لاہور: سابق سی سی پی او لاہور غلام محمود ڈوگر آج ریٹائر ہوگئے۔

باغی ٹی وی: رپورٹس کےمطابق غلام محمود ڈوگرکے پی ٹی آئی حکومت میں مبینہ سیاسی کردار نےانہیں متنازع بنائےرکھا،وفاقی حکومت کی جانب سے غلام محمود ڈوگر کا تبادلہ و معطل کر دیا گیا تھا تاہم انہوں نے عدالتی احکامات حاصل کر کے پوسٹنگ نہیں چھوڑی تھی۔

سوڈان :سعودی شہریوں اور دیگر ممالک کے شہریوں کا انخلا شروع

غلام محمود ڈوگر کو وفاقی وزراء پر مقدمہ درج کرنے پر بھی کافی تنقید کا سامنا کرنا پڑا تھا پولیس ذرائع نے بتایا ہے کہ غلام محمود ڈوگر کو نگراں حکومت نے سی سی پی او لاہور کے عہدے سے ہٹایا تھاغلام محمود ڈوگر عمران خان پر قاتلانہ حملےکی تحقیقات کے لیے بننے والی جے آئی ٹی کے سربراہ بھی رہے ۔

افغانستان ایک بار پھر دہشتگردی کی سرگرمیوں کا مرکزبن گیا ہے،امریکی خفیہ رپورٹ

غلام محمود ڈوگر کی رہنما تحریک انصاف یاسمین راشد کے ساتھ مبینہ آڈیو سامنے آئی تھی جس میں دونوں عدالتی احکامات سے متعلق گفتگو کر تے پائے گئے-

لاہور: ٹریفک پولیس کی جا نب سے عید الفطر کے موقع پر قانون کی معمولی خلاف ورزی کرنے والوں کو چالان کے بجائے پھول پیش کیے گئے۔

باغی ٹی وی: صوبائی دارالحکومت کی مختلف سڑکوں پر عید کے روز ٹریفک پولیس اہل کاروں نے شہریوں میں پھول بانٹے ایس پی صدر آصف صدیق نے مال روڈ پر شہریوں کو پھول پیش کیے جبکہ ایس پی سٹی شہزاد خان نے مختلف شاہراہوں کا دورہ کیا اور شہریوں کو پھول دیئے۔

ملتان:پولیس اہلکار کی فائرنگ سے 2 نوجوان جاں بحق

ایس پی آصف صدیق اورایس پی سٹی شہزاد خان نے مختلف شاہراہوں کا وزٹ کیا اورٹریفک وارڈنز سے عید ملی۔
سی ٹی او لاہور کی ہدایت پر سرکل افسران نے اپنے اپنے سرکل میں پھول تقسیم کئے۔ pic.twitter.com/JGFsQZp9Gz

— Lahore Traffic Police (@ctplahore) April 22, 2023

ٹریفک پولیس کی طرف سے معمولی خلاف ورزی پر چالان کی بجائے پھول پیش کرنے کا سلسلہ جاری، ایس پی صدر آصف صدیق نے شہریوں میں پھول پیش کئے، ایس پی آصف صدیق نے مختلف چوکوں میں وارڈنز سے عید بھی ملی، سی ٹی او لاہور کی ہدایت پر سرکل افسران نے اپنے اپنے سرکل میں پھول تقسیم کئے. pic.twitter.com/Fjl9RMd3lY

— Lahore Traffic Police (@ctplahore) April 22, 2023

ٹریفک پولیس کی طرف سے معمولی خلاف ورزی پر چالان کی بجائے پھول پیش کرنے کا سلسلہ جاری رہاایس پی سٹی شہزاد خان نے مغل پورہ پر شہریوں میں پھول پیش کئے،ایس پی سٹی شہزاد خان نے مختلف چوکوں میں وارڈنز سے عید بھی ملی-

چیف جسٹس کی ساس اور پی ٹی آئی وکیل خواجہ طارق رحیم کی اہلیہ کی …

سی ٹی او لاہور کی ہدایت پر سرکل افسران نے اپنے اپنے سرکل میں گاڑی چلانے والوں کو پھول تقسیم کیے۔انہوں نے کہا کہ چالان صرف سنگین خلاف ورزی پر کیا جارہا ہے۔ معمولی خلاف ورزی پر شہریوں کو آگاہی دینے کے ساتھ صرف تنبیہ کی جا رہی ہے۔

