Category: مظفرآباد

باغی ٹی وی رپورٹ : سانحہ 8اکتوبر 2005شہدا کی یاد میں ایک منٹ کی خاموشی اختیار کی گئی.ریسکیو 1122 کےدستےنے سانحہ 8اکتوبر2005کےشہداکوسلامی پیش کی.وزیراعظم آزادکشمیرراجہ فاروق حیدرنےیادگارشہداپرپھولوں کی چادرچڑھائی
ریسکیو 1122 کادستہ سانحہ 8اکتوبر2005کےشہداکوسلامی پیش کرےگا.زیراعظم آزادکشمیرراجہ فاروق حیدریادگارشہداپرپھولوں کی چادرچڑھائیں گے.مظفر آباد میں سانحہ 8اکتوبر 2005کے شہدا کی یاد میں سائرن بجائے گئے.مظفر آباد میں سانحہ 8اکتوبر 2005کے شہدا کی یاد میں سائرن بجائے جارہے ہیں
چند روز قبل آزاکشمیر کے علاقے میر پور اور گرد و نواح میں زلزلہ نے تباہی مچائی دی تھی جس کے بعد وہا ں وزیر اعظم پاکستان نے دورہ کیا اور وہاں امدادی سرگرمیوں کا جائزہ لیا تھا.

وزیراعظم عمران خان میر پور پہنچ گئے، زلزلہ متاثرین کی عیادت، کہا پیکج تشکیل دے رہے ہیں

وزیراعظم عمران خان نے اس موقع پر گفتگو کرتے ہوئے کہا کہ اقوم متحدہ میں زلزلے کے بتایا گیا، مجھے بہت افسوس ہوا، میں فوری طور پر زلزلہ متاثرہ علاقے میں آنا چاہتا تھا لیکن تاخیر ہوں، انہوں نے مزید کہا کہ زلزلہ متاثرین کے لئے حکومت پیکج تشکیل دے رہے ہیں، ان کی بحالی تک امدادی سرگرمیاں جاری رہیں گی

میرپور زلزلہ کے آٍفٹر شاکس نے پھر تباہی مچا دی

مظفر آباد۔ (اے پی پی) طلبہ رہنماؤں ولید میر ایڈووکیٹ، صدر ایم ایس ایف این جامعہ کشمیر راجہ تابش ممتاز،احسن ہمدانی ایڈووکیٹ،راجہ ارسلان، زین شیخ، ندیم خواجہ، سفارت علی، سید اسد علی نقوی و دیگر نے جامعہ کشمیر میں طلبہ ایشوز پرمیڈیا سے بات چیت کرتے ہوئے کہا کہ جامعہ کشمیر میں اگر ایک ہفتہ کے اندر اندر غریب طلبہ و طالبات کو سمسٹرز فیس واپس نہ کی گئی تو وہ احتجاج پر مجبور ہو جائیں گے،انہوں نے جامعہ کشمیر کے ذمہ داران نے ستمبر میں فیس واپسی کیلئے یقینی دہانی کروائی تھی لیکن شعبہ فنانس اور متعلقہ چیئر مین کی نااہلی کی وجہ سے فیس ابھی تک واپس نہیں ہو سکی،غریب طلبہ و طالبات دربدر کی ٹھوکریں کھانے پر مجبور ہیں اور انتظامیہ کے کانوں پر جوں تک نہیں رینگی۔ طلبہ رہنماؤں نے کہا جامعہ کشمیر کے طلبہ مسائل جوں کے توں ہیں، انہوں نے وائس چانسلر سے مطالبہ کیا کہ جامعہ کے ملازمین کی حاضری کو بہر صورت یقینی بنایا جائے اور ان کی حاضری چیک کی جائے۔ جامعہ ایک مقدس ادارہ ہے یہاں مسائل تب تک حل نہیں ہوں گے جبتک ملازمین اپنے فرائض ایمانداری سے سر انجام نہیں دیتے، کوئی بھی ملازم وقت پر حاضر نہیں ہوتا جس سے طلبہ مسائل میں دن بدن اضافہ ہوتا جا رہا ہے۔

