Category: لاہور

وزیر اعظم عمران خان آج لاہور کا دورہ کریں گے ،اوکاڑہ بھی جائیں گے

باغی ٹی وی کی رپورٹ کے مطابق وزیر اعظم عمران خان آج لاہور آئیں گے ،اور مصروف ترین دن گزاریں گے، وزیراعظم سے وزیر اعلیٰ پنجاب عثمان بزدار کی ملاقات ہو گی، وزیر اعظم عمران خان شاہی قلعہ کا دورہ کریں گے جہاں وہ پکچر وال کا افتتاح کریں گے، وزیر اعظم عمران خان ایچی سن کالج بھی جائیں گے ،وزیراعظم عمران خان رائیونڈ روڈ پر فوٹان موٹرز کے اسمبلنگ پلانٹ کا افتتاح بھی کریں گے .لاہور کے بعد وزیر اعظم عمران خان اوکاڑہ جائیں گے جہاں نیا پاکستان ہاوسنگ سکیم کا افتتاح کریں گے، رینالہ خورد میں وزیر اعظم کےد ورہ کے انتظامات مکمل کر لئے گئے ہیں، وزیر اعظم کے ہمراہ وزیر اعلیٰ پنجاب بھی جائیں گے

گورنر پنجاب چودھری سرور نے پنجاب اسمبلی سے منظور ہونے والے لوکل گورنمنٹ بل 2019 پر دستخط کر دئیے

باغی ٹی وی کی رپورٹ کے مطابق گورنر پنجاب نے بل پر دستخط کر دئیے ہیں. مسلم لیگ ق کے رکن قومی اسملی سپیکر پنجاب اسمبلی کے بیٹے مونس الہیٰ نے اس بل کی مخالفت کی ہے. گورنر پنجاب چودھری سرور کا کہنا ہے کہ اختیارات نچلی سطح پر منتقل کر نے کا وعدہ پورا کررہے ہیں، وزیر اعظم عمران خان کے ویژ ن کے مطابق عوام کو مضبوط بنا رہے ہیں. تحریک انصاف کا منشور اقتدار کو نچلی سطح پر منتقل کرنا ہے، اب بلدیاتی نمائندے بااختیار ہوں گے

واضح رہے کہ مسلم لیگ ن نے بل پنجاب اسمبلی میں پیش ہونے پر شدید احتجاج کیا تھا

سابق وزیر اعظم نواز شریف کی‌ صاحبزادی مریم نواز اپنے والد کی ضمانت میں توسیع نہ ہونے پر خاموش نہ رہ سکیں

باغی ٹی وی کی رپورٹ کے مطابق سماجی رابطے کی ویب سائٹ پر مریم نواز نے کہا کہ نوازشریف کسی جرم کی سزانہیں بلکہ عوام کی آوازبننےکی سزابھگت رہا ہے ،نوازشریف کی قربانیاں جتنی سخت ہیں ان کاپھل بھی اتناہی میٹھاہوگا،یہ پھل قوم کی آنےوالی نسلوں کیلئے ہے، ایک بارپھرکہتی ہوں نوازشریف انشاءاللہ آپ کا سرجھکنے نہیں دیگا،نوازشریف کی جدوجہد عوام کے لئے ہے.

نوازشریف کسی جرم کی سزا نہیں بلکہ عوام کی آواز بننے کی سزا بھگت رہا ہے
نوازشریف کی قربانیاں جتنی سخت ہیں انکا پھل بھی اتنا ہی میٹھا ہوگا اور یہ پھل قوم کی آنے والی نسلوں کے لئیے ہے
میں ایک بار پھر کہتی ہوں کہ نوازشریف انشاءاللہ آپ کا سر جھکنے نہیں دیگا
یہ جدوجہد آپ کے لیئے ہے

— Maryam Nawaz Sharif (@MaryamNSharif) May 3, 2019

واضح رہے کہ نواز شریف کو سپریم کورٹ نے طبی بنیادوںپر چھ ہفتوں کے لئے ضمانت دی تھی آج ضمانت میں توسیع کی دائر درخواست سپریم کورٹ نے مسترد کر دی ،نواز شریف کی ضمانت سات مئی تک ہے.