ٹریفک پولیس کی طرف سے معمولی خلاف ورزی پر چالان کی بجائے پھول پیش کرنے کا سلسلہ جاری، ایس پی صدر آصف صدیق نے مغل پورہ پر شہریوں میں پھول پیش کئے، ایس پی آصف صدیق نے مختلف چوکوں میں وارڈنز سے عید بھی ملی، سی ٹی او لاہور کی ہدایت پر سرکل افسران نے اپنے اپنے سرکل میں پھول تقسیم کئے. pic.twitter.com/mHELV4bar4

— Lahore Traffic Police (@ctplahore) April 22, 2023

گورنر ہاؤس سندھ میں عوام کیلئے ڈنر اور قوالی کا اہتمام

انہوں نے کہا کہ ون ویلنگ، ہلڑ بازی اور کم عمر ڈرائیورز کےخلاف کارروائیاں جاری ہیں۔ سی ٹی او لاہور نے والدین سے اپیل کی کہ وہ عید تعطیلات میں اپنے بچوں پر خصوصی توجہ دیں اور کم عمر بچوں کو موٹرسائیکل یا گاڑی نہ دیں۔کم عمر بچے حادثات کا سبب بنتے ہیں۔

آج چالان چٹ کی جگہ پھول

ٹریفک پولیس کی طرف سے معمولی خلاف ورزی پر چالان کی بجائے پھول پیش کرنے کا سلسلہ جاری،ایس پی سٹی شہزاد خان نے مغل پورہ پر شہریوں میں پھول پیش کئے،ایس پی سٹی شہزاد خان نے مختلف چوکوں میں وارڈنز سے عید بھی ملی. pic.twitter.com/tor8BhAScE

— Lahore Traffic Police (@ctplahore) April 22, 2023

سلمان خان کی فلم ’کسی کا بھائی کسی کی جان‘ آن لائن لیک ہوگئی

پاکستان تحریک انصاف کے چیئرمین عمران خان نے اعلان کیا ہے کہ سپریم کورٹ کا فیصلہ نا مانا گیا تو عوام کو سڑکوں پر نکالوں گا۔

باغی ٹی وی: زمان پارک میں کارکنوں سے خطاب میں انہوں نے کہا کہ آزادی چاہتے ہیں تو وہ پلیٹ میں رکھ کرنہیں ملتی،اس کیلئےقربانیاں دینی پڑتی ہیں،غلامی میں ہمارے ملک کاکوئی مستقبل نہیں ہے،ہمارا وزیراعظم باہرجا کر کہتا ہے مانگنے نہیں آیا مجبوری ہے، یہ غلام ذہنیت کے لوگ ہیں،یہ اپنے پیسے کے غلام ہیں۔

وزیر خارجہ بلاول بھٹو زرداری کا ایرانی ہم منصب سے ٹیلیفونک رابطہ

عمران خان کا کہنا تھا کہ عوام کو تیار کرنا ہے کسی بھی وقت کال دے سکتا ہوں،سپریم کورٹ کا فیصلہ نہیں مانا گیا تو عوام کو سڑکوں پر نکالوں گا، ہم ملک میں انصاف اور قانون کی حکمرانی چاہتے ہیں، حقیقی آزادی کی جنگ سب کو قانون کے تابع لانے کیلیے ہے،انصاف اور حقوق دینے سے معاشرہ آزاد ہوتا ہے۔

سراج الحق کا وزیراعظم شہباز شریف کے ساتھ ٹیلیفونک رابطہ،سیاسی بحران کا حل نکالنے کامطالبہ

عمران خان نے کہا کہ بڑے چوروں کو نہ پکڑا جائے تو قوم زوال پزیر ہوجاتی ہے، میں چوروں کو نہ پکڑ سکا کیونکہ ساری طاقت باجوہ کے پاس تھی، جنرل (ر) باجوہ کرپشن کو برا نہیں سمجھتا تھا، پاکستان کو مشکل سے نکالنے کیلیے انصاف کا نظام ٹھیک کرنا ہوگا، ہم نے ملک میں انصاف کا نظام لانا ہے، اہلکار آکر ہمارے بے گناہ کارکنوں کو پکڑ کر لے جاتے ہیں، یہ ظلم اور ناانصافی کی بدترین مثال ہے۔

وزیر اعظم کی مردم شماری کے حوالے سے ایم کیو ایم کےتحفظات دور کرنے کی …

دیکھو گے تو ہر موڑ پہ مل جائیں گی لاشیں
ڈھونڈو گے تو اس شہر میں قاتل نہ ملے گا

ملک زادہ منظور احمد

ملک زادہ منظور احمد اردو کے مصنف، شاعر، نقاد، پروفیسر اور مشاعروں میں منفرد فن نظامت کے لیے شہرت رکھتے تھے ملک زادہ منظور احمد 17 اکتوبر، 1929ء کو بھارت کے فیض آباد ضلع کے ایک چھوٹے سے گاؤں میں پیدا ہوئے تھے۔ ان کاخاندان ایک سادات گھرانہ تھا۔

