصاف میں شامل ہونے کی کوشش کر رہے ہیں.

صدر ایمرا محمد آصف بٹ اور سیکرٹری سلیم شیخ و ایمرا باڈی کی جانب سے مری پریس کلب کے نومنتخب صدر سدھیر احمد عباسی اورجنرل سیکرٹری راجہ عرفان ، راجہ عباسی ، سینئر نائب صدر ظفر اقبال رحیم ، نائب صدر خواجہ وامق اقبال ، ایڈیشنل جنرل سیکرٹری حیدر علی ، جوائنٹ سیکرٹری اظہر منہاس اور سہیل راجپوت کو سیکرٹری مالیات منتخب ہونے دلی مبارک باد پیش کی گئی ہے ۔

باغی ٹی وی کی رپورٹ کے مطابق صدر ایمرا محمد آصف بٹ اور ایمرا سیکرٹری سلیم شیخ نے مری پریس کلب کے صدر اور نومنتخب باڈی کے لئے نیک تمناوں اور خواہشات کااظہار کیا .

انہوں‌ نے کہاکہ نومنتخب صدر سدھیر احمد عباسی اور جنرل سیکرٹری راجہ عرفان صحافیوں کی بقاء اور خدمات کے لئے گراں خدمات سرانجام دیں گے ۔ انہوں نے نومنتخب عہدیداران کیلئے نیک خواہشات کا اظہار کیا ہے.

ایف بی آرنے یکم جولائی سے569اشیاء کی درآمد پرریگولیٹری ڈیوٹی بڑھادی ہے. اس حوالہ سے باقاعدہ نوٹیفکیشن بھی جاری کر دیا گیا ہے.

باغی ٹی وی کی رپورٹ کےمطابق مختلف اشیاء کی درآمدپرریگولیٹری ڈیوٹی5سے90فیصدتک بڑھائی گئی ہے. 30 ڈالرمالیت والےموبائل فون پر165روپےڈیوٹی عائد کی گئی ہے. 30سے100 ڈالرمالیت والےموبائل فون پر1620روپےڈیوٹی عائد کی گئی ہے. 100 سے 200 ڈالر مالیت والے موبائل فون پر 2430 روپے ڈیوٹی عائد کی گئی ہے.

200 سے 350 ڈالر مالیت والے موبائل فون پر 3240 روپے ڈیوٹی عائد کی گئی ہے. 350 سے 500 ڈالر مالیت والے موبائل فون پر 9450 روپے ڈیوٹی عائد ہوئی ہے. 500 ڈالر سے زائد مالیت والے موبائل فون پر 16 ہزار 650 روپے ڈیوٹی عائد کی گئی ہے. یہ بھی کہا گیا ہے نئی گاڑیوں‌ پر بھی ٹیک نافذ‌ کیا گیا ہے . 1000 سے 1300 سی سی انجن والی گاڑیوں پر 15 فیصد ڈیوٹی عائد کی گئی ہے. 1800 سے3000سی سی انجن والی استعمال شدہ گاڑیوں پر70فیصدڈیوٹی عائد

محکمہ اوقاف میں جدید اصلاحات کا آ غازحکومت پنجاب کا چائنہ کی ہواوے کمپنی کے ا شتراک سے تمام درباروں پر جدید الیکٹرانک کمپیوٹرائزڈ نذرانہ بکسوں کا اجرا ء تمام نذرانہ بکسوں کا کنٹرول جدید کیمروں اور وائی فائی کے عمل سے ہو گا

