Category: مظفرگڑھ

اوچ شریف (باغی ٹی وی ،نامہ نگارحبیب خان )ہیڈپنجند :محکمہ انہار کی لاپرواہی کی وجہ سے دردناک واقعہ،سیاح دریا میں ڈوب گیا

تفصیل کے مطابق ہیڈ پنجند کے مقام پرمحکمہ  اریگیشن کی لاپرواہی اور سیکورٹی کے ناقص انتظامات کے باعث سیر کیلے آنے والا سیاح دریا میں گر گیا ہے جس کی لاش کی تلاش جاری ہے

ریسکیو 1122 کے مطابق بہاولپور کا رہائشی نوجوان دوستوں کے ساتھ سیر کے لیے ہیڈ پنجند آیا ہوا تھا کہ پل کے قریب دریا میں گر کر بہہ گیا۔ ریسکیو ٹیم نے فوری طور پر تلاش کا کام شروع کر دیا لیکن رات ہونے کی وجہ سے آپریشن بند کرنا پڑا۔

یہ بھی پڑھیں

ہیڈ پنجند :14اگست، پرائیوٹ کشتیاں،سیاحوں کے لیے موت کا جال

مقامی لوگوں کا کہنا ہے کہ ہیڈ پنجند میں خودکشی کے واقعات میں اضافہ اریگیشن محکمہ کی لاپرواہی اور سیکورٹی کے ناقص انتظامات کی وجہ سے ہے۔ علاقہ کے لوگوں نے ڈپٹی کمشنر مظفر گڑھ سے غفلت کے مرتکب اہلکاروں کے خلاف کاروائی کا مطالبہ کیا ہے۔

مظفرگڑھ (باغی ٹی وی رپورٹ) مظفرگڑھ کے تھرمل روڈ پر ایک ڈاکو نے شہری سے لوٹ مار کرنے کی کوشش کی۔ ڈاکو کے خلاف مزاحمت کرنے پر اس نے فائرنگ کرکے ایک شہری کو زخمی کردیا۔

واقعہ کے بعد، علاقہ مکینوں نے ڈاکو کا تعاقب کیا اور اسے گھیر لیا۔ مشتعل افراد کو دیکھ کر ڈاکو خوفزدہ ہوگیا اور اس نے خود کو گولی مار کر خودکشی کرلی۔

پولیس کے مطابق ہلاک ڈاکو کئی دیگر وارداتوں میں ملوث تھا اور پولیس اس کی تلاش میں تھی۔

پولیس کا کہنا ہے کہ ڈاکو کی فائرنگ سے زخمی شہری کو بھی ڈی ایچ کیو اسپتال منتقل کردیا گیا ہے، پولیس نے لاش کو قبضے میں لے کر قانونی کارروائی شروع کردی ہے۔

باغی ٹی وی :کوٹ ادو کی سلطان کالونی میں گوجرانوالہ کا صحافی قتل

گوجرانوالہ کا صحافی کوٹ ادو کے تھانہ سنانواں کی حدود سلطان کالونی میں قتل ہوگیا۔صحافی رانا نقیب احمد کو پراپرٹی کے لین دین پر قتل کرکے لاش سلطان کالونی کے نزدیک اڈہ پٹھان ہوٹل کے ساتھ پھینک دی گئی۔

تھانہ سنانواں پولیس نے صحافی کے قتل کا مقدمہ 4 نامزد ملزمان کے خلاف درج کرلیا۔پولیس نے صحافی کے پریس کارڈ، شناختی کارڈ اور دیگر دستاویزات کے ذریعے شناخت کرکے گوجرانوالہ میں ان کے اہل خانہ سے رابطہ کیا۔

یاد رہے کہ گزشتہ روز تھانہ سنانواں کی حدود میں اڈہ پٹھان ہوٹل کے قریب ایک لاش ملی تھی جس کی جیب سے ایک نجی ٹی وی چینل کا رانا نقیب احمد نام کا پریس کارڈ ملا تھا۔

کوٹ ادو (باغی ٹی وی )رشتہ دار دکاندار نے 7 سالہ بچی سے مبینہ طور پر جنسی زیادتی کی، پولیس نے بچی کا میڈیکل کروانے کے بعد مقدمہ درج کرکے ملزم کو گرفتار کر لیا۔