تعلیم
۔۔۔۔۔
ملک زادہ نے تین مختلف شعبوں، یعنی انگریزی، تاریخ اور اردو میں ایم اے کیا۔ انہوں نے مولانا ابوالکلام آزاد: فکروفن کے عنوان سے مقالہ تحریر کرکے پی ایچ ڈی مکمل کی۔

ملازمت
۔۔۔۔۔
ملک زادہ 1951ء میں جی وی ایس کالج، مہاراج گنج میں تاریخ کے لیکچرر بنے۔ 1952ء میں وہ جارج اسلامیہ کالج، گورکھپور میں تاریخ کے لیکچرر بنے۔ اس کے بعد 1964ء تک وہ انگریزی ادبیات کے لیکچرر بنے۔ 1964ء سے 1968ء تک ریڈر، صدر شعبہ اور پروفیسر بنے۔ وہ 1990ء میں لکھنؤ یونیورسٹی سے وظیفہ حسن خدمت پر سبکدوش ہوئے۔

مدیر، رسالہ امکان۔ یہ ایک ماہنامہ کی شکل میں شروع ہوا۔ اس میں منظور ایک کالم کسک کے عنوان سے لکھتے جو بہت مشہور ہوا۔ اسی کالم میں ایک بار منظور نے لکھا تھا کہ ان کی خواہش ہے کہ امکان ان کی زندگی میں بند نہ ہو صدر، آل انڈیا اردو رابطہ کمیٹی، صدر، فخر الدین علی احمد میموریل کمیٹی، لکھنو اور رکن، ایگزیکیٹیو کمیٹی، لکھنؤ یونیورسٹی رہے-

تخلیقات
۔۔۔۔۔
۔ (1)کالج گرل، 1954ء (ناول)
۔ (2)اردو کا مسئلہ (مقالہ)، 1957ء
۔ (3)سحر سخن 1961ء، (مجموعہ کلام)
۔ (4)ابوالکلام آزاد: فکرروفن، 1964ء
(تحریروں کا تنقیدی جائزہ)
۔ (5)ابوالکلام آزاد الہلال کے آئینے میں
۔ (6)غبارخاطر کا تنقیدی جائزہ
۔ (7)سحر ستم (مجموعہ کلام)
۔ (8)رقص شرر، 2004ء
(خود نوشت سوانح حیات)
اس کتاب کے مطالعے سے اُس دور کی
ادبی تہذیب کا اندازہ ہوتا ہے۔
اس زمانے میں خاص شاعرات کے
مشاعرے ہوا کرتے تھے۔ اس طرح کا
پہلا مشاعرہ منظور کی کوششوں سے
گورکھپور میں منعقد ہوا تھا۔
شاعرات بیوٹی پارلر سے تیار ہو کر
مشاعرے میں آتی تھیں۔
یہ لوگ دلکش ترنم سے سطحی اور
غیر معیاری غزلیں پڑھا کرتی تھیں
جن کا خالق کوئی اور ہوا کرتا تھا۔
۔ (9)انتخات غزلیات نظیر اکبر آبادی
(منتخب غزلیں)
۔ 200 کتابوں کے پیش لفظ

اعزازات
۔۔۔۔۔
۔ (1)زندگی بھر اردو ادب میں
تعاون کرنے کے لیے
اترپردیش اردو اکادمی کا اعزاز
۔ (2)اترپردیش اردو اکادمی کا ایوارڈ
برائے فروغ اردو
۔ (3)زندگی بھر اردو ادب میں
تعاون کرنے کے لیے
مدھیہ پردیش اردو اکادمی کا اعزاز
۔ (4)آل انڈیا میر اکیڈمی کی جانب سے
امتیاز میراعزاز
۔ (5)آل انڈیا میر اکیڈمی کی جانب سے
افتخاز میراعزاز
۔ (6)زندگی بھر اردو ادب میں
تعاون کرنے کے لیے
خدابخش کتب خانے کا اعزاز
۔ (7)مے کش اکبرآبادی ایوارڈ
۔ (8)ہری ونش رائے بچن ایوارڈ
۔ (9)صوفی جمیل اختر ایوارڈ
۔ (10)عالمی اردو کانفرنس، نئی دہلی
کی جانب سے فراق سمان
۔ (11)زندگی بھر کی کامیابیوں کے لیے
مومن خان مومن اعزاز
۔ (12)گریٹر شکاگو کی سابق عثمانیہ یونیورسٹی
کے سابقہ طلبا کی جانب سے فخر اردو ایوارڈ
۔ (13)پریاگ کوی سمیلن کی جانب سے
ساہتیہ سرسوت ایوارڈ۔