باغی ٹی وی رپوٹ کے مطابق ملکی و غیر ملکی زائرین کی معلومات اور رہنمائی کے لئے بادشاہی مسجد کے سامنے سہولت ڈیسک قائم
 دنیا بھرسے زائرین حضرت داتا گنج بخش علی ہجویری و دیگرمزارات پر لنگر کی تقسیم کے لئے آن لائن رقوم کی ترسیل
 محکمہ اوقاف کے تمام ملازمین کی با قاعدہ مانیٹرنگ کا عمل جاری، سرکاری خزانے کونقصان پہنچانے والے گھو سٹ ملازمین کا بھی کھوج لگایا جا رہا
صوبائی وزیر اوقاف پیر سید سیدالحسن شاہ نے کہا ہے کہ وزیر اعلیٰ پنجاب کے و یژ ن کے مطابق محکمہ اوقاف و مذہبی امور میں اصلاحاتی عمل کو تیزی سے پایہ تکمیل کیا جا رہا ہے۔اس سلسلے میں صوبائی وزیر اوقاف و مذ ہبی امور سید سعیدالحسن شاہ کی زیر صدرات عوامی جمہوریہ چین کی مشہور بین ا لا قوامی کمپنی ہوواوے کے ساتھ اہم اجلاس منعقد ہوا۔اس موقع پر سیکٹری اوقاف ذوالفقار گھمن، ڈائریکٹر ایڈمن آ فتاب احمد،ڈائریکٹر پرو جیکٹ،حامد مسعود وڑائچ کے علاوہ ہوواوے کمپنی کے مینیجنگ ڈائریکٹر مسٹر گھاو و اور مینجر فواد الحق بھی موجودتھے۔ صوبائی وزیر اوقاف نے کہا کہ حکومت پنجاب چائنہ کی ہواوے کمپنی کے شتراک سے صوبہ بھر کے تمام درباروں پر جدید الیکٹرانک کمپیوٹرائزڈ نذرانہ بکسوں کا اجراء کرے گی۔تمام نذرانہ بکسوں کا کنٹرول جدید کیمروں اور وائی فائی کے عمل سے ہو گا۔تمام نذرانہ بکسوں کی نگرانی و مانیٹرنگ کا عمل باقاعدگی سے ماسٹر کنٹرول روم سے کیا جائے گا۔مقررہ تاریخ پر جب تمام نذرانہ بکسوں کو کھولا جائے گا۔ اس مو قع پر نامزد کردہ کمیٹی کے ممبران اور بنک کے افسران بھی موقع پر موجود ہونگے جو اپنی نگرانی میں رقوم کی گنتی کا عمل شروع کرینگے۔ یہ عمل کرپٹ مافیا کے خلاف سخت اقدامات اپنانے کے لئے کیا جا رہا ہے تاکہ مستقبل میں کرپٹ اور دھوکہ باز مافیا کے خلا ف موقع پر سخت اقدامات عمل میں لائے جا سکیں۔انہوں نے مذیدبتایاکہ ڈیپارٹمنٹ کی ترقی کے عمل میں آنے والے ہر قسم کے عناصر کی سر کوبی کے لئے حکمت عملی تیار کر لی گئی ہے۔محکمہ اوقاف کے تمام شعبہ جات کے افسران کوتمام ٹار گٹ کے حصول کے لئے ٹائم فریم فراہم کر دیا گیاہے۔انہوں نے اجلاس کو بتا یاکہ دنیا بھر سے زائرین حضرت داتا گنج بخش علی ہجویری و دیگرمزارات پر لنگر کی تقسیم کے لئے آن لائن رقوم کی ترسیل کا عمل شروع کیا جا رہا ہے،جبکہ ملکی و غیر ملکی زائرین کے لئے پہلے ماڈل  ” سہولت ڈیسک” بادشاہی مسجد کے سامنے واقع عالمگیری پارک میں قائم کر دیا گیا ہے۔انہوں نے کہا کہ محکمہ اوقاف کے تما م ملازمین کی با قاعدہ مانیٹرنگ کی جا رہی ہے۔ایسے ملازمین کی بھی لسٹیں تیار کی جا رہی ہیں جو سرکاری فرائض کو ایمانداری سے ادا نہیں کر پا رہے ہیں۔انہوں نے کہا کہ اوقاف کے تمام ملازمین کی حاضری کے لئے بائیو میٹرک سسٹم کو لاگو کرنالازم و ملزوم کر دیا گیا ہے۔

پاکستان مسلم لیگ ن کے رہنما اور سابق صوبائی وزیر رانا مشہود احمد خان نے اپنا نام بلیک لسٹ میں شامل کرنے اور بیرون ملک جانے سے روکے جانے پر ایک ویڈیو پیغام میں شدید ردعمل ظاہر کرتے ہوئے کہا ہے کہ وہ اس کے خلاف لاہور ہائی کورٹ جائیں گے اور اسی طرح دیگر تمام فورمز پر آواز بلند کریں‌ گے.

