Category: مظفرگڑھ

مظفرگڑھ. تھانہ شہر سلطان کی حدود موضع بھنبھو سندیلہ میں ڈکیتی کی وارداتیں درجنوں نامعلوم مسلح افراد نے اسلحہ کے زور پر چوکیدار کو یرغمال بنا لیا اور درجنوں دکانوں کے تالے توڑ کر صفایا کردیا پولیس اطلاع کے باوجود لیٹ پہنچی
مظفرگڑھ کے نواحی تھانہ شہر سلطان کی حدود موضع بھنبھو سندیلہ میں ایک ہی رات میں ڈکیتی کی درجنوں وارداتیں نامعلوم مسلح ڈاکوں نے اسلحہ کے زور پر چوکیداروں کو یرغمال بنا لیا اور پندرہ سے بیس دکانوں کے تالے توڑ کر لوٹ مار کرتے رہے ڈاکو نےدکانوں سے نقدی اور دیگر سامان بھی لوٹ لیا یاد رہے کہ ایک رات قبل تھانہ جتوئی کے علاقے موضع بستی عارف میں بھی ڈکیتی کی واردات ہوئی تھی موضع بھنبھو سندیلہ کے رہائشی سیکنڑوں افراد نے پولیس کے خلاف احتجاج کرتے ہوئے کہا کہ روزانہ کی بنیاد پر وارداتیں ہو رہی ہیں لیکن پولیس شہر سلطان اور جتوئی ڈاکوں کو گرفتار کرنے میں ناکام ہوچکی ہے انکا یہ بھی کہنا ہے پولیس گشت تک نہیں کرتی جس کی وجہ وارداتوں میں اضافہ ہو رہا ہے انہوں نے گشت بڑھانے کا مطالبہ کیا ہے

مجیب الرحمان شامی باغی ٹی وی مظفرگڑھ

مظفرگڑھ حاملہ عورت نے گلی ھی میں دو بچوں کو جنم دیدیا ۔ ریسکیو 1122 کی ایکسکلیسو ایمر جنسی ڈیلنگ ۔ زجہ اور بچہ دونوں خیریت سے ھسپتال منتقل
تفصیل کے مطابق علی الصبح ریسکیو کنٹرول روم میں کال موصول ہوئی۔ کالر نے بتایا کہ علی پور بائی پاس کے قریب واقع چناپ ٹاؤن میں ایک بے سہارا خاتون گلی میں پڑی بچے کو جنم دیتے ہوئے انتہائی تکلیف میں ہے۔ واقع کی اطلاع ملتے ہی ڈسٹرکٹ ایمرجنسی آفیسر ڈاکٹر حسین میاں کی خصوصی ہدایت پر ریسکیو مظفرگڑھ کی ٹیم کا بروقت رسپانس کیا۔ ایمبولینس پر موجود میڈیکل سٹاف محمد نعیم نے دیکھا کہ خاتون گلی میں پڑی انتہائی تکلیف میں اپنے بچے کو جنم دے رہی ہے۔ فوری اہل علاقہ سے کچھ خواتین کو اکھٹا کرتے ہوئے پردے کا اہتمام کیا اور سروس کے پروٹوکول کا خیال رکھتے ہوئے بے سہارا خاتون کے دو بچوں کی پیدائش کی۔ اور فوری بچوں اور خاتون کو آکسیجن دیتے ہوئے ایمبولینس کے ذریعے ڈسٹرکٹ ہیڈ کوارٹر ہسپتال لیبر وارڈ میں منتقل کر دیا۔ میڈیکل سٹاف محمد نعیم نے اپنی پیشہ ورانہ صلاحیتوں کو بروئے کار لاتے ہوئے زچہ اور بچہ کی جان بچانے میں اہم کردار ادا کیا۔۔ اہل علاقہ کے مطابق خاتون شازیہ بی بی زوجہ آصف عمر 30 سال جس کا خاوند 9 ماہ قبل اسے چھوڑ کر کسی اور شہر میں قیام پذیر ہے ۔ اور خاتون کا ذہنی توازن بھی ٹھیک نہ ہونے کی وجہ سے سارا سارا دن گلی محلے میں پھرتی تھی۔ اہل محلہ والے ہی اس کے کھانے پینے کا خیال رکھتے تھے

