لاہور ایئر پورٹ پر بارش کے بعد رن رے پر پرندوں نے ڈیرہ ڈال لیا جس کے بعد لاہور ائیر پورٹ پر اترنے والی فلائیٹ کا سیالکوٹ اتار دیا گیا

اسلام آباد ایئر پورٹ پر ایسا کیا ہوا کہ طیارے کو رن وے سے واپس بلانا پڑ گیا؟ بڑی خبر آ گئی

باغی ٹی وی کی رپورٹ کے مطابق صوبائی دارالحکومت لاہور میں شدید بارشوں کے بعد لاہور ائیر پورٹ پر ایک طرف تو پانی کھڑا ہو گیا دوسری جانب رن وے پر پرندوں نے‌ڈیرہ ڈال لیا جس کی وجہ سے لاہور ایر پورٹ پرجہاز نہ اتر سکا، لاہور آنے والے جہاز پی کے 734 کو لاہور کی بجائے سیالکوٹ ایئر پورٹ پر اتار دیا گیا

لاہور ایئرپورٹ پر بھاری مقدار میں اسلحہ پکڑا گیا، سمگلنگ کی کوشش ناکام

باغی ٹی وی کی رپورٹ کے مطابق مسافروں کو کہا گیا ہے کہ سیالکوٹ جہاز 15 منٹ کے لئے اتارا لیکن ایک گھنٹہ سے زائد کا وقت ہو چکا جہاز سیالکوٹ ائیر پر ہی کھڑا ہے جس کی وجہ سے مسافروں نے شدید احتجاج کیا ہے، مسافروں کا کہنا ہے کہ ہمیں بتایا گیا ہے کہ رن وے کے قریب فضا میں پرندوں کی وجہ سے جہاز کو سیالکوٹ ائیر پورٹ پر اتارا گیا.

لاہور ایئر پورٹ پر فلائٹ پی کے 734 نے صبح سات بجے اترنا تھا اب ائیر پورٹ حکام کے مطابق فلائٹ دن گیارہ بجے پہنچے گی.

راجن پور : نواحی علاقہ فاضل پور میں بھٹہ مزدور کی ہلاکت کے معاملےپر مشتعل ورثاء نے انڈس ہائی وے پر نعش رکھ کر احتجاج کیا جس کے باعث انڈس ہائی وے پر ٹریفک کی آمدورفت معطل ہوگئ

تفصیلات کے مطابق راجن پور کے نواحی علاقہ فاضل پور میں بھٹہ مزدور کی
ہلاکت کا معاملہ شدت اختیار کرگیا۔ چار روز قبل بھٹہ مزدور کو بااثر افراد نے اغواء کرنے کے بعد مبینہ طور پر گولی مار کر زخمی کردیا تھا۔ تاہم زخمی مزدور علاج کے دوران زخموں کی تاب نہ لاتے ہوئے چل بسا،

مزدورکی ہلاکت کے بعد متوفی کے ورثاء مشتعل ہوگئے اور انہوں نے انڈس ہائی وے پر نعش رکھ کر احتجاج شروع کردیا۔ مظاہرین کے احتجاج کے باعث قومی شاہراہ پر ٹریفک کی آمدورفت معطل ہوگئی۔ مظاہرین نے ملزمان کی فوری گرفتاری تک احتجاج جاری رکھنے کا اعلان کیا ہے۔

رواں سال کا دوسرا چاند گرہن شروع ہو گیا ہے.

باغی ٹی وی کی رپورٹ کے مطابق محکمہ موسمیات کی جانب سے کہا گیا ہے کہ چاند گرہن صبح 5 بج کر 17 منٹ تک رہے گا، رات 2 بج کر32 منٹ پرمکمل چاند گرہن ہوگا، چاندگرہن یورپ،ایشیا،آسٹریلیامیں بھی دیکھا جا سکے گا،

واضح‌ رہے کہ چاند گرہن کے حوالہ سے طرح طرح کی باتیں کی جاتی ہیں‌ اور لوگ مختلف توہمات کا شکار رہتے ہیں‌ تاہم علماء کرام کا کہنا ہے کہ یہ سب فضول باتیں ہیں‌ اور ان کی سرے سے کوئی حقیقت نہیں ہے. یہ افواہیں بھی اڑائی جاتی ہیں کہ چاند گرہن حاملہ عورتوں‌ کیلئے سخت نقصان دہ ہوتا ہے یہ سب باتیں‌ توہم پرستی پر مبنی ہیں‌، دین اسلام ایسی توہم پرستانہ عقیدوں‌ سے بچنے کی ترغیب دیتا ہے. اسلام نے سورچ اور چاند گرہن کو اللہ رب العزت کی نشانیوں میں سے بیان کیا ہے.

