عدالت نے تحریک لبیک کے بانی خادم حسین رضوی کر رہا کرنے کا حکم دے دیا
باغی ٹی وی کی رپورٹ کے مطابق لاہور ہائیکورٹ میں خادم حسین رضوی کی نظربندی کی کیس کی سماعت ہوئی ،عدالت نے خادم حسین رضوی اور پیر افضل قادری کی ضمانت منطور کر لی، عدالت نے دونوں کو پانچ پانچ لاکھ روپے کے مچلکے جمع کروانے کا حکم دیا ہے.
واضح رہے کہ خادم رضوی کو آسیہ مسیح کی رہائی کے فیصلے کے خلاف احتجاج کے بعد نظربند کیا گیا تھا.
ایکسپریس نیوز کے اینکر عمران خان کے خلاف تھانہ ہنجروال میں ایس ایچ او نے روزنامچے میں لکھا ہے کہ عمران خان نے تھانے آ کر دھمکیاں دیں
باغی ٹی وی کی رپورٹ کے مطابق روزنامچے میں ایس ایچ او تھانہ ہنجروال نے کہا ہے کہ دوران گشت و چیکنگ میرے موبائل نمبر پر تقریبا دن کے تین بجے 03028470058 سے کال آئی اور کہا کہ میں ایکسپریس کا اینکر عمران خان بات کر رہا ہوں اور کہا کہ تمہارا سب انسپکٹر گرین ٹاون سے بندے لے کر آیا ہے تم کہاں ہو جس پر میں نے بتایا کہ میں شوکت خانم کے پاس ڈیوٹی پر ہوں تو عمران خان نے کہا کہ تم انتطار کرو میں تھانے آتا ہوں اور بتاتا ہوں کہ تمہارے باپ کا تھانہ ہے. میں نے کہا کہ آپ صحافت سے منسلک ہیں تو آپ اس انداز میں کیوں بات کر رہے ہیں تو صاحب موصوف غصہ میں آ گئے اور کہا تمہیں میرے نام کا نہیں پتہ،میں تکرار پروگرام کرتا ہوں اور باقی تھانے آ کر بتلاتا ہوں کچھ دن بعد عمران تھانے آیا گیا اور کہا کہ میں نے کئی ایس ایچ او معطل کروا دئیے. آپ کو بھی مزا چکھاوں گا.اور افسران کے سامنے ذلیل کروں گا. میں نے جب بولنے کی وجہ پوچھی تو اس نے کہا کہ سب انسپکٹر عارف نے جو بندے پکڑے ہیں ان کو چھوڑ دو میں نے کہا کہ درخواست جس کے پاس ہے وہ میرٹ پر تفتیش کرے گا جس پر وہ غصہ میں آ گئے اور مجھے دھمکیاں دینا شروع کر دیں، میں نے واقعہ ڈی ایس پی سرکل سبزہ زار کو بتایا واقعہ کی رپورٹ روزنامچے میں درج کی گئی .
نوائے وقت کی مالکن نے صحافیوں کے ساتھ اپنے قریبی رشتے دار پر بھی مقدمہ درج کروا دیا
باغی ٹی وی کی رپورٹ کے مطابق پاکستان کے بڑے اخبار نوائے وقت میں بحرانات کی زد میں ہے. نوائے وقت کی مالکہ رمیزہ مجید نظامی نے پہلے ملازمین کو فارغ کیا پھر ان کے خلاف ایف آئی اے میں مقدمہ درج کروا دیا، ایف ائی اے نے صحافیوں کو گرفتار کیا بعد ازاں عدالت سے ضمانت ہوئی، مجید نظامی مرحوم کی وفات کے بعد نوائے وقت گروپ کا ٹی وی چینل وقت ٹی وی بھی بند کر دیا گیا، جبکہ نوائے وقت میں کارکنوں کو تنخواہیں نہ دینا اور ان کو ادارے سے نکالنے کا رواج چل رہا ہے. فیصل آباد میں نوائے وقت اخبار مجید نظامی مرحوم کے بھتیجے احمد کمال نظامی دیکھ رہے تھے ان کے بیٹے احمد جمال نظامی پر رمیزہ مجید نظامی نے سائبر کرائم میں مقدمہ درج کروا دیا ہے. فیصل آباد نوائے وقت آفس کی خبریں بھی ایک ماہ سے بند ہیں.
