Category: لاہور

وزیر اعلیٰ پنجاب عثمان بزدار سے وزیر اعظم کی مشیر برائے اطلاعات فردوس عاشق اعوان نے ملاقات کی ہے

باغی ٹی وی کی رپورٹ کے مطابق ملاقات میں باہمی دلچسپی کے امور، سیاسی صورتحال پر تبادلہ خیال کیا گیا. ملاقات کے دوران شعبہ اطلاعات کے مابین کو آرڈینیشن کو بہتر بنانے پر گفتگو کی گئی، وزیر اعلیٰ پنجاب نے کہا کہ حکومت نے شفافیت کے نئے کلچر کو پروان چڑھایا ہے،کرپشن کے خلاف زیروٹالرنس کی پالیسی کےمثبت نتائج سامنے آئے ہیں ،وطن عزیز پاکستان کو لوٹنے والوں کا احتساب ضروری ہے. تحریک انصاف کی حکومت قومی اداروں کی پائیدار بحالی پر توجہ دے رہی ہے.وزیر اعلیٰ پنجاب نے مزید کہا کہ عوام کی خدمت ہی میرا مشن ہے ، اس موقع پر فردوس عاشق اعوان نے کہا کہ وزیراعلیٰ پنجاب عثمان بزدار نے صوبے کے عوام کی خدمت کییئے بے مثال اقدامات کیے ہیں،تحریک انصاف کی حکومت کے فلاح عامہ کیلیے اقدامات سے عوام کو ریلیف ملے گا

وزیر اعظم عمران خان کے بیرون ملک دوروں پر اخراجات کے حوالہ سے درخواست پر عدالت نے سماعت سے معذرت کر لی

باغی ٹی وی کی رپورٹ کے مطابق پاکستان کے نامور وکیل، مسلم لیگ ن کے رہنما سابق وزیر اعظم نواز شریف کے سابق وکیل اے کے ڈوگر ایڈوکیٹ نے لاہور ہائیکورٹ میں درخواست دائر کی تھی جس میں کہا گیا تھا کہ عمران خان نےعوام سےوعدہ کیا تھا کہ وہ خصوصی طیاروں میں سفرنہیں کریں گے،تھر میں بچے غذائی قلت کا شکار ہیں اور وزیراعظم شاہانہ زندگی گزار رہے ہیں.معلومات تک رسائی کے قانون کے تحت معلومات حاصل کرنا ہر شہری کا حق ہے ،عدالت عمران خان کےخصوصی طیاروں پر9 ممالک کے سفرکےاخراجات کی تفصیلات طلب کرے، لاہور ہائیکورٹ میں عدالت کی سماعت ہوئے تو جسٹس عاطر محمود نے درخواست کی سماعت سے معذرت کر لی

وزیراعظم عمران خان نے کہا کہ پہلی بار پاکستان میں مکمل طور پر گاڑی تیار ہو گی ،اس فیکٹری سے چالیس ہزار لوگوں کو روزگار ملے گا

باغی ٹی وی کی رپورٹ کے مطابق لاہور میں ایک تقریب سے خطاب کرتے ہوئے وزیر اعظم نے کہا کہ حکومت کی نئی پالیسی میں سرمایہ کاروں کی تمام رکاوٹیں دورکردی ہیں، دو ڈھائی کنال کی جگہ پر چالیس ہزار لوگوں کو روزگار ملے گا، پہلی بار میں پاکستان میں مکمل طور پر گاڑی تیار ہو گی، اس فیکٹری سے لوگوں کو روزگار ملے گا، حکومت کی آمدنی بھی بڑھے گی اور یہ گاڑیاں ملک سے ایکسپورٹ بھی ہوں گی. انہوں نے کہا کہ ہماری پوری کوشش ہے کہ عوام کو ریلیف دیں،آسانیاں‌ پیدا کریں. انویسٹرز کے لیے آسانیاں پیدا کر دیں،

وزیر اعظم عمران خان نے کہا ہے کہ کچی آبادیوں میں فلیٹس بنائیں گے، ریاست جب کسی کا احساس کرتی ہے تو اللہ مدد کرتا ہے