تھانہ سٹی کوٹ ادو کے علاقہ موضع سدھاری کے رہائشی شخص کی 7 سالہ بیٹی قریبی رشتہ دار شعیب جاڑا کی دکان سے چیز لینے گئی تھی۔

پولیس کے مطابق دکاندار نے بچی کو دکان میں لے جا کر مبینہ طور پر زیادتی کا نشانہ بنایا۔ بچی کی حالت غیر ہونے پر ملزم بچی کو چھوڑ کر فرار ہو گیا۔

متاثرہ بچی کے بتانے پر بچی کا والد اسے لیکر تھانہ سٹی کوٹ ادو پہنچا۔ پولیس نے متاثرہ بچی کا میڈیکل کرانے کے بعد والد کی مدعیت میں مقدمہ درج کر کے ملزم کو گرفتار کیا۔

جتوئی(باغی ٹی وی ) مظفرگڑھ کی تحصیل جتوئی کے علاقے موضع رام پور میں مقامی زمیندار نے اپنے کھیتوں میں پانی پینے کے لیے داخل ہونے والی گدھی کی 2 ٹانگیں کاٹ دی

تفصیلات کے مطابق ضلع مظفر گڑھ کی تحصیل جتوئی میں بے زبان جانور پر سفاکانہ ظلم کا ایک واقعہ پیش آیا ہے ۔جہاں کھیتوں میں پانی پینے کیلئے داخل ہونے والی گدھی پر ظالم زمیندار نے اس بےزبان کی پچھلی 2 ٹانگیں کاٹ دیں،

ایس ایچ او تھانہ جتوئی انضر سکھیرا کیمطابق ملزم نے "کسی” کے وار کرکے گدھی کی ٹانگیں کاٹیں ،پولیس نے گدھی کے مالک بشیر احمد کی مدعیت میں تھانہ جتوئی میں واقعے کا مقدمہ درج کرکے ملزم زمیندار سجاد حسین کو گرفتار کرلیا.

پولیس کا کہنا تھا کہ گدھی کومحکمہ لائیواسٹاک کےذریعے طبی امداد فراہم کی گئی ہے۔

اوچ شریف،باغی ٹی وی (نامہ نگارحبیب خان )علی پور میں زمین کاتنازعہ،نوجوان کو درخت سے باندھ کر ،پٹرول چھڑک کر آگ لگادی گئی،نوجوان دم توڑگیا
تفصیل کے مطابق اراضی کا تنازعہ،چار افراد نے دن دیہاڑے نوجوان کو درخت سے باندھ کر پٹرول چھڑک کر آگ لگا دی،نشتر ہسپتال ملتان لیجاتے راستہ میں دم توڑ گیا ملزمان کی عدم گرفتاری پر وارثان کا احتجاج ،مقدمہ درج،

گذشتہ روز موضع مٹھن والی کی بستی جمن والی کے بشیر جتوئی دوائی لیکر دھوڑ کوٹ سے دو بجے گھر پہنچا،دیکھا درخت سےاس کا بھتیجا احسان جتوئی بندھا ہوا چیخ وپکار کر رہا تھا،اسے پورے جسم پر آگ لگی ہوئی تھی،دیگر رشتہ داروں کی مدد سے آزاد کرایا،آگ بجھائی گئی اور نوجوان بری طرح جھلس چکا تھا،جسے فوری طور پر تحصیل ہیڈ کوارٹر ہسپتال علی پور لےجایا گیا،ابتدائی طبی امداد کے بعد تشویشناک حالت کے پیش نظر نشتر ہسپتال ملتان ریفر کر دیا گیا،

روہیلانوالی کے نزدیک احسان جتوئی زندگی کی بازی ہار گیا،مرنے سے قبل پولیس کو احسان جتوئی نے بیان میں بتایا کہ اسے مسمیان اللہ بچایا،رشید،بابر،یوسف جتوئی نے باندھ کر پٹرول چھڑک کر آگ لگائی،قبل ازیں ملزمان قتل کی دھمکیاں دے چکے تھے،

وجہ عناد زمین کا تنازعہ بتایا گیا ،پولیس تھانہ سیت پور نے ملزمان کے خلاف بشیر جتوئی کی مدعیت میں مقدمہ درج کر لیا ہے،تاہم تاحال پولیس نے کوئی گرفتاری عمل میں نہیں لائی.

