مظفرگڑھ میں گاڑی میں بند ہوکر دم گھٹنے سے 2 بچے جاں بحق ہوگئے،دونوں بچوں کی عمریں 4 سے 5 سال کے درمیان ہیں.مظفرگڑھ کے علاقے محلہ کوتوال والا میں 4 سالہ عبداللہ اور 5 سالہ نعیم گلی میں کھڑی ہمسائے کی کار سے کھیلتے ہوئے غلطی سے کار کے دروازے اندر سے لاک کربیٹھے۔پولیس کیمطابق 2 گھنٹوں سے زائد کار میں بند رہنےکے سبب گرمی اور دم گھٹنے سےدونوں بچے کار میں ہی دم توڑ گئے.مختلف جگہوں پر2 گھنٹوں کی تلاش کے بعد اہلخانہ نے بچوں کو کار میں مردہ حالت میں دیکھا تو علاقہ میں کہرام مچ گیا۔بچوں کی لاشوں کو ڈی ایچ کیو ہسپتال مظفرگڑھ منتقل کیاگیا جہاں ڈاکٹروں نے بچوں کی موت کی تصدیق کردی.پولیس کیمطابق واقعے کی تحقیقات کی جارہی ہیں.
Category: مظفرگڑھ
مظفرگڑھ میں پولیس کا سرچ آپریشن،9افراد گرفتار اسلحہ برآمد
مظفرگڑھ کے مختلف علاقوں میں سرچ آپریشن کے دوران پولیس نے 9 افراد کو گرفتار کرکے ان سے بھاری مقدار میں اسلحہ برآمد کرلیا گیا.مظفرگڑھ کے علاقے چوک سرور شہید اور اطراف کے علاقوں میں گرینڈ سرچ آپریشن جاری ہے.پولیس ترجمان وسیم خان گوپانگ کیمطابق آپریشن میں پولیس اور ایلیٹ فورس کے 200 سے زائد افسران اور اہلکار شریک ہیں.گھروں کی چیکنگ اور بائیومیٹرک تصدیق کے بعد 9 ملزمان گرفتار.پولیس ترجمان وسیم خان گوپانگ کیمطابق گرفتار کیے گئے ملزمان سے بھاری مقدار میں اسلحہ بھی برآمد کرلیا گیا ہے.
دہم کے امتحانات میں ضلع مظفرگڑھ کا نام روشن کرنے والوں کے اعزاز میان تقریب
دہم کلاس کے امتحانات میں صوبہ بھر میں ضلع کا نام روشن کرنے والے طلباء وطالبات کے اعزاز میں مظفرگڑھ میں تقریب کا انعقاد کیا گیا،بہترین کارکردگی کا مظاہرہ کرنے والے طلباءوطالبات میں ایوارڈ،انعامات اور سرٹیفیکیٹ تقسیم کیے گئے.دسویں کلاس میں صوبہ بھر میں بہترین کارکردگی کا مظاہرہ کرنے پر مظفرگڑھ کی ضلعی انتظامیہ کی جانب سے گورنمنٹ ہائی سکول خورشید آباد میں طلباءوطالبات اور اساتذہ کے اعزاز میں تقریب کا انعقاد کیا گیا،تقریب میں ڈپٹی کمشنر ڈاکٹر احتشام انور سمیت ممبران اسمبلی،اساتذہ اور طلباءوطالبات نے کثیر تعداد میں شرکت کی.اس موقع پر تقریب سے خطاب کرتے ہوئے ڈپٹی کمشنر ڈاکٹر احتشام انور ودیگر کا کہنا تھا کہ ضلع بھر میں تعلیمی ایمرجنسی نافذ کرنے کے بہترین نتائج حاصل ہوئے.ان کا کہنا تھا کہ دسویں کلاس میں ضلع مظفرگڑھ نے صوبہ پنجاب میں پہلی پوزیشن حاصل کی اور امتحانات میں ضلع کا نتیجہ شاندار 91.43 فیصد رہا.اس موقع پر ممبران اسمبلی اور ڈپٹی کمشنر نے امتحانات میں بہترین کارکردگی کا مظاہرہ کرنے والے طلباءوطالبات اور اساتذہ میں ایوارڈ اور سرٹیفیکیٹ تقسیم کیے.
نجی مشروب ساز کمپنی کی بوتل پینے سے 1 بچےسمیت 4افراد کی حالت غیر ہوگئی
مظفرگڑھ میں مضرصحت مشروب پینے سے ایک بچے سمیت 4 افراد کی حالت غیر ہوگئی۔متاثرہ افراد کو تحصیل ہیڈ کوارٹرہسپتال جتوئی منتقل کردیا گیا.مظفرگڑھ کی تحصیل جتوئی کے علاقے بستی صادق مستوئی میں مضرصحت مشروب پینے کے بعد 4 افراد کی حالت غیر ہوگئی۔متاثرہ افراد میں ایک بچہ اور 3 خواتین شامل ہیں.ریسکیو کیمطابق اہلخانہ کے مطابق متاثرہ افراد نے بازار سے بجی مشروب ساز کمپنی ڈیو کی بوتل خرید کر پی تھی۔بوتل پینے کے بعد چاروں افراد کی حالت غیر ہوگئی.متاثرہ افراد کو طبی امداد کے لیے ٹی ایچ کیو ہسپتال جتوئی منتقل کردیا گیا.دوسری جانب فوڈ اتھارٹی کی جانب سے بھی واقعے کی تحقیقات شروع کردی گئی ہیں.