رواں ہفتہ کے دوران ملک کے بالائی وسطی علاقوں میں مزید مون سون بارش کی پیشگوئی کی گئی ہے.

باغی ٹی وی کی رپورٹ کے مطابق محکمہ موسمیات کی جانب سے کہا گیا ہے کہ آئندہ چوبیس گھنٹوں میں راولپنڈی، گوجرانوالہ، سرگودھا میں تیزہواؤں، آندھی اورگرج چمک کے ساتھ بارش کا امکان ہے. مردان،بنوں،ہزارہ،ژوب میں بھی تیزہواؤں، آندھی، گرج چمک کے ساتھ بارش کا امکان ظاہر کیا گیا ہے.

محکمہ موسمیات کا کہنا ہے کہ فیصل آباد،لاہور،ساہیوال میں تیزہواؤں،آندھی اورگرج چمک کےساتھ بارش کاامکان ہے. اسی طرح اسلام آباداورکشمیرمیں بھی تیزہواؤں،آندھی اورگرج چمک کےساتھ بارش کا امکان ظاہر کیا گیا ہے. واضح‌ رہے کہ پچھلے 17 گھنٹے لاہور اور گردونواح میں‌ شدید بارش سے مختلف علاقوں میں‌ زبردست نقصان ہوا ہے اور پانچ افراد بھی جاں بحق ہوئے ہیں.

لاہور میں شاہی قلعہ کا تاریخی روشنائی گیٹ گرگیا ہے.

باغی ٹی وی کی رپورٹ کے مطابق روشنائی گیٹ شاہی قلعہ لاہورکامرکزی دروازہ تصورکیا جاتا ہے، ڈآئریکٹر والڈ سٹی آصف ظہیر نے کہا ہے کہ روشنائی گیٹ 3 روزمیں دوبارہ مرمت کرکےلگا دیا جائے گا، ان کا کہنا تھا کہ 180 سال پرانا روشنائی گیٹ شدید بارش کی وجہ سے گرا ہے.

واضح‌ رہے کہ لاہور اور گردونواح میں مسلسل 17 گھنٹے بارش کی وجہ سے مختلف علاقوں‌ میں نقصانات کی اطلاع ہے. بارشوں‌ کے سبب ہونے والے حادثات سے پانچ افراد بھی جاں بحق ہوئے ہیں. کئی علاقوں‌ میں دوکانوں و مکانات کی چھتیں‌ گرنے سے بھی نقصان ہوا ہے. اسی طرح مختلف جگہوں‌ پر کرنٹ لگنے سے اموات ہوئی ہیں.

سابق سربراہ آئی بی ڈاکٹر شعیب سڈل نے کہا ہے کہ پنجاب کی فارنزک لیب آلات سے لیس ہےاس میں بھی آڈیوفارنزک ہوسکتا ہے،

باغی ٹی وی کی رپورٹ‌ کے مطابق انہوں نے کہاکہ ویڈیو میں ہر کلر کی الگ ویو لینتھ ہوتی ہے ، آڈیو میں فریکوئنسی کا جائزہ لینا ہوتاہے، آواز کی بائیو میٹرک بھی کی جاتی ہے، مختلف آلات سے کٹ اینڈ پیسٹ ہواہے تو پتا چل سکتاہے،

ڈاکٹر شعیب سڈل نے کہاکہ آڈیو وڈیوفارنزک کیلیے چند گھنٹے بھی کافی ہیں، واضح‌ رہے کہ مریم نواز نے پریس کانفرنس کے دوران سابق وزیر اعظم نواز شریف کا فیصلہ سنانے والے جج ارشد ملک سے متعلق متنازعہ ویڈیو پیش کی تھی جس کے بعد سے اس کی فرانزک رپورٹ کروانے کی باتیں کی جارہی تھیں. اسی تناظر میں ڈاکٹر شعیب سڈل نے کہا ہے کہ ویڈیو فرانزک کیلئے چند گھنٹے ہی کافی ہیں اور یہ پنجاب کی فارنزک لیب سے بھی ہو سکتی ہے.