Baaghi TV

Category: لاہور

  • لاہورنوانکوٹ کے علاقے میں سیلنڈر دھماکے کے نتیجے میں 2 افراد جھلس کر زخمی

    لاہورنوانکوٹ کے علاقے میں سیلنڈر دھماکے کے نتیجے میں 2 افراد جھلس کر زخمی

    لاہورنوانکوٹ کے علاقے میں دکان کے اندرہونے والے سیلنڈر دھماکے کے نتیجے میں 2 افراد جھلس کر زخمی ہو گئے۔دھماکے کی آواز سن کر اہل علاقہ خوفزدہ ہو کر گھروں اور دکانوں سے باہر نکل آئے،

    باغی ٹی وی کی رپورٹ کے مطابق اطلاع ملتے ہی ریسکیواور امدادی ٹیمیں موقع پر پہنچ گئیں اور زخمیوں کو طبی امداد کے لیے ہسپتال بھی منتقل کردیا گیا۔ تفصیلات کے مطابق نواں کوٹ کے علاقے نیازی اڈا بند روڈ کے قریب دکان میں سلنڈر گیس لیکج کے باعث زوردار دھماکے سے پھٹ گیا جس سے 2 افراد 25 سالہ راشد اور 30 سالہ اسلم زخمی ہو گئے اطلاع ملتے ہی ریسکیواور امدادی ٹیموں نے جائے حادثہ پر پہنچ کرتھوڑی ہی دیر میں آگ پر قابو پانے کے ساتھ ساتھ زخمیوں کو فوری طبی امداد کے لیے ہسپتال منتقل کر دیا۔

  • لاہورگرین ٹاون کے علاقے مین 33 سالہ شخص نے گلے میں پھندا لگا کر خودکشی کر لی

    لاہورگرین ٹاون کے علاقے مین 33 سالہ شخص نے گلے میں پھندا لگا کر خودکشی کر لی

    لاہور گرین ٹاون کے علاقے مین گھریلو حالات سے دلبرداشتہ ہو کر 33 سالہ شخص نے گلے میں پھندا لگا کر خودکشی کر لی

    باغی ٹی وی کی رپورٹ کے مطابق گرین ٹاﺅن کے علاقہ باگڑیاں چوک کے قریب 33 سالہ شخص نے گھریلو حالات سے دلبرداشتہ ہو کر گلے میں پھندا لے کر خودکشی کر لی۔ متوفی کی شناخت مبارک مسیح کے نام سے ہوئی۔ اطلاع ملنے پر پولیس نے موقع پر پہنچ کر لاش ایدھی ایمبولینس کے مردہ خانے منتقل کر کے قانونی کاروائی کاآغاز کر دیا۔

  • لاہورکاہنہ کے علاقے میں ٹریفک حادثے میں پچاس سالہ شخص جاں بحق ہوگیا

    لاہورکاہنہ کے علاقے میں ٹریفک حادثے میں پچاس سالہ شخص جاں بحق ہوگیا

    لاہورکاہنہ کے علاقے میں ٹریفک حادثے میں پچاس سالہ شخص جاں بحق ہوگیا پولیس نے لاش قبضے میں لے کر مردہ خانے منتقل کر کے قانونی کاروائی کا آغاز کردیا

    باغی ٹی وی کی رپورٹ کے مطابق کاہنہ کے علاقے میں 50 سالہ مقبول سڑک عبور کرتے ہوئے موٹر سائیکل کی زد میں آکر شدید زخمی ہو گیا اسے فوری طبی امداد کیلئے ہسپتال لے جایا گیا جہاں وہ زخموں کی تاب نہ لاتے ہوئے دم توڑ گیا اطلاع ملنے پر پولیس نے موقع پر پہنچ کر لاش کو قبضے میں لے کر مردہ خانے منتقل کر کے قانونی کاروائی کا آغاز کردیا۔

  • لاہورفیکٹری ایریا کے علاقے میں مدرسے کا سات سالہ طالبعلم کرنٹ لگنے سے جاں بحق ہوگیا

    لاہورفیکٹری ایریا کے علاقے میں مدرسے کا سات سالہ طالبعلم کرنٹ لگنے سے جاں بحق ہوگیا

    لاہورفیکٹری ایریا کے علاقے میں مدرسے کا سات سالہ طالبعلم کرنٹ لگنے سے جاں بحق ہوگیا .پولیس نے لاش کو قانونی کارروائی کے بعد تدفین کے لیے ورثا کے حوالے کردیا.