باغی ٹی وی کی رپورٹ کے مطابق رانا مشہود احمد نے گفتگو کرتے ہوئے بتایا کہ میں‌ آج صبح ساڑھے چار بجے ایئرپورٹ پہنچا، میرے بچوں‌ کو چھٹیاں تھیں‌ اور میرا پہلے سے پلان تھا بیرون ملک جانے کا لیکن مجھے کہا گیا کہ
آپ کا نام بلیک لسٹ میں شامل ہے آپ بیرون ملک کا سفر نہیں‌ کر سکتے. جب میں‌ نے سوال کیا کہ ایسا کس نے کیا ہے تو بتایا گیا کہ آپ کا نام نیب نے ڈلوایا ہے.

انہوں نے کہاکہ مجھے ایف آئی اے والوں نے بتایا کہ ہم آپ کو اعلی‌ٰ حکام سے پوچھ کر بتاتے ہیں‌ اور پھر تین گھنٹے بعد نیب والوں کی طرف سے کہا گیا کہ آپ جاسکتے ہیں‌ لیکن جب مجھے یہ پیغام دیا گیا اس وقت تک جہاز جاچکا تھا. اس وقت میرے پاس اور کوئی چارہ نہیں‌ تھا کہ میں‌ واپس گھر آجاتا لہذا مجھے واپس آنا پڑا. انہوں‌نے کہاکہ یہ سخت زیادتی ہے. میری کردار کشی کر کے مجھے اور میرے خاندان کو نقصان پہنچایا گیا ہے. نیب لاہور مجھے کلین چٹ دے چکا ہے. پانچ سال سے جھوٹا ٹرائل کیا جارہا ہے. پہلے اربوں‌ کی بات کی گئی اور پھر تیرہ کروڑ کا ریفرنس فائل کر دیا گیا. یہ الزام بھی لگایا گیا کہ بوگس فرموں‌ کو ٹھیکے دیے گئے. حالانکہ یہ الزام بھی غلط ہے.

انہوں نے کہاکہ میں‌ لاہور ہائی کورٹ میں مقدمہ کروں گا اور ہر فورم پر آواز بلند کروں‌ گا. میں بہت دلبرداشتہ ہوں. نیب کو اپنا ہاؤس ان آرڈر کرنا ہو گا جو اس حکومت کا آلہ کار بن چکا ہے. میں‌قانون کے تابع رہتے ہوئے ہر فورم پر آواز اٹھاؤں گا. میں‌پاکستان میں نکلوں‌ گا اور ان لوگوں‌کو ایکسپوز کروں‌گا کہ یہ کس کے آلہ کار ہیں.

انہوں‌نے کہاکہ میں‌نے چیئرمین نیب کو خطوط بھی لکھے لیکن انہوں نے کسی خط کا جواب نہیں‌ دیا. میں یہ ویڈیو ریگولر ریلیز کروں‌ گا اور ان لوگوں‌ کو بے نقاب کروں‌ گا.

فیکٹری ایریا پولیس نے کمیونٹی پولیسنگ کی مثال قائم کردی، پولیس نے گمشدہ بچے کو والدین سے ملا دیا۔

باغی ٹی وی کی رپورٹ‌ کے مطابق ترجمان پولیس نے بتایا کہ معین مقصود صبح سے اپنے گھر سے لاپتہ ہوا تھا.
پولیس نے مساجد میں اعلانات کروائے اور علاقے سے پتہ جوئی کی۔ پولیس نے بچے کو ڈھونڈ کر بچہ والدین کے حوالے کردیا۔۔

ترجمان پولیس نے بتایا کہ والدین نے بچہ ملوانے پر فیکٹری ایریا پولیس کاشکریہ اداکیا ہے. ایس ایچ او فیکٹری ایریا فاروق اصغر اعوان نے کہا ہے کہ جرائم کےخاتمے کے ساتھ عوام کی خدمت کے ذریعے کمیونٹی پولیسنگ کو فروغ دے رہے ہیں۔