باغی ٹی وی کی رپورٹ کے مطابق رینالہ خورد میں نیا پاکستان ہاوسنگ سکیم کی افتتاحی تقریب سے خطاب کرتے ہوئے وزیراعظم عمران خان نے کہا کہ ہمیں پانچ سال میں 50 لاکھ گھر بنانے ہیں،مشکل کام ہماری حکومت کرے گی، آسان کام وہ کر چکے ،وزیر اعظم عمران خان نے مزید کہا کہمعاشرے میں جب تک احساس پیدا نہیں ہوتا معاشرہ آگے نہیں بڑھ سکتا، معاشرہ کمزور طبقے کی فکر کرتا ہے. کمزور لوگوں کی مدد ریاست کی ذمہ داری ہے، ریاست کمزورون کا علاج کروائے، تعلیم دلوائے، انصاف دلوائے، حکومت غریب آدمی کو وکیل کر کے دیتی ہے. یورپ میں یہ نظام ہے. یہ نظام مدینہ کی ریاست میں نبی کریم صلی اللہ علیہ وسلم تاریخ میں پہلی مرتبہ لے کر آئے تھے.
ریاست جب احساس کرتی ہے تو اللہ کی طرف سے مدد آتی ہے،انہوں نے کہا کہ ہاوسنگ سکیم پورے پنجاب میں شروع کر رہے ہیں، بینک لوگوں کو قرضہ دیں گے. انہوں نے کہا کہ چالیس انڈسٹریز کنسٹرکشن کے ساتھ جڑی ہوئی ہیں جب گھر بنیں گے تو اور زیادہ نوجوانوں کو روزگارملے گا، ملک میں خوشحالی آئے گی. انہوں نے کہا کہ شہروں میں کچی آبادیاں ہیں اس کے لئے زبردست پروگرام لا رہے ہیں،کچی آبادیوں میں فلیٹس بنائیں گے، اس کے لئے چائنہ سے مدد لیں گے. بہت زیادہ انویسٹر دلچسپی لے رہے ہیں‌ ہاوسنگ سکیم میں،وزیر اعظم نے مزید کہا کہ کہا جاتا ہے کہ اتنے گھر بنانا ناممکن ہے، اب ہم تیار ہیں گھر بنائیں گے اور آنے والے دنوں میں سپیڈ مزید تیز ہو گی.

مسلم لیگ ن کی نائب صدر مریم نواز نے پٹرولیم مصنوعات کی قیمتوں میں اضافے پر ردعمل دیتے ہوئے کہا ہے کہ حکومت مہنگائی سے پریشان عوام سے جینے کا حق چھین رہی ہے

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر مریم نواز نے ٹویٹ کرتے ہوئے کہا کہ رمضان میں عوام کو ریلیف دینے کی بجائے پٹرول کی قیمتوں میں اضافہ سےحکومت مہنگائی سے پریشان عوام سے جینے کا حق چھین رہی ہے ،روزگار رک گئے ہیں، مزدور گھر بیٹھ گئے ہیں،تنخوادار طبقے کی تنخواہیں وہی پرانی حکومت بتائے کہ مجبورعوام انکی نااہلی اور نالائقی کا بوجھ مزید کیسے برداشت کریں؟

رمضان میں عوام کو ریلیف دینے کی بجائے پٹرول کی قیمتوں میں اضافہ سےحکومت مہنگائی سے پریشان عوام سے جینے کا حق چھین رہی ہے
روزگار رک گئے ہیں، مزدور گھر بیٹھ گئے ہیں،تنخوادار طبقے کی تنخواہیں وہی پرانی
حکومت بتائے کہ مجبورعوام انکی نااہلی اور نالائقی کا بوجھ مزید کیسے برداشت کریں؟

— Maryam Nawaz Sharif (@MaryamNSharif) May 4, 2019

واضح رہے کہ ای سی سی نے پٹرول کی قیمت میں 9.35 روپے، ڈیزل کی قیمت میں 4 روپے، ہائی اسپیڈ ‏ڈیزل 4 روپے 89 پیسے، ‏لائٹ ڈیزل 6 روپے 40 پیسے، ‏مٹی کا تیل 7 روپے 46 پیسے فی لٹر مہنگا کرنیکی منظوری دی۔ نئی قیمتوں کا اطلاق 7 مئی منگل کو کابینہ اجلاس میں منظوری کے بعد ہوگا۔ منظوری ملنے کے بعد پٹرول کی نئی قیمت 108 روپے فی لٹر ہو گی۔

قومی اسمبلی میں قائد حزب اختلاف شہباز شریف نے کہا کہ تحریک انصاف کی حکومت اپنی نااہلی کا بوجھ غریب عوام پر ڈال رہی ہے، رمضان المبارک سے قبل پٹرولیم مصنوعات کی قیمتوں میں اضافہ غریب عوام پر ظلم اور بے حسی کی انتہا ہے. شہباز شریف نے مزید کہا کہ ریاست مدینہ بنانے والوں نے رمضان المبارک کے مقدس ماہ کا بھی خیال نہیں کیا، اب مہنگائی کا طوفان آئے گا