مجیب الرحمان شامی باغی ٹی وی مظفرگڑھ

*وزیر جیل خانہ جات پنجاب فیاض الحسن چوہان/ڈسٹرکٹ جیل مظفرگڑھ کا دورہ
وزیر جیل خانہ جات پنجاب فیاض الحسن چوہان کا ڈسٹرکٹ جیل مظفرگڑھ کا اچانک دورہ گزشتہ ہفتے نو عمر قیدی کے ساتھ زیادتی کے واقعے کی از خود تحقیق کرنے پہنچا ہوں۔ آئی جی جیل خانہ جات پنجاب، ڈی آئی جی ڈی جی خان ریجن اپنی ابتدائی رپورٹ میں اس واقعے کی نفی کر چکے ہیں۔ جیل انتظامیہ، میڈیکل آفیسر اور ڈی ایچ کیو ہسپتال کے معائنے میں بھی بدفعلی ثابت نہیں ہوئی تھی۔ یہ سارا واقعہ جیل انتظامیہ کو بدنام کرنے کی سوچی سمجھی سازش تھی۔جیلوں میں قیدیوں کے حوالے سے وزیراعظم عمران خان اور وزیر اعلیٰ پنجاب کی ہدایات بالکل واضح ہیں۔کسی قیدی یا حوالاتی کے ساتھ غیر انسانی اور غیر مناسب سلوک کو ہرگز نظر انداز نہیں کیا جائے گا۔ وزیر جیل خانہ جات پنجاب نے جیل کے ہسپتال، کچن، بچوں کے بیرک کا بھی معائنہ کیا۔ فیاض الحسن چوہان نے جیل سپرنٹینڈنٹ سمیت تمام عملے کے ساتھ گفتگو کی۔ گزشتہ پانچ ماہ میں پندرہ جیلوں کے سرپرائز دورے کر چکا ہوں۔محکمہ جیل خانہ جات محدود وسائل کے باوجود بہترین انداز میں اپنے فرائض سرانجام دے رہا ہے۔ فیاض الحسن چوہان
جیل کے دورے کے بعد سرکٹ ہاؤس میں ڈپٹی کمشنر امجد شعیب ترین صاحب اور مرزا مدثر بیگ میڈیا کوآرڈینیٹر جنوبی پنجاب پاکستان تحریک انصاف معظم علی قریشی ضلعی انفارمیشن سیکٹری پاکستان تحریک انصاف بھی ہمراہ تھے۔

مجیب الرحمان شامی باغی ٹی وی مظفرگڑھ

مظفرگڑھ کے نواحی علاقے کلروالی بستی ماہی والہ میں کنواں کی کھدائی کے دوران مٹی کا تودہ گرنے سے تین مزدور مٹی تلے دب گئے چار گھنٹے کی جدوجہد کے بعد ایک کو زندہ جبکہ دو مزدور دم گھٹنے سے جان کی بازی ہار گئے
مظفرگڑھ کے نواحی تھانہ شہرسلطان کی حدود کلروالی بستی ماہی والہ میں ایک افسوس ناک واقعہ پیش آیا جس میں تین مزدور بور کے کنواں کی کھدائی کے دوران مٹی کا تودہ گرنے سے تین مزدور جن میں محمد ادریس ‘ محمد زاہد اور ہدایت اللہ شامل ہیں مٹی تلے دب گئے اطلاع ملنے پر ریسکیو 1122 کی ٹیم موقع پر پہنچ گئی اور امدادی کام شروع کردیا چار گھنٹے کی محنت کے بعد ایک مزدور محمد ادریس کو زندہ جبکہ دومزدوروں محمد زاہد اور ہدایت اللہ کو مردہ حالت میں نکال لیا مرحومین کی وفات کی اطلاع ملتے ہی گھروں میں کہرام مچ گیا اس موقع پر ہر آنکھ اشک بار تھی

مجیب الرحمان شامی باغی ٹی وی مظفرگڑھ

پریس کلب کلروالی اور یاسر عبداللہ ہومیو میڈیکل سٹور اور کلینک کے زیر اہتمام ایک روزہ فری میڈیکل کیمپ کا انعقاد کیا گیا جس میں ملک کے مایہ باز ہومیو ڈاکٹر مدثر مرزا نے ایک سو زائد مریضوں کو چیک کیا

مظفرگڑھ کے نواحی علاقے کلروالی میں پریس کلب کلروالی اور یاسر عبداللہ میڈیکل سٹور اور کلینک کے زیر اہتمام ایک روزہ فری میڈیکل کیمپ کا انعقاد کیا گیا جس میں ملک کے مایہ ناز ہومیو ڈاکٹرز مدثر مرزا اور ڈاکٹر منظور الحسن بلوچ نے سو سے زائد مریضوں کو چیک کیا اور ایک ہفتے کی فری میڈیسن مہیا کی اس موقع پر ڈاکٹر مدثر مرزا نے کہا کہ کرونا انتہائی خطرناک مرض ہے مگر احتیاط سے اس کا بچاو ممکن ہے اس لیے عوام کو حکومتی ایس او پیز پر سختی سے عمل کرنا چاہیے کیمپ میں آنے والے مریضوں کو مفت ماسک اور سنیٹیزر پیش کیے گئے اس موقع پر فری کیمپ کے ارگنائزر اور صدر پریس کلب کلروالی مجیب الرحمان شامی اور ہومیو ڈاکٹر محمد عارف تبسم بھی موجود تھے

مجیب الرحمان شامی باغی ٹی وی مظفرگڑھ