غزل
۔۔۔۔۔
شمع کی طرح شب غم میں پگھلتے رہئے
صبح ہو جائے گی جلتے ہیں تو جلتے رہئے
وقت چلتا ہے اڑاتا ہوا لمحات کی گرد
پیرہن فکر کا ہر روز بدلتے رہئے
آئنہ سامنے آئے گا تو سچ بولے گا
آپ چہرے جو بدلتے ہیں بدلتے رہئے
آئی منزل تو قدم آپ ہی رک جائیں گے
زیست کو راہ سفر جان کے چلتے رہیے
صبح ہو جائے گی ہاتھ آ نہ سکے گا مہتاب
آپ اگر خواب میں چلتے ہیں تو چلتے رہئے
عہد امروز ہو یا وعدۂ فردا منظورؔ
ٹوٹنے والے کھلونے ہیں بہلتے رہئے

غزل
۔۔۔۔۔
مرا ہی پر سکوں چہرا بہت تھا
میں اپنے آپ میں بکھرا بہت تھا
بہت تھی تشنگی دریا بہت تھا
سرابوں سے ڈھکا صحرا بہت تھا
سلامت تھا وہاں بھی میرا داماں
بہاروں کا جہاں چرچا بہت تھا
انہیں ٹھہرے سمندر نے ڈبویا
جنہیں طوفاں کا اندازا بہت تھا
اڑاتا خاک کیا میں دشت و در کی
مرے اندر مرا صحرا بہت تھا
زمیں قدموں تلے نیچی بہت تھی
سروں پر آسماں اونچا بہت تھا

متفرق اشعار
۔۔۔۔۔
دیکھو گے تو ہر موڑ پہ مل جائیں گی لاشیں
ڈھونڈوگے تو اس شہر میں قاتل نہ ملے گا

چہرے پہ سارے شہر کے گرد ملال ہے
جو دل کا حال ہے وہی دلی کا حال ہے

خواب کا رشتہ حقیقت سے نہ جوڑا جائے
آئینہ ہے اسے پتھر سے نہ توڑا جائے

دریا کے تلاطم سے تو بچ سکتی ہے کشتی
کشتی میں تلاطم ہو تو ساحل نہ ملے گا

انہیں ٹھہرے سمندر نے ڈبویا
جنہیں طوفاں کا اندازا بہت تھا

عجیب درد کا رشتہ ہے ساری دنیا میں
کہیں ہو جلتا مکاں اپنا گھر لگے ہے مجھے

وہی قاتل وہی منصف عدالت اس کی وہ شاہد
بہت سے فیصلوں میں اب طرف داری بھی ہوتی ہے

رسم تعظیم نہ رسوا ہو جائے
اتنا مت جھکئے کہ سجدہ ہو جائے

جن سفینوں نے کبھی توڑا تھا موجوں کا غرور
اس جگہ ڈوبے جہاں دریا میں طغیانی نہ تھی

حال پریشاں سن کر میرا آنکھ میں اس کی آنسو ہیں
میں نے اس سے جھوٹ کہا ہو ایسا بھی ہو سکتا ہے

روشن چہرہ بھیگی زلفیں دوں کس کو کس پر ترجیح
ایک قصیدہ دھوپ کا لکھوں ایک غزل برسات کے نام

دیوانہ ہر اک حال میں دیوانہ رہے گا
فرزانہ کہا جائے کہ دیوانہ کہا جائے

زندگی میں پہلے اتنی تو پریشانی نہ تھی
تنگ دامانی تھی لیکن چاک دامانی نہ تھی

کیا جانئے کیسی تھی وہ ہوا چونکا نہ شجر پتہ نہ ہلا
بیٹھا تھا میں جس کے سائے میں منظورؔ وہی دیوار گری

کھل اٹھے گل یا کھلے دست حنائی تیرے
ہر طرف تو ہے تو پھر تیرا پتا کس سے کریں

عرض طلب پر اس کی چپ سے ظاہر ہے انکار مگر
شاید وہ کچھ سوچ رہا ہو ایسا بھی ہو سکتا ہے

اب دیکھ کے اپنی صورت کو اک چوٹ سی دل پر لگتی ہے
گزرے ہوئے لمحے کہتے ہیں آئینہ بھی پتھر ہوتا ہے

