Category: میر پور خاص

میرپورخاص،باغی ٹی وی (سید شاہزیب شاہ کی رپورٹ) پیر آفتاب حسین شاہ جیلانی سمیت سیاسی و سماجی شخصیات کی حاجی محمد علی سے تعزیت

تفصیل کے مطابق پاکستان پیپلز پارٹی کے ممبر قومی اسمبلی پیر آفتاب حسین شاہ جیلانی، میئر عبدالرؤف غوری، ڈپٹی میئر سمیرا بلوچ اور دیگر سیاسی و سماجی شخصیات نے یوسی 8 کے چیئرمین حاجی محمد علی کے بہنوئی کے انتقال پر ان سے تعزیت کا اظہار کیا۔

تعزیت کرنے والوں میں پارٹی رہنما شاہنواز مغل، محمد اسحاق ناریجو، چیئرمین حاجی محمد حنیف میمن، عبدالرشید پنھور، چیئرمین ارشد ہزاروی، چیئرمین بھگوان داس، چیئرمین ملک محمد فاروق، چیئرمین شریف بلوچ، چیئرمین لیبر محمد یوسف سومرو، ڈی ایس پی سی آئی اے فضل الحق چانڈیو، پی ایس او سلیم قائم خانی، چیف سی پی ایل سی عبدالحسین، وائس چیئرمین محمد نعیم بابر خاصخیلی، یاسر عمرانی، محمد شہباز مری، محمد زبیر بلوچ، محمد رضوان بلوچ، وقاص قریشی، سوشل ورکر و صحافی پارومل پریمی، چیتن لکھانی، شاہ میر خان خاصخیلی ایڈوکیٹ سہیل احمد اعوان، فرید احمد، محمد عبید خان، دانیال قریشی، سیف علی، صحافی نظام پہنور، اویس ملک اور دیگر عمائدین شہر شامل تھے۔

تمام شخصیات نے حاجی محمد علی سے ان کے بہنوئی کے انتقال پر گہرے دکھ کا اظہار کیا اور مرحوم کی مغفرت کے لیے دعا کی۔

میرپورخاص،باغی ٹی وی (نامہ نگار سید شاہزیب شاہ کی رپورٹ) جماعت اسلامی میرپورخاص نے غزہ پر اسرائیلی حملوں کے خلاف مدینہ مسجد چوک پر احتجاجی مظاہرہ کیا۔ مظاہرین نے امریکہ اور اسرائیل کی بربریت کی سخت مذمت کرتے ہوئے فلسطینیوں کے ساتھ مکمل یکجہتی کا اظہار کیا۔

مظاہرے سے خطاب کرتے ہوئے جماعت اسلامی ضلع میرپورخاص کے امیر حافظ سلمان خالد اور دیگر رہنماؤں نے کہا کہ امریکہ کی آشیرباد سے اسرائیل ایک بار پھر دہشت گردی اور ظلم پر اتر آیا ہے۔ مسلم دنیا کے حکمرانوں کی بے حمیتی اور بزدلی کے سبب اسرائیل کو معصوم فلسطینیوں کے قتل عام کا لائسنس مل گیا ہے۔ دو دنوں میں چھ سو سے زائد معصوم فلسطینی بچوں، خواتین اور جوانوں کا قتل جنگ بندی معاہدے کی کھلی خلاف ورزی اور عالمی قوانین کی توہین ہے۔

انہوں نے کہا کہ امریکہ اور اسرائیل کی خون آشامی کی لت نے دنیا کو انسانوں کے لیے غیر محفوظ اور ظلم کی آماجگاہ بنا دیا ہے۔ اس بربریت کا واحد حل امت مسلمہ کا اتحاد، مسلم دنیا کا دونوں دہشت گرد ممالک سے ہر طرح کے تعلقات کا مکمل خاتمہ اور تمام دستیاب وسائل کے ذریعے منہ توڑ جواب ہے۔ جماعت اسلامی اپنے مظلوم فلسطینی بھائیوں کی ہر محاذ اور ہر سطح پر مکمل حمایت اور تائید کرتے ہوئے ہر طرح کی امداد جاری رکھے گی۔

مظاہرین نے ہاتھوں میں پلے کارڈز اور بینرز اٹھا رکھے تھے جن پر اسرائیلی بربریت اور مظالم کے خلاف نعرے درج تھے۔ مظاہرے میں بڑی تعداد میں شہریوں نے شرکت کی۔

