Category: مظفرگڑھ

مظفرگڑھ کاچیف ایگزیکٹوآفیسر ایجوکیشن فیاض احمدخان بزدار اپنے آپ کو وزیراعلی پنجاب سردارعثمان بزدار کا قریبی رشتہ دار بتا تا ہے۔

فیاض احمد خان بزدارنےاپنے عہدے اور وزیر اعلی پنجاب سے مبینہ رشتہ داری کو ڈھال بناکر ضلع مظفرگڑھ کے مختلف سرکاری سکولز میں پڑھانے والی معلمات کو جنسی ہراساں کرنا معمول بنا لیا ہے ۔ذرائع کے مطابق سی ای او ایجوکیشن مظفرگڑھ فیاض احمد بزادر خواتین اساتذہ کو حیلے بہانوں سے اپنے دفتر بلاکر نازیبا گفتگو کرتا ہے اور مزاحمت کرنے والی معلمات کو نوکری سے برخاست کرنے کی دھمکیوں کے ساتھ ساتھ محکمانہ کروائیاں کرکے تنگ کرتا ہے باعزت گھرانے کی خواتین خاموشی اختیار کرکے اس مبینہ بااثر جنسی بھڑیے کی انتقامی کاروائیاں سہنے پر مجبور ہیں۔

متاثرہ معلمات کے مطابق فیاض بزدار کی جانب سے انہیں وٹس ایپ پر فحش پیغامات بھی بھیجے گئے ہیں وہ اپنے خاندانی پس منظر کے باعث منظرعام پر آنے سے قاصر ہیں اگر سی ای او ایجوکیشن کے موبائل کا فرانزک تجزیہ کروایا جائے تو اس کے کالے کرتوت دنیا کے سامنے لائے جاسکتے ہیں۔ چیف ایگزیکٹو آفیسر ایجوکیشن فیاض بزدار کے کالے کرتوتوں کا راز فاش ہونے پر ضلع کے صحافتی ،تعلیمی ،ادبی و سماجی حلقوں نے تشویش کا اظہار کرتے ہوئے معاملے کی آزادانہ تحقیقات کا اور سی ای او ایجوکیشن کے موبائل کا فرانزک تجزیہ کرانے کا مطالبہ کیا ہے ساتھ ہی وزیراعلی سے مطالبہ کیاہے کہ وہ فیاض بزدار سے اپنے تعلق کے حوالے سے ابہام دور کریں کیونکہ فیاض بزدار نا صرف اپنے آپ کو عثمان بزدار کا قریبی رشتہ دار بیان کرتا بلکہ اس حوالے سے اس نے اپنے فیس بک اکاونٹ پر وزیراعلی کے ہمراہ کچھ تصاویر بھی لگا رکھی ہیں۔

فیاض بزدار کے خلاف راجن پور کی ایک خاتون سرکاری استانی کی درخواست بھی منظر عام پر آئی ہے جس میں انہوں نے فیاض بزدار پر جنسی ہراسگی کا الزام عائد کرتے ہوئے حکام سے اس کے خلاف کاروائی کا بھی مطالبہ کیا ہے خاتون استانی کی درخواست کے مطابق فیاض بزدار کے موبائل تجزیہ سے جنسی ہراسگی ثابت ہونے پر اس کا راجن پور سے لاہور ٹرانسفر بھی کیا گیا تھا تاہم یہ اپنی سیاسی طاقت کی بنا پر معاملہ کو دبا کر دوبارہ راجن پور میں بطور ڈسٹرکٹ ایجوکیشن آفیسر بنا کر آگیا۔

