Category: لاہور

جنوبی پنجاب کی اہم سیاسی شخصیات نے پی ٹی آئی کو خیرآباد کہہ کر پیپلز پارٹی میں شمولیت اختیار کرلی

بلاول ہاؤس لاہورمیں سابق صدرآصف علی زرداری سے ملاقات کے بعد سابق وزیراعظم اور وائس چیئرمین پیپلزپارٹی یوسف رضا گیلانی نے کہا کہ پیپلز پارٹی مذاکرات کی حامی ، کسی کو مائنس کرنے کے حق میں نہیں۔ جبکہ بلاول ہاؤس لاہور میں پاکستان پیپلز پارٹی پارلیمنٹیرین کے صدر آصف علی زرداری سےملاقات کے بعد میڈیا سے گفتگو کرتے ہوئے سابق وزیراعظم یوسف رضا گیلانی کا کہنا تھا کہ مزید کئی لوگ رابطے میں ہیں انکا بیک گراؤنڈ دیکھ کر شمولیت کا فیصلہ کرینگے۔

انہوں نے کہا کہ تحریک انصاف کے ساتھ بجٹ کے بعد اسمبلیوں کی تحلیل پر اتفاق ہوگیا تھا لیکن وہ پھر چودہ مئی کے الیکشن پر بضد ہو گئے۔ فوجی املاک پر حملہ ملک پر حملے کے مترادف ہے۔ سابق وزیر اعظم نے کہا کہ پیپلز پارٹی کسی کو مائنس کرنے کے حق میں نہیں ، مذاکرات کی حامی ہے۔ سیاسی جماعتوں کے عسکری ونگ ختم ہونے چاہئیں۔ یوسف رضا گیلانی کاکہنا تھا پیپلز پارٹی جمہوری پارٹی ہے، سی ای سی میٹنگ اور اتحادیوں سے مل کر باہمی مشاورت سے فیصلہ کرینگے۔

دوسری جانب جنوبی پنجاب کی اہم سیاسی شخصیات کی پیپلزپارٹی میں شمولیت ۔۔۔ سابق صدر آصف زرداری نے سابق وزیراعظم یوسف رضا گیلانی اور مخدوم احمد محمود کی موجودگی میں پیپلزپارٹی میں شامل ہونے والوں کو پارٹی پرچم پہنائے۔ بلاول ہاؤس لاہور میں خصوصی تقریب کے دوران سابق ایم این اے قطب فرید کوریجہ، پی پی 265 سے رئیس اکمل وارن اور سردار شمشیر مزاری ، سید قاسم علی شمسی، فریحہ بتول، عبد العزیز کلانک، سابق ایم پی اے رسول بخش جتوئی پیپلز پارٹی میں شامل ہوئے۔

پیر جعفرمزمل شاہ، سردار اللہ وسایا چنو لغاری، محمد علمدارعباس قریشی، این اے ایک سو اناسی سے ملک عبد الغفار ارائیں، مسزعطا قریشی، یاسرعطا قریشی بھی جیالے بن گئے۔ سید جمیل شاہ، سید رشید شاہ، شیخ دلشاد احمد، سید بلال مصطفی، سید تحسین نواز گردیزی، میاں علی حیدر وٹو، میاں سلمان ایوب موہل، میاں امیرحیدر وٹو، ایاز خان، امجد خان نیازی، مزمل خان نیازی اور عمر مسعود فاروقی بھی پیپلز پارٹی کا حصہ بن گئے۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
سابق صدر آصف زرداری نے پیپلزپارٹی میں شمولیت اختیار کرنے والے تمام سیاستدانوں کو پارٹی پرچم بھی پہنائے۔

میں نے کسی کو شمولیت کا نہیں کہا. سردار تنویر الیاس

سردار تنویر الیاس نے چوہدری سرور کے ہمراہ لاہور آئے ہیں اور کہا کہ پورے پاکستان کا دل لاہور کے ساتھ دھڑکتا ہے جبکہ جناح ہاؤس پر دل بہت دکھا ہے، جس نے بھی یہ کیا عمران خان یا جو بھی بہت غلط کیا. ان کا مزید کہنا تھا کہ چوہدری شجاعت حسین ہمارے بزرگوں میں آتے ہیں، ان سے مشورے کرتا رہتا ہوں، چوہدری سرور کے ساتھ تحریک انصاف اکھٹے تھے.