میرپورخاص،باغی ٹی وی( نامہ نگار، سید شاہزیب شاہ کی رپورٹ) پیپلز لیبر بیورو سندھ کے صدر حبیب الدین جنیدی، جنرل سیکریٹری سید فیاض علی شاہ لکیاری اور انفارمیشن سیکریٹری سلیم احمد سومرو کی ہدایت پر پیپلز لیبر بیورو میرپورخاص ضلع/ڈویژن کا اجلاس مری ہاؤس میں منعقد ہوا۔ اجلاس میں مختلف مزدور تنظیموں، جن میں شوگر ملز ورکرز یونین (سی بی آئی)، پرمینلڈ فیلڈ لیبر یونین (سی بی آئی)، پیپلز ایجوکیشن ایمپلائز ایسوسی ایشن میرپور خاص، رکشہ یونین اور دیگر مزدور تنظیمیں شامل تھیں، نے شرکت کی۔

اجلاس کا بنیادی مقصد 4 اپریل کو پاکستان پیپلز پارٹی کے بانی چیئرمین شہید ذوالفقار علی بھٹو کی 46 ویں برسی کے موقع پر گڑھی خدا بخش لاڑکانہ میں منعقد ہونے والے جلسے میں بھرپور شرکت کو یقینی بنانا تھا۔ اجلاس میں تمام مزدوروں کو جلسے میں شرکت کی دعوت دی گئی اور اس حوالے سے انتظامات پر تبادلہ خیال کیا گیا۔

اجلاس میں محمد ساہو پنہور، ملازم حسین خاصخیلی، نورالدین خاصخیلی، غلام قادر مری، جاوید بلوچ اور دیگر مزدور رہنماؤں نے شرکت کی۔

میرپور خاص،باغی ٹی وی( نامہ نگار سید شاہزیب شاہ کی رپوٹ) میئر میرپور خاص عبدالرؤف غوری نے سپریم کورٹ کے جج جسٹس صلاح الدین پہنور کے بھائی کے انتقال پر گہرے دکھ اور افسوس کا اظہار کیا ہے۔ انہوں نے مرحوم کے اہل خانہ سے تعزیت کا اظہار کیا اور مرحوم کی روح کے ایصال ثواب کے لیے فاتحہ خوانی بھی کی۔

اس موقع پر یوسی چیئرمینز شریف بلوچ، ارشد ہزاروی، اللہ بچایو لغاری، فاروق ملک، بھگوان داس، حاجن پنہور، یوسف سومرو اور عبدالجبار غوری سمیت دیگر معززین بھی موجود تھے۔

میرپورخاص (نامہ نگار سید شاہزیب شاہ کی رپورٹ) ایم کیو ایم پاکستان کا 41 واں یوم تاسیس ملک بھر کی طرح میرپورخاص میں بھی روایتی جوش و جذبے سے منایا گیا۔ اس موقع پر سابق رکن رابطہ کمیٹی ڈاکٹر ظفر کمالی، انچارج ایس ٹی سی سلیم رزاق، رکن ایس ٹی سی شفیق احمد، ڈسٹرکٹ انچارج خالد تبسم اور ڈسٹرکٹ جوائنٹ انچارجز آفاق احمد خان اور سلیم میمن نے اپنے ایک پیغام میں کہا کہ پاکستان کی واحد طلبہ تنظیم نے ملک کی بڑی سیاسی طاقت کو جنم دیا۔

41 برس قبل جو دیا جلایا گیا، آج اس کی روشنی ملک بھر میں پھیل چکی ہے۔ پختہ سوچ و تجربہ اور لازوال اتحاد کے ساتھ منزل کی جانب سفر جاری ہے۔ تحریکی شہداء اور اسیروں کی قربانیاں رائیگاں نہیں جانے دیں گے۔ تحریک کے پیغام کو گھر گھر پہنچانے کا عزم کرتے ہیں۔ منظم و مربوط انداز میں نہ صرف مہاجروں بلکہ تمام مظلوم قومیتوں کے حقوق کا دفاع کریں گے۔

یوم تاسیس کی خوشی میں ڈسٹرکٹ آفس میں کیک کاٹا گیا اور کارکنان میں مٹھائیاں تقسیم کی گئیں۔ اس موقع پر ڈسٹرکٹ کمیٹی کے اراکین، ایلڈرز ونگ، شعبہ خواتین، اے پی ایم ایس او سمیت یوسیز کے ذمہ داران، کارکنان اور حق پرست بلدیاتی نمائندے کثیر تعداد میں موجود تھے۔

میرپورخاص،باغی ٹی وی( نامہ نگار سید شاہزیب شاہ کی رپورٹ) ریجنل ڈائریکٹر محکمہ اطلاعات سندھ میرپورخاص شہزاد شیخ نے نیشنل پریس کلب میرپورخاص کا دورہ کیا اور نو منتخب عہدیداران کو مبارکباد دی۔ اس موقع پر ان کے ہمراہ میرپورخاص یونین آف جرنلسٹس کے جنرل سیکریٹری سلیم شیخ اور محکمہ اطلاعات کے افسر علی وقاص سہتو بھی موجود تھے۔