وزیر اعظم عمران خان کے خلاف ہتک عزت کے دعوے کی لاہور میں سماعت ہوئی

باغی ٹی وی کی رپورٹ کے مطابق عدالت نےعمران خان کی عدالتی دائرہ اختیارکےخلاف درخواست مسترد کردی ،عمران خان نے موقف اختیار کیا تھا کہ معاملہ اسلام آباد کا ہے،کیس اسلام آباد کی عدالت میں بنتا ہے ، لاہور کی عدالت ہتک عزت کے دعوے کی سماعت نہیں کر سکتی جس پر عدالت نے کہا کہ لاہور کی عدالت ہتک عزت کی درخواست پر سماعت کر سکتی ہے .عدالت نے آئندہ سماعت پر عمران خان کو جواب جمع کروانے کا حکم جاری کرتے ہوئے سماعت 16 مئی تک ملتوی کر دی

واضح رہے کہ عمران خان نے شہبازشریف کے ہتک عزت کے دعوے کی درخواست کوچیلنج کیا تھا ،شہباز شریف نے عمران خان کے خلاف ہتک عزت کا دعویٰ دائر کیا تھا جس میں انہون‌نے کہا کہ عمران خان نےپاناما لیکس کےمعاملے پررشوت کے بے بنیاد الزامات لگائے.

شاہی مسجد لاہور کے خطیب مولانا عبدالخبیر آزاد نے کہا ہے کہ پاک فوج اور سیکیورٹی اداروں کے ہوتے ہوئے ریاست کے اندرمسلح جدوجہد حرام ہے

باغی ٹی وی کی رپورٹ کے مطابق نارووال میں پیغام پاکستان کانفرنس سے خطاب کرتے ہوئے مولانا عبدالخبیر آزاد نے کہا کہ وطن عزیز پاکستان میں تمام مذاہب کو آزادی حاصل ہے جو لوگ ہمارے وطن کے امن کو تباہ کرنا چاہتے ہیں ان کی سازشیں کامیاب نہیں ہونے دینگے، افواج پاکستان کے ہوتے ہوئے اس ملک پرآنچ نہیں آئے گی .آج پاک فوج کے باعث ہم امن اور چین سے زندگی گزار رہے ہیں .

واضح رہے کہ مسلم لیگ کے سیکرٹری جنرل احسن اقبال نے کہا کہ آج انٹرنیشنل اسلامک انسٹیٹیوٹ فار پیس کی بنیاد رکھ رہے ہیں،انٹرنیشنل اسلامک انسٹیٹیوٹ فارپیس بین الاقوامی سطح کا ادارہ ہوگاجس میں تین شعبے ہونگے ،پہلا شعبہ بین المسالک اور بین المذاہب ہم آہنگی کیلیے کام کرے گا ،دوسرا شعبہ دنیا میں عالمی سطح پر بین التہذیب مکالمے کو آگے بڑھائے گا،تیسرا شعبہ پاکستان کوانتہا پسندی، دہشتگردی کیخلاف جنگ میں ہونیوالے نقصان کو ڈاکومنٹ کریگا،

وزیر اعلیٰ پنجاب کے ترجمان شہباز گل نے کہا ہے کہ ن لیگ کے نئے عہدیداروں میں کچھ مفروراور کچھ نیب میں پیشیاں بھگت رہے ہیں

باغی ٹی وی کی رپورٹ کے مطابق شہباز گل نے کہا کہ ن لیگ کی سیاست دن بدن ختم ہوتی جا رہی ہے ،سیاسی اکھاڑے میں اسٹیٹس ک وکی جماعتوں کا مستقبل تاریک ہے ،انہوں نے کہا کہ سب کو واضح نظرآرہا ہے کہ ن لیگ قیادت کے بحران کا شکار ہے، شہباز گل نے مزید کہا کہ لوٹ مار کرنے والوں کو لوٹ مار کا حساب دینا ہوگا.

واضح رہے کہ مسلم لیگ نون نے اپنے نئے عہدیداروں کا اعلان کیا ہے ،احسن اقبال کو سیکرٹری جنرل اور شاہد خاقان عباسی کو سینئر نائب صدر بنایا گیا ہے مریم نواز ،عابد شیر علی، سردار ایاز صادق، برجیس طاہر، درشن لال، حمزہ شہباز، خواجہ سعد رفیق، خرم دستگیر، میاں جاوید لطیف، محمد زبیر، مشاہد اللہ خان، نیلسن عظیم، پرویز رشید، راحیلہ درانی، رانا تنویر اور سردار مہتاب احمد خان نائب صدور ہونگے۔