مظفر آباد۔ (اے پی پی) تنظیم غیر جریدہ ملازمین کے اجلاس میں زلزلہ زدہ میرپور ڈویژن کے متاثرہ ملازمین کو ان کے گھروں کی تعمیر کے لئے ہنگامی بنیادوں پر ایچ بی اے فنڈز دینے کا مطالبہ کیا گیا ہے۔اجلاس کے دوران یہ بھی مطالبہ کیا گیا کہ متاثرہ ملازمین کو 3 ماہ کی ایڈوانس تنخواہ بھی دی جائے اور متاثرہ ملازمین کے ایچ بی اے سمیت تمام قرضے معاف کئے جائیں۔انھوں نے کہا کہ تنظیم غیر جریدہ ملازمین زلزلہ زدہ میرپور ڈویژن کے عوام اور ملازم کے دکھ درد میں برابر کی شریک ہے، ان کے ساتھ مکمل اظہار ہمدردی کرتے ہیں،ان کے ساتھ مشکل گھڑی میں چٹان کی طرح کھڑے ہیں۔ ان خیالات کا اظہار تنظیم غیر جریدہ ملازمین آزاد جموں و کشمیر کے مرکزی صدر سالک رشید عباسی، مرکزی سیکرٹری جنرل خواجہ عبدالوحید، سینئر نائب صدر تصور گردیزی، نائب صدر راجہ منشاء خان، ایڈیشنل سیکرٹری جنرل علی طاہر شاہ، سیکرٹری مالیات خالد شیخ، پریس سیکرٹری الطاف نقوی، جائنٹ سیکرٹری مدثر خورشید عباسی، ضلعی صدر راجہ اویس ناصر، جنرل سیکرٹری زاہد عزیز عباسی، سینئر نائب صدر آصف میر، نائب صدر خواجہ محمد شفیق، سیکرٹری مالیات ندیم اعوان، سعید مغل، خواجہ جاوید اور دیگر نے تنظیم کے اعلیٰ سطحی اجلاس سے خطاب کرتے ہوئے کیا۔ مقررین نے کہا کہ حکومت زلزلہ زدہ میرپور ڈویژن کی تعمیر نو اور بحالی کے لئے ہنگامی بنیادوں پر اقدامات کرے۔ شہداء کے ورثاء اور زخمیوں کو فی الفور معاوضے ادا کرے۔ متاثرین کو بے یار و مددگار نہ چھوڑا جائے۔ مقررین نے شہداء کے ورثاء سے دلی دکھ اور افسوس کا اظہار کیا۔ شہداء کے ایصال ثواب درجات کی بلندی زخمیوں کی جلد صحت یابی کے لئے دعا کی۔ مرحومین کے لئے فاتحہ خوانی کی گئی۔ سواد اعظم تنظیم غیر جریدہ ملازمین نے زخمی متاثرین کے علاج معالجہ کے لئے خصوصی انتظامات کا بھی مطالبہ کیا۔ زخمیوں کے لئے علاج معالجہ کے لئے کوئی کسر اٹھا نہ رکھی جائے۔

مظفر آباد۔ (اے پی پی) قائمقام صدر آزاد جموں وکشمیر شاہ غلام قادر نے اقوام متحدہ کے سیکرٹری جنرل سمیت عالمی طاقتوں سے مقبوضہ کشمیر میں کرفیو کے خاتمے، انسانی حقوق کی فوری بحالی اور سلامتی کونسل میں کشمیر سے متعلق تسلیم شدہ حق خودارادیت کی قراردادوں کو عملی جامعہ پہنا کر کشمیری عوام کو آزادی کا حق دلانے کی اپیل کی ہے۔انہوں نے کہا کہ بھارت میں نام نہاد جمہوریت ہے،مودی نے سپریم کورٹ آف انڈیا کے فیصلے کو بھی رد کر دیا ہے، مقبوضہ کشمیر میں کرفیو کا نافذ کر کے نوجوانوں کا قتل عام اور مظالم کا سلسلہ جاری ہے، عالمی برادری کو فوری اپنا کردار ادا کرنا چاہئے۔ بھارت پورے خطے میں ہندو راج قائم کرنے کا خواب دیکھ رہا ہے۔ انہوں نے کہا کہ وہاں حالات دن بدن سنگین ہو رہے ہیں 2 ماہ سے 80 لاکھ لوگ زیر حراست ہیں وادی کے لوگوں کو بنیادی زندگی کی ضروریات سے محروم کرنا درندگی ہے جس کا سدباب کرنا چاہئے ریاستی عوام بھارت سے فوری آزادی کے لئے جدوجہد کر رہے ہیں آزادی ان کا حق ہے جو دلایا جانا چاہئے۔