اپنے ہی اغواء کا ڈرامہ رچانا نوجوان کو مہنگا پڑگیا
مظفرگڑھ میں اغوا برائے تاوان کے مقدمہ کا ڈراپ سین ہوگیا بیٹا اپنے اغواء کا ڈرامہ کر کے باپ سے خود 7 لاکھ روپے تاوان مانگتا رہا۔پولیس نے لڑکے کو لاہور سے گرفتار کرالیا۔تفصیل کے مطابق تھانہ کوٹ ادو کے علاقہ کے رہائشی سعید احمد نے پولیس کو درخواست دی تھی کہ اس کے بیٹے شہباز کو نامعلوم افراد نے اغوا کر لیا ہے جس پر تھانہ کوٹ ادو پولیس نے اغوا کا مقدمہ درج کرتے ہوئے تفتیش کا آغاز کیا۔مغوی کو لاہور بادامی باغ سے برآمدکر لیاگیا۔ تاہم ابتدائی تحقیقات میں مغوی شہباز نے بیان دیا کہ اس نے اپنےوالدین کو پریشان کرنےکے لئے اپنے ہی اغوا کا ڈرامہ رچایا اوروالد سے 7 لاکھ مانگے۔
ظلم کی انتہاء!! ظالموں نے گونگی بہری خاتون کے اوپر پیٹرول ڈال کر آگ لگادی
مظفرگڑھ میں گونگی اور بہری خاتون پر مبینہ طور پر پٹرول چھڑک کر آگ لگا دی گئی،آگ لگنے کے باعث خاتون کے جسم کا تقریباً 50 فیصد حصہ متاثر ہوا ہے.مظفرگڑھ کی تحصیل جتوئی کے علاقے بیٹ میرہزار میں گونگی اور بہری شادی شدہ خاتون پر مبینہ طور پر تیل چھڑک کر آگ لگا دی گئی.پولیس ذرائع کیمطابق آگ لگنے کے باعث خاتون کے جسم کا تقریباً 50 فیصد حصہ متاثر ہوا ہے.متاثرہ خاتون رخسانہ بی بی کو پہلے تحصیل ہیڈ کوارٹر ہسپتال جتوئی منتقل کیاگیا جہاں سے تشویشناک حالت کے پیش نظر اسے نشتر ہسپتال ملتان کے برن یونٹ منتقل کردیا گیا.متاثرہ خاتون کے اہلخانہ کیمطابق نامعلوم افراد رات کے اندھیرے میں انکے گھر داخل ہوئے اور گھر کے صحن میں سوئی ہوئی رخسانہ بی بی پر تیل چھڑکنے کے بعد آگ لگا کر فرار ہوگئے.پولیس کیمطابق واقعے کا مقدمہ خاتون کے بھائی محمدارشاد کی مدعیت میں تھانہ بیٹ میرہزار میں درج کرلیاگیا ہے لیکن تاحال کو گرفتاری عمل میں نہیں لائی گئی۔
حادثہ میں جاں بحق افراد کی میتوں کوایمبولینس کی بجائےموٹرسائیکل ریڑھے پرکیوں ہسپتال منتقل کیاگیا؟
مظفرگڑھ میں تیزرفتار آئل ٹینکر نے سائیکل کو ٹکر ماردی،حادثے میں سائیکل پر سوار شخص اور اس کی 10 سالہ بیٹی موقع پر ہی جاں بحق ہوگئے.مظفر گڑھ کی تحصیل کوٹ ادو کے علاقے سنانواں میں تیزرفتار آئل ٹینکر نے سائیکل سوار کو ٹکر دے ماری.پولیس کیمطابق حادثے میں سائیکل پر سوار شخص رحیم اور اسکی10 سالہ بیٹی موقع پر ہی جاں بحق ہوگئی. لاشوں کو ہسپتال منتقل کرنے کے لئے سرکاری ایمبولینس مہیا نہ کی گئی تو لاشوں کو موٹر سائیکل ریڑھے پر لاد کر دیہی مرکز صحت سنانواں منتقل کیاگیا.پولیس کے مطابق حادثے کے بعد آئل ٹینکر کے ڈرائیور کو گرفتار کرلیا گیا ہے جس کے خلاف قانونی کاروائی کی جارہی ہے.
