Category: مظفرگڑھ

مظفرگڑھ میں عید کے موقع پر مسافروں سے زائد کرایہ وصول کرنے والے ٹرانسپورٹرز کیخلاف ڈسٹرکٹ ریجنل ٹرانسپورٹ اتھارٹی نے کاروائی کرتے ہوئےٹرانسپورٹرز پر ہزاروں روپے جرمانے عائد کرکے مسافروں سے لیاگیا زائد کرایہ مسافروں کو واپس دلادیا.مظفرگڑھ میں عید کے موقع پر زائد کرایہ وصول کرنے والے ٹرانسپورٹرز کیخلاف سیکرٹری ڈی آر ٹی اے عروج فاطمہ نے کاروائی کی۔سیکرٹری آر ٹی اے عروج فاطمہ کے مطابق بیرون شہر جانے والے شہریوں سے زائد کرایہ وصول کرنے والے ٹرانسپورٹرز کو 25 ہزار روپے سے زائد کے جرمانے کیے گئے.جبکہ ٹرانسپورٹرز کی جانب سے لیاگیا 16 ہزار روپے کا زائد کرایہ مسافروں کو واپس دلوایا گیا.سیکرٹری ڈی آر ٹی اے عروج فاطمہ کیمطابق عید کے موقع پر مسافروں سے زائد کرایہ وصول کرنے والے ٹرانسپورٹرز کیخلاف کاروائی جاری رہے گی.

مظفرگڑھ میں ایک شخص کو انسانیت سوز تشدد کا نشانہ بناکر پولیس کے حوالے کردیاگیا،زخمی شخص کو ہتھکڑیاں لگا کر پہلے پولیس نے تھانے میں لٹائے رکھا اور بعدازاں علاج کے لیے ہسپتال منتقل کیاگیا تو پھر بھی ہتھکڑیاں نہ کھولی گئیں.مظفرگڑھ کی تحصیل کوٹ ادو کے علاقے چوک سرور شہید میں ظفر نامی شخص کو وحشیانہ تشدد کا نشانہ بناکر گندگی پلادی گئی.بعدازاں انسانیت سوز سلوک کرنے کے بعد ظفر کو پولیس کے حوالے کردیا گیا.انسانیت سوز سلوک کا شکار ہونے والا شخص پولیس حراست میں پہنچا تو پولیس نے بھی ہتک آمیز سلوک کرنے میں کوئی کسر نہ چھوڑی،پولیس نے تشدد کا شکار ہونے والے ظفر کو ہتھکڑیاں لگا کر زخمی حالت میں ساری رات پولیس اسٹیشن سرور شہید کے فرش پر لٹائے رکھا اور بعدازاں ہسپتال منتقل کیا تو علاج کے دوران بھی ہتھکڑیاں نہ کھولی گئیں.ظفر کی پولیس اسٹیشن اور ہسپتال میں ہتھکڑیاں لگی فوٹیج باغی ٹی وی نے حاصل کرلی.پولیس کیمطابق لڑکی کو چھیڑنے کے الزام میں ظفر کو تشدد کا نشانہ بنایا گیا جبکہ تشدد کا شکار بننے والے متاثرہ شخص ظفر نے الزام عائد کیا ہے کہ زمین کے تنازع پر جھوٹا الزام لگاکر اسے نذیر اور اسکے ساتھیوں نے تشدد کا نشانہ بنایا گیا.پولیس تھانہ چوک سرور شہید کا کہنا ہے کہ واقعے کی تفتیش کے بعد فریقین کے مقدمات کا اندراج کیاجائے گا.

مظفرگڑھ میں مسافر وین میں نصب سی این جی سلنڈر کی لیکیج کے باعث آگ لگ گئی۔آگ لگنے کے باعث چودہ افراد جھلس کر زخمی ہوگئے.مظفرگڑھ کے علاقے وسندےوالی کے قریب مسافر وین میں آگ لگ گئی۔مقامی افراد نےمسافر کو اپنی مدد آپ کے تحت وین سے نکلااور ریسکیو 1122 کوواقعہ کی اطلاع دی۔وین سے نکلنے کے دوران 6بچوں سمیت 14 مسافر جھلس کر زخمی بھی ہوئے۔ریسکیو نے زخمیوں کو ڈی ایچ کیو ہسپتال منتقل کردیا۔ہسپتال ذرائع کیمطابق زخمیوں میں سے 3 مسافروں کی حالت تشویشناک ہے.ریسکیو1122 کی گاڑیوں نے مسافر وین میں لگی آگ پر قابو پایا۔ریسکیو کیمطابق آگ مسافر وین میں نصب سی این جی سلنڈر کی لیکیج کے باعث لگی.

مظفرگڑھ میں تھانہ شاہجمال کی حدود میں کارخانہ سے برف نہ لینے کی رنجش پر ایک شخص کو قتل کر دیا گیا۔تھانہ شاہجمال پولیس نے موقع پر پہنچ کر لاش قبضہ میں لے کر پوسٹ مارٹم کے لئے ڈسٹرکٹ ہسپتال بھجوادی۔مظفرگڑھ میں تھانہ شاہجمال کی حدود میں محمد نواز نامی شخص کو کارخانہ مالک نے اپنے کارخانے سے برف نہ لینے پر مبینہ طور پر سر میں بوتلیں مار کر قتل کیا ۔اہل علاقہ کے مطابق نواز برف کا پھٹہ لگاتا تھا طارق کوریجہ نے اپنےکارخانہ سے برف نہ لینے کی رنجش پرچھ افراد کے ہمراہ بھرے بازار میں محمد نواز کو تشدد کر کے قتل کر دیا۔تھانہ شاہجمال پولیس نے موقع پر پہنچ کر لاش قبضہ میں لی اور قانونی کاروائی کا آغاز کر دیا ۔پولیس کے مطابق متوفی کا پوسٹمارٹم کروایاجارہاہے جبکہ نواز کے اہل خانہ کی مدعیت میں قتل کا مقدمہ درج کیا جائے گا۔لاش کو پوسٹ مارٹم کے لیے ڈسٹرکٹ اسپتال مظفرگڑھ منتقل کر دیا گیا۔