    باغی ٹی وی کی رپورٹ کے مطابق دیپالپور کا رہائشی سات سالہ احسن فیکٹری ایریا کے علاقے میں واقع مدرسے میں تعلیم حاصل کرنے کے لیے آیا ہوا تھا گزشتہ روز احسن پانی کی موٹر چلاتے ہوئے کرنٹ لگنے کے باعث بے ہوش ہو گیا جسے فوری طبی امداد کیلئے ہسپتال لے جایا گیا جہاں ڈاکٹروں نے اس کی موت کی تصدیق کردی اطلاع ملنے پر پولیس نے موقع پر پہنچ کر لاش کو قبضے میں لے کر ضروری قانونی کارروائی کے بعد کے لیے ورثا کے حوالے کردیا جو اسے ایدھی ایمبولینس کے ذریعے لے کر آبائی گاوں روانہ ہو گئے۔

  • ڈی آئی جی آپریشنز لاہورکی ہدایت پرماڈل ٹاﺅن ڈویژن میں کریک ڈاﺅن

    ڈی آئی جی آپریشنز لاہورکی ہدایت پرماڈل ٹاﺅن ڈویژن میں کریک ڈاﺅن

    ڈی آئی جی آپریشنز لاہوراشفاق خان کی ہدایت پرماڈل ٹاﺅن ڈویژن میں پولیس کا جرائم پیشہ عناصر کے خلاف کریک ڈاﺅن جاری ہے۔

    باغی ٹی وی کی رپورٹ کے مطابق ایس پی ماڈل ٹاﺅن ڈویژن عمران احمد ملک کی زیرِنگرانی ماڈل ٹاﺅن ڈویژن پولیس نے اشتہاری و سنگین جرائم میں ملوث عناصر کے خلاف کارروائی کرتے ہوئے گذشتہ ہفتہ کے دوران مختلف جرائم میں ملوث 125ملزمان گرفتار کر لیئے۔ ناجائزاسلحہ کے خلاف کارروائی کے دوران17 ملزمان کے قبضہ سے10 پسٹلز، 04 رائفلز03خنجراور گولیاں برآمد کر لیں۔ منشیات فروشوںکے خلاف کارروائی کرتے ہوئے32ملزمان کے قبضہ سے04کلو 500گرام سے زائد چرس اور307لیٹر شراب برآمد کی گئی۔چوری، امانت میں خیانت، چیک ڈس آنر سمیت دیگر مقدمات میں مطلوب06 اشتہاری و عدالتی مجرمان کو گرفتار کیا گیا ۔ پتنگ بازی،ون ویلنگ، ہوائی فائرنگ، لاﺅڈسپیکر اور پرائس کنٹرول ایکٹ کی خلاف ورزی پر58ملزمان کو بھی گرفتار کیا گیا۔

  • لاہور ڈی آئی جی آپریشنز اشفاق خان کی ایس پیز، ڈی ایس پیز اور ایس ایچ اوز ملاقات

    لاہور ڈی آئی جی آپریشنز اشفاق خان کی ایس پیز، ڈی ایس پیز اور ایس ایچ اوز ملاقات

    لاہورڈی آئی جی آپریشنزلاہور اشفاق خان نے کہا ہے کہ تمام ایس پیز، ڈی ایس پیز اور ایس ایچ اوز لوگوں کو ان کے گھر کی دہلیز پر انصاف فراہم کریں۔ شہری اپنے مسائل کی شنوائی کے لئے بلا جھجک میرے دفتر تشریف لائیں،