مظفرگڑھ میں محکمہ صحت کےمرکزی دفتر میں شارٹ سرکٹ کے باعث آگ لگ گئی
مظفرگڑھ میں محکمہ صحت کے مرکزی دفتر میں شارٹ سرکٹ کے سبب آگ بھڑک اٹھی،ریسکیو1122نے فوری طور پر آگ پر قابو پالیا۔مظفرگڑھ میں چیف ایگزیکٹو آفیسر ڈسٹرکٹ ہیلتھ اتھارٹی کے دفتر کی گیلری میں اچانک آگ بھڑک اٹھی۔آگ لگنے کے باعث پیدا ہونے والے کالے دھوئیں سےدفتر میں افراتفری پھیل گئی.دفتر کے ملازمین خوف کے مارے دفتر سے باہر نکل آئے.ریسکیو کیمطابق اطلاع ملنے پر فائر ٹینڈر کے ذریعے بروقت آگ پر قابو پالیا گیا،جس کے بعد کولنگ کا عمل جاری ہے.آگ لگنے کے باعث دفتر میں پڑا فرنیچر جل گیا.ریسکیو کیمطابق آگ شارٹ سرکٹ کے باعث لگی.
دریائے سندھ اور دریائےچناب نے مظفرگڑھ کی چاروں تحصیلوں میں تباہی مچادی
مظفرگڑھ کی چاروں تحصیلوں میں دریائے سندھ اور دریائے چناب کے کٹاؤ نے تباہی مچادی،مسلسل کئی سال سے ہونے والے کٹاؤ کی وجہ سے ابتک ہزاروں ایکڑ زرعی اراضی اور ان پر کھڑی فصلیں،باغات اور مکانات دریا برد ہوچکے ہیں.دریائے سندھ میں پانی بڑھتے ہی تحصیل مظفرگڑھ کے علاقوں بیٹ دریائی،کلیم چوک میں دریائے سندھ کے کٹاؤ میں شدت آگئی ہے جبکہ موضع جڑھ،چک مٹھن اور ملحقہ بستیوں میں دریائے چناب کے کٹاؤ کے باعث ابتک سینکڑوں ایکڑ زرعی زمین اور اس پر کھڑی فصلیں دریا برد ہوچکی ہیں.تحصیل کوٹ ادو میں احسانپور،بیٹ خادم والی سمیت مختلف بستیوں میں 2010ء کے سیلاب کے بعد سے دریائے سندھ کے کٹاؤ میں تیزی آئی ہےکٹاؤ کے باعث ابتک تحصیل کوٹ ادو میں بھی کئی بستیاں دریا برد ہوچکی ہیں.تحصیل جتوئی میں لنڈی پتافی،موضع رام پور اول،دوئم اور سوم سمیت ملحقہ بستیوں کی سینکڑوں ایکڑ اراضی ابتک دریائے سندھ کی نذر ہوگئی ہے،،جبکہ تحصیل علی پور میں سیت پور،بستی سانگھی سمیت مختلف قریبی بستیوں کی بھی ابتک کئی ایکڑ اراضی دریائے سندھ کی نذر ہوگئی ہے.کٹاؤ سے متاثرہ افراد کیمطابق دریائی کٹاؤ کے باعث ان کے باغات،مکانات،کپاس،چاول اور دیگر فصلیں بھی برباد ہوچکی ہیں.فصلیں،باغات اور مکانات تباہ ہونے سے متاثرہ افراد کو کروڑوں روپے کا نقصان بھی برداشت کرنا پڑا.دوسری جانب محکمہ انہار کے مطابق ضلع بھر میں سپر بندوں اور مختلف ذرائع سے دریائی کٹاؤ پر قابو پانے کی کوششیں جاری ہیں.محکمہ انہار کا کہنا ہے کہ دریاؤں کے اپنے روایتی راستوں سے ہٹ کر بہنے کے باعث دریائی کٹاؤ میں تیزی آتی ہے.
مظفرگڑھ میں ٹریفک حادثہ کے نتیجہ میں نجی ٹی چینل کے رپورٹر کابھائی جاں بحق
مظفرگڑھ میں ہیڈمحمد والہ کے قریب دوموٹر سائیکلوں کے مابین خوفناک تصادم کےنتیجہ میں دو موٹر سائیکل سوارجاں بحق جبکہ 2افراد زخمی ہوگئےتفصیل کے مطابق مظفرگڑھ میں ہیڈمحمد والہ کےقریب دومخالف سمت سے آنے والی موٹرسائیکل آپس میں ٹکرا گئیں۔تصادم کے نتیجہ میں دوموٹر سائیکل سوار جام عنصر اور ستار موقع پرجاں بحق ہوگئےجبکہ دو افراد زخمی ہوگئے۔زخمیوں کو ریسکیو 1122کی ایمبولینسز کے ذریعے ڈسٹرکٹ ہیڈکوارٹر ہسپتال مظفرگڑھ منتقل کردیا گیا ۔جاں بحق ہونے والےموٹرسائیکل سوار جام عنصر نجی ٹی وی چینل دنیا نیوز کے ملتان میں رپورٹر جام بابر کےبھائی تھے۔ریسکیو ذرائع کے مطابق حادثہ تیز رفتاری کے باعث پیش آیا۔