مسلم لیگ ن پر ایک اور جمعہ بھاری رہا، سپریم کورٹ نے نواز شریف کی ضمانت میں توسیع کی درخواست مسترد کی تو مریم نواز کا نام ای سی ایل سے نکالنے کی درخواست بھی خارج کر دی گئی

باغی ٹی وی کی رپورٹ کے مطابق سپریم کورٹ آف پاکستان نے نواز شریف کو علاج کے لئے بیرون ملک جانے کی اجازت نہیں اور ضمانت میں توسیع نہیں کی .نواز شریف کی طبی بنیادوں پر ضمانت سات مئی کو ختم ہو رہی ہے،نواز شریف اگر خود سرنڈر نہیں کریں گے تو انہیں‌ گرفتار کیا جائے گا، نواز شریف کی ضمانت کی درخواست جمعہ کو مسترد ہوئی ، دوسری جانب نواز شریف کی بیٹی مریم نواز اور نواز شریف کے داماد کیپٹن صفدر کا نام ای سی ایل سے نکالنے کی درخواست پر سماعت ہوئی تو عدالت نے درخواست ناقابل سماعت قرار دے کر خارج کر دی.

شریف برادران اور مسلم لیگ ن کے لئے جمعہ کا دن بھاری رہتا ہے، پانامہ کیس کے فیصلے سے تاحیات نااہلی کے فیصلے تک سب جمعہ کو سنائے گئے، پانچ مئی 2017 بروزجمعہ پاناما جے آئی ٹی بنی۔ اٹھائیس جولائی بروز جمعہ نواز شریف نااہل ہوئے۔ پندرہ ستمبر بروز جمعہ نظر ثانی کی درخواست خارج ہوئی۔ تیرہ اپریل کو نواز شریف تاحیات نا اہل ہوئے .ایون فیلڈ ریفرنس کا فیصلہ جمعہ چھ جولائی دوہزار اٹھارہ کو سنایا گیا جب عدالت نے نواز شریف، ان کی صاحبزادی مریم نواز اورداماد کیپٹن قید کی سزا کا حکم سنایا۔ س سے پہلے اصغر خان کیس میں نوازشریف اور دیگر کیخلاف تحقیقات کا حکم بھی انیس اکتوبر 2012 بروز جمعے کو ہی جاری ہوا تھا. آج نواز شریف کی درخواست ضمانت میں توسیع بھی جمعہ کو مسترد ہوئی اور مریم نواز کی ای سی ایل سے نام نکالنے کی درخواست بھی جمعہ کو ہی خارج ہوئی.

تحریک انصاف کی حکومت کی اتحادی جماعت نے بھی پنجاب میں نیا بلدیاتی بل پاس ہونے کے بعد بل کی مخالفت کر دی

باغی ٹی وی کی رپورٹ کے مطابق مسلم لیگ ق کے رہنما سپیکر پنجاب اسمبلی چودھری پرویز الہیٰ کے بیٹے مونس الہی نے سماجی رابطے کی ویب سائٹ ٹویٹر پراسمبلی سے منظور کردہ بلدیاتی نظام کوخیبر پختونخواکے نظام کا کاپی پیسٹ قراردے دیا .مونس الہیٰ کا کہنا تھا کہ پنجاب اور کے پی کے کا موازنہ نہیں کیا جاسکتا،دونوں صوبوں کی آبادی اوررقبے میں واضح فرق ہے،نئے بلدیاتی نظام میں ماضی کی طرح کئی نقائص ہیں،چارہزاریونین کونسل کی جگہ 24 ہزارولیج اور پنچایت کونسلزبہت زیادہ ہیں ،ایسے نظام سے انتظامی ڈھانچے اور مالی اخراجات میں چھ گنا اضافی ہوگا ،کم ازکم آٹھ ارب روپے سالانہ اور دیگر اخراجات ضائع ہوں گے ،

واضح رہے کہ نیا بلدیاتی نظام پنجاب اسمبلی سے منطور ہو چکا ہے، مسلم لیگ ن نے بل پیش کرنے کے موقع پر ایجنڈےکی کاپیاں پھاڑ دی تھیں اور بھر پور احتجاج کیا تھا، تحریک انصاف اس بل کے پاس ہونے کو بہت بڑی کامیابی قرار دے رہی ہے .