    باغی ٹی وی کی رپورٹ کے مطابق میرے دروازے عوام کیلئے ہمہ وقت کھلے ہیں۔تھانوں کی سطح پر بھی سائلین کے مسائل ترجیحی بنیادوں پر حل اور بلا تفریق انصاف کی فراہمی یقینی بنائی جارہی ہے۔ تمام پولیس افسران شہریوں کے ساتھ خوش اخلاقی اور عزت و احترام سے پیش آئیں۔ انہوں نے یہ بات اپنے دفتر میں منعقدہ کھلی کچہری کے موقع پر کہی۔ کھلی کچہری کے دوران شہریوں نے اپنے مسائل سے ڈی آئی جی آپریشنز کو آگاہ کیا۔ انہوںنے شہریوں کے مسائل سنے اور متعلقہ افسران کو ان کے حل کیلئے موقع پر احکامات صادر کئے۔ڈی آئی جی آپریشنز لاہوراشفاق خان نے اس موقع پرمزید کہا کہ امن وامان کا قیام اور لوگوں کی جان و مال کاتحفظ محکمہ پولیس کی اولین ترجیح ہے۔ کھلی کچہریوں کے انعقاد کا مقصد شہریوں کی براہِ راست محکمہ پولیس کے افسران تک رسائی یقینی بنانا ہے تاکہ شہری زیادہ پرُاعتماد انداز میں مسائل کے حل کیلئے رجوع کرسکیں۔

  • لاہورملت پارک انویسٹی گیشن ونگ کی کاروائی

    لاہورملت پارک انویسٹی گیشن ونگ کی کاروائی

    لاہور ملت پارک انویسٹی گیشن ونگ نے چوری کی وارداتوں میں ملوث گینگ کے سرغنہ کواس کے ساتھی
    سمیت گرفتار کرکے لاکھوں روپے کا مال مسروقہ برآمد کرلیا

    باغی ٹی وی کی رپورٹ کے مطابق سمیت گرفتار کرکے لاکھوں روپے کا مال مسروقہ برآمد کرلیا،ملزمان کامختلف علاقوں میں متعدد وارداتوں کا اعتراف ۔تفصیلات کے مطابق انویسٹی گیشن پولیس ملت پارک نے چوری کی وارداتوں میں ملوث گینگ کے سرغنہ بجاش عرف ہنی کو اس کے ساتھی علی سمیت گرفتارکرلیا۔گرفتار ملزما ن نے دوران تفتیش مختلف علاقوں میں چورری کی متعدد وارداتوں کا اعتراف کیااس کے علاوہ پولیس نے ملزمان سے لاکھوں روپے مالیت کے موبائل فونز،نقدی اور موٹر سائیکل برآمدکرتے ہوئے قانونی کاروائی کرنے کے بعد جیل منتقل کردیا۔

  • مریم نواز، جج ارشد ملک ویڈیوسکینڈل، بڑے بڑے چہرے بےنقاب، بہت جلد ہوں گے نئے انکشافات

    مریم نواز، جج ارشد ملک ویڈیوسکینڈل، بڑے بڑے چہرے بےنقاب، بہت جلد ہوں گے نئے انکشافات

    اسلام آباد:مریم نواز ،جج ارشد ملک ویڈیو اسکینڈل میں‌بڑے بڑے چہرے بے نقاب ،اس مافیا میں کون کون شامل ہے جج ارشد ملک نے نواز شریف کے حق میں فیصلے کروانے کے لیے دباو ڈالنے اور ملین آف یورو کی پیش کش کرنے والے سب کرداروں کے نام بتا دیئے ہیں.

    اسلام آباد ہائی کورٹ کو اپنے خط میں جج ارشد ملک نے انکشاف کیا کہ مجھے نواز شریف دور کے سابق سیکورٹی ایڈوائزر ناصر جنجوعہ ،سابق چئرمین نیب قمرالزماں چوہدری نواز شریف کے انتہائی قریبی ساتھی ناصر بٹ نے دباو میں‌لانے کی کوشش کی .