شہزاد شیخ اور سلیم شیخ کی نیشنل پریس کلب آمد پر ان کا بھرپور استقبال کیا گیا اور پھولوں کی پتیاں نچھاور کی گئیں۔ نیشنل پریس کلب کے صدر حیات قریشی نے ریجنل ڈائریکٹر شہزاد شیخ کو اجرک کا تحفہ پیش کیا۔

ڈائریکٹر اطلاعات شہزاد شیخ اور جنرل سیکریٹری سلیم شیخ نے نو منتخب صدر حیات قریشی، سینئر نائب صدر لیاقت علی شاہ، جنرل سیکریٹری اقبال سولنگی، جوائنٹ سیکریٹری مبین چانہیوں، جوائنٹ سیکریٹری شہریار بلند اور انفارمیشن سیکریٹری اشفاق قریشی کو پھولوں کے ہار پہنائے اور مبارکباد دی۔

اس موقع پر سابق صدر نیشنل پریس کلب قمرالدین شیخ، گورننگ باڈی کے ممبر سہیل احمد خان، گورننگ باڈی کے ممبر امام الدین شاہ اور دیگر بھی موجود تھے۔

صدر نیشنل پریس کلب حیات قریشی نے ڈائریکٹر اطلاعات شہزاد شیخ اور جنرل سیکریٹری سلیم شیخ کا نیشنل پریس کلب آمد پر شکریہ ادا کیا اور نیشنل پریس کلب کی جانب سے نیک خواہشات کا اظہار کیا۔

میرپورخاص، باغی ٹی وی(نامہ نگار سید شاہزیب شاہ) سپریم کورٹ کے جسٹس صلاح الدین پنھور کے بڑے بھائی جلال الدین پنھور کی نماز جنازہ نظیر حسین پارک جرواری شاخ میرپورخاص میں ادا کی گئی۔ نماز جنازہ میں سینکڑوں افراد نے شرکت کی۔

جلال الدین پنہور جو کہ میرپورخاص کی معروف سماجی شخصیت ڈاکٹر جی ایم پنہور کے بیٹے تھے، کی نماز جنازہ میں شہر بھر سے لوگوں نے شرکت کی۔ پاکستان پیپلز پارٹی کے ایم پی اے اور سینٹرل ایگزیکٹو کمیٹی کے رکن سیٹھ ہریرام کشوری لال نے بھی شرکت کی۔ ان کے ساتھ نواب علی خاصخیلی، سردار رشید پنہور، فقیر عرس راجڑ اور وکلاء برادری کے افراد بھی بڑی تعداد میں موجود تھے۔

شرکاء نے لواحقین سے گہرے رنج و غم کا اظہار کرتے ہوئے مرحوم کی مغفرت اور درجات کی بلندی کے لیے دعا کی۔ انہوں نے اللہ تعالیٰ سے لواحقین کو صبر جمیل عطا کرنے کی دعا بھی کی۔

میرپور خاص،باغی ٹی وی (نامہ نگار سید شاہزیب شاہ) سندھ ترقی پسند پارٹی کے ضلعی صدر عبدالکریم کیریو، نائب صدر گلزار مگسی، نظیر کیریو، پرویز نوحاڑی اور ضمیر لغاری کی قیادت میں آج، 14 مارچ بروز جمعرات، دریاؤں کے عالمی دن کے موقع پر اسٹیٹ لائف بلڈنگ سے گلستان بلدیا تک نہروں کے خلاف احتجاجی ریلی نکالی گئی۔

احتجاجی ریلی میں شریک رہنماؤں نے سخت نعرے بازی کرتے ہوئے کہا کہ نہریں کسی صورت قبول نہیں کی جائیں گی۔ انہوں نے کہا کہ دریا ہمارے جینے اور مرنے کا مسئلہ ہیں۔ انہوں نے وفاق اور زرداری لیگ سے مطالبہ کیا کہ وہ ایسے فیصلے جلد واپس لیں۔ بصورت دیگر سندھی عوام پنجاب کی آمدورفت کے تمام راستے بند کر دیں گے۔

میرپور خاص (باغی ٹی وی نامہ نگار سید شاہزیب شاہ) میرپور خاص کے ٹاؤن سید خادم علی شاہ یونین کونسل 3 میں ایم کیو ایم پاکستان کی جانب سے مستحقین میں راشن بیگز تقسیم کیے گئے۔

یونین کونسل کے چیئرمین خلیل احمد، وائس چیئرمین سلیم غوری اور کونسلرز کی جانب سے یونین کونسل فنڈز سے یہ راشن بیگز مستحقین میں تقسیم کیے گئے۔

اس موقع پر ایم کیو ایم پاکستان میرپور خاص کے ڈسٹرکٹ انچارج خالد تبسم، ڈسٹرکٹ کمیٹی کے اراکین، یونٹ انچارجز اور یونٹ کمیٹی کے اراکین بھی موجود تھے۔