پنجاب کے صوبائی وزیر اطلاعات صمصام بخاری نے کہا ہے کہ سابقہ حکمرانوں کی حقیقت کھل کر سامنے آ رہ ہے، مسئلہ بیماری نہیں کچھ اور ہے

باغی ٹی وی کی رپورٹ کے مطابق صمصام بخاری نے کہا کہ منی لانڈرنگ کے مقدمات اپنے انجام کو پہنچنے والے ہیں، شہبا زشریف کی پبلک اکاؤنٹس کمیٹی سے علیحدگی معنی خیز ہے،عہدوں سے دستبرداری سوالیہ نشان چھوڑ رہی ہے،انہوں نے کہا کہ شہبا زشریف کی ترجیح واپسی نہیں کچھ اور ہے

واضح رہے کہ شہباز شریف نے پی اے سی کی چیئرمین شپ چھوڑ دی اور ن لیگ کی پارلیمانی پارٹی نے رانا تنویر کو پی اے سی کا چیئرمین بنانے کا فیصلہ کیا ہے

لاہور میں نئے بلدیاتی نظام پرمیڈیا کو دی جانے والی بریفنگ میں سپریم کورٹ سے نااہل قرار دیئے جانے والے جہانگیر ترین کی بریفنگ میں موجودگی پر صحافی نے سوال کیا تو جہانگیر ترین برا مان گئے

باغی ٹی وی کی رپورٹ کے مطابق نئےبلدیاتی نظام کےحوالے سے پنجاب حکومت کی جانب سے‌صحافیوں کو بریفنگ دی جانی تھی. بریفنگ میں جہانگیر ترین اورراجہ بشارت،صمصام بخاری،ملک نعمان لنگڑیال،سبطین خان اورمحسن لغاری شریک رہے.جہانگیر ترین جسے سپریم کورٹ نے نااہل قرار دیا ہے کی بریفنگ میں موجودگی پر صحافی نے سوال کیا کہ جہانگیرترین بلدیاتی نظام کی بریفنگ میں کس حیثیت سےشریک ہیں؟ جس پر جہانگیر ترین نے کہا کہ آپ کواعتراض ہےتوچلا جاتاہوں،کسی عہدےپرہوں نہ کوئی عہدہ ہے،ملک کی خدمت کرتاہوں،میں زراعت اوربلدیاتی نظام میں تجویزدیتاہوں، جہانگیر ترین کا مزید کہنا تھا کہ جنوبی پنجاب میں سیکرٹیریٹ بنایاجائےگا،چاہتےہیں کہ جنوبی پنجاب کےلوگوں کےمسائل وہاں حل ہوں

وفاقی وزیر داخلہ اعجاز شاہ نے کہا ہے کہ جب تک زندگی ہے کسی کو حرام نہیں کھانے دوں گا

باغی ٹی وی کی رپورٹ کے مطابق ننکانہ صاحب میں تقریب سے خطاب کرتے ہوئے وفاقی وزیر داخلہ نے کہا کہ مزدوروں کی پارٹی نےمزدوروں کےساتھ کیا کیا ،مزدوروں کی پارٹی پیسا کہاں لےگئی لوگوں کوجلدپتا چلےگا،ننکانہ صاحب میں مزدور ڈے کے موقع پر ہونے والی تقریب میں وزیر اعلیٰ پنجاب عثمان بزدار مہمان خصوصی تھے، تقریب میں صوبائی وزراء عنصر مجید خان اور ڈاکٹر یاسمین راشد بھی موجود تھیں. وفاقی وزیر داخلہ اعجاز شاہ نے کہا کہ ننکانہ صاحب میں یونیورسٹی بنانے کی تجویز تھی،اس یونیورسٹی کےلیے کبھی کسی علاقے کا نام لیا جاتا ہے تو کبھی کسی علاقے کا،خوشی ہےکہ اب یونیورسٹی کےلیےرقم رکھی گئی ہے .

واضح رہے کہ وزیر اعلیٰ پنجاب عثمان بزدار نے یوم مزدور کے موقع پر پنجاب کے مزدوروں کو رہائشی سہولیات دینے کے لئے لیبر کالونی کا افتتاح کر دیا، وزیر اعلیٰ پنجاب وارڈ برٹن ننکانہ صاحب پہنچے جہاں کالونی کا افتتاح کیا گیا،پہلے مرحلے میں مزدوروں کے لئے 208 فلیٹس تعمیر کئے گیے ہیں،. وزیر اعلیٰ پنجاب نے دورہ کے دوران فلیٹس میں سہولیات کا جائزہ بھی لیا.