    جج ارشد ملک نے کہا کہ مجھے 20 ملین یورو ں کے علاوہ اور بھی بڑی پیشکیں کی گئیں لیکن میں‌نے انکار کردیا ،مجھے دھمکیاں دی گئیں .جج ارشد ملک نےکہا کہ میں نے تمام تر دھمکیوں اور لالچوں کے فیصلہ میرٹ پر دیا

    یاد رہےکہ سپریم کورٹ اس اہم معاملے کی سماعت کرنے جارہی ہے اوراس میں ملوث مافیا کو بے نقاب بھی کرے گی .اور اگر جج ارشد ملک کے خط میں دیئے گئے حقائق درست ثابت ہوئے تو پھر شریف خاندان سے متعلق یہ رائے سچ ثابت ہوجائے گی کہ شریف خاندان اپنے خلاف فیصلوں میں ججو‌ں کو خریدتے ہیں.جیسا کہ جسٹس ملک قیوم کے ساتھ شہباز شریف کی ہونے والی گفتگو سے ان کی عدالتوں کے بارے میں ذہنیت کا پتہ چلتا ہے

  • مریم نواز کی احتساب عدالت طلبی، مریم پیش ہوں گی یا نہیں، فیصلہ کر لیا

    مریم نواز کی احتساب عدالت طلبی، مریم پیش ہوں گی یا نہیں، فیصلہ کر لیا

    احتساب عدالت کی جانب سے مریم نواز کی طلبی کو مریم نواز نے عدالت میں چیلنج کرنے کا فیصلہ کر لیا

    معاملہ کسی جج کو فارغ کرنے کا نہیں………مریم نواز نے کیا کہہ دیا

    باغٰی ٹی وی کی رپورٹ کے مطابق مریم نواز کو احتساب عدالت نے 19 جولائی کو طلب کر رکھا ہے، مریم نواز نے عدالت میں پیش ہونے کی بجائے عدالت طلبی کے فیصلے کو چیلنج کرنے کا فیصلہ کر لیا.

    مریم نواز کی جاری ویڈیو جعلی یا اصلی، احتساب عدالت کے جج ارشد ملک میدان میں آ گئے

    مریم نواز نے اس حوالہ سے قانونی ٹیم سے مشاورت مکمل کر لی ہے، احتساب عدالت کے جج محمد بشیرکے اختیارسماعت کو چیلنج کرنےکا فیصلہ کیا ہے اس ضمن میں قانونی ٹیم نے درخواست کا مسودہ تیار کر لیا ہے، مریم نوازسے حتمی مشاورت کےبعددرخواست احتساب عدالت میں دائرکی جائےگی.

    مریم نواز کی جانب سے جج کی مبینہ ویڈیو جعلی، فرانزک رپورٹ

    مریم نواز کی طلبی کے خلاف عدالت میں دائر درخواست میں جج محمد بشیرکےاختیارسماعت پراعتراض اٹھایاجائے گا،قانونی ٹیم کی جانب سے درخواست میں لکھا گیا ہے کہ محمد بشیرمریم نوازکے خلاف ایون فیلڈمیں فیصلہ سناچکےہیں،جج محمد بشیرمریم نوازکےساتھ غیرجانبدارانہ رویہ نہیں رکھ سکتے،جج ایک کیس میں فیصلہ دینےکےبعددوسرےمقدمےکی سماعت کاجوازکھوبیٹھےہیں ،مریم نوازکوپہلےہی مقدمہ میں سزادی جاچکی ہےدوبارہ طلبی غیرقانونی ہے .

    نواز شریف سے ملاقات پر پابندی، مریم نواز نے بڑا قدم اٹھا لیا

    واضح رہے کہ احتساب عدالت کے جج محمد بشیر نے مریم نواز کو نوٹس جاری کیا۔ نیب نے مریم نواز کیخلاف جعلی دستاویزات پر ٹرائل کیلئے درخواست دی۔ نیب کے مطابق ایون فیلڈ ریفرنس میں مریم نواز کی پیش کردہ ٹرسٹ ڈیڈ جعلی ثابت ہوئی۔

    5 جولائی 2018 کو احتساب عدالت نے ایون فیلڈ ریفرنس میں سابق وزیراعظم نواز شریف کو 10 برس قید بامشقت، مریم نواز کو 7 برس قید جب کہ داماد کیپٹن (ر) صفدر کو ایک سال قید بامشقت کی سزا سنائی تھی۔ 19 ستمبر کو اسلام آباد ہائی کورٹ نے نواز شریف، مریم نواز اور کیپٹن (ر) صفدر کی سزا معطل کرتے ہوئے ان کی رہائی کا حکم دیا تھا۔