ان کا مزید کہنا تھا کہ ہم سیاسی اور معاشی گرداب میں ہیں عمران خان اس کے ذمہ دار ہیں، چوہدری سرور نے برطانیہ کی نے نیشنیلٹی چھوڑی اور پاکستان آئے، ہم ایک مکمل ایجنڈا رکھتے ہیں تاہم ہم دوسری قیادتوں کے ساتھ مشاورت کریں گے ٹیبل پر بیٹھے گے جبکہ عمران خان کہتا تھا میں ٹیبل پر نہیں بیٹھوں گا، ہم آپ لوگوں کو مایوس نہیں کریں گے، چوہدری سرور کو شجاعت حسین نے مینڈیٹ دیا ہے، سیاسی طور پر چوہدری شجاعت حسین دور اندیش سیاست دان ہیں، ہم ملک سے گرداب ، بے چینی اور اضطراب ختم کریں گے.

جبکہ چودھری سرور نے کہا کہ آج ہماری بہت اچھی میٹنگ ہوئی ہے اور میں ہمیشہ سے معترف تھا کہ شجاعت حسین بڑے آدمی ہیں جبکہ شجاعت حسین نے کہا ہے کہ آپ پوری ٹیم کے ساتھ آئے تاہم یہ پوری ٹیم کے ساتھ آئے گے اور ملاقات کریں گے. علاوہ ازیں سردار تنویر الیاس نے مسلم لیگ ق میں شمولیت کے معاملہ پر کہا کہ میں نے کسی کو شمولیت کا نہیں کہا تھا جبکہ میں نے تو کہا تھا چودھری شجاعت کی مشاورت سے ملک کو گرداب سے نکالنے کے لیے کرادر ادا کروں گا اور مسلم لیگ کا آزاد کشمیر میں کوئی چیپٹر نہیں.

سردار تنویر الیاس نے نے مزید یہ بھی کہا کہ چودھری سرور بات ٹوئسٹ کر گئے ہیں میں انکی بات سے متفق نہیں جبکہ میرے ساتھ تحریک انصاف کے 17 ارکان پارلیمنٹ ہیں۔ تاہم اس بارے میں چودھری سرور نے کہا کہ یہ اپنے ساتھیوں سے مشاورت کر کے اپنے فیصلے کے بارے بتائیں گے۔

جبکہ اس سے قبل خبریں سامنے آئیں تھیں کہ سابق وزیراعظم آزاد کشمیر سردار تنویر الیاس نے مسلم لیگ ق میں شمویلت کا اعلان کیا اور جناح ہاؤس لاہور کے دورے کے بعد میڈیا سے گفتگو کرتے ہوئے سردار تنویر الیاس نے کہا کہ 9 مئی کے واقعات افسوس ناک ہیں، عمران خان نام نہاد سیاسی رہنما ہے جنہوں نے نوجوانوں کو گمراہ کرنے کی کوشش کی اور ان سے جھوٹے وعدے کیئے۔

آصف زرداری کے بعد تنویر الیاس بھی لاہور میں ذرائع کا دعویٰ ہے کہ تنویر الیاس اپنے ساتھ 20 ایم این ایز اور 40 کے قریب ایم پیز جوڑ چکے ہیں۔خبر یہ بھی ہے کہ ق لیگ تنویر الیاس کی شمولیت کی خواہاں ہے البتہ فیصلہ ہونا باقی پی ٹی آئی سے ایک اور گروپ،نئی پارٹی یا ق لیگ سے اتحاد… pic.twitter.com/xDlYPPIvVa