مظفر آباد۔ (اے پی پی)آزاد کشمیر کی تاجر برادری نے بینک آف آزاد جموں و کشمیر کی ترقی اور کامیابی کے لئے مکمل تعاون کرنے کا اعلان کرتے ہوئے سید آفتاب حسین گیلانی کو بینک کا قائم مقام صدر مقرر کرنے کا خیر مقدم کیا ہے اور کہا کہ کشمیر بینک پر آزاد کشمیر کے عوام کا مکمل اعتماد ہے۔ آزاد کشمیر بینک بہت جلد کامیابی کے نئے زینے طے کرنے میں کامیاب ہو گا۔ پیر کو یہاں دارالحکومت کی تاجر جوائنٹ ایکشن کمیٹی کے وفد نے اپنے چیئرمین عبدالرزاق خان کی زیر قیادت بینک ہیڈ آفس کا دورہ کیا اور قائم مقام صدر سے ملاقات کی۔ وفد میں کمیٹی کے سیکریٹری جنرل بشارت مغل، چیف آرگنائزر تنویر انور قریشی سمیت میر امتیاز،خواجہ فاروق قادری، نثار الرحمان عباسی، شہزاد اعوان، مبارک شہباز، شفیق قریشی، پرویز زرگر اور دیگر شامل تھے۔ تاجر حضرات نے اس موقع پر سید آفتاب حسین گیلانی کو مبارکباد پیش کی اور مٹھائیاں تقسیم کیں۔ انھوں نے کہا کہ بینک آف آزاد جموں و کشمیر ریاست کا واحد بینک ہے جس کی دن دوگنی، رات چوگنی ترقی کے لئے تاجر برادری اپنے مالیاتی بزنس کا رخ اس بینک کی طرف موڑ دے گی۔ اس بینک کو کسی بھی صورت میں کامیاب بینک بنانے میں کاروباری طبقہ ہر ممکن کوشش کریں گے۔ قائم مقام صدر نے مکمل تعاون اور بینک پر اعتماد کرنے پر آزاد کشمیر کے ٹریڈرز کا شکریہ ادا کیا اور کہا کہ بینک آف آزاد جموں و کشمیر کو صف اول کے بینکوں میں لا کھڑا کرنا ان کا نصب العین ہے۔ انھوں نے کہا کہ آزاد ریاست کی اقتصادی اور سماجی ترقی میں بینک اپنا کردار ادا کرنے کا عمل تیز کر دے گا۔