    احتساب عدالت کی جانب سے طلبی کی خبروں کے بعد مریم نواز کا کہنا تھا کہ سوشل میڈیا سائٹ ٹویٹر پر اپنے پیغام میں انہوں نے لکھا کہ میں عوام سے پوچھتی ہوں کہ میرے سوالات کے جواب ملنے کی بجائے کیا مجھےاس NAB میں پیش ہونا چاہیئے جو آڈیو/ویڈیو کے زریعے یرغمال ہو؟

  • 13 جولائی کو ہڑتال سے بھاگنے والے سند یافتہ غدار ہیں:نعیم میر

    13 جولائی کو ہڑتال سے بھاگنے والے سند یافتہ غدار ہیں:نعیم میر

    آل پاکستان انجمن تاجران کے مرکزی سیکرٹری جنرل نعیم میر نے کہا ہے کہ 13 جولائی کو ہڑتال سے بھاگنے والے سند یافتہ غدار ہیں .

    باغی ٹی وی کی رپورٹ کے مطابق آل پاکستان انجمن تاجران کے مرکزی سیکرٹری جنرل نعیم میر نے حکومت کی جانب سے بے جا ٹیکسوں کی بھرمار کے خلاف پاکستان بھر میں 13 جولائی کی شٹر ڈاﺅن ہڑتال کے حوالے سے لاہور پریس کلب میں پریس کانفرنس سے خطاب کیا ، پریس کانفرنس میں ملک امانت، امجد چوہدری، وقار میاں، میاں خلیل عبیر، عمران بشیر، شیخ عمر حیات، سہیل محمود بٹ، شیخ عرفان اقبال، میاں طاہر سبحانی، ملک فاروق حفیظ، لالہ یاسر، آغا ذوالفقار، ذوالفقار بھٹی، سید عظمت شاہ، صدام خان، علی نصرت بٹ و دیگر شریک ہوئے۔ 

    آل پاکستان انجمن تاجران کے مرکزی سیکرٹری جنرل نعیم میر نے خطاب کرتے ہوئے کہا کہ تاجر تحریک پررات کے اندھیرے میں شب خون مارا گیا،شب خون مارنے والے کوئی اور نہیں تاجر ہی تھے،معاہدے میں واضح لکھا تھا کہ ہڑتال سے بھاگنے والے تاجر تاجروں کے غدار ہوں گے،ہڑتال سے بھاگنے والے سند یافتہ غدار ہیں،

    انہوں نے مزید کہا کہ یہ ہڑتال اب ہماری نہیں ملک بھر کے اکتیس لاکھ تاجروں کی ملکیت ہے،کراچی سے خیبر تک کشمیر سے گوادر تک 13 جولائی کو ہڑتال ہوگی،یہ پاکستان کی تاریخ کی سب سے بڑی ہڑتال ہوگی،تاجر غداروں کا احتساب خود تاجر برادری کرے گی،

    انہوں نے کہا کہ قومی تاجر اتحاد، لاہور بزنس مین فرنٹ، آل پاکستان ٹرک ٹرالہ اونرز ایسوسی ایشن ، جیولرز ، کار ڈیلرز ایسویس ایشن اور دیگر تاجر تنظیموں نے بھی 13جولائی کی ہڑتال کا اعلان کر دیا ہے، چیئرمین لاہور بزنس مین فرنٹ امجد چوہدری نے کہا کہ محمد علی میاں کے ٹولے کا وطیرہ ہمیشہ سے تاجروں کو بیچنا رہا ہے،یہ ٹولہ کبھی لاہور چیمبر آف کامرس میں تاجروں کو بیچتا ہے تو کبھی حکومت کے ساتھ مل کر تاجروں کا سودا کرتا ہے،

    پریس کانفرنس میں تمام تاجر رہنماﺅں نے ہاتھوں میں ہاتھ ڈال کر اظہار یکجہتی کرتے ہوئے شٹرڈاﺅن ہڑتال کو کامیاب ترین بنانے کا عزم کیا