مظفرگڑھ کے جوڈیشل کمپلیکس میں شوہر اور اہلخانہ کی جانب سے خاتون کے اغواء کی کوشش کو پولیس نے ناکام بنادیا،خاتون کے جوڈیشل کمپلیکس سے اغواء کی کوشش کی ویڈیو باغی ٹی وی نے حاصل کرلی.مظفرگڑھ کے علاقے روہیلانوالی کی رہائشی خاتون مقصود مائی کو جوڈیشل کمپلیکس میں اسکے شوہر عبدالطیف اور دیگر رشتہ داروں نے اغواء کرنے کی کوشش کی.جوڈیشل کمپلیکس میں تعینات پولیس اہلکاروں نے خاتون کے اغواء کی کوشش کو ناکام بناکر خاتون کو تھانہ سٹی منتقل کیا،جوڈیشل کمپلیکس کی حدود سے خاتون کے اغواء کی کوشش کی فوٹیج باغی ٹی وی نے حاصل کرلی،فوٹیج میں مقصود مائی کے اغواء کی کوشش کو دیکھا جاسکتا ہے.پولیس کیمطابق مقصود مائی کے شوہر نے اپنی بیوی کے اغواء اور اس سے زیادتی کا مقدمہ تھانہ روہیلانوالی میں درج کرارکھا تھا جبکہ مقصود مائی آج ملزمان کے حق میں بیان دینے عدالت پہنچی تھی.پولیس کیطابق مقصود مائی نے اپنے شوہر کے خلاف تنسیخ نکاح کا دعویٰ بھی دائر کررکھا ہے.

مظفرگڑھ کے تھانہ محمود کوٹ پولیس نےبستی گورمانی شرقی میں منشيات کے اڈے پر چھاپہ مارکرمنشيات فروش کو گرفتار کرتے ہوئے اس سے 280 لیٹر دیسی شراب اور 70 لیٹر لہن کے علاوہ ایک عدد پسٹل برآمد کرلیا۔تفصیل کے مطابق ڈی پی او مظفرگڑھ صادق علی ڈوگر کی ہدایات پرمنشيات فروشوں کے خلاف کاروائی کرتے ہوئے ایس ایچ او تھانہ محمود کوٹ چوہدری اظہر حیدرنےپولیس ٹیم کے ہمراہ بستی گورمانی شرقی میں منشيات کے اڈے پر چھاپہ مارکر منشیات فروش یوسف کو رنگے ہاتھوں گرفتار کرلیا۔پولیس ترجمان کے مطابق منشيات فروش یوسف سے 280 لیٹر دیسی شراب اور 70لیٹر لہن برآمد کیا گیاجبکہ ملزم یوسف سے ایک عدد پسٹل بھی برآمد ہوا۔ملزم کے خلاف مقدمہ درج کرکے قانونی کاروائی کا آغاز کردیا گیا۔

عید کی آمد کے پیش نظر مظفر گڑ میں چوروں کی عیدی مہم شروع ہوگئی۔چور دن دیہاڑے شہری کی موٹر سائیکل لے اڑے،نامعلوم چور کی جانب سے موٹر سائیکل چرانے کی سی سی ٹی وی فوٹیج باغی ٹی وی نے حاصل کر لی۔فوٹیج میں دیکھا جاسکتا ہے کہ چور کس دیدہ دلیری سے موٹر سائیکل چوری کررہے ہیں۔مظفرگڑھ پولیس کی نااہلی کے باعث گزشتہ دو ماہ کے دوران چوری،ڈکیتی کی درجنوں وارداتوں میں شہری نقدی،زیوارات اور موٹرسائیکلز سے محروم ہوچکے ہیں لیکن پولیس زبانی جمع خرچ سے آگے نا بڑھ سکی۔ڈی پی او مظفرگڑھ کی جانب سے بنایا جانے والا موٹر سائیکل سکواڈ بھی شہری کو تحفظ دینے میں ناکام رہاہے۔

ڈی پی او مظفرگڑھ صادق علی ڈوگر نےضلع کے مختلف تھانہ جات کا دورہ کیا۔ڈی پی او نے تھانہ جات میں جرائم کی صورتحال، مجرمان اشتہاریوں کی گرفتاری، ریکارڈ کی کمپیوٹرائزیشن اور دیگر امور چیک کئے۔تفصیل کے مطابق ڈی پی او مظفرگڑھ صادق علی ڈوگر نے تھانہ خان گڑھ،روہیلاوالی،چوک قریشی کا اچانک دورہ کیا۔ڈی پی او نے اس دورہ تھانوں کی حالت زار،جرائم کی شرح،ملزمان سے پولیس کا برتاو ،تفتیشی ریکارڈ اور فرنٹ ڈیسک سمیت مختلف امور کاجائزہ لیا ۔اس موقع پر ڈی پی او مظفرگڑھ نے تھانہ جات میں تعینات عملہ کو بھی تاکید کہ وہ سائلین سے بہتر انداز میں پیش آئیں تاکہ عوام پولیس کو دیکھ تحفظ محسوس کریں ۔