مظفرآباد۔ (اے پی پی)آزاد جموں وکشمیر یونیورسٹی میں سوائل سائنسز سوسائٹی آف پاکستان کے زیر اہتمام پہاڑی زراعت اور اراضی زرخیزی سے متعلق قومی سیمینار کا انعقاد کیا گیا۔ سیمینار کی افتتاحی تقریب سے خطاب کرتے ہوئے آزاد جموں وکشمیر یونیورسٹی کے وائس چانسلر پروفیسر ڈاکٹر محمد کلیم عباسی نے کہا کہ مستقبل کے معاشی چیلنجز سے نمٹنے کیلئے زراعت کی ترقی پر خصوصی توجہ کے ساتھ موثر منصوبہ بندی کی ضرورت ہے۔ زراعت کے فروغ سے ہی معاشی ترقی کی راہ ہموار کر کے آنے والی نسلوں کو بہتر مستقبل دیاجاسکتا ہے۔ زراعت کی ترقی کیلئے درکار وسائل درپیش مسائل،بروقت تحقیق اور منصوبہ بندی وقت کی اہم ضرورت ہے۔ وائس چانسلر جامعہ کشمیر پاکستان سوائل سائنسز سوسائٹی اور جامعہ کشمیر کے اشتراک سے پہاڑی زراعت اور اراضی زرخیزی سے متعلق قومی سمینار سے خطاب کر رہے تھے۔ سمینار سے سیکرٹری زراعت آزاد کشمیر راجہ طارق مسعود، سیکرٹری بہبود آبادی راجہ رزاق خان، ڈائر یکٹر جنرل زراعت ڈاکٹر بشیر بٹ، سمیت پاکستان کی مختلف جامعات سے آنے والے سائنس دانوں،اسکالرز ارو طلبہ نے شرکت کی۔ رئیس جامعہ پروفیسر ڈاکٹر محمدکلیم عباسی نے اپنے خطاب میں سمینار میں شرکت پر پاکستان اور آزاد کشمیر کی مختلف جامعات کے پروفیسرز، محقیقین،زرعی ماہرین اور طلبہ کو خوش آمدیدکہا،انہوں نے کہا کہ یہ سمینار غیر معمولی نوعیت کا حامل ہے، کرہ ارض کا 1/5حصہ پہاڑ پر مشتمل ہے۔ پاکستان کا 61فی صد علاقہ پہاڑوں پر مشتمل ہے۔ 40ملین لوگ پہاڑی علاقوں میں آباد ہیں، سہولیات نہ ہونے کے باعث لوگ شہری علاقوں کا رخ کر رہے ہیں۔ جس سے شہری آبادی پر دباو بڑھ رہا ہے اور کئی طرح کے مسائل پیدا ہو رہے ہیں۔ ماحولیاتی تبدیلی رونما ہو رہی ہے۔آبی ذخائر اور خاص کر زمین کی زرخیزی متاثر ہو رہی ہے۔ پانی کے مسائل پیدا ہو رہے ہیں۔ ڈاکٹر کلیم عباسی نے مزید کہا کہ پہاڑی علاقوں میں زراعت کی ترقی اور فروغ کیلئے لوگوں کو سہولیات مہیا کرنے کی ضرورت ہے۔ سائنس دانوں،اسکالرز اور طلبہ کو مواقع مہیا کر رہے ہیں کہ وہ اپنے آئیڈیاز،مشاہدات شئیر کریں۔انہوں نے مزید کہا کہ وزیر اعظم پاکستان عمران خان نے اقوام متحدہ کی جنرل اسمبلی سے جرات مندانہ خطاب کیا ہے۔کشمیریوں کے حق خودارادیت کیلئے بھرپور آواز بلند کی۔،ہم اس کا بھرپور خیر مقدم کرتے ہیں۔ انہوں نے مزید کہا کہ آزاد کشمیر کے پہاڑ پاکستان کیلئے فائدہ مند ہیں۔ پاکستان کی زراعت کو زندہ رکھے ہوئے ہیں، پاکستان کی 80فی صد زراعت ان پہاڑوں کی وجہ سے ہے۔ پاکستان کے تحفظ کیلئے ہرکسی کو کشمیریوں کی آزادی کیلئے اپنا کردار ادا کرنا ہوگا۔ سیکرٹری زراعت آزاد کشمیر راجہ طارق مسعود نے اپنے خطاب میں کہا کہ آزادکشمیر میں اس موضوع پر سمینار کا انعقاد خوش آئند ہے، یہاں قومی زرعی کانفرنس منعقد کی جائے، موسمیاتی اور ماحولیاتی تبدیلیاں رونما ہونا قدرتی امر ہے،تاہم ہمیں خود کو اس کا مقابلہ کرنے کیلئے تیاری کرنی چاہیے۔ سیکرٹری بہبود آبادی راجہ محمد رزاق خان نے آزاد کشمیر میں زراعت،ماحول کو درپیش مسائل سے آگاہ کیا۔ انہوں نے مسائل اور چیلنجز سے نمٹنے کیلئے حکومتی اقدامات کا بھی مفصل احاطہ کیا۔ سمینار میں پاکستان کے چاروں صوبوں سے سوئل سے منسلک سائنس دانوں اور ریسرچ اسکالرز سمیت محکمہ زراعت کے مختلف شعبہ جات کے سربراہان اورآفیسران بھی شریک ہوئے۔ سیمینار میں پہاڑی علاقہ باالخصوص آزاد کشمیر میں زراعت کے فروغ کیلئے مختلف مقالہ جات بھی پیش کیے گئے۔ محکمہ زراعت کے ڈائر یکٹر جنرل ڈاکٹر محمد بشیر بٹ نے اپنے مقالہ میں آزاد کشمیر میں زراعت کے فروغ کیلئے تجاویز پیش کرتے ہوئے کہا کہ خطہ میں زرعی زونز کی بنیاد پر کاشت کاری جس میں فروٹ،سبزیات اور پھولوں کی پیداوار کر کے اس شعبہ کو آمدن کا ایک بڑا زریعہ بنایا جاسکتا ہے۔

مظفرآباد- ( شفقت حسین سے) بچوں،بزرگوں ،خواتین اور جوانوں کی شرکت، ہزاروں افراد نے بنک سکوائر چھتر سے اقوام متحدہ کے مبصر دفتر تک مارچ کیا آزادی جموں کشمیر اور بھارتی ریاستی دہشتگردی کیخلاف شدید نعرے بازی، ریلی کے شرکاء نے اقوام متحدہ کے دفتر میں استصواب رائے کیلیئے اور بھارت مخالف مزمتی قرارداد جمع کی.

