Category: مظفرگڑھ

مظفگڑھ میں اسسٹنٹ کمشنر اور پولیس نے ذخیرہ اندوزوں کیخلاف کارروائی کرتے ہوئے غیرقانونی طور پر ذخیرہ کی گئی مزیدساڑھے 7 ہزار من چینی برآمد کرکے 2 گودام سیل کردئیے.مظفرگڑھ میں زخیرہ اندوزوں سے چینی کی برآمدگی کا سلسلہ جاری ہے اس حوالے سے چوک گودر میں سپیشل برانچ کی نشاندہی پر اسسٹنٹ کمشنر ظہور بھٹہ اور پولیس نےمزید 2 غیرقانونی گوداموں پر چھاپہ مارکر مزید ساڑھے 7 ہزار من چینی بھی برآمد کرلی لی.اسسٹنٹ کمشنر ظہور بھٹہ کیمطابق کاروائی کے دوران دونوں گودام سیل کردئیے گئے جبکہ ذخیرہ اندوزوں کیخلاف تھانہ قریشی میں مقدمات درج کیے جارہے ہیں.ذرائع کے مطابق مظفرگڑھ کے مختلف علاقوں میں قائم گوداموں سے ملنے والی چینی جنوبی پنجاب کے مختلف رمضان بازاروں کے لئے شوگر ملز سے سستے داموں حاصل کی گئی۔ اس سے قبل بھی مظفرگڑھ کی تحصیل کوٹ ادو کے علاقہ دائرہ دین پناہ سے بھی نجی گوداموں پر چھاپہ کے دوران 65ہزار من چینی برآمد کی گئی تھی ۔ذرائع کے مطابق مظفرگڑھ کے مختلف علاقوں میں قائم غیر قانونی گوداموں سے ملنے والی چینی کی مقدار 1لاکھ من کے قریب پہنچ چکی ہے اور انتظامیہ رمضان بازار کے لئے حاصل کی گئی چینی کے نجی گوداموں میں موجودگی کو چھپانے کی کوشش کرتے ہوئے اس کو ذخیرہ اندوزی کے زمرے میں ڈال رہی ہے۔برآمد شدہ چینی کی مالیت اربوں روپے بتسئی جاتی ہے۔

مظفرگڑھ میں پولیس نے شراب فروشوں کے خلاف کاروائی کرتے ہوئے بھاری مقدار میں شراب برآمد کرکےایک ملزم کو گرفتار کرلیا.مظفرگڑھ کے علاقے بھٹہ پور میں پولیس نے کاروائی کرتے ہوئے بھاری مقدار میں شراب برآمد کرلی۔ایس ایچ او تھانہ سٹی فاروق آفاق کے مطابق بدنام زمانہ شراب فروش حنیف ڈوگر کے خلاف کارروائی کے دوران بھاری مقدار میں شراب برآمد کر لی گئی،ایس ایچ او تھانہ سٹی کے مطابق کاروائی کے دوران 320 لیٹر دیسی شراب اور 80 لیٹر لہن سمیت شراب کشید کرنے کے آلات و سامان برامد ہوئے،منشیات فروش حنیف ڈوگر کو گرفتار کرکے اس کے خلاف مقدمہ درج کرلیا گیا ہے.

مظفرگڑھ میں شہری کے اکاؤنٹ سے مبینہ طور پر ایک لاکھ 44 ہزار روپے سے زائد رقم غائب ہونے کا انکشاف ہوا ہے.مظفرگڑھ کے علاقے بہاری کالونی کے رہائشی نذر حسین شاہ کے اکاؤنٹ سے مبینہ طور پر ایک لاکھ 44 ہزار روپے سے زائد رقم غائب ہونے کا انکشاف ہوا ہے۔نذر حسین کیمطابق اسکا اکاؤنٹ ایم سی بی بینک میں ہے،ایم سی بی بینک کی اے ٹی ایم مشین خراب ہونے کے باعث اس نے جھنگ روڈ پر واقع یو بی ایل بینک کی اے ٹی ایم مشین سے رقم نکلوانے کی کوشش کی تو کارڈ اے ٹی ایم مشین میں پھنس گیا.نذرحسین شاہ کیمطابق اس نے ایک روز بعد اپنا اکاؤنٹ چیک کیا تو اسکے اکاؤنٹ سے ایک لاکھ 44 ہزار روپے سے زائد رقم غائب تھی.متاثرہ شخص کیمطابق نجی بینک کی جانب سے اسکا اے ٹی ایم مشین میں پھنسنے والا کارڈ واپس نہیں کیا جارہا ہے جبکہ نذر حسین کی جانب سے دکھائی گئی اکاونٹ سٹیٹمنٹ کے مطابق اس کے اکاونٹ سے آن لائن بنکنگ کے ذریعے تین دفع بڑی ٹرانزکشن ہوئی ہیں نذر حسین شاہ نے اکاؤنٹ سے رقم غائب کرنے والے افراد کیخلاف کاروائی کے لیے ایف آئی اے ملتان کو درخواست دیدی ہے.دوسری جانب نجی بینک یو بی ایل کے مطابق نذر حسین کے ساتھ آنے والے اسکے ساتھیوں نے اسکا کارڈ اور پن کوڈ چوری کرکے اکاؤنٹ سے پیسے نکلوائے۔ان کا کہنا تھا کہ نذر حسین کے الزامات حقائق پر مبنی نہیں ہیں.متاثرہ شخص کو جعلسازوں کے خلاف کارروائی کے لیے پولیس سے رجوع کرنا چاہیے.