آپ ٹی وی میں تنخواہیں لیٹ ہونے سے ملازمین پریشان ہو گئے
باغی ٹی وی کی رپورٹ کے مطابق آپ میڈیا نیٹ ورک میں ملازمین کو تنخواہیں پانچ تاریخ تک مل جاتی تھیں لیکن اس ماہ رمضان المبارک ہونے کے باوجود ملازمین کو تنخواہیں چودہ تاریخ ہونے کے باوجود نہیں ملیں. آپ ٹی وی میں ملازمین کو تسلی دی جارہی ہے کہ دو تین دن میں تنخواہیں مل جائیں گی لیکن ملازمین تنخواہیں نہ ملنے کے باعث پریشان ہیں.کیونکہ رمضان کے مہینے میں تنخواہیں نہ ملنے کی وجہ سے ان کا گھریلو بجٹ کافی ڈسٹرب ہوا ہے .
واضح رہے کہ آپ ٹی وی میڈیا ورکرز کے لئے پانچ تاریخ تک تنخواہ کی پالیسی لے کر آیا تھا لیکن اب وہاں بھی تنخواہیں لیٹ ملنا شروع ہو گئی ہیں جس کی وجہ سے میڈیا ورکرز میں کافی بے چینی پائی جاتی ہے.
لاہور(نمائندہ باغی ٹی وی ) مقامی عدالت نے پاکستانی لڑکیوں سے جعلی شادیاں کر کے ان کا جنسی استحصال کرنے والے 11 چینی باشندوں کو 14 روز کیلئے جوڈیشل ریمانڈ پر جیل بھیج دیا،جوڈیشل مجسٹریٹ عامر رضا نے کیس کی سماعت کی،ایف آئی اے نے 11 چینی ملزمان کو عدالت کے روبرو پیش کیا اور اس موقع پر ملزمان کیلئے ترجمان بھی عدالت میں پیش ہوئے ،ایف آئی اے نے جن ملزمان کو عدالت میں پیش کیا ان میں ہونگفا یان، لیبنگ لیو، شونجیا لیو، لبینگ لیو،ہوانگ، جونگزی بی،، فیننگ زینویان،زینگ گینگ،شین ہونگ لی اور زوازنگزین شامل ہیں۔ایف آئی اے کا کہنا ہے کہ چینی باشندے مقامی ایجنٹوں کے ساتھ مل کر پاکستانیوں لڑکیوں سے شادی کرتے اور ان سے چین میں جسم فروشی کا دھندہ کروایا جاتا تھا،، دوران سماعت ایف آئی اے نے عدالت کو بتایا کہ ملزمان سے مزید انکشاف اور برآمدگی کی توقع نہیں اس لئے استدعا ہے کہ ملزمان کو 14 روز کیلئے جوڈیشل ریمانڈ پر جیل بھیج دیا جائے۔ عدالت نے ایف آئی اے کو 27 مئی کو ملزمان کے خلاف چالان پیش کرنے کا حکم دیتے ہوئے ملزمان کو 14 روز کیلئے جوڈیشل ریمانڈ پر جیل بھیج دیا۔
پنجاب کے وزیر اطلاعات سید صمصام بخاری نے کہا ہے کہ آئی ایم ایف سے قرضہ مجبوری کے تحت لیا ہے، یہ پہلا اور آخری قرضہ ہو گا.
باغی ٹی وی کی رپورٹ کے مطابق پنجاب کے صوبائی وزیر اطلاعات سید صمصام بخاری نے کہا کہ تھریک انصاف کی حکومت ملکی معیشت کو مضبوط کرنا چاہتی ہے. آئی ایم ایف سے معاہدہ مجبوری کی صورت میں کیا، وسیع تر ملکی مفاد میں کڑوی گولی نکل رہے ہیں. انہوں نے کہا کہ تحریک انصاف کی حکومت کا آئی ایم ایف سے یہ پہلا اور آخری قرضہ ہو گا
واضح رہے کہ حکومت اور آئی ایم ایف کے مابین چھ ارب ڈالر قرض کا معاہدہ ہو چکا ہے
پاکستان شریعت کونسل کے سیکرٹری جنرل مولانا زاہدالراشدی نے کہا ہے کہ فواد چودھری صاحب اگر لوگوں کو لڑانا آپ کا مقصد ہے تو خدا کے واسطے دین کو مت استعمال کریں
باغی ٹی وی کی رپورٹ کے مطابق مولانا زاہدالراشدی نے کہا کہ وفاقی وزیر سائنس و ٹیکنالوجی نے پندرہ رمضان تک قمری کیلنڈر بنانے کا اعلان کیا ہے، جس سے پاکستان میں انتشار پھیلے گا، وفاقی وزیر فواد چودھری عید پر پاکستان میں خلفشار چاہتے ہیں اس لئے وہ ایسا کر رہے ہیں، انہوں نے مزید کہا کہ پاکستانی قوم ایوب خان کے دور میں یہ صورتحال دیکھ چکی ہے جب سرکاری اعلان تو ہوتا تھا لیکن دینی حلقے اس کو تسلیم نہیں کرتے تھے، تین تین چار چار عیدیں ہوتی تھیں ،ایک موقع پر خلفشار کےد وران مولانا مودودی، غلام غوث ہزاروی سمیت چار علماء کرام کو گرفتار کیا تھا اس کے بعد رویت ہلال کمیٹی بنی جس کے بعد خلفشار ختم ہوا، رویت ہلال کمیٹی پاکستانیوں کے لئے کسی نعمت سے کم نہیں، ملک کی اکثریت اسی کمیٹی پر رمضان کا آغاز کرتی ہے اور عید بھی کرتی ہے. انہوں نے کہا کہ فواد چودھری کا مقصد عوام کو آپس میں لڑانا ہے تو خدا کے لئے وہ دین کو مت استعمال کریں کوئی اور راستہ اپنائیں،انہوں نے یہ بھی واضح کیا کہ دینی معاملوں پر عوام کبھی بھی حکومت پر اعتماد نہیں کرے گی
آپ نیوز کے ہیڈ اف آپریشن سردار جاوید نے ٹیم کے ساتھ آپ نیوز کو چھوڑ دیا
باغی ٹی وی کی رپورٹ کے مطابق آپ نیوز کے ہیڈ اف آپریشن سردار محمد جاوید خان نے ٹیم کے ساتھ آپ نیوز سے استعفیٰ دے دیا، آپ نیوز کے ہیڈ آف ایڈمنسٹریشن سے اختلافات کے باعث سردار جاوید نے استعفیٰ دیا ، آپ میڈیا نیٹ ورک کے اعلیٰ عہدیداروں کے آپس میں اختلافات کی وجہ سے آپ ہیڈ آفس اور بیورو دفاتر کے کام میں تاخیر ہوئی جس پر نیوز کی انتظامیہ نا خوش تھی ،سردار جاودید آپ کے ایم ڈی جنید اقبال کے اہم ترین بندے تھے لیکن انہوں نے کام میں مداخلت اور اختلافات کے باعث استعفیٰ دیا ہے.
مسلم لیگ ن کی نائب صدر مریم نوا ز نے کہا ہے کہ نااہلی ہمارے ملک کو کھائے چلی جا رہی ہے
باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر مریم نواز نے ٹویٹ کرتے ہوئے کہا کہ 9ماہ کی حکومتی کارکردگی نےملک کومعاشی طورپرتباہ کردیا ہے.تبدیلی سرکار نے اپنی خودمختاری کوآئی ایم ایف کے پاس گروی رکھ دیا،مریم نواز نے مزید کہا کہ نااہل حکمران آئی ایم ایف کے پاس جانےاورنہ جانے کے چکرمیں لگے رہے،اسٹاک مارکیٹ نےبھی آئی ایم ایف سے معاہدے کو مسترد کردیا ہے.
Within 9 months,the incompetent government has brought the country to a complete economic collapse. The masses are suffering while rulers enjoy perks & privileges. All sectors of the economy stand at the verge of disaster. The experiment has miserably failed. #SayNoToIncompetence https://t.co/vQvRhSM6Nk
— Maryam Nawaz Sharif (@MaryamNSharif) May 13, 2019
واضح رہے کہ حکومت اور آئی ایم ایف کے مابین قرض کے لئے معاملات طے پا چکے ہیں، آئی ایم ایف 39 ماہ میں چھ ارب ڈالر قرض پاکستان کو دے گا.
پنجاب میں حکومت کی جانب سے لگائے گئے سستے رمضان بازاروں میں بنیادی اشیا خوردونوش غائب ہونے پر پنجاب اسمبلی میں قرارداد جمع کروا دی گئی
باغی ٹی وی کی رپورٹ کے مطابق پنجاب اسمبلی میں مسلم لیگ ن کی رکن پنجاب اسمبلی عظمیٰ بخاری نے قرارداد جمع کروائی ہےجس کے متن میں کہا گیا ہے کہ حکومت رمضان میں بنیادی اشیاء کی فراہمی میں ناکام ہوچکی ہے،آٹا،چینی،سبزیاں اورپھل رمضان بازاروں میں نایاب ہوچکے ہیںحکومت نےصرف19اشیاءپرسبسڈی دی جورمضان بازاروں سےغائب ہیں ،قرارداد کے متن میں مزید کہا گیا کہ رمضان بازاروں کی کارکردگی صرف اشتہارات اورفوٹوسیشن تک محدودرہ گئی ہے ،قرارداد کے ذریعے مطالبہ کیا گیا کہ رمضان بازاروں میں اشیاءضروریات کی فراہمی یقینی بنائی جائے.
واضح رہے کہ حکومت کی جانب سے پنجاب بھر می سستے رمضان بازار لگائے گئے ہیں جہاں چیزیں مہنگے داموں فروخت ہو رہی ہیں.