تفصیلات کے مطابق عالمی برادری کے مردہ ضمیروں کو جھنجھوڑنے دنیا کو کشمیری عوام سے کیئے گئے استصواب رائے کے وعدوں کی یاد دہانی کیلیئے پاسبان حریت جموں کشمیر اور انٹر نیشنل فورم فار جسٹس اینڈ ہیومن رائٹس جموں کشمیر کے زیر اہتمام بڑی عوامی حق خودارادیت ریلی کا انعقاد کیا گیا، ہزاروں لوگوں نے بینرز اور کتبے اٹھا کر ریلی میں شرکت کی، ریلی کے شرکاء نے مقبوضہ جموں کشمیر میں بھارتی ظلم کے شکار مظلوم عوام کے غم میں شامل ہوتے ہوئے دو منٹ کی خاموشی اختیار کی۔ حق خودارادیت کے حق اور 5 اگست کو بھارتی حکومت کے غیر آئینی اقدامات کیخلاف پیش کی گئی تیرہ نکاتی قرارداد کی لوگوں نے کھڑے ہو کر منظوری دی۔ ریلی سے عزیراحمد غزالی۔مشتاق السلام، شوکت جاوید میر، قاری عتیق احمد دانش، مولانا عبدالعزیز علوی، محمد نوراللہ قریشی، محمد یوسف بٹ، دانیال شہاب، مولانا منظورالحسن، شائق گیلانی، قاری عبدالماجد، عثمان علی ہاشم، آصف مخدومی، چوہدری محمد اقبال، سید سلطان، قاری بلال احمد فاروقی، حمزہ شاہین، سید برکت شاہ، ام ایمان، شہناز قاضی مائرہ خان، نے خطاب کرتے ہوئے کہا کے آج ہزاروں لوگ آزاد کشمیر کے دارالحکومت میں جمع ہو کر اقوام متحدہ، سلامتی کونسل کے مستقل ممبران سے ریاست جموں کشمیر کے عوام کیلیئے حق خودارادیت کامطالبہ کررہے ہیں۔ آج کشمیری عوام عالمی برادری کو وہ وعدے یاد دلا رہے ہیں جو انھوں نے درجن سے ذائد قراردادوں میں کشمیر مسئلے کے حل کیلیئے پاس کیں ہیں۔ لیکن گزشتہ اکہتر برس گزرنے کے باؤجود اقوام متحدہ آپنی ہی پاس کردہ قراردادں پر عمل نہیں کروا سکا۔ آج مقبوضہ کشمیر میں لاک ڈاؤن، کرفیو اور مواصلاتی بلیک آؤٹ سے پوری ریاست جیل میں تبدیل ہے انسانیت رل رہی ہے 14 ہزار سے ذائد بچے اور جوان گرفتار ہیں گھر گھر تلاشی اور تشدد جاری ہے ۔ خوراک ادویات کی شدید کمی ہے کشمیری عوام کے مذہبی، سیاسی اور سماجی حقوق بری طرح پامال ہورہے ہیں بھارت ظلم اور جبر کی نئی تاریخ رقم کررہا ہے ان حالات میں دنیا کی خاموشی شرمناک امر ہے مقررین نے کہا کے عالمی اداروں کی غفلت اور مجرمانہ خاموشی نے ہی ہندوستان کو مقبوضہ جموں کشمیر کے نہتے عوام پر فوج کشی کا موقع دیا۔