— Faisal Abbasi (@Faisalabassi) May 31, 2023

انہوں نے کہا کہ ہر مشکل وقت میں فوج عوام کے ساتھ کھڑی رہتی ہے جب کہ سوشل میڈیا پر اداروں کے خلاف پروپیگنڈا کیا گیا۔ تنویر الیاس نے عمران خان کا کیس فوجی قوانین کے تحت چلانے کا مطالبہ کرتے ہوئے کہا کہ کوئی کام بتائیں جو عمران خان نے بحیثیت سیاسی لیڈر کیا ہو۔ دوسری جانب اسلام آباد میں سابق سابق پی ٹی آئی رہنماؤں کے ہمراہ میڈیا سے بات کرتے ہوئے فواد چوہدری نے کہا کہ قانون اپنا راستہ لے گا، پاکستان 25 کروڑ کی آبادی کا ملک ہے، 25 کروڑ عوام کو زرداری اور نواز کے سہارے نہیں چھوڑا جا سکتا۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
فواد چوہدری کا کہنا تھا کہ کسی طور پر ممکن نہیں کہ عوام کو پی ڈی ایم پر چھوڑ دیا جائے، یہ حکومت موجودہ صورتحال کی براہ راست ذمہ دار ہے، البتہ بحران کو حل کرنے کے لیے اپنی کوششیں کریں گے۔ سابق وفاقی وزیر نے کہا کہ پرویز خٹک، اسد قیصر، حماد اظہر، فرخ حبیب و دیگر سے رابطہ کیا، پاکستان کو مستحکم حل کی طرف لانا ہے جب کہ اس مشکل وقت میں بے شمار کارکنان جیلوں میں گئے جنہیں جیلوں سے نکالنا ہماری ذمہ داری ہے۔

گرفتاری کیلئے پولیس چھاپے مار رہی مگر میاں اسلم اقبال مسسل روپوش

پاکستان تحریک انصاف کے دور میں صوبائی وزیر رہنے والے میاں اسلم اقبال کی گرفتاری کے لیے پولیس مختلف علاقوں میں چھاپے مار رہی ہے جبکہ پولیس کا کہنا ہے کہ سابق سینئر صوبائی وزیر میاں اسلم اقبال کی گرفتاری کے لیے لاہور کے علاقوں اقبال ٹاؤن اور داروغے والا میں چھاپے مارے گئے۔ تاہم ذرائع کے مطابق پولیس کو میاں اسلم اقبال کے فرنٹ مین کی تلاش ہے، میاں اسلم اقبال کا فرنٹ مین ثاقب شاہ علاقہ غیر میں روپوش ہے۔

پولیس ذرائع کا کہنا ہے کہ میاں اسلم اقبال کا خاکہ بھی جاری کر دیا گیا ہے جبکہ خیال رہے کہ 9 مئی کے واقعات کے بعد پاکستان تحریک انصاف کے درجنوں رہنما پارٹی چھوڑ چکے ہیں جبکہ کئی رہنما پابند سلاسل بھی ہیں۔

مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی

جبکہ یاد رہے کہ 9 مئی کے پرتشدد واقعات کے مقدمہ میں نامزد تحریک انصاف کے رہنما اور سابق صوبائی وزیر میاں اسلم اقبال کے گرد پولیس نے گھیرا تنگ کر دیا ہے، اس سے قبل پولیس ذرائع کے مطابق سابق سینئر صوبائی وزیر میاں اسلم اقبال کے بڑے بھائی میاں اکرم اقبال کو حراست میں لے لیا گیا تھا، میاں اکرم اقبال کو سمن آباد سے ڈی ایس پی سی آئی اے کینٹ نے حراست میں لیا تھا۔ میاں اکرم اقبال کو گھر میں کیمرے لگوانے کے دوران حراست میں لیا گیا جبکہ میاں اسلم اقبال کی گرفتاری کی کوششیں جاری ہیں، میاں اسلم اقبال کے خلاف تھانہ سرور روڈ میں دہشت گردی سمیت دیگر سنگین دفعات کے تحت مقدمہ درج ہے۔