نہ خوف برق نہ خوف شرر لگے ہے مجھے
خود اپنے باغ کو پھولوں سے ڈر لگے ہے مجھے

کچھ غم جاناں کچھ غم دوراں دونوں میری ذات کے نام
ایک غزل منسوب ہے اس سے ایک غزل حالات کے نام

وقت شاہد ہے کہ ہر دور میں عیسیٰ کی طرح
ہم صلیبوں پہ لیے اپنی صداقت آئے

بے چہرگی کی بھیڑ میں گم ہے مرا وجود
میں خود کو ڈھونڈھتا ہوں مجھے خد و خال دے

دور عشرت نے سنوارے ہیں غزل کے گیسو
فکر کے پہلو مگر غم کی بدولت آئے

کاش دولت غم ہی اپنے پاس بچ رہتی
وہ بھی ان کو دے بیٹھے ایسی مات کھائی ہے

جماعت اسلامی کے امیر سراج الحق نے وزیراعظم شہباز شریف کے ساتھ ٹیلیفونک رابطہ کیا-

باغی ٹی وی:ترجمان جماعت اسلامی کے مطابق وزیر اعظم نے امیر جماعت اسلامی سراج الحق سے فون پر رابطہ کیا اور عید الفطر کی مبارکباد دی،سراج الحق نے وزیر اعظم شہباز شریف کا عید کی مبارک باد دینے پر شکریہ ادا کیا ٹیلی فون پر دونوں رہنماؤں نے موجودہ سیاسی صورت حال پر گفتگو کی۔

لودھراں؛ آئل ٹینکر خانہ بدوشوں کی جھگیوں میں گھس گیا، 8 افراد جاں بحق

امیر جماعت اسلامی نے کہا کہ بطور وزیر اعظم آپ کی زیادہ ذمہ داری کہ سیاسی بحران کا حل نکالیں وزیراعظم نے سراج الحق کو سیاسی بحران کا حل نکالنے کے حوالے سےاپنی کاوشوں سے آگاہ کیا اور بتایا کہ آپ سے ملاقات کے بعد اتحادی جماعتوں سے مشاورت جاری ہے اور اس ضمن میں پی ٹی ایم جماعتوں کا 26 اپریل کو مشاورتی اجلاس بھی طلب کیا ہے۔

دوسری جانب وزیراعظم شہبازشریف نے عیدالفطر کے موقع پر سینٹرل جیل لاہور کا دورہ کیا وزیراعظم نے قیدیوں سے ملاقات کی اور تحائف تقسیم کیے۔ انہوں نے جیل اسپتال کا بھی دورہ کیا۔

وزیراعظم شہبازشریف کو جیل انتظامیہ نے بریفنگ دی شہباز شریف نے جیل میں واش روم بہتر کرنے کی ہدایت کی اور کہا کہ مجھے بتائیں جیل میں کن چیزوں کی ضرورت ہے، میں جب جیل میں تھا پرندوں کے لیے پانی رکھتا تھا، میں دوسری بار اس جیل میں چھ ماہ رہا، میری دعا ہے کہ قیدیوں یہاں سے بہترپاکستانی بن کر جائیں۔

کچہ آپریشن؛ پولیس حکام کی وزیراعلیٰ کو بریفنگ

ان کا کہنا تھاکہ مجھے علم ہے کہ بعض کیسز میں تاخیر ہوتی ہے، مجھے علم ہے کہ جیل کے اندر عید کے کیا معنی ہیں، میں بھی قید میں رہا ہوں اپنوں سے دوری کیا ہوتی ہے احساس ہے، میرے دورے کا مقصد جیل میں قیدیوں کے مسائل سے آگاہی حاصل کرنا ہے۔

جیل کے دورے کے موقع پر خاتون نے وزیرعظم کو پولیس سےمتعلق شکایت کی اور کہا کہ میرے بیٹے کو مارا گیا، شوہر کو بھی جیل میں ڈال دیا گیاوزیراعظم نے انتظامیہ کو خاتون کی شکایت پر انکوائری کی ہدایت کی۔

اس کے علاوہ شہباز شریف نے جیل دورے کے موقع پر خواتین قیدیوں کے مسائل سنے اور ان کے مسائل کے حل کے لیے اقدامات کی ہدایت کی وزیراعظم نے جیل اسپتال اور دیگر شعبوں کا دورہ کیا، ڈاکٹر سے قیدی مریضوں کے مسائل سے متعلق دریافت کیا۔

چوہدری شجاعت کی ظہورپیلس آمد، کارکنوں نے عمران خان اورپرویز الٰہی کے پوسٹر اتار دیے