ضلع مظفرگڑھ کی آبی گزر گاہوں کی ضلع کونسل ہال مظفرگڑھ میں ٹینڈرنگ کے دوران مبینہ طور پر من پسند ٹھیکیداروں کو نوازنے پر ایک ٹھیکیدار نے شدید احتجاج کیا،احتجاجی ٹھیکیدار کو ضلع کونسل کے دیگر ٹھیکیداروں نے تھپڑ مارے،گالیاں نکالیں اور دھکے دے کر ٹینڈرنگ کے عمل سے باہر نکال دیا.متاثرہ ٹھیکیدار نے الزام عائد کیا ہے کہ ضلع کونسل کے افسران نے من پسند ٹھیکیداروں کو نوازنے کے لئے بولی کے وقت ہنگامہ آرائی کروائی.تفصیلات کیمطابق ضلع کونسل ہال میں آبی گزرگاہوں کی نیلامی کا عمل ضلعی انتظامیہ کی نمائندہ سیکرٹری آر ٹی اے عروج فاطمہ،چیف آفیسر عامر سلیم بھٹی اور ایکسیئن شیخ اشتیاق کی موجودگی میں شروع ہوا تو تحصیل علی پور کے رہائشی ایک ٹھیکیدار ملک محمد جمیل بوسن کو نیلامی کا حصہ بننے سے روک دیاگیا،آفیسران کا موقف تھا کہ مذکورہ ٹھیکیدار کا لائسنس زائدالمیعاد ہوچکا ہے،اس موقع پر ٹھیکیدار اور عملے میں توتکرار شروع ہوئی تو دیگر ٹھیکیدار بھی درمیان میں آگئے،نیلامی کی شفافیت اور عمل سے اختلاف رکھنے والے ٹھیکیدار محمد جمیل بوسن کو تھپڑ رسید کیے گئے،گالیاں دی گئیں اور دھکے دیکر نیلامی کے عمل سے باہر نکال دیا گیا.متاثرہ ٹھیکدار ملک محمد جمیل بوسن نے الزام عائد کیا ہے کہ من پسند ٹھیکیدار کو نوازنے کے لئے لائسنس کے زائد المیعاد ہونے کا بہانہ بنایا گیا جبکہ لائسنس کی مدت جون 2019 کو ختم ہورہی ہے اور نئے لائسنس کی فیس بھی وہ ادا کرچکے ہیں اور فیس کے چالان ساتھ منسلک کئے تھے تاکہ کوئی اعتراض نہ لگایا جائے تاہم پھر بھی بولی میں حصہ لینے سے زبردستی روکاگیا۔متاثرہ ٹھیکیدار نے ڈپٹی کمشنر مظفرگڑھ سے نوٹس لینے کا مطالبہ کیا.

مظفرگڑھ میں زمین کی ملکیت کے تنازع پر شوہر نے خنجر کے وار کرکے بیوی کو قتل کردیا۔واقعے کے بعد شوہر نے پولیس کو گرفتاری دیدی.مظفرگڑھ کے علاقے موضع غلام سرانی میں شوہر نے خںنجر کے وار کرکے اپنی بیوی کو قتل کردیا.پولیس کیمطابق بلال اور اسکی بیوی شاہین بی بی میں زمین کی ملکیت کے تنازع پر جھگڑا ہوا تھا.جھگڑے کے بعد طیش میں آکر بلال نے اپنی بیوی کو قتل کردیا،واقعے کے بعد بلال نے پولیس کو گرفتاری دیدی،خاتون کی لاش کو پوسٹ مارٹم کے لیے ڈی ایچ کیو ہسپتال منتقل کردیا گیا.پولیس کیمطابق واقعے کا مقدمہ تھانہ قریشی میں درج کیاجارہا ہے.

کوٹ ادو میں خریدار بن کر آنے والا چور موبائل مارکیٹ سے قیمتی موبائل چوری کرکے فرار ہوگیا،موبائل فون لیکر بھاگنے والے چور کی سی سی ٹی وی فوٹیج باغی ٹی وی نے حاصل کرلی.مظفرگڑھ کی تحصیل کوٹ ادو کی موبائل مارکیٹ میں ایک شخص موبائل خریدار بن آیا،مدکان کے کاؤنٹر سے قیمتی موبائل چیک کرنے کے لیے نکلوایا،،بعدازاں دکاندار کا قیمتی موبائل لیکر مارکیٹ سے فرار ہوگیا،چوری کی واردات کی سی سی ٹی وی فوٹیج باغی ٹی وی نے حاصل کرلی،فوٹیج میں دیکھا جاسکتا ہے کہ چور نے دکان سے قیمتی موبائل نکلوایا اور بعدازاں موبائل لیکر فرار ہوگیا،متاثرہ دکاندار کیمطابق اس نے کاروائی کے لیے تھانہ کوٹ ادو پولیس کو درخواست دیدی ہے.

مظفر گڑھ میں پولیس اور محکمہ لائیو سٹاک نے مشترکہ کارروائی کرتے ہوئے 20 من سے زائد مضر صحت گوشت برآمد کرلیا،گوشت ملتان میں بڑے بڑے ہوٹلوں کو فراہم کیا جانا تھا.مظفرگڑھ میں ہیڈ محمد والا کے قریب پولیس اور محکمہ لائیو سٹاک نے مشترکہ کاروائی کے دوران 20 من سے زائد مضر صحت گوشت برآمد کرلیا.چوکی انچارج ہیڈ محمدوالا رمضان شاہد کیمطابق گوشت چوک سرور شہید سے ملتان لے جایا جارہا تھا،مضرصحت گوشت کو ملتان کے بڑے بڑے ہوٹلوں میں سپلائی کیا جانا تھا.پولیس کیمطابق گاڑی کے ڈرائیور کو گرفتار کرلیاگیا ہے جبکہ گوشت کے مالک سمیت 2 افراد فرار ہونے میں کامیاب ہوگئے ہیں.پولیس کیمطابق پکڑے جانے والے مضرصحت گوشت کو تلف کیا جائیگا اور واقعے کا مقدمہ محکمہ لائیو سٹاک کی مدعیت میں تھانہ صدر میں درج کیاجارہا ہے.