بھارت نے دنیا کی چپ کا فائیدہ اٹھاتے ہوئے اسی اقوام متحدہ کے قوانین کی دھجیاں بکھیرتے ہوئے 5 اگست کو جموں کشمیر کی خصوصی متنازعہ حیثیت کو قانونی جارحیت سے بدل ڈالا، مقررین نے کہا کے آج ہم بھارت پر واضع کردینا چاہتے ہیں کے ہم جموں کشمیرکی عوام کے شانہ بشانہ بھارت سے آزادی کی جنگ لڑیں گے۔ تقسیم کشمیر کے کسی بھی بھارتی فیصلے کو تسلیم نہیں کیا جائے گا بھارت سے آزادی کیلیئے ہر سطح اور ہر صورت میں جدوجہد کو جاری رکھا جائے گا۔ ریلی میں شریک ہزاروں لوگوں نے بنک سکوائر سے اقوام متحدہ کے دفتر تک مارچ کیاریلی میں شریک لوگوں نے عالمی برادری کے ضمیر کو جھنجھوڑنے کیلیئے دفتر کے سامنے شدید نعرے بازی کی ۔ اقوام متحدہ کے مبصرین کو ریلی کے وفد نے مقبوضہ جموں کشمیر پر تفصیلاً بریفنگ دی اور قرارداد جمع کروائی.

مظفرآباد۔ (اے پی پی)آزادکشمیر میں ایک بار پھر قیامت خیز زلزلہ‘میرپور آزادکشمیر زلزلہ سے لرز اٹھا عمارتیں سڑکیں‘بری طرح متاثرآزادجموں وکشمیر بار کونسل کی کال پر وکلاء نے پورے آزادکشمیر میں گزشتہ روز یوم سوگ منایا زلزلہ میں شہید ہونے والوں کیلئے دعائے مغفرت زخمیوں کی جلد صحت یابی کیلئے دعائیں کی گئیں، سول ادارے اور انتظامیہ زلزلہ سے متاثرین کی فوری امداد کریں اور تعمیر نو اور بحالی کے عمل کیلئے ایک جامعہ پالیسی وضع کی جائے تاکہ زلزلہ میں متاثر ہونے والے افراد کی مشکلات کم ہوسکیں۔ان خیالات کااظہار آزادجموں وکشمیر بار کونسل کے وائس چیئرمین چوہدری شکیل زمان ایڈووکیٹ نے اپنے ایک اخباری بیان میں کیا۔ انہوں نے کہاکہ حکومت متاثرین کی بحالی اور انہیں خوراک طبی سہولیات کی فراہمی کے لئے فوری اقدامات کرے۔

جمعیت علماء اسلام ف کے سربراہ مولانا فضل الرحمن نے کہا ہے کہ حکمرانوں کی پالیسی سےکشمیر عملی طورپرالحاق کی طرف ایک قدم نہیں بڑھا،

باغی ٹی وی کی رپورٹ‌ کے مطابق یونیورسٹی گراؤنڈ مظفر آباد میں جلسہ سے خطاب کرتے ہوئے مولانا فضل الرحمن نے کہاکہ میں نے کشمیریوں کا مقدمہ لڑا ہے،کشمیریوں کو مایوس نہیں ہونے دینگے، ہمارےحکمران آرٹیکل 370کےخاتمہ پراحتجاج سےگریزاں رہتےہیں، سب معلوم ہوتےہوئے بھی حکمرانوں نےگونگے بہرے کاکرداراداکیا، ہمارا حکمران کہہ رہا تھا مودی کامیاب ہوگا تو مسئلہ کشمیر کے حل میں مدد ملے گی، کشمیر کی خصوصی حیثیت ختم کرنا بی جے پی کے منشور میں تھا، آج بھی کچھ قوتیں انگریزوں کے وارث کا کردار ادا کررہی ہیں،

مولانا فضل الرحمن نے کہاکہ پاکستان کےعوام،علماء،مذہبی طبقہ کشمیریوں کی جدوجہد میں شانہ بشانہ ہے،

ترک صحافیوں کے وفد نے چکوٹھی سیکٹر کا دورہ کیا ہے،

باغی ٹی وی کی رپورٹ کے مطابق آئی ایس پی آر کی جانب سے بتایا گیا ہے کہ وفد کو بھارت کی جانب سے کنٹرول لائن کی خلاف ورزیوں سے متعلق آگاہ کیا گیا، ترک صحافیوں کے وفد نے مظفر آباد کا بھی دورہ کیا، آئی ایس پی آر کے مطابق ترک صحافیوں‌ کے وفد کوبھارتی فورسزکی شہری آبادی کونشانہ بنانے کے حوالے سے آگاہ کیا گیا،

ترک صحافیوں‌ کے وفد نے بھارتی بربریت کا نشانہ بننے والے شہریوں سے بھی ملاقات کی،