اوچ شریف ،باغی ٹی وی (نامہ نگارحبیب خان )ضلع مظفر کی تحصیل علی پور میں رشتے کا جھانسہ دے کر سات لاکھ روپے بٹورلئے گئے،متاثرہ نوجوان کی دہائی ڈی پی او مظفرگڑھ سے انصاف فراہمی کا مطالبہ

تفصیل کے مطابق بستی میرہزار اوچ شریف کے رہائشی محمد شہزاد ولد عبدالحمید گوپانگ نے میڈیا کو بتایا ہے کہ تین سال قبل میری والدہ نے میرا رشتہ رضا کالونی علی پور کے رہائشی غلام فرید بھٹی کی بیٹی سے طے کیا ،اس عرصے کے دوران مختلف طریقوں سے کئی بار بہانے بنا کر ہم سے نقدی اور تحائف کی صورت میں لاکھوں روپے لئے گئے

متاثرہ نوجوان نے بتایا کہ 5 ماہ قبل میری والدہ نے غلام فرید بھٹی اور اس کی بیوی سے نکاح اور رخصتی دینے کا مطالبہ کیا تو انہوں نے کہا کہ ہمارے پاس بیٹی کی رخصتی کے لئے فی الحال رقم نہیں ہے، اگر تم بندوبست کرکے دے سکتے ہو تو ہم گذشتہ عیدالفطر کے فوری بعد رخصتی دے دیں گے

جس پر میرے گھر والوں نے مزید 3لاکھ 50 ہزارروپے نقدی ان کو دے دیئے، تاہم غلام فرید بھٹی نے نوسر بازی اور دھوکہ کرتے ہوئے خاموشی کے ساتھ اپنی بیٹی ع کا رشتہ اپنے بھتیجے کے ساتھ کرتے ہوئے اس کی رخصتی کر دی

ہمیں پتہ چلا تو ہم نے کہا کہ تم نے ہمیں رشتہ نہیں دیا ہے ہم سے نقدی رقم لی اور رشتہ دوسری جگہ کردیا لہذا ہماری رقم سات لاکھ روپے واپس دیں پہلے تو لیت ولعل سے کام لیا

تاہم بعد میں معززین علاقہ کے سامنے رقم تسلیم کرکے ایک لاکھ روپیہ واپس کیا اور بقیہ چھ لاکھ روپے کی ادائیگی کے لئے ایک ماہ کی مہلت مانگی تاہم مہلت ختم ہونے کے کئی روز بعد بھی رقم واپس نہیں کررہے ہیں محمد شہزاد نے ڈی پی او مظفرگڑھ کو دی گئی تحریری درخواست میں انصاف فراہمی کا مطالبہ کرتے ہوئے کہا ہے کہ اس کی بقیہ رقم چھ لاکھ روپے واپس دلائے جائے ۔

اوچ شریف ،باغی ٹی وی (نامہ نگارحبیب خان ) تحصیل علی پورکے علاقہ میں شادی کا گھر ماتم میں تبدیل،دولہا ٹریکٹر ٹرالی کی زد میں آکرجاں بحق

تفصیلات کے مطابق محمد اعجاز جتوئی ، جتوئی کالونی سلطان پور کا رہائشی تھا وہ اپنے بھائی کی شادی پر بارات کے ہمراہ جتوئی شہر کو جارہا تھا کہ راستے میں بارات کی ٹرالی سے ٹکرہو گئی اور وہ دربار حضرت پیر محب فقیر خیر پور سادات کے قریب موقع پرجاں بحق ہوگیا۔

اور آج شام اس نوجوان نے دولہا بننا تھا مگر وہ سہراباندھنے سے قبل ہی راہی عدم ہوگیا، جاں بحق ہونے والے نوجوان کی موٹرسائیکل سلپ ہوئی اور وہ ٹرالی کے نیچے آکر کچلا گیا

نوجوان دولہے کی ناگہانی موت سے شادی والے گھرمیں صف ماتم بچھ گئی ،نوجوان کی نماز جنازہ ان کے آبائی گاؤں سلطان پور میں ادا کی گئی اور تدفین مقامی قبرستان میں کی گئی، دولہا کی ناگہانی موت پرہرآنکھ اشکبار ہوگئی.