باغی ٹی وی نے گزشتہ ماہ مظفرگڑھ شہر میں کھل عام شراب فروشی کا انکشاف کیا تھا۔باغی ٹی وی نے اپنی رپورٹ میں شہر کے وسط میں قائم پرانے حبیب بنک والی مارکیٹ کی چھت پر شہر کے بڑے شراب فروش عابد عرف مچھر کی جانب سے شراب کشدہ کرنے اور پورے شہر میں سپلائی کرنے کا انکشاف کیا تھا۔رپورٹ میں انکشاف کیاگیاتھا کہ پولیس کے چند اہلکاروں و افسران کی جانب سے شراب فروشوں کو مبینہ سپورٹ فراہمی کی جارہی ہے۔بلآخر مظفر گڑھ کے تھانہ سٹی پولیس کے ایس ایچ او سٹی مظفرگڑھ فاروق آفاق اورسب انسپکٹر نور خان ودیگر نے مچھر کے ٹھکانے پر چھاپہ مار ہی ڈالا۔اس کاروائی میں بدنام زمانہ شراب فروش عابد عرف مچھر تو بھاگ نکلا پر اس کا بیٹا زوہیب پولیس کے ہتھے چڑھ گیا۔پولیس نے گرفتارملزم سے 210 لیٹر دیسی شراب برآمد کرتے ہوئے مقدمہ درج کرلیا۔

مظفرگڑھ میں پولیس اسپیشل برانچ نے مشترکہ کارروائی کرتے ہوئے غیر قانونی طور پر ذخیرہ کی گئی 65ہزار من چینی برآمد کرلی۔غیر قانونی گودام سے 2 ذخیرہ اندوز بھی گرفتار کرلیے گئے.مظفرگڑھ کی تحصیل کوٹ ادو کے علاقے دائرہ دین پناہ میں سپیشل برانچ اور پولیس نے مشترکہ کارروائی کرتے ہوئے ایک گودام میں غیرقانونی طور پر ذخیرہ کی گئی 65 ہزار من چینی برآمد کرلی،پولیس کیمطابق ذخیرہ اندوزوں اسلم اور مشتاق نے ناجائز منافع حاصل کرنے کے لیے چینی ذخیرہ کررکھی تھی.دونوں ذخیرہ اندوزوں کو گرفتار کرکے گودام سیل کردیاگیا۔پولیس کیمطابق ذخیرہ اندوزوں کیخلاف تھانہ دائرہ دین پناہ میں مقدمہ درج کرلیاگیا۔

مظفرگڑھ میں پولیس اور حساس اداروں نے مشترکہ کارروائی کرتے ہوئے حساس ادارے کے جعلی کرنل بن کر شہریوں کو لوٹنے والے کو گرفتار کر لیا،ملزم جعلی کرنل بن کر سرکاری آفیسران اور دفاتر میں فون کرتا اور اپنے کام نکلواتاتھا.مظفرگڑھ شہر میں حساس ادارے اور پولیس نے مشترکہ کاروائی کرتے ہوئے فوج کے جعلی کرنل کو گرفتار کرلیا.پولیس کیمطابق گرفتار شخص عامر کرنل بن کر کمشنرز،ڈپٹی کمشنرز اور ڈی پی اوز سمیت مختلف سرکاری آفیسران اور ادارےکو کالز کرتا اور اپنے کام نکلواتا تھا. ایس ایچ او تھانہ سول لائن چوہدری جاوید اختر کے مطابق ملزم سے جعلی کارڈز اور ہزاروں روپے بھی برآمد کر لیے گئے ہیں. ایس ایچ او کے مطابق ملزم کے خلاف تھانہ سول لائن میں مقدمہ